ព័ត៌មានជាតិ

ក្រសួងមហាផ្ទៃបានដាក់ចេញវិធានការម៉ឺងម៉ាត់ចំពោះមន្ត្រីក្រោមឱវាទ ទាំងមន្ត្រីរាជការស៊ីវិល នគរបាលជាតិ និងមន្ត្រីពន្ធនាគារ ដែលផឹកគ្រឿងស្រវឹង ហើយបង្កគ្រោះថ្នាក់ចរាចរណ៍លើដងផ្លូវ។ យោងតាមគោលការណ៍របស់ឧបនាយករដ្ឋមន្ត្រី លោក ស សុខា រដ្ឋមន្ត្រីក្រសួងមហាផ្ទៃ មន្ត្រីណាដែលបើកបរក្រោយផឹកស្រា ហើយបង្កគ្រោះថ្នាក់ ជាពិសេសករណីរត់គេចខ្លួនមិនចូលសារភាព នឹងត្រូវ បណ្តេញចេញពីក្របខណ្ឌ ដោយគ្មានការអត់ធ្មត់។ មូលហេតុនៃវិធានការនេះ គ្រោះថ្នាក់ចរាចរណ៍នៅកម្ពុជានៅតែកើតមានច្រើន។ ការបើកបរក្រោមឥទ្ធិពលគ្រឿងស្រវឹង គឺជាមូលហេតុសំខាន់មួយដែលបង្កគ្រោះថ្នាក់ដល់អាយុជីវិតប្រជាពលរដ្ឋ។ លោក ស សុខា បានសង្កត់ធ្ងន់ថា មន្ត្រីរដ្ឋត្រូវតែជាគំរូល្អក្នុងការគោរពច្បាប់ចរាចរណ៍ មិនមែនជាអ្នកបំពានច្បាប់នោះទេ។ ទណ្ឌកម្មដែលអាចទទួលបាន ដកហូតមុខតំណែង និងឋានន្តរស័ក្តិ បណ្តេញចេញពីក្របខណ្ឌមន្ត្រីនគរបាលជាតិ ឬរាជការ…

(ភ្នំពេញ)៖ មន្ត្រីជំនាញនៃអគ្គនាយកដ្ឋានកិច្ចការពារអ្នកប្រើប្រាស់ និងការប្រកួតប្រជែង (ក.ប.ប.) សហការជាមួយព្រះរាជអាជ្ញារង អយ្យការអមសាលាដំបូងរាជធានីភ្នំពេញ បានចុះត្រួតពិនិត្យ និងបង្ក្រាបទីតាំងមួយកន្លែងស្ថិតនៅផ្ទះលេខ១៣៩ ផ្លូវលេខ២៨៦ សង្កាត់ទួលស្វាយព្រៃ ខណ្ឌបឹងកេងកង រាជធានីភ្នំពេញ។ ប្រតិបត្តិការនេះធ្វើឡើងបន្ទាប់ពីទទួលបានពាក្យបណ្តឹងសុំអន្តរាគមន៍ពីសហគ្រាស LSV Industry (ក្រុមហ៊ុនផលិតសាប៊ូស្ពៃម៉ាក Empress) កាលពីរសៀលថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦។ ក្នុងការចុះត្រួតពិនិត្យ ក្រុមមន្ត្រីបានរកឃើញថា ទីតាំងខាងលើកំពុងធ្វើសកម្មភាព លក់ ចែកចាយ និងស្តុកទុកផលិតផលក្លែងក្លាយ និងក្លែងម៉ាកសញ្ញា Empress របស់សហគ្រាស LSV Industry។…

ដំណឹងល្អមែន! ចាប់ពីថ្ងៃទី១ ខែមករា ឆ្នាំ២០២៦ នេះតទៅ សេវា 5G នៅកម្ពុជា បានចាប់ផ្តើមដំណើរការជាផ្លូវការហើយ ដោយក្រុមហ៊ុនទាំងបីគឺ Cellcard, Metfone, និង Smart។ ដើម្បីប្រើប្រាស់ 5G Auto (ឬ Preferred network type 5G) បាន អ្នកត្រូវមាន៖ ទូរស័ព្ទដែល support 5G (ដូចជា iPhone 12 ឡើងទៅ, Samsung…

នៅថ្ងៃទី ១៧ ខែធ្នូ ឆ្នាំ ២០២៥ នេះ សារព័ត៌មានថៃ Khaosod English បានចេញផ្សាយថា នាយករដ្ឋមន្ត្រីថៃ អនុទីន ជំរុញឱ្យកម្ពុជាមកចូលខ្លួនចរចារជាមួយភាគីថៃមុនទើបសង្រ្គាមអាចបញ្ចប់។   លោក អនុទីន ថែមទាំងបាននិយាយអួតទៅកាន់សារព័ត៌មានក្នុងប្រទេសខ្លួនថា ការធ្វើសង្រ្គាមជាមួយកម្ពុជារយៈពេល១០ថ្ងៃមកនេះ ការវាយប្រហារពីខាងកម្ពុជាបានចុះខ្សោយកម្លាំង ចាញ់ប្រៀបខាងទាហានថៃ ហើយលោកក៏បានសន្យាជាមួយប្រជាជនខ្លួនថា ៖ «ថៃត្រូវតែដណ្ដើមយកភ្នំ ៣៥០ ក្បែរប្រាសាទតាក្របីឱ្យបាន»។   ជាមួយគ្នានោះដែរ នៅពេលលើកនិយាយពីដំណោះស្រាយបញ្ចប់សង្គ្រាម លោក អនុទីន បាននិយាយថា កម្ពុជាគួរតែចូលខ្លួនមកចរចារ។…

នៅរសៀលថ្ងៃទី ១៧ ខែធ្នូ ឆ្នាំ ២០២៥ នេះ រដ្ឋបាលរាជធានីភ្នំពេញ បានចេញសេចក្តីណែនាំ ស្តីពីការហាមឃាត់ ការប្រើប្រាស់អាកាសយានគ្មានមនុស្សបើក (ដ្រូន) គ្រប់ប្រភេទ ក្នុងភូមិសាស្រ្តរាជធានីភ្នំពេញ។   រដ្ឋបាលរាជធានីភ្នំពេញ បានបញ្ជាក់ឱ្យបានដឹងថា ដើម្បីធានាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ជូនដល់បងប្អូនប្រជាពលរដ្ឋក្នុងរាជធានីភ្នំពេញ ក្នុងកាលៈទេសៈដែលព្រះរាជាណាចក្រកម្ពុជា កំពុងត្រូវបានឈ្លានពាន ដោយខ្មាំងសត្រូវ នោះ រដ្ឋបាលរាជធានី សូមធ្វើការណែនាំ ដោយហាមដាច់ខាត ការប្រើប្រាស់អាកាសយានគ្មានមនុស្សបើក (ដ្រូន) គ្រប់ប្រភេទ ក្នុងភូមិសាស្ត្រ…

ក្រសួងវប្បធម៌និងវិចិត្រសិល្បៈ មានកិត្តិយសសូមជម្រាបជូនសាធារណជនជ្រាបថា បន្ទាប់ពីធ្វើការចរចាអស់រយៈពេលជាច្រើនឆ្នាំមក រវាងក្រុមការងារកម្ពុជា ជាមួយសារមន្ទីរជាតិសិល្បៈអាស៊ីនៃវិទ្យាស្ថានស្មិតសូនីញាន (National Museum of Asian Art of the Smithsonian Institution) សហរដ្ឋអាមេរិក កាលពីថ្ងៃទី២៧ ខែតុលា ឆ្នាំ២០២៥ ក្រុមប្រឹក្សានៃវិទ្យាស្ថានស្មិតសូនីញាន បានសម្រេចជាផ្លូវការប្រគល់វត្ថុបុរាណខ្មែរចំនួន៣រូបជូនមកកម្ពុជាវិញ ដែលរួមមាន៖ ព្រះសិរហរិហរៈ ស.វ.ទី១០, ទេពស្រី (ព្រះនាងឧមា?) ដើមស.វ.ទី១០ និងព្រះនាងប្រាជ្ញាបារមី ចុងស.វ.ទី១២។

អ្នកនាំពាក្យ នៃស្នងការដ្ឋាននគរបាលខេត្តត្បូងឃ្មុំ អំពាវនាវឱ្យប្រជាពលរដ្ឋដែលបង្ហោះខ្លែង សូមកុំបំពាក់ភ្លើងបន្ថែមជាប់នឹងខ្លែងនៅពេលយប់ ដើម្បីចៀសវាងការភាន់ច្រឡំ! អ្នកនាំពាក្យ នៃស្នងការដ្ឋាននគរបាលខេត្តត្បូងឃ្មុំ មានកិត្តិយសសូមជម្រាបជូនបងប្អូនប្រជាពលរដ្ឋក្នុងខេត្តត្បូងឃ្មុំ មេត្តាជ្រាបថា៖ ក្នុងរយៈពេលប៉ុន្មានថ្ងៃនេះ មានបងប្អូនប្រជាពលរដ្ឋដែលនិយមការលេងបង្ហោះខ្លែង បានបំពាក់បន្ថែមនូវភ្លើងបំភ្លឺជាប់ជាមួយខ្លែងដើម្បីបង្ហោះនៅពេលយប់។ សកម្មភាពនេះ បានធ្វើឱ្យប្រជាពលរដ្ឋផ្សេងទៀត រួមនឹងអ្នកប្រើប្រាស់បណ្តាញសង្គមមួយចំនួន មានការភាន់ច្រឡំ និងសង្ស័យថាជាការបង្ហោះយន្តហោះគ្មានមនុស្សបើក (ដ្រូន) ដើម្បីស៊ើបយកការណ៍របស់ទាហានសៀម ដែលបង្កឱ្យមានការព្រួយបារម្ភ និងភ័យខ្លាច ក្នុងកាលៈទេសៈដែលព្រះរាជាណាចក្រកម្ពុជា កំពុងរងនូវការឈ្លានពានដោយកម្រោលពីសំណាក់ទាហានសៀម។ ក្នុងន័យនេះ យើងខ្ញុំសូមអំពាវនាវយ៉ាងទទូចដល់បងប្អូនប្រជាពលរដ្ឋដែលគាំទ្រ និងស្រឡាញ់ការលេងខ្លែងខ្មែរ សូមមេត្តាកុំបំពាក់ភ្លើងបន្ថែមជាប់នឹងខ្លែងក្នុងពេលបង្ហោះ ជាពិសេសនៅពេលយប់ ដើម្បីចៀសវាងការភាន់ច្រឡំថាជា ដ្រូន (Drone) របស់សត្រូវ។…

ភ្នំពេញ៖​ លោក​ គួច​ វេងស្រុន​ មន្ត្រីជាន់ខ្ពស់រាជរដ្ឋាភិបាល​ បានអំពាវនាវឱ្យឈប់ផ្សាយសកម្មភាពប្រគល់អំណោយនៅទីតាំងជនភៀសសឹក ឬទីតាំងគោលដៅសំខាន់ៗក្បែរនឹងព្រំដែន ឬមានទំនាក់ទំនងនឹងសកម្មភាពទ័ព។ ដូចនេះម្ចាស់ជំនួយត្រូវផ្តល់សេចក្តីទុកចិត្តដល់អ្នកទទួលដែលខ្លួនប្រគល់អំណោយ ដើម្បីគាត់ចាត់ចែងដោយមិនចាំបាច់ត្រូវធ្វើវីដេអូ ថតបង្ហោះពេលនេះនោះទេ។ លោក​ គួច​ វេងស្រុន​ បានបញ្ជាក់ថា​ អ្វីៗអាចនឹងធ្វើបានក្រោយបញ្ចប់សង្គ្រាមឈ្លានពានរបស់ថៃចុះ សង្ឃឹមថាពលរដ្ឋម្ចាស់ជំនួយយោគយល់ តែសកម្មភាពប្រមូលស្បៀង អំណោយ និងការវេចខ្ចប់ផ្សេងៗ បន្តផ្សព្វផ្សាយឱ្យបានទូលាយ ព្រោះនេះជាសកម្មភាពចលនាជាតិនិយមយ៉ាងធំធេង និងកម្លាំងចិត្តសម្រាប់កងទ័ព៕

ភ្នំពេញ៖ ស្ថានទូតសហរដ្ឋអាមេរិកប្រចាំកម្ពុជា នៅថ្ងៃទី ១២ ធ្នូនេះ ប្រាប់ពលរដ្ឋខ្លួនឲ្យប្រុងប្រយ័ត្ន​ដោយជៀសវាង​កុំធ្វើដំណើរទៅចម្ងាយ៥០គីឡូម៉ែត្រពីតំបន់ព្រំដែនកម្ពុជា-ថៃដែលកំពុងមានជម្លោះប្រដាប់អាវុធ។ជាមួយគ្នានោះស្ថានទូតបានកត់សម្គាល់ពីសេចក្តីរាយការណ៍ថា យោធាថៃ បានវាយប្រហារតាមអាកាសចូលដល់ជម្រៅ ៨០ គីឡូម៉ែត្រក្នុងទឹកដីកម្ពុជា។   យោងតាមសេចក្តីជូនដំណឹង បានគូសបញ្ជាក់ថា ស្ថានទូត​អាមេរិក ​កំពុង​តាម​ដាន​ជម្លោះ​ដែល​កំពុង​កើត​ឡើង​នៅ​តាម​បណ្តោយ​ព្រំដែន​កម្ពុជា-ថៃ និង ​ខេត្ត​ជាប់​គ្នា។ កាលពីថ្ងៃទី ១១ ខែធ្នូ មានសេចក្តីរាយការណ៍ពីការវាយប្រហារតាមអាកាសរបស់យោធាថៃចម្ងាយ ៨០ គីឡូម៉ែត្រក្នុងខេត្តជាប់ព្រំដែនរួម។ បើតាមសេចក្តីជូនដំណឹង ស្ថានទូតអាមេរិក បានក្រើនរំលឹកពលរដ្ឋខ្លួនឱ្យអនុវត្តការប្រុងប្រយ័ត្នខ្ពស់ និង បង្កើនការយល់ដឹងអំពីសុវត្ថិភាពផ្ទាល់ខ្លួននៅក្នុងខេត្តជាប់គ្នា ដោយសារអរិភាពសកម្ម និង លក្ខខណ្ឌសន្តិសុខដែលមិនអាចទាយទុកជាមុនបាន។ជាមួយគ្នានោះ រដ្ឋាភិបាលអាម៉េរិក ត្រៀមលទ្ធភាពមានកម្រិតក្នុងការផ្តល់សេវាសង្គ្រោះបន្ទាន់…

ខេត្តព្រះសីហនុ- មូលដ្ឋានសមុទ្ររាម កងទ័ពជើងទឹក នៃកងយោធពលខេមរភូមិន្ទ ជូន ដំណឹងដល់អាជ្ញាធរ បណ្តាស្ថាប័ន អង្គភាពពាក់ព័ន្ធ ប្រជាពលរដ្ឋក្នុងតំបន់ ឱ្យបានជ្រាបថា អង្គភាព នឹងរៀបចំការហ្វឹកហ្វឺនបាញ់គ្រាប់ពិត កាំភ្លើង AK47 សម្រាប់ពលនាវិកថ្មី របស់មជ្ឈមណ្ឌលហ្វឹកហ្វឺនពហុសាសន៍ មូលដ្ឋានសមុទ្ររាម នៅទីតាំងកងកាំភ្លើងការពារអាកាស ស្ថិតនៅភូមិអុង សង្កាត់រាម ក្រុងកំពង់សោម ខេត្តព្រះសីហនុ។ អាស្រ័យដូចបានជម្រាបជូនដំណឹងនេះ សូមអាជ្ញាធរ បណ្តាស្ថាប័ន អង្គភាពពាក់ព័ន្ធ ប្រជាពលរដ្ឋក្នុងតំបន់ មូលដ្ឋានសមុទ្ររាម សូមកុំមានការភ័ន្តច្រឡំ ព្រួយបារម្ភ នៅពេលដែលឮសម្លេងកាំភ្លើង និងសូមចូលរួមរក្សានូវសន្តិសុខ…

អ្នកប្រើប្រាស់បណ្ដាញសង្គម​ បាន និង កំពុងនាំគ្នាសម្ដែងក្ដីហួសចិត្ត និង ឈឺចាប់ឥតឧបមា បន្ទាប់ពីបានឃើញវីដេអូមួយមានប្រភពមកពីប្រព័ន្ធផ្សព្វផ្សាយប្រទេសថៃ ដែលទាហានថៃបានបន្លឺសំឡេងសើចសប្បាយ ស្របពេលដែលពួកគេបានធ្វើសកម្មភាពផ្លោងគ្រាប់ចូលក្នុងតំបន់ប្រាសាទព្រះវិហារ បំផ្លាញប្រាសាទខ្មែរ ដែលជាមរតកបេតិកភណ្ឌពិភពលោក។ តាមរយៈវីដេអូប្រមាណជិត ៣០ វិនាទី បានបង្ហាញពីសកម្មភាពយោធាល្មោភសង្គ្រាមថៃ បានទម្លាក់គ្រាប់ផ្លោងទៅចំគោលដៅទីតាំងចំណុចប្រាសាទព្រះវិហារ ដែល​ជាមរតកសកលលោក UNESCO ខណៈទីតាំងបំផ្លិចបំផ្លាញ​ ក៏ជាទីតាំងនៃការជួសជុលប្រាសាទ ក្រោមជំនួយសហរដ្ឋ​អាមេរិកផងដែរ។ គូសបញ្ជាក់ផងដែរថា នៅរសៀលថ្ងៃទី ០៨ ខែធ្នូ ឆ្នាំ ២០២៥ ថ្មីៗនេះ ក្រសួងវប្បធម៌ និង វិចិត្រសិល្បៈ ក៏បានចេញសេចក្តីថ្លែងការណ៍ឱ្យបានដឹងថា…

ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានលើកឡើងថា៖ ភូមិណា ឃុំណា ដែលបានចុះបញ្ជីដីធ្លីរួចហើយ ហើយទទួលបានបណ្ណកម្មសិទ្ធិស្របច្បាប់ អាចយកដីធ្លីនោះទៅប្រើប្រាស់ធ្វើអ្វីក៏បាន ប៉ុន្តែដីធ្លីណាដែលនៅក្នុងភូមិ ឃុំដដែលមិនបានចុះបញ្ជីធ្លី គឺមិនអាចយកដីនោះធ្វើអ្វីបានឡើយ ដូចជាលក់ ផ្ទេរសិទ្ធិ សាងសង់ បញ្ជាក់ប្រវត្តដី ឬធ្វើអ្វីផ្សេងទុំតបានឡើយ បើចង់ធ្វើអ្វីនៅលើដីនោះ គឺត្រូវស្នើសុំចុះបញ្ជីដីធ្លីឡើងវិញអោយមានបណ្ណកម្មសិទ្ធិស្របច្បាប់ ទើបអាចយកទៅប្រើប្រាស់បាន។ ការលើកឡើងនេះធ្វើឡើងកាលពីព្រឹកថ្ងៃទី២០ ខែវិច្ឆិកា ឆ្នាំ២០២៥ ក្នុងពិធីចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋចំនួន ៥ភូមិ សរុបចំនួន ៥៩១១ បណ្ណ គឺភូមិព្រែកតាកែវ ភូមិជ្រោយដង…

ស្ទឹងត្រែង៖ ក្នុងការរកឃើញដ៏គួរឱ្យចាប់អារម្មណ៍មួយ ក្រុមអ្នកស្រាវជ្រាវកំណាយបានបង្ហាញពីដើមគគីរថ្ម (ផូស៊ីលដើមឈើ) ដែលត្រូវបានកប់ក្នុងដីរាប់ម៉ឺនឆ្នាំមកហើយ នៅឯភូមិកាតូត ឃុំកំភុន ស្រុកសេសាន ខេត្តស្ទឹងត្រែង។ ដើមគគីរថ្មនេះត្រូវបានគេប៉ាន់ស្មានថា មានអាយុកាលចន្លោះពី១០ម៉ឺនឆ្នាំ រហូតដល់២លានឆ្នាំ ដោយអាចមានប្រវែងរហូតដល់៣០ម៉ែត្រ ឬវែងជាងនេះទៀត។ រហូតមកទល់ពេលនេះ លទ្ធផលកំណាយបឋមបានបង្ហាញប្រវែងជាង២០ម៉ែត្រ ខណៈការកំណាយនៅតែបន្ត។ ដើមគគីរថ្មនេះត្រូវបានរកឃើញកប់នៅក្នុងស្រទាប់ដីឥដ្ឋ និងថ្មបាយក្រៀម ដែលជាសញ្ញាបង្ហាញពីដំណើរការធម្មជាតិនៃការប្រែក្លាយដើមឈើទៅជាថ្មតាមរយៈការជ្រាបចូលនៃសារធាតុរ៉ែក្នុងដី។ លោក លឹម វណ្ណច័ន្ទ ប្រធានការិយាល័យបេតិកភណ្ឌវប្បធម៌ នៃនាយកដ្ឋានតំបន់បេតិកភណ្ឌ អគ្គនាយកដ្ឋានសហគមន៍មូលដ្ឋាន ក្រសួងបរិស្ថាន បានប្រាប់សារព័ត៌មានថា ដើមឈើនេះមានសភាពរឹងមាំដូចថ្ម និងខ្លះទៀតប្រែទៅជាដែកដោយសារការផ្លាស់ប្តូរធម្មជាតិរាប់ពាន់ឆ្នាំ។ លោកបានបន្តថា ក្រុមការងារនឹងបន្តការកំណាយបន្ថែមទៀតនៅឆ្នាំក្រោយ…

(ភ្នំពេញ)៖ នាព្រឹកថ្ងៃអាទិត្យ ទី១៧ ខែសីហា ឆ្នាំ២០២៥ បន្ទាប់ពីទទួលបានបណ្តឹងពីអ្នកប្រើប្រាស់ ពាក់ព័ន្ធការច្នៃបន្លំប្រើបាកូដ (Barcode) កម្ពុជា (884) បិតលើបាកូដថៃ (885) នៃសំបកវេចខ្ចប់ផលិតផលទឹកដោះគោម៉ាក Kofi ។ មន្រ្តីនៃអគ្គនាយកដ្ឋាន ក.ប.ប. បានចុះទៅត្រួតពិនិត្យដល់ទីតាំងដាក់បង្ហាញលក់ (Showroom) របស់ក្រុមហ៊ុន ដែលស្ថិតនៅផ្លូវម៉ៅសេទុង ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ បានរកឃើញថាពិតជាមានការបន្លំបិតបាកូដលើផលិតផលនោះនិងមានការទទួលស្គាល់ពីម្ចាស់ផលិតផលប្រាកដមែន។ តាមរយៈកិច្ចសហការពីម្ចាស់ផលិតផល មន្រ្តីនៃអគ្គនាយកដ្ឋាន ក.ប.ប. នៃក្រសួងពាណិជ្ជកម្ម បានបន្តចុះទៅត្រួតពិនិត្យនៅទីតាំងឃ្លាំងស្តុកទុកផលិតផល ដែលមានអាស័យដ្ឋានស្ថិតនៅម្តុំផ្សារដើមថ្កូវ ក្នុងសង្កាត់បឹងត្របែក…

BREAKING: មេបញ្ជាការភូមិភាគ៤កម្ពុជា និងមេបញ្ជាការភូមិភាគទី២ថៃ៖ «យល់ព្រមឈប់បាញ់គ្នា» (ឧត្តរមានជ័យ)៖ កិច្ចប្រជុំរវាងឧត្តមសេនីយ៍ឯក ពៅ ហេង មេបញ្ជាការយោធភូមិភាគទី៤ ជាមួយមេបញ្ជាការយោធភូមិភាគទី២ថៃ នៅច្រកទ្វារអន្តរជាតិអូស្មាច់ ខេត្តឧត្តរមានជ័យ បានបញ្ចប់ហើយ នៅវេលាម៉ោងប្រមាណ១១ព្រឹកថ្ងៃទី២៩ ខែកក្កដា ឆ្នាំ២០២៥ ដោយលទ្ធផលដូចខាងក្រោម៖ ទី១៖ យល់ព្រមឈប់បាញ់គ្នា តាមកិច្ចព្រមព្រៀង ទី២៖ បង្កើនកិច្ចទំនាក់ទំនងរវាងគ្នា ទី៣៖ បើមានបញ្ហាត្រូវរួមគ្នាដោះស្រាយរវាងភូមិភាគ៤ និងភាគ២ ដោយម្ខាង៤នាក់៕

ប្រាសាទព្រះវិហារត្រូវបានទាហានឈ្លានពានសៀមប្រេីប្រាស់ការទម្លាក់គ្រាប់បែកMK-82 (ទម្ងន់ប្រមាណ២៣០គ.ក)​ជាច្រេីនគ្រាប់​ រួមនឹងគ្រាប់ផ្លោងគ្រប់ប្រភេទ​ ជាពិសេសគ្រាប់ផ្លោង១៥៥មម​ជាមួយគ្រាប់បែកចង្កោម​ ក្នុងគោលដៅកម្ទេចប្រាសាទព្រះវិហារជាបេតិកភណ្ឌពិភពលោកមួយនេះ!! ក្នុងស្មារតីការពារបូរណភាពទឹកដីនិងប្រាសាទព្រះវិហារកេរ្តិ៍មរតកដូនតាខ្មែរ​ កងកម្លាំងប្រដាប់អាវុធដ៍អង់អាចក្លាហានរបស់កម្ពុជាបានវាយបកប្រយុទ្ធតតាំងជាមួយខ្មាំងឈ្លានពានប្រកបដោយជោគជ័យ!! ។ រយៈពេលជាង៥០ឆ្នាំមកហេីយពោលគឺចាប់ខែឧសភា​ ឆ្នាំ១៩៧៥​ ដែលគ្រាប់បែកMK-82 បានបាត់សំឡេងផ្ទុះទឹកដីនៃមាតុភូមិនេះ! ក្នុងអតីតៈសង្គ្រាមនោះគ្រាប់បែកMK-82 ចំនួន៩១៩​,៦២២គ្រាប់ត្រូវបានទម្លាក់លេី៥៥,៦១៤ទីតាំង​ដោយមានយន្តហោះទម្លាក់ចំនួន​ ១១៥,៨៨៦ជេីងហោះហេីរទម្លាក់គ្រាប់ែក​ លេីទឹកដីកម្ពុជា​ ប៉ុន្តែក្នុងពេលសង្គ្រាមនោះ​ គ្មានគ្រាប់បែកMK-82 ត្រូវបានទម្លាក់នៅប្រាសាទព្រះវិហារនោះទេ! ប្រាសាទវិហារជាទីតាំងដ៍សក្តិសិទ្ធបំផុត​ សូម្បីតែអតីតៈព្រះមហាក្សត្រសៀមឡេីងសោយរាជ្យក៏យកទឹកមន្តពីប្រាសាទព្រះវិហារដេីម្បីប្រោះព្រំរិទ្ធីអំណាចផងដែរ!! ។ ដូចនេះរដ្ឋណាឬអ្នកណាបំផ្លាញប្រាសាទព្រះវិហារ​ នឹងទទួលនូវផលកម្មវិនាសហិនហោចវិញមិនខានឡេីយ!! ។ —— ប្រភព៖ ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់ ——…

ថៃយកលេសចោទកម្ពុជា ដើម្បីឆ្លៀតឱកាសប្រើប្រាស់អាវុធកាន់តែសាហាវវាយលើកម្ពុជា ភាគីថៃ នៅតែបន្តបើកការវាយប្រហារមុនមកលើកម្ពុជា នៅតំបន់ប្រាសាទតាមាន់ធំ ប្រាសាទតាក្របី ដោយបានបាញ់ស្រោចរហូតមក ចាប់ពីម៉ោង៣រំលងអធ្រាត ដល់ម៉ោង៥ព្រឹក។ នេះបើតាមលោកស្រី ម៉ាលី សុជាតា ថ្លែងក្នុងសន្និសីទកាសែតស្តីពីបច្ចុប្បន្នភាពនៃការឈ្លានពានរបស់ថៃមកលើទឹកដីកម្ពុជា នាម៉ោង៧ព្រឹកថ្ងៃទី២៨ កក្កដា ២០២៥។ «ភាគីថៃវាយប្រហារបណ្ដើរ ចោទកម្ពុជាបណ្ដើរ»។ លោកស្រី ម៉ាលី សុជាតា បានច្រានចោលព័ត៌មានប្រឌិតរបស់ភាគីថៃ ដែលបានចោទប្រកាន់មកលើកម្ពុជាថា បានប្រើប្រាសមីសីលចម្ងាយឆ្ងាយ PHL-03 វាយប្រហារលើទឹកដីថៃ។ បើតាមអ្នកនាំពាក្យក្រសួងការពារជាតិកម្ពុជា គិតមកដល់ម៉ោងនេះ កម្ពុជា មិនទាន់បានប្រើប្រាស់អាវុធធុនធ្ងន់ប្រភេទនេះ វាយប្រហារបកទៅកាន់ភាគីថៃវិញឡើយ។ ផ្ទុយពីការចោទប្រកាន់ខាងលើ…