ខេត្តព្រះសីហនុ- មូលដ្ឋានសមុទ្ររាម កងទ័ពជើងទឹក នៃកងយោធពលខេមរភូមិន្ទ ជូន ដំណឹងដល់អាជ្ញាធរ បណ្តាស្ថាប័ន អង្គភាពពាក់ព័ន្ធ ប្រជាពលរដ្ឋក្នុងតំបន់ ឱ្យបានជ្រាបថា អង្គភាព នឹងរៀបចំការហ្វឹកហ្វឺនបាញ់គ្រាប់ពិត កាំភ្លើង AK47 សម្រាប់ពលនាវិកថ្មី របស់មជ្ឈមណ្ឌលហ្វឹកហ្វឺនពហុសាសន៍ មូលដ្ឋានសមុទ្ររាម នៅទីតាំងកងកាំភ្លើងការពារអាកាស ស្ថិតនៅភូមិអុង សង្កាត់រាម ក្រុងកំពង់សោម ខេត្តព្រះសីហនុ។
អាស្រ័យដូចបានជម្រាបជូនដំណឹងនេះ សូមអាជ្ញាធរ បណ្តាស្ថាប័ន អង្គភាពពាក់ព័ន្ធ ប្រជាពលរដ្ឋក្នុងតំបន់ មូលដ្ឋានសមុទ្ររាម សូមកុំមានការភ័ន្តច្រឡំ ព្រួយបារម្ភ នៅពេលដែលឮសម្លេងកាំភ្លើង និងសូមចូលរួមរក្សានូវសន្តិសុខ សណ្តាប់ធ្នាប់សង្គម។
បញ្ជាក់៖ការហ្វឹកហ្វឺនបាញ់គ្រាប់ពិតនេះមានរយៈពេល០២ថ្ងៃ គឺ៖ ចាប់ពីថ្ងៃទី១៧ និងថ្ងៃទី១៨ ខែធ្នូ ឆ្នាំ២០២៥ ខាងមុខនេះ៕