អត្ថបទថ្មីៗ

អ្នកនាំពាក្យ នៃស្នងការដ្ឋាននគរបាលខេត្តត្បូងឃ្មុំ អំពាវនាវឱ្យប្រជាពលរដ្ឋដែលបង្ហោះខ្លែង សូមកុំបំពាក់ភ្លើងបន្ថែមជាប់នឹងខ្លែងនៅពេលយប់ ដើម្បីចៀសវាងការភាន់ច្រឡំ! អ្នកនាំពាក្យ នៃស្នងការដ្ឋាននគរបាលខេត្តត្បូងឃ្មុំ មានកិត្តិយសសូមជម្រាបជូនបងប្អូនប្រជាពលរដ្ឋក្នុងខេត្តត្បូងឃ្មុំ មេត្តាជ្រាបថា៖ ក្នុងរយៈពេលប៉ុន្មានថ្ងៃនេះ មានបងប្អូនប្រជាពលរដ្ឋដែលនិយមការលេងបង្ហោះខ្លែង បានបំពាក់បន្ថែមនូវភ្លើងបំភ្លឺជាប់ជាមួយខ្លែងដើម្បីបង្ហោះនៅពេលយប់។ សកម្មភាពនេះ បានធ្វើឱ្យប្រជាពលរដ្ឋផ្សេងទៀត រួមនឹងអ្នកប្រើប្រាស់បណ្តាញសង្គមមួយចំនួន មានការភាន់ច្រឡំ និងសង្ស័យថាជាការបង្ហោះយន្តហោះគ្មានមនុស្សបើក (ដ្រូន) ដើម្បីស៊ើបយកការណ៍របស់ទាហានសៀម ដែលបង្កឱ្យមានការព្រួយបារម្ភ និងភ័យខ្លាច ក្នុងកាលៈទេសៈដែលព្រះរាជាណាចក្រកម្ពុជា កំពុងរងនូវការឈ្លានពានដោយកម្រោលពីសំណាក់ទាហានសៀម។ ក្នុងន័យនេះ យើងខ្ញុំសូមអំពាវនាវយ៉ាងទទូចដល់បងប្អូនប្រជាពលរដ្ឋដែលគាំទ្រ និងស្រឡាញ់ការលេងខ្លែងខ្មែរ សូមមេត្តាកុំបំពាក់ភ្លើងបន្ថែមជាប់នឹងខ្លែងក្នុងពេលបង្ហោះ ជាពិសេសនៅពេលយប់ ដើម្បីចៀសវាងការភាន់ច្រឡំថាជា ដ្រូន (Drone) របស់សត្រូវ។…

ភ្នំពេញ៖​ លោក​ គួច​ វេងស្រុន​ មន្ត្រីជាន់ខ្ពស់រាជរដ្ឋាភិបាល​ បានអំពាវនាវឱ្យឈប់ផ្សាយសកម្មភាពប្រគល់អំណោយនៅទីតាំងជនភៀសសឹក ឬទីតាំងគោលដៅសំខាន់ៗក្បែរនឹងព្រំដែន ឬមានទំនាក់ទំនងនឹងសកម្មភាពទ័ព។ ដូចនេះម្ចាស់ជំនួយត្រូវផ្តល់សេចក្តីទុកចិត្តដល់អ្នកទទួលដែលខ្លួនប្រគល់អំណោយ ដើម្បីគាត់ចាត់ចែងដោយមិនចាំបាច់ត្រូវធ្វើវីដេអូ ថតបង្ហោះពេលនេះនោះទេ។ លោក​ គួច​ វេងស្រុន​ បានបញ្ជាក់ថា​ អ្វីៗអាចនឹងធ្វើបានក្រោយបញ្ចប់សង្គ្រាមឈ្លានពានរបស់ថៃចុះ សង្ឃឹមថាពលរដ្ឋម្ចាស់ជំនួយយោគយល់ តែសកម្មភាពប្រមូលស្បៀង អំណោយ និងការវេចខ្ចប់ផ្សេងៗ បន្តផ្សព្វផ្សាយឱ្យបានទូលាយ ព្រោះនេះជាសកម្មភាពចលនាជាតិនិយមយ៉ាងធំធេង និងកម្លាំងចិត្តសម្រាប់កងទ័ព៕

បាំងកក៖ ១៥ ខែធ្នូ ឆ្នាំ ២០២៥ នេះ នាយករដ្ឋមន្រ្តីថៃអានុទីន បានចូលរួមក្នុងកិច្ចសម្ភាសពិភាក្សាមួយក្នុងកម្មវិធី “Karmakorn Khao: Off-Screen Talk” ក្នុងប្រធានបទជម្លោះព្រំដែនថៃ-កម្ពុជា ដោយមានលោក Sorayuth Suthasanajinda ជាពិធីករ។ អានុទីន បាននិយាយកហុកការពិតថា ប្រទេសថៃមានវប្បធម៌មិនចេះឈ្លានពាននរណា វាគឺជារឿងដែលល្អ ហើយប្រទេសថៃស្រឡាញ់សន្តិភាពក៏ជារឿងពិតដែរ ប្រទេសថៃមិនប្រើកម្លាំងដើម្បីកែបញ្ហាទេ ដែលនេះបញ្ជាក់ឱ្យឃើញថា ការឈ្លានពានគឺចេញពីប្រទេសកម្ពុជា។ អានុទីន បន្តទៀតថា មិនព្រមឱ្យមានការផ្ទៀងផ្ទាត់រូបភាពផ្កាយរណបដើម្បីបញ្ជាក់ថាខាងណាបង្កសង្គ្រាមមុនទេ ដោយបោះជាសម្តីឌឺដងថា «តើអ្នកមានសិទ្ធិអ្វីក្នុងការប្រើប្រាស់ផ្កាយរណប ដើម្បីតាមដានប្រតិបត្តិការយោធារបស់ខ្ញុំ?» ហើយថែមទាំងចោទថា ការប្រើប្រាស់ផ្កាយរណបនេះ គឺដើម្បីចាប់កំហុសប្រទេសថៃថាជាអ្នកប្រើហឹង្សាខ្លាំងក្លាប៉ុណ្ណោះទេ។…

BREAKING: មហាអំណាចចិន ប្រកាសប្តេជ្ញាជំរុញឲ្យមានបទឈប់បាញ់រវាង កម្ពុជានិងថៃ ហើយចូលតុចរចាដើម្បីសន្តិភាព (ប៉េកាំង)៖ ប្រទេសចិនសង្ឃឹមថា កម្ពុជា និងថៃ នឹងអនុវត្តការអត់ធ្មត់ជាអតិបរមា ហើយចាត់វិធានការទាំងអស់ ដែលនាំទៅដល់ការបញ្ឈប់ការប្រយុទ្ធគ្នា និងបន្ថយភាពតានតឹងឱ្យបានឆាប់តាមដែលអាចធ្វើទៅបាន។ នេះបើយោងតាមអ្នកនាំពាក្យក្រសួងការបទេសចិន លោក Guo Jiakun នៅថ្ងៃចន្ទ ទី១៥ ខែធ្នូ ឆ្នាំ ២០២៥។ លោក Guo Jiakun បានបន្ថែមថា ចិននឹងបន្ត ដោយមើលលើឆន្ទៈរបស់ភាគីទាំងពីរ ក្នុងការធ្វើការឱ្យអស់ពីសមត្ថភាព ដើម្បីជំរុញការចរចាដើម្បីសន្តិភាព និងដើរតួនាទីស្ថាបនាតាមរបៀបរបស់យើង ដើម្បីនាំមកនូវបទឈប់បាញ់…

យោធាថៃ បានរំលោភបំពានលើដែនអធិបតេយ្យភាពកម្ពុជា ចូលជម្រៅ ៧០គីឡូម៉ែត្រ ដោយបានប្រើប្រាស់យន្តហោះ F-16 ទម្លាក់គ្រាប់ ២គ្រាប់ មកលើតំបន់ស្ពានអូរជីក ព្រំប្រទល់ស្រុកស្រីស្នំ  និង២គ្រាប់ទៀត នៅក្បែរជំរំភៀសសឹក ក្នុងភូមិសាស្ត្រស្រុកស្រីស្នំ ខេត្តសៀមរាប។ បើតាមក្រសួងការពារជាតិ នៅវេលាម៉ោង ១០ និង០៨នាទី យោធាថៃបានប្រើប្រាស់យន្តហោះចម្បាំង ​F-16 ទម្លាក់១គ្រាប់ នៅក្នុងភូមិសាស្ត្រស្ពានអូរជីក ដែលស្ថិតនៅតាមបន្ទាត់ព្រំប្រទល់ ស្រុកស្រីស្នំ ខេត្ត សៀមរាប។ ៣នាទីបន្ទាប់ យន្តហោះ F-16 បាន​ទម្លាក់គ្រាប់ ១គ្រាប់បន្ថែមទៀត នៅក្នុងភូមិសាស្ត្រដដែល។…