Mythical Bird

ពេលដែលគេទុកអ្នកចោលមិនខ្វល់ពីអ្នក កុំខូចចិត្តអី មនុស្សម្នាក់ៗសុទ្ធតែមានជីវភាពរស់នៅរៀងៗខ្លួន អ្នកណាក៏មិនអាចកំដរអ្នកជារៀងរហូតបានដែរ។ កុំយកគ្រប់មនុស្សគ្រប់រឿងរ៉ាវមកធ្វើជាអ្វីគ្រប់យ៉ាងរបស់អ្នកឱ្យសោះ នៅក្នុងឆាកជីវិតអ្នកត្រូវចាំបាច់ត្រូវរៀនចេះទទួលភាពឈឺចាប់ និងស្នាមញញឹម។ ពេលដែលមនុស្សម្នាក់គ្មានតម្លៃឱ្យអ្នកស្តាយស្រណោះ ត្រូវរៀនចេះទៅបោះបង់ចោល។ របស់ក្តាប់រឹតតែជាប់ អត្រាបាត់បង់ក៏រឹតតែខ្ពស់។ ប្រៀបដូចជាគ្រាប់ខ្សាច់ដែលនៅក្នុងដៃរបស់អ្នក ក្តាប់រឹតតែខ្លាំង គ្រាប់ខ្សាច់នោះជ្រុះចេញពីដៃរបស់អ្នកកាន់តែច្រើន។ តែផ្ទុយមកវិញ អ្វីដែលគួរស្តាយស្រណោះចាំបាច់ត្រូវស្តាយស្រណោះ បើបាត់បង់ទៅហើយ ប្រហែលជាអាចធ្វើឱ្យអ្នកឈឺចាប់ និងស្តាយក្រោយអស់មួយជីវិត។ ពេលដែលអ្នកគ្មានជំនួយគ្មានទីពុំនាក់ អ្នកអាចយំបាន តែយំហើយអ្នកចាំបាច់ត្រូវពង្រឹងស្មារតីរបស់ខ្លួនមកវិញ។ ពេលដែលអ្នកយល់ថាខ្លួនគ្មានអ្វីដូចគេ សូមកុំមើលងាយខ្លួនឯងឱ្យសោះ ចូលចាំថា យើងគ្រាន់តែជាមនុស្សធម្មតាប៉ុណ្ណោះ។ ពេលវេលាអាចផ្លាស់ប្តូររឿងរ៉ាវជាច្រើន មិនថាជាមនុស្ស ឬក៏មនោសញ្ចេតនានោះទេ។ ជារៀងរាល់ថ្ងៃសុទ្ធតែមានការប្រែប្រួលមិនឈប់ ដូច្នេះហើយកុំប្រើប្រាស់វិធីសាស្ត្រចាស់មកដោះស្រាយបញ្ហាទៀតអី។ អ្នកដទៃមិនអាចដឹងពីភាពឈឺចាប់របស់អ្នកឡើយ…

“តើសុភាពនារីអាចរក្សាទំនាក់ទំនងស្នេហាយ៉ាងដូចម្តេច?” ជឿជាក់ថាមនុស្សស្រីជាច្រើនតែងតែឈ្លោះគ្នាជាមួយនឹងមិត្តប្រុស ដោយសាររឿងតូចតាច បណ្តាលឱ្យឈ្លោះគ្នា ធ្វើឱ្យមានការឈឺចាប់នៅក្នុងរឿងស្នេហា។ មនុស្សស្រីគួរតែឯករាជ្យទាំងផ្នែកសេដ្ឋកិច្ច និងផ្នែកស្នេហា គួរតែស្វែងរកអ្វីដែលខ្លួនចង់បាន កុំព្រោះតែមិត្តប្រុសខ្លួនធ្វើឱ្យបាត់បង់ឱកាសល្អៗជាច្រើន។ ពេលដែលខឹង និងមានអារម្មណ៍មិនល្អ ដាច់ខាតកុំចង់ទៅរករឿង ឬឈ្លោះគ្នាជាមួយនឹងគេអី បែបនេះធ្វើឱ្យអ្នកងាយនឹងនិយាយពាក្យដែលធ្វើឱ្យរបួសដល់ផ្លូវចិត្តគេ និងងាយធ្វើឱ្យស្នេហាអ្នកប្រេះឆាទៀតផង។ នៅក្នុងជីវភាពរស់នៅមិនថាជួបនឹងបញ្ហាអ្វីឡើយ អាចរកពេលវេលាជជែកពិភាក្សាគ្នា គិតអំពីការដោះស្រាយបញ្ហាទាំងនេះយ៉ាងដូចម្តេចទើបត្រូវ។ ១. ត្រូវគិតអារម្មណ៍ខ្លួនឯងធំ ទោះបីជាអ្នកទើបតែទាក់ទងគ្នា ឬក៏រាប់អានគ្នាយូរហើយក៏ដោយ សូមចាំថា ត្រូវគិតដល់អារម្មណ៍ខ្លួនឯងជាមុន។ កុំយល់ថាអ្នកបំពេញតាមចិត្តគេគ្រប់បែបយ៉ាងហើយ គឺយល់ថាគេកាន់តែស្រលាញ់អ្នកខ្លាំងឱ្យសោះ។ ផ្ទុយមកវិញ ពេលដែលអ្នកលះបង់ឱ្យគេគ្មានលក្ខខណ្ឌ រឿងគ្រប់យ៉ាងសុទ្ធតែខ្វល់ពីអារម្មណ៍របស់គេជាធំនោះ ពេលដែលជួបនឹងរឿងដែលមិនសប្បាយចិត្ត អ្នកនឹងយល់ថាខ្លួនឯងរងការឈឺចាប់ ស្ទើរតែយល់ថានៅក្នុងរឿងស្នេហាចាប់ផ្តើមបាត់បង់ភាពជាម្ចាស់ការបន្តិចម្តងៗហើយ។…

ធ្វើជាមនុស្សម្នាក់ដែលស្ថិតនៅក្នុងការដោះស្រាយបញ្ហា ខ្ញុំតែងតែក្រើនរំឭកខ្លួនឯងថា “ កុំព្រោះតែភាពខុសឆ្គងរបស់គេបន្តិចបន្តួច ហើយភ្លេចរាល់អំពើល្អរបស់គេឱ្យសោះ”។ ចំពោះសាច់ញាតិ មិត្តភក្តិ មិត្តរួមការងារសុទ្ធតែដូចគ្នា ពីព្រោះខ្ញុំយល់យ៉ាងច្បាស់ថា ការលះបង់របស់គេមិនអាចគ្មានហេតុផលនោះឡើយ។ មនុស្សដែលព្យាយាមរម្ងាស់ស៊ុបឱ្យអ្នកជារៀងរាល់ថ្ងៃ ប្រាកដជាយកចិត្តទុកដល់សុខភាពអ្នក ។ បើមានថ្ងៃមួយស៊ុបនោះមានរសជាតិប្រៃ អ្នកអាចនិយាយដូច្នេះថា “អូនសម្លាញ់ ចម្អិនស៊ុបថ្ងៃស្អែកសូមឱ្យសាបបន្តិច? តែមិនគួរនិយាយថា ៖ ថី? គ្រាន់តែស៊ុប១ចានក៏ធ្វើមិនឆ្ងាញ់ដែរ? មិត្តរួមការងារដែលជូនអ្នកចេញចូលធ្វើការរាល់ថ្ងៃ ប្រាកដជាចាត់ទុកអ្នកជាមិត្ភភក្តិហើយ មិនមែនព្រោះតែស្របផ្លូវនោះទេ។ បើថ្ងៃណាមួយគេមិនអាចជូនអ្នកបាន អ្នកអាចរកមធ្យោបាយផ្សេងទៀត តែមិនគួរស្តីបន្ទោសគេថា “ហេតុអ្វីថ្ងៃនេះឯងមិនមកដឹកខ្ញុំអ៊ីចឹង”។ អំពើល្អរបស់គេនិយាយចំពោះអ្នកប្រៀបដូចជាស្ករ១គ្រាប់ ញុំាហើយក៏អស់ទៅ តែគួរតែចងចាំភាពផ្អែម ខណៈពេលដែលស្ករនៅក្នុងមាត់របស់យើង។…

ឆាកជីវិតមនុស្សប្រៀបដូចជាខ្សែលួសអ៊ីចឹង ត្រូវការគិតគូរដល់តុល្យភាពរបស់វា ឱ្យតែបាត់បង់ពីតុល្យភាពហើយ គឺអាចនឹងធ្លាក់ចុះមកក្រោមបាន។ ពេលដែលខ្សែលួសធូរពេកនឹងរយាលធ្លាក់ចុះមកក្រោម តែបើតឹងពេកងាយនឹងដាច់។ ដូច្នេះនៅក្នុងឆាកជីវិតមនុស្ស យើងចាំបាច់ត្រូវរក្សាពីតុល្យភាព ធ្វើរឿងអ្វីក៏ដោយមិនអាចហួសហេតុពេកទេ ឱ្យតែហួសហេតុពេកនឹងអាចធ្លាក់ក្នុងស្ថានភាពលំបាកជាមិនខាន។ ខ្ញុំជឿជាក់ថាមនុស្សគ្រប់រូបគឺមានការយល់ឃើញចំពោះឆាកជីវិតមិនដូចគ្នាឡើយ ក៏ដឹងច្បាស់ដែរថា ឆាកជីវិតគឺមិនមែននិយាយប៉ុន្មានម៉ាត់អាចបកស្រាយក្បោះក្បាយបាននោះទេ ពីព្រោះមនុស្សគ្រប់រូប គឺមានការសង្កត់ធ្ងន់ចំពោះឆាកជីវិតផ្សេងៗគ្នា។ ដំណើរផ្លូវជីវិតរបស់មនុស្សគ្រប់រូបគឺមិនដូចគ្នាទេ នៅក្នុងដំណើរជីវិតរបស់យើងដើមឡើយ គឺមិនរាបស្មើដូចផ្លូវថ្នល់ឡើយ មានពេលខ្លះផ្លូវថ្នល់ក៏អាចមានកន្លែងរឃិបរឃុប ឬមានអន្លង់នៅចំពោះមុខផងដែរ។ នៅក្នុងឆាកជីវិតរបស់យើង យើងស្ថិតនៅទីណាមិនសំខាន់នោះទេ អ្វីដែលសំខាន់នោះគឺអនាគតយើងឆ្ពោះទៅរកទីកន្លែងណា។ ទោះបីជាពេលនេះយើងជួបនឹងស្ថានភាពស្របចិត្ត និងបញ្ច្រាសចិត្តមែន តែយើងមិនអាចស្ថិតនៅទីតាំងដែលយើងឈរនេះបាននោះឡើយ ពីព្រោះផ្លូវអនាគតនៅវែងឆ្ងាយណាស់ យើងត្រូវពិចារណាអំពីអនាគតរបស់ខ្លួន។ ពេលជួបនឹងស្ថានភាពស្របចិត្ត ត្រូវចេះស្តាយស្រណោះ ពេលជួបនឹងស្ថានភាពបញ្ច្រាសចិត្ត មិនចាំបាច់យល់ថាជីវិតមួយនេះអស់សង្ឃឹមឡើយ…

ក្នុងរយៈពេលប៉ុន្មានថ្ងៃទៀតដាច់ឆ្នាំ២០២០ហើយ ឈានចូលឆ្នាំ ២០២១ ស្ថានភាពនៃជំងឺជំងឺ COVID-19 នេះក៏មានរយៈពេល១ឆ្នាំផងដែរ។ កាលពីប៉ុន្មានខែមុន ពិភពលោកត្រូវបានគេចុចប៊ូតុងផ្អាកជាបណ្តោះអាសន្ន ហើយជីវិតដែលរស់នៅធម្មតាបានប្រែទៅជាភាពច្របូកច្របល់។ មនុស្សជាច្រើនមានសំណាងណាស់ដែលមានជីវិត ប៉ុន្តែការរស់នៅបែរជាជួបនឹងស្ថានភាពលំបាកទៅវិញ។ តើអ្នកបានធ្វើការផ្លាស់ប្តូរអ្វីខ្លះក្នុងការឆ្លើយតបទៅនឹងការរីករាលដាលនៃជំងឺ COVID-19នេះ? ១. ការផ្លាស់ប្តូរនៅក្នុងជីវិតរស់នៅ ការផ្លាស់ប្តូរដែលយើងឧស្សាហ៍បានឃើញបំផុត គឺការបង្កើនការសង្កត់ធ្ងន់ទៅលើអនាម័យផ្ទាល់ខ្លួន។ សម្ភារប្រើប្រាស់សម្រាប់ការការពារចំពោះការរីករាលដាល បានក្លាយជាអំណោយដ៏ពេញនិយមនាពេលបច្ចុប្បន្ននេះ។ ម៉ាស់ និងជែលលាងដៃបានក្លាយទៅជាឧបករណ៍ប្រើប្រាស់ប្រចាំថ្ងៃ ការវាស់កម្ដៅបានក្លាយជាសកម្មភាពមួយដែលយើងបានប្រទះឃើញគ្រប់ទីកន្លែង ជាពិសេសនៅតាមហាងទំនើបផ្សេងៗ លើសពីនេះទៀតប្រជាជនបានបង្កើតទម្លាប់នៃការស្នាក់នៅក្នុងផ្ទះជាបណ្តើរៗ។ ២. គន្លាតរវាងមនុស្ស និងមនុស្ស កាលពីមុនយើងតែងតែរកគ្រប់មធ្យោបាយដើម្បីទាញគន្លាតរវាងមនុស្ស និងមនុស្សឲ្យនៅកៀកគ្នា ដូចជា ៖ ពីក្រុមហ៊ុនមួយទៅក្រុមហ៊ុនមួយ…