រាល់ពេលទំនេរសម្រាកពីការងារ បើអាចគួរតែសាកល្បងរៀនធ្វើម្ហូបខ្លះៗដោយខ្លួនឯង ដោយក្រៅពីអាចបង្កើនចំនេះ ថែមទាំងអាចសន្សំលុយចំណាយលើម្ហូបអាហារ និងមានអនាម័យទៀតព្រោះជាម្ហូបធ្វើពិដៃខ្លួនឯង។
ដូច្នេះអ្នកក៏អាចរៀនធ្វើមុខម្ហូបម្យ៉ាងដែលពេញនិយមមួយមុខផងដែរនោះគឺ នំបញ្ចុកស្រុះ ឬនំបញ្ចុកកាពិ ៖
#របៀបធ្វើនំបញ្ចុកស្រុះ ឬនំបញ្ចុកកាពិ
#គ្រឿងផ្សំ
– សាច់ត្រី ឈាមជ្រូក ជើងមាន់ ឆ្អឹងមាន់
-ខ្ទឹមស រំដេង ស្លឹកគ្រៃ ស្លឹកក្រូចសើច ផ្សិតចំបើង
– ខ្ចាយ និងរមៀតបន្តិច បុកអោយម៉ដ្ធដាក់ត្រាំទឹក (យកពណ័ អត់ក៏បាន)
– ស្ករ ម្សៅស៊ុប អំបិល ទឹកត្រី
– ស្លឹកកាឆាយ ត្រកូន ត្រយោងចេក ជីររណា ជីនាងវង សណ្តែកបណ្តុះ
#របៀបធ្វើ
– ដាំទឹកអោយពុះ ដាក់ ខ្ទឹមស រំដេង ស្លឹកគ្រៃ ស្លឹកក្រូចសើច និងឆ្អឹងមាន់ រំងាស់ ប្រហែលមួយម៉ោង រួចស្រង់ឆ្អឹងមាន់ចោល។
– ដាក់ទឹករមៀតចូល ដាក់ជើងមាន់ មួយសន្ទុះប្រហែលជា១៥នាទី រូចដាក់សាច់ត្រី។
– បន្ថែមរសជាតិដោយ ស្ករ ម្សៅស៊ុប អំបិល ទឹកត្រី ទុកមួយពុះ រូចស្រង់សាច់ត្រីឡើង សឹមដាក់ឈាមជ្រូក និងផ្សិត ទុកអោយពុះ។
#របៀបធ្វើទឹកកាពិ
– ដាំប្រេងឆាអោយក្តៅ ដាក់ខ្ទឹមសចិញ្រ្ចាំបំពងអោយប្រែពណ័ ដាក់កាពិចូល ដាក់ទឹកអំពិលទុំ រូចបន្ថែមរសជាតិដោយ ស្ករ ទឹកត្រី ម្សៅស៊ុប និងម្ទេស ទុកអោយពុះ។
#របៀបញុំា
– ដាំទឹកអោយពុះ ដាក់ត្រកូន និង សណ្តែកបណ្តុះស្រុះអោយទុន។
– យកចានដាក់បន្លែតាមចំនូលចិត្ត ដាក់នំបញ្ចុក ដាច់ត្រី និងទឹកស៊ុបពីលើ ញុំាំជាមួយទឹកកាពិជាការស្រេច៕
នំបញ្ជុកខួរក្ដាម។
ប្រភព៖ ហ្វេសប៊ុក