ដើរកម្សាន្ត

ទីវត្តអារាមបែបព្រះពុទ្ធសាសនាមួយ ​ត្រុវបានគេដឹងថាជាវត្តដែលស្អាត និងមានរបៀបជាងគេនៅស្រុកខ្មែរ ​ព្រោះតែទីវត្តនេះពិតជាធំស្កឹមស្កៃ  និងមានការរៀបចំសាងសង់ដ៏ល្អឥតខ្ចោះតែម្តង ​ដោយវត្តនេះ ​ត្រូវបានគេស្គាល់មានឈ្មោះថា ​« វត្តប្រាសាទស្រះកណ្តាល ​ហៅវត្តខ្ចាស់។ អ្វីដែលគួរអោយកត់សំគាល់ និងធ្វើឱ្យទីវត្តនេះមានភាពល្បីល្បាញនោះ គឺដោយសារតែវត្តនេះមានការកសាងយ៉ាងច្រើនដែលជាបែបបទព្រះពុទ្ធសាសនា ហើយក៏ឃើញមានសំណង់កំពុងក៏សាងយ៉ាងច្រើនទៀតផងដែរ។ ដោយវត្តនះក៏ត្រូវគេដឹងថាចាប់កសាងឡើងតាំងពីឆ្នាំ ​២០១០ ​មកម្ល៉េះ ដោយ ព្រះ​មហា​ធ​ម្មា​លង្កា​រោ ចាន់ សុជន ប្រធាន​ស្ដីទី​នៃ​សមាគម​ធម្មកថិក​កម្ពុជា និង​ជា​ព្រះ​ចៅអធិការ​វត្ត​ប្រាសាទ​ស្រះ​កណ្ដាល​(​ខ្ចាស់​) បន្ទាប់​ពី​ព្រះ​អង្គ​បាន​បញ្ចប់​ការ​សិក្សា​ដោយ​ជោគជ័យ​ថ្នាក់​កម្រិត​បរិញ្ញាបត្រ​ជាន់ខ្ពស់​ផ្នែក​ទស្សនវិជ្ជា​នៅ​ប្រទេស​ស្រី​លង្កា​រួច​មក នៅ​ឆ្នាំ​២០១៣ ព្រះ​អង្គ​បាន​ធ្វើ​មាតុភូមិ​និមន្ដន៍​មក​កាន់​ប្រទេស​កម្ពុជា​វិញ ដោយ​គង់​ស្នាក់​នៅ​ក្នុង​វត្ត​ប្រាសាទ​ស្រះ​កណ្ដាល (​ខ្ចាស់​) ជា​អារាម​កំណើត​របស់​ព្រះ​អង្គ ។ ចាប់តាំងពី​ឆ្នាំ​២០១០ មក​ទល់​នឹង​ពេល​បច្ចុប្បន្ន…

សៀមរាប៖ ទៅលេងខេត្តសៀមរាប ​អ្នកប្រហែលជាដឹងថាល្បីខ្លាំងគឺការទស្សនាប្រាសាទបុរាណកេរ្តិ៍ដូនតាខ្មែរ ​ដែលជាសម្បត្តិវប្បធម៌ដ៏ថ្លៃថ្លា  តែការពិតទៅដែនដីអច្ឆរិយៈ ក៏មានទេសភាពបែបធម្មជាតិជាច្រើន  ដែលសមប្រកបសម្រាប់ការកែច្នៃជាកន្លែងកម្សាន្តស្រស់ស្អាតគួរជាទីមនោរម្យ។ ថ្ងៃនេះដែរ ​« ក្នុងស្រុក ​» ​សូមណែនាំទីកន្លែងកម្សាន្តដ៏ស្រស់ស្អាតបែបធម្មជាតិ មួយកន្លែងដែលស្ថិតនៅកណ្តាលព្រៃ តែពិតជាស្រស់ស្អាតណាស់ ស្ថិតនៅក្នុងឃុំរាម ខេត្តសៀមរាប។  កន្លែងនេះ មានទីតាំងនៅជិតជេីងភ្នំតែម្ដង ដែលមានទេសភាព​ស្អាតខ្លាំង ​ដែលអាចទស្សនាភ្នំជុំវិញ ​ជាមួយទេសភាព ​៣៦០ដឺក្រេ ​អាចមេីលថ្ងៃរះ និងថ្ងៃលិចក៏បាន។ ពិសេសមានផ្ទះស្នាក់នៅរបៀបជាផ្ទះឈើចម្ការ  តែខាងក្នុងមានភាពទំនើបមិនចាញ់បន្ទប់សណ្ឋាគារឡើយ ​ឬអាចបោះតង់នៅយ៉ខាងក្រៅក៏បាន ដឹងតែស្រស់ស្រាយ ​ បរិយាកាសខ្យល់បរិសុទ្ធ ថតរូបក៏ស្អាត ។…

ប៉ុន្មានថ្ងៃមុន ​« ក្នុងស្រុក  » ​ធ្លាប់បានចុះផ្សាយរួចម្តងហើយ នូវរូបភាពទេសភាពដូចភ្នំទឹកកក ត្រូវបានរំលេចឡើងនៅក្នុងប្រទេសកម្ពុជាយើង  ដែលបានបង្ហោះផ្សព្វផ្សាយដោយ ឯកឧត្តមបណ្ឌិត ម៉ុង ឫទ្ធី  ថាជាភ្នំទឹកកកដែលអាចមកកម្សន្តលេងដោយមិនបាច់ប្រើលិខិតឆ្លងដែន ​ធ្វើឱ្យមហាជនជាច្រើនមានការភ្ញាក់ផ្អើលយ៉ាងខ្លាំង។ ​តែ « ក្នុងស្រុក  » ក៏បានបញ្ជាក់នៅចុងអត្ថបទដែលថា នេះអាចជាខ្សាច់តែប៉ុណ្ណោះ។ អាចចូលអាននៅទីនេះ៖ ​ភ្នំទឹកកសប្បនិម្មិត ចេញរូបរាងឡើងហើយនៅខ្មែរយើង ​មិនបាច់ឆ្លងទៅលេងក្រៅប្រទេសទៀតទេ យ៉ាងណាមិញ ​មកទល់ពេលនេះកាន់តែច្បាស់ហើយថា ​ការពិតទីកន្លែងនោះមិនមែនជាភ្នំទឹកកក ​ឬទឹកកកសប្បនិម្មិតអ្វីនោះទេ ​ការពិតវាគឺជា គំនរដីខ្សាច់សលេខមួយរបស់កម្ពុជា ស្ថិតនៅឃុំកែវផុស ស្រុកស្ទឹងហាវ ខេត្តព្រះសីហនុប្រាកដមែន។…

ការដើរលេងកម្សាន្តនៅតាមរមណីយដ្ឋានបែបធម្មជាតិ ​ភាគច្រើនគឺដើម្បីរកភាពស្ងប់ស្ងាត់ និងសេចក្តីស្ងប់ក្នុងចិត្តជាមួយនឹងបរិយកាសស្រស់ស្រាយជាមួយធម្មជាតិតែម្តង។ យ៉ាងណាមិញ ​មួយរយៈនេះការដើរលេងតាមទីកន្លែងធម្មជាតិ ​ត្រូវបានពេញនិយមជាខ្លាំងនៅក្នុងពេលបច្ចុប្បន្ន ​តែដែលជាបញ្ហាចោទនោះ ​អ្នកទេសចរណ៍មួយចំនួនបែរជាស្ពាយឧបករណ៍បំពងសម្លេង ដូចជាធុងប៉ាស ​ខារ៉ាអូខេជាដើម  ជាការកំដរអារម្មណ៍ទៅវិញ ​ធ្វើឱ្យកន្លែងធម្មជាតិបាត់បង់សោភណនៃភាពស្ងប់សុខ ពិសេសអាចរំខានអ្នកទេសចរណ៍ផ្សេងទៀត និងអាចរំខានដល់បណ្តាសត្វព្រៃក្នុងមូលដ្ឋានទៀតផង។ ដើម្បីបង្ការបញ្ហាទាំងនេះ ​ពេលនេះ សហគមន៍នៃតំបន់កម្សាន្តមួយ គឺ សហគមន៍អេកូទេសចរណ៍កោះសាមសិប ដែលជាទីតាំងកម្សាន្ត បោះតង់ ជិះទូកមើលសត្វស្លាប និង​ព្រៃលិចទឹក គយគន់មើលថ្ងៃលិច និងថ្ងៃរះ ញាំត្រីស្រស់ៗ​ ស្ថិតនៅ​ក្នុងភូមិកោះខ្ញែរ ឃុំអូរគ្រៀង ស្រុកសំបូរ ខេត្តក្រចេះ បានចេញវិធានការមួយក្នុងការហាមឃាត់ការប្រើប្រាស់គ្រឿងបំពងសម្លេង​ ធ្វើឱ្យមានការសាទរជាខ្លាំងពីអ្នកលេងបណ្តាញសង្គមហ្វេសប៊ុក ដោយ…

វាលស្មៅខៀវខ្ចីស្រងាត់ បង្កើតជាទេសភាពស្រស់ស្អាតនៅតាមជួរភ្នំ ​យើងប្រាកដជាធ្លាប់ឃើញតែនៅក្នុងខេត្តមណ្ឌលគិរីមែនទេ? ​ការពិតទៅទេសភាពដ៏ស្រស់ស្អាតបែបនេះ ​នៅក្នុងខេត្តរតនគិរី ​ក៏ត្រូវបានគេរកឃើញថាមានទេសភាពស្អាតមិនចាញ់មណ្ឌលគិរីប៉ុន្មាននោះទេ ​គ្រាន់តែមិនសូវមានអ្នកស្គាល់ និងទៅដល់ប៉ុណ្ណោះ នោះគឺ ​«វាលធំ » ជាកន្លែងទេសចរណ៍បែបផ្សងព្រេងដោយថ្មើជើង។ «វាលធំ » ឬភាសាតំបន់គេហៅថា ត្រាញ់ទីស នៅលើភ្នំកំពស់ 900m គឺជាតំបន់វាលខ្មៅខៀវខ្ចីតាមជ្រលងភ្នំខ្វាត់ខ្វែង ស្ថិតនៅក្នុងឧទ្យានជាតិវីរជ័យ ខេត្តរតនគិរី  ដែលភ្ញៀវទេសចរទាំងឡាយប្រាថ្នាចង់ទៅលេង ល្បីថាមានទេសភាពស្រស់ស្អាត មិនចាញ់ខេត្តមណ្ឌលគិរីឡើយ ជាមួយបរិយាកាសស្រស់ស្រាយត្រជាក់ស្រេបត្រជាក់ដល់បេះដូងអ្នកទៅកម្សាន្តគ្រប់ៗរូប ដែលពេលនេះមានតែអ្នកទេសចរតិចទៀតតែប៉ុណ្ណោះបានធ្វើដំណើរស្វះស្វែងរកទៅដល់ ជាពិសេសជបរទេស ​ដែលខ្មែរយើងគួរតែទៅដល់ដូចគ្នា។​ តែយ៉ាងណាការធ្វើដំណើរទៀតសោតមានលក្ខណៈផ្សេងព្រេងតែម្តង ​គឺមានចម្ងាយជាង ៦០គីឡូម៉ែត្រ  ដែលត្រូវធ្វើដំណើរដោយថ្មើជើងខ្លះ…

ពិតណាស់ សព្វថ្ងៃនេះសម្រាប់បងប្អូនខ្មែររបស់យើងគឺនិយមដើរកម្សាន្តនៅគ្រប់ទឹសទី ក្នុងពេលចុងសប្ដាហ៍ ហើយជាពិសេសនោះគឺពួកគាត់និយមទៅកម្សាន្តនៅឯរមណីយដ្ឋានធម្មជាតិ មានដូចជា សមុទ្រ ព្រៃភ្នំ ទឹកជ្រោះជាដើម ។ បើយោងតាមការបង្ហោះរបស់ហ្វេសបុកផេកផ្លូវការដែលមានឈ្មោះថា ទេសចរណ៍-Tourism បានបង្ហោះទាក់ទងនឹងតំបន់ទេសចរណ៍មួយដែលមានឈ្មោះថា កោះកុងក្រៅ ដូច្នេះសូមអានសេចក្ដីលម្អិតដូចខាងក្រោម ៖ កោះកុងក្រៅ ស្ថិតក្នុងភូមិកោះកាពិ ឃុំជ្រោយប្រស់ ស្រុកកោះកុង ខេត្តកោះកុង មានចំងាយប្រមាណ ៣០ គ.ម ពីក្រុងខេមរភូមិន្ទ ភ្ញៀវទេសចរជាតិ អន្តរជាតិទាំងអស់អាចធ្វើដំណើរទៅកាន់តំបន់នេះបានតាមរយៈផ្លូវទឹក ដោយចំណាយពេលប្រមាណ ៤០នាទី ទើបដល់កោះដ៏ធំមួយនេះ។ កោះកុងក្រៅមានផ្ទៃដីប្រមាណ ៨០ គ.ម២ និងកម្ពស់ប្រហែល ៤១០…

តាតៃ  ត្រូវបានគេស្គាល់ថាជាតំបន់ដែលមានទេសភាពស្រស់ស្អាត និងមានអាកាសធាតុបរិសុទ្ធ ត្រជាក់គ្រប់រដូវកាល សំបូរដោយព្រៃភ្នំ ទឹកជ្រោះ អូរ ស្ទឹង ជាច្រើនកន្លែង រហូតដល់សមុទ្រខេត្តកោះកុង ដែលសំបូរទៅដោយធនធានធម្មជាតិដ៏កំរគឺព្រៃកោងកាងដ៏ធំល្វឹងល្វើយ សំបូរទៅដោយប្រព័ន្ធជីវៈចំរុះដែលទាក់ទាញយ៉ាងខ្លាំងលើវិស័យអេកូទេសចរណ៍នៅតំបន់អាស៊ាន ដែលមានលក្ខណៈស្និតស្នាលជាមួយធម្មជាតិព័ទ្ធជុំវិញដោយទឹកនិងភ្នំ ស្តាប់សំលេងទឹកជ្រោះ និងប្រព័ន្ធជីវៈចំរុះគ្រប់ប្រភេទក្នុងពេលរាត្រីផងដែរ។ នៅក្នុងនោះ ឋានសួគ៍តាតៃអេកូរីស៊ត គឺជារីស៊តលក្ខណៈតង់ (Camping) នៅកណ្ដាលព្រៃភ្នំតាមបណ្ដោយដងព្រែកតាតៃ ព័ទ្ធជុំវិញទៅដោយទឹកជ្រោះដែលមានទេសភាពស្រស់ស្អាតនិងខ្យល់អាកាសបរិសុទ្ធ ដែលមានការស្នាក់នៅសម្រាប់ភ្ញៀវជាតិ និងអន្តរជាតិច្រើនជម្រើសដូចជា÷ -ស្នាក់នៅក្នុងតង់ដែលប្រើប្រាស់បន្ទប់ទឹករួម តម្លៃចាប់ពី 40$ទៅ50$ -ស្នាក់នៅជាលក្ខណះគ្រួសារលើផ្ទះឈើ – ស្នាក់នៅជាលក្ខណះក្រុមតូចៗពី5នាក់ទៅ10នាក់លើផ្ទះឈើ – ស្នាក់នៅជាលក្ខណះក្រុមធំៗចាប់ពី50នាក់ទៅ100នាក់ –…

ថ្មីៗនេះខ្នងផ្សារ ​កំពុងតែល្បីល្បាញជាខ្លាំងសម្រាប់អ្នកចូលចិត្តធ្វើដំណើរផ្សងព្រេងថ្មើរជើងដើម្បីទទួលបានបទពិសោធន៍ជីវិតកម្សាន្តថ្មី។ ដោយខ្នងផ្សារ ​គឺជាទីតាំងប្រសព្វមុំបី ដែលផ្សាភ្ជាប់ខេត្តចំនួនបីគឺ កោះកុង កំពង់ស្ពឺ និងពោធិ៍សាត់ ពោលគឺជាតំបន់មួយដែលសំបូរទៅព្រៃឈើក្រាស់ ជ្រលងភ្នំខ្ពស់ៗ វាលស្រល់ដ៏ស្រស់ស្អាត និងសំបូរទៅដោយសត្វព្រៃកម្រជាច្រើនប្រភេទ អាចធ្វេីដំណេីរទៅកាន់ពយខ្នងផ្សារ ដេីម្បីទស្សនាភាពស្រស់ស្អាតនៃរស្មីព្រះអាទិត្យរះ អមដោយអាកាសធាតុត្រជាក់ និងពពកហោះយ៉ាងខ្មួលខ្មាញ់ ។ ដោយសារតែតំបន់នេះមានទេសភាពស្រស់ស្អាតបែបនេះហើយ ​បានជាមានមនុស្សជាច្រើនបានសម្រុកនាំគ្នាឡើងទៅកាន់តំបន់នោះជាបន្តបន្ទាប់ ​ថែមទាំងបានបង្ហោះរៀបរាប់ការធ្វើដំណើររបស់ខ្លួនដែលមានសភាពមិនជាងាយស្រួលប៉ុន្មាននោះទេ ​ដែលត្រូវធ្វើដំណើរទាំងជិះគោយន្ត និងដើរថ្មើរជើងជាង ​សរុបជាង៦ម៉ោងឯណោះទម្រាំប្រទះកំពូលភ្នំដែលមានភាពស្រស់ស្អាតបែបនេះ នេះមិនរាប់ទាំងចម្ងាយផ្លូវធ្វើដំណើរពីភ្នំពេញមកតំបន់នេះផង។ តែទោះជាលំបាកយ៉ាងណាក៏វាអាចចាត់ទុកថាជាបទពិសោធន៍ថ្មីសន្លាងមួយសម្រាប់ដំណើរទេសចរណ៍នេះផងដែរ ពោលទម្រាំជួបនឹងភាពស្រស់ស្អាតយើងក៏ត្រូវលះបង់ជួបការលំបាកខ្លះហើយ។ យ៉ាងណាមិញថ្មីៗនេះកាន់តែគួរឱ្យចាប់អារម្មណ៍ ​យើងធ្លាប់តែឃើញក្រុមយុវជននាំគ្នាធ្វើដំណើរកម្សាន្តបែបនេះ តែពេលនេះបែរជាមានគ្រួសារមួយសុខចិត្តលះបង់នាំគ្នាឡើងទៅកាន់កំពូលភ្នំខ្នងផ្សារតែម្តង ​ជាមួយនឹងកូនៗតូចៗ៣នាក់ ​ធ្វើឱ្យគ្រប់គ្នាភ្ញាក់ផ្អើលនឹងការតស៊ូរបស់គ្រួសារមួយនេះជាខ្លាំង។ តាមរយៈគណនីហ្វេសប៊ុក…

ទៅលេងខេត្តសៀមរាប ​អ្នកណាៗក៏ប៉ងទៅលេងប្រាសាទអង្គវត្ត ដែលជាប្រាសាទចំណាស់របស់កម្ពុជាមានក្បាច់ក្បូររចនាល្អវិចិត្រ ជាសម្បត្តិវប្បធម៌ដ៏ដ្លៃថ្លា ថែមទាំងជាប់ជាសម្បត្តិបេតិកភណ្ឌពិភពលោក និងជាមោទកភាពរបស់កម្ពុជាផងដែរ ​។ ក្រៅពីប្រាសាទអង្គរវត្ត ​បរិវេណប្រាសាទអង្គរវត្តក៏មានទីតាំងជាច្រើនកន្លែងសម្រាប់ថតរូបកម្សាន្តគួរជាទីមនោរម្យទៀតផង ​ដោយក្នុងនោះ ​រូបភាពដើមផ្កាក្ងោកអង្គរវត្តស្រាប់តែត្រូវបានថតរូបផ្សព្វផ្សាយចេញមកស្រស់ស្អាតខ្លាំងមែនទែន ដែលគ្រប់គ្នាមិនសូវជាចាប់ភ្លឹករាល់ពេលទៅអង្គរវត្តម្តងៗ។ រូបភាពដើមក្ងោកដ៏ស្រស់ស្អាតនាព្រឹកព្រលឹមក្នុងបរិវេណប្រាសាទអង្គរនេះ  ត្រូវបានថតរូបដោយអ្នកជំនាញថតរូប Yun Ranuth Film & Photography ​ធ្វើឱ្យមហាជនមានការភ្ញាក់ផ្អើលជាខ្លាំងសម្រាប់ការផ្តិតរូបភាពដ៏ល្អអស្ចារ្យនេះ ​ដោយគ្រាន់តែឃើញភ្លាម មានអារម្មណ៏ថាប្លែក និងស្រស់ស្រាយតែម្តង។ តោះ ចឹងកុំបង្អង់អី  ទៅលេងអង្គរ កុំភ្លេចថតរូបលេងកម្សាន្តជាមួយដើមក្ងោកខ្មែរយើងណា! សូមទស្សនារូបភាពខាងក្រោមនេះ៖  ប្រភពរូបភាព៖ Yun Ranuth