ដើរកម្សាន្ត

ក្រោយពីការរកឃើញថាមានជនជាតិខ្មែរម្នាក់ជាបុរសអាយុ ​៣៨ឆ្នាំ បានឆ្លងវីរុសកូរ៉ូណា ​Covid-19  ពីជនជាតិជប៉ុន បានធ្វើឱ្យមហាជនមានការភ្ញាក់ផ្អើល និងភិតភ័យខ្លាំងខ្លាចមានការរាលដាលខ្លាំងដូចប្រទេសដទៃ។ យ៉ាងណាក្តី បើតាមអ្នកនាំពាក្យនៃក្រសួងសុខាភិបាលបានឱ្យដឹងថា  ក្រសួងមានសមត្ថភាពគ្រប់គ្រាន់នៅក្នុងការទប់ស្កាត់វីរុសនេះ  និងសូមឱ្យមហាជនកុំមានការព្រួយបារម្ភ ​ឬភ្ញាក់ផ្អើលពេកអី  ។ តែអាចថាជារឿងមួយដ៏គួរឱ្យសោកស្តាយ ​ក្រោយការលេចលឺដំណឹងនៃការឆ្លងទៅលើបុរសនៅខេត្តសៀមរាប ​មានអ្នកលេងបណ្តាញសង្គមអគតិមួយចំនួនបានបង្ហោះសារ ​និងរូបភាពគ្មានប្រភពច្បាស់លាស់  ចោទប្រកាន់ថាខេត្តសៀមរាបមានការស្ងប់ស្ងាត់ខ្លាំង  ព្រមទាំងគ្មានភ្ញៀវមកកម្សាន្តផងដែរ។ សម្រាប់អ្នកនៅខេត្តសៀមរាប និងក្រុងសៀមរាបផ្ទាល់ ក្រោយបានឃើញព័ត៌មាននេះ មានការខឹងសម្បារជាខ្លាំងចំពោះអ្នកបំភ្លើងព័ត៌មាននេះ ​ព្រោះបើយោងតាមការរៀបរាប់ពីអ្នកដែលស្ថិតនៅស្ថានភាពពេលនេះ បាននិយាយថា ​ខេត្តសៀមរាបមានការដំណើរការលក់ដូរ ​និងភ្ញៀវទេសចរណ៍ចេញចូលធម្មតា ​គ្មានការស្ងប់ស្ងាត់ឡើយ។ ​ឯអ្នកខ្លះបាននិយាយថា ​ការបំភ្លើសបែបនេះ ​ជាការធ្វើឱ្យអ្នកខេត្តសៀមរាបមានបញ្ហា ​ឬខាតបង់របររកស៊ិទៅវិញទេ។…

ខេត្តកំពត ​គឺជាខេត្តមួយដែលសម្បូរទៅដោយកន្លែងកម្សាន្តបែបធម្មជាតិជាច្រើន  ជាពិសេសក៏មានរីហ្សតបើកថ្មីជាច្រើនកន្លែងសុទ្ធតែប្រកបដោយផាសុកភាព មានកន្លែងកម្សាន្តសប្បាយ ​ពិសេសកន្លែងស្នាក់នៅតុបតែងគួរឱ្យចង់សម្រាកលេងនាពេលចុងសប្តាហ៍។ ថ្ងៃនេះដែរ ​« ក្នុងស្រុក ​» ​សូមណែនាំ ​រីហ្សតបើកថ្មីមួយកន្លែងទៀត  ដែលស្ថិតនៅជាប់ជាមួយនឹងដងព្រែកភ្ជាប់ជាមួយសួនច្បារពណ៌បៃតងបែបធម្មជាតិ អាចស្រូបយកខ្យល់អាកាសបរិសុទ្ធនាពេលព្រឹក និងជាកន្លែងដែលអាចគយគន់ថ្ងៃរៀបលិចជាមួយគ្រួសារដោយភាពរីករាយនោះគឺ « ម៉ូលី រីស៊ត កំពត »។ « ម៉ូលី រីស៊ត កំពត » គឺជារីហ្សតដែលមានលក្ខណៈពិសេស  សម្រាប់ថ្ងៃសម្រាកចុងសប្ដាហ៍​ និងការលំហែអារម្មណ៍ផ្សេងៗ ដោយមានកន្លែងស្នាក់នៅបែបទំនេីប​ជាច្រើនជម្រើស​ទាំងអគារថ្មបែបអឺរ៉ុបស្រស់ស្អាតជាច្រើនជម្រើសច្រើនម៉ូត ​ឬអាចបោះតង់ក៏បាន មានការជិះទូកកាយ៉ាក​តាមមាត់ព្រែកកំពត មានអាងហែលទឹកនៅជិតមាត់ព្រែក​គយគន់មេីលថ្ងៃលិច មានកន្លែងថតរូបភ្ជាប់ជាមួយធម្មជាតិបៃតង​…

បន្ទាប់ពីការលេចព័ត៌មានជាផ្លូវការដ៏កក្រើក នៃការរកឃើញជនជាតិខ្មែរជាលើកដំបូងដែលមានផ្ទុកវីរុសកូរ៉ូណា  Covid-19  នៅឯខេត្តសៀបរាប ចំពោះបុរសម្នាក់ដែលមានភាពជិតស្និទ្ធនឹងបុរសជនជាតិជប៉ុនដែលរកឃើញថាផ្ទុកវីរុស ​Covid-19  ក្រោយចាកចេញពីកម្ពុជា បានធ្វើឱ្យប្រជាជនមានការព្រួយបារម្ភជាខ្លាំង។ នៅសន្និសីទសារព័ត៌មាន​ ​រដ្ឋមន្ត្រីក្រសួងអប់រំ បានបញ្ជាក់ហើយបញ្ជាក់ទៀតកុំឱ្យមហាជនមានការព្រួយបារម្ភខ្លាំង ដោយក្រសួងមានវិធានការបន្តបន្ទាប់ដើម្បីទប់ស្កាត់ការរីករាលដាល ​ដោយក្រសួងបានប្រកាសបិទទ្វារសាលារៀនទាំងបឋម និងឧត្តមសិក្សាទាំងអស់នៅទីក្រុងសៀមរាបរយៈពេល ​១៤ថ្ងៃដើម្បីគ្រប់គ្រងស្ថានការ។ បន្ថែមពីនេះ រដ្ឋមន្ត្រី ម៉ម ប៊ុនហេង ក៏បានបន្ថែមថា ​កម្មវិធីដ៏ធំប្រចាំខេត្តសៀមរាបនាពេលខាងមុខសម្រាប់ថ្ងៃចូលឆ្នាំខ្មែរ ​ពោលគឺសង្ក្រានសៀមរាប ​អាចនឹងត្រូវបានរំសាយចោល ​ដើម្បីការពារ​និងទប់ស្កាត់វីរុសនេះ។ ​តែចំពោះបញ្ហានេះ ​ក៏អាស្រ័យទៅលើអភិបាលខេត្តដែរ ​ថាអាចនឹងផ្អាកទាំងស្រុងតែម្តងនោះទេ ​ឬអាចនឹងធ្វើបន្តិចបន្តួចតាមលទ្ធភាព៕ ដូច្នេះសូមមហាជនមេត្តាជ្រាបជាដំណឹង! សូមទស្សនាវីដេអូខាងក្រោមនេះ ៖  

ជារឿយៗយើងបានដឹងហើយថា ​លោក ឧកញ៉ា ​ស្រី ​ចាន់ថន ​ត្រូវបានមហាជនផ្តល់នាមឱ្យថាជា ​ឧកញ៉ាចិត្តធម៌ ដែលតែងតែធ្វើកិច្ចការងារសង្គមជាច្រើន ​ពិសេសលោកឧកញ៉ា ​ក៏មានអាជីវកម្មជោគជ័យជាច្រើនកន្លែង ​រួមទាំងការអភិវឌ្ឍន៍តំបន់វិហាសួគ៌តែម្តង។ នៅក្នុងនោះ ​សួនកម្សាន្ត និងរមណីយដ្ឋាន ​ដែលទើបតែបើកថ្មីរបស់លោក ​ឧកញ៉ា ​មានឈ្មោះថា Jet’s Garden Park ​ត្រូវបានមហាជនកោតសរសើរថាមានការរៀបចំតុបតែងស្អាតមិនចាញ់បរទេសនោះទេ  ដោយមានកន្លែងកម្សាន្តជាច្រើនដូចជា ​សួនផ្កា  កន្លែងថតរូបកម្សាន្ត កន្លែងហែលទឹក ​អាហាររដ្ឋាន ​និងកន្លែងពិសេសៗជាច្រើនទៀត ​បានទាក់ទាញមហាជនទៅកម្សាន្តមិនចេះដាច់ឡើយ។ អ្វីដែលកាន់តែពិសេស ​ថ្មីៗនេះដើម្បីអបអរទិវាសិទ្ធនារីអន្តរជាតិ ​៨មីនា  ​សួនកម្សាន្ត…

បាត់ដំបង ៖ ពិតជាមានកិត្តិយសណាស់ ដែលពិធី​បុណ្យ​ទន្លេ​លើកទី៦ឆ្នាំនេះ បានប្រព្រឹត្តទៅនៅ​ឯ​ខេត្ត​បាត់ដំបង​នដែលកម្មវិធីទាំងមូលនឹងធ្វើការប្រារព្ធ​ឡើង​នៅ​ចន្លោះ​ថ្ងៃ​ទី ១៣ ដល់ ១៥ មិនា ឆ្នាំ ២០២០ នេះ ជាមួយការរៀបចំភ្លើងពណ៌ចម្រុះដ៏ស្រស់ស្អាតប្លែកពេញដងវិថីនៅក្នុងបរិវេណកន្លែងកម្មវិធីនិងទីតាំងកន្លែងមួយចំនួនផងដែរ។ មិនតែប៉ុណ្ណោះ សម្រាប់អ្នកខេត្តដទៃជាពិសេសអ្នករស់នៅក្នុងទីក្រុងភ្នំពេញផ្ទាល់ក៏អាចមកចូលរួមផ្ទាល់បានដែរ ដែលអ្នកភ្នំពេញអាចជិះរថភ្លើងមកលេងបុណ្យទន្លេនៅខេត្តបាត់ដំបងបាន ដោយចេញដំណើរនៅថ្ងៃទីសៅរ៍​ទី ១៤ ខែមីនា ឆ្នាំ២០២០ វេលាម៉ោង ៧៖៣០​នាទីព្រឹក តម្លៃសំបុត្រ 5$តែប៉ុណ្ណោះ ៕ រក្សសិទ្ធដោយ ៖ ក្នុងស្រុក

ពិធី​បុណ្យ​ទន្លេ​លើក​ទី ៦ នឹង​ប្រព្រឹត្តិ​ធ្វើ​ឡើង​ក្នុង​ខេត្ត​បាត់ដំបង នា​ចន្លោះ​ថ្ងៃ​ទី ១៣ ដល់ ១៥ មិនា ឆ្នាំ ២០២០ ខាង​មុខ។ សន្ទុះ​នៃ​ការ​គាំទ្រ​ហាក់​កំពុង​ផ្ទុះ​ឡើង​ខ្លាំង ត្បិត​បើ​កម្មវិធី​នៅ​សេសសល់​រយៈ​ពេល​ជិត ២ សប្តាហ៍​ទៀត​ក្តី។ មាន​រូបភាព​ជា​បន្តបន្ទាប់​បាន​ចែករំលែក​លើ​បណ្តាញ​សង្គម ដែល​ញាំង​ឲ្យ​ភ្ញៀវ​ទេសចរ​ជាតិ​និង​អន្តរជាតិ​ជា​ច្រើន ប្រហែល​ដាក់​គោលដៅ​ហើយ​ស្រេច​ថា​នឹង​មិន​អាច​ខកខាន <<បុណ្យ​ទន្លេ​បាត់ដំបង>> សម្រាប់​ឆ្នាំ​នេះ​បាន​ឡើយ។ ប្រភព​ពី​គណនី Pek Reak ដែល​ស្គាល់​ជា​អ្នក​ថត​រូប​ដ៏​ជំនាញ​មួយ​រូប បាន​បន្ត​ចែកចាយ​រូបភាព​នៃ​ប្លង់​ស្អាតៗ​ជា​ច្រើន​នៅ​ពេល​រាត្រី ដែល​អ្នក​គ្រោង​មក​កម្សាន្ត​មិន​គួរ​រំលង​សោះ​ឡើយ ហើយ​បើ​បាន Model ​មួយ​ពីរ​មក​ជាមួយ​ទៀត​នោះ ដឹង​តែ​អែម​ខ្លាំង​តែ​ម្តង។ គួររំឭកថានៅបាត់ដំបងក្រៅពីល្បីថាមានម្ហូបអាហារឆ្ងាញ់ពិសារប្លែកខុសពីខេត្តដទៃ បើនិយាយពីតំបន់កម្សាន្តក៏មានច្រើនអនេក…

បាត់ដំបង៖ បើនិយាយពីខេត្តបាត់ដំបង ប៉ែកពាយព្យ ដែលជាជម្រុកស្រូវដ៏ធំបំផុតប្រចាំប្រទេសមួយនេះ គឺសម្បូរទៅដោយសំណង់ប្រវត្តិសាស្រ្តចំណាស់ៗបន្សល់ទុកច្រើនជាងគេក្នុងចំណោមបណ្តាខេត្តផ្សេងៗនៅស្រុកខ្មែរ ថែមទាំងមានតំបន់ទេសចរណ៍បែបធម្មជាតិជាច្រើនកន្លែងមិនខ្វះកន្លែងដើរលេងផងដែរ។ ទន្ទឹមនឹងមានកេរ្តិ៍ឈ្មោះល្បីល្បាញខាងកន្លែងកម្សាន្តធម្មជាតិបូកប្រវត្តិសាស្រ្ត ខេត្តបាត់ដំបងក៏ល្បីថាសម្បូរទៅដោយម្ហូបអាហារ និងរបស់ញ៉ាំឆ្ងាញ់ៗជាច្រើនមុខដែលមិនអាចខកខានរកទទួលទានផងដែរ ប្រសិនជាបានទៅលេងខេត្តបាត់ដំបងក្នុងថ្ងៃសម្រាកពីការងារ ។ ប្រសិនជាមានឱកាស ​ទៅលេងបាត់ដំបង ​លោកអ្នកគួរតែសាកល្បង រករបស់ឆ្ងាញ់ៗទាំងនោះមានដូចជា៖ សម្បកណែម ណែមសាច់ត្រី សង្វាក់បាត់ដំបង ក្រឡាន អាម៉ុក បង្អែមដង្កូវ នំបញ្ចុកទឹកណាំព្រឹក្ស បុកទឹកគ្រឿង(ណាំព្រឹក្ស) ផ្អកប្រហុកត្រីប្រៃ ផ្លែឈើឆ្ងាញ់ៗបែបធម្មជាតិពីចម្ការស្រស់ៗរួមមាន ទុរេនសំឡូត សាវម៉ាវ ដូងខ្ទិះ ស្វាយខ្ទិះ ក្រូចពោធិសាត់ រួមទាំងរបស់ឆ្ងាញ់ៗជាច្រើនមុខទៀតស្ទើររៀបរាប់មិនអស់៕

ថ្ងៃបុណ្យចូលឆ្នាំថ្មីប្រពៃណីខ្មែរកាន់តែខិតជិតមកដល់ហើយ ​តែអ្វីដែលពិសេសនោះ ​ខេត្តសៀមរាបអង្គរ ​នឹងប្រារព្ធកម្មវិធីសង្ក្រានសៀមរាប ​ដែលជាពិធីបុណ្យដ៏ធំ ​គគ្រឹកគគ្រង ​ពោរពេញដោយភាពសប្បាយរីករាយ ​បូករួមនឹងការតាំងបង្ហាញពីសិល្បៈ​ និងវប្បធម៌បុរាណខ្មែរ។ ដោយសៀមរាបសង្ក្រាន្តឆ្នាំនេះ នឹងប្រារព្ធធ្វើឡើងនៅបរិវេណ ខាងមុខប្រាសាទអង្គរវត្តតែម្តង ក្រោមប្រធានបទ « អង្គរ អតីតកាល បច្ចុប្បន្ន និងអនាគត » ដើម្បីចូលរួមអបអរសាទរឱកាសបុណ្យចូលឆ្នាំថ្មីប្រពៃណីជាតិខ្មែរ និងទាក់ទាញទេសចរឱ្យចូលមកទស្សនាតំបន់រមណីយដ្ឋានអង្គរ។     ក្នុងកម្មវិធីនោះ អាជ្ញាធរជាតិអប្សរាបានសហការជាមួយសហភាពសហព័ន្ធយុវជនកម្ពុជាប្រចាំខេត្តសៀមរាប រដ្ឋបាលខេត្តសៀមរាប និងស្ថាប័នពាក់ព័ន្ធផ្សេងៗ រៀបចំសៀមរាបសង្ក្រាន្ត នៅបរិវេណប្រាសាទអង្គរវត្ត ក្រោមប្រធានបទ «អង្គរ អតីតកាល…

អ្នកណាៗក៏ស្គាល់លោកសាស្រ្តាចារ្យបណ្ឌិត មីសែលត្រាណេ ដែរ ​ថាលោកគឺជាអ្នកសិក្សា ស្រាវជ្រាវ និងបានតាក់តែងសៀវភៅជាច្រើន ដែលទាក់ទងទៅនឹងប្រវត្តិសាស្ត្រ វប្បធម៌ អរិយធម៍ខ្មែរយើង ជាប្រយោជន៍ដើម្បីប្រមូលចងក្រងជាឯកសារសម្រាប់ទុកឱ្យកូនខ្មែរជំនាន់ក្រោយបានយល់បានដឹងពីសាវតារបស់ខ្លួន។ នៅក្នុងនោះគេបានដឹងដែរថា លោកសាស្រ្តាចារ្យបណ្ឌិត មីសែលត្រាណេ បានប្រមូលចងក្រងឯកសាររបស់ខ្លួនទុកនៅក្នុងគេហដ្ឋាននៅស្រុកខ្មែររបស់លោក ​ដែលមានទីតាំងនៅជិតសាលាឥន្ទ្រទេវី ​ដែលផ្ទះនោះបានសាងសង់ជារចនាបថខ្មែរបុរាណយ៉ាងស្រស់ស្អាត។ ​ហើយទីនោះមិនត្រឹមជាផ្ទះសម្រាប់ស្នាក់នៅរបស់លោកនោះឡើយ ​តែលោកក៏បានបើកជាសារមន្ទីរតំកល់សៀវភៅ និងឯកសារជាច្រើនឱ្យមហាជនបានសិក្សាស្រាវជ្រាវ ថែមទាំងអាចខ្ចីទៅបានទៀតផង ​តែគួរឱ្យស្តាយសារមន្ទីរនោះបានបិទទ្វារព្រោះមួលហេតុដ៏គួរឱ្យហួសចិត្តមួយ។ តាមរយៈគណនីហ្វេសប៊ុកផេក Khmer Architectural បានបង្ហោះរូបភាពគេហដ្ឋានរបស់លោកសាស្រ្តាចារ្យបណ្ឌិត មីសែលត្រាណេ ​អមនឹងសារមួយឃ្លាផងដែរថា៖ « ភូមិគ្រឹះរចនាបថផ្ទះបុរាណខ្មែរ‌ដ៏ស្រស់ស្អាតរបស់សាស្រ្តាចារ្យបណ្ឌិត មីសែល ត្រាណេ‌ ដែលធ្លាប់ជាសារមន្ទីរតម្កល់ឯកសាររាប់រយក្បាល…

Bali ទី​ពីរ ​បាន​នឹង​កំពុង​ទទួល​ការ​ចាប់​អារម្មណ៍​ខ្លាំង ដែល​ស្ថិត​នៅ​ភាគ​ខាង​ជើង​នៃ​ប្រទេស​វៀតណាម គឺ​នៅ​ក្នុង​តំបន់​ជួរភ្នំ Sapa។ ជា​គោលដៅ​ទេសចរ​ថ្មី​មួយ​ដែល​វៀតណាម​បាន​អភិវឌ្ឍ​យ៉ាង​ដុតដៃដុតជើង ហើយ​ចុង​ក្រោយ​នេះ​គឺ​បង្កើត​ជា​ទីតាំង​បែប​ Romantic សម្រាប់​គូ​ស្នេហា​និង​អ្នក​ចូលចិត្ត​ថត​រូប​ដែល​បាន​ឡើង​ឋានសួគ៌​អ៊ីចឹង។ តំបន់​នោះ​គេ​ឲ្យ​ឈ្មោះ​ថា Bali ទី​ពីរ ពោល​អ្នក​ចាំ​បាច់​ធ្វើ​ដំណើរ​ដល់​កោះ​របស់​ប្រទេស​ឥណ្ឌូណេស៊ី​នោះ​ទេ ពោល​គឺ​ត្រឹម​មក​កាន់​ប្រទេស​វៀតណាម នៅ​ Sapa Town នេះ​តែ​ប៉ុណ្ណោះ។ នៅ​ទី​នោះ​គឺ​មាន​ទីតាំង​ចាប់​ប្លង់​ថត​រូប​ស្អាតៗ​ជា​ច្រើន ប្រសិន​អ្នក​មាន​សង្សារ​ឬ​ដៃ​គូ​ជា Photographer ទៀត ច្បាស់​ជា​លាន់​មាត់​ថា​កប់​ជា​មិន​ខាន៕ រក្សាសិទ្ធប្រែសម្រួល៖ Knongsrok | ប្រភព៖ yan.vn