ខេត្តសៀមរាបមិនត្រឹមតែសម្បូរទៅដោយសម្បត្តិវប្បធម៌ និងប្រាសាទបុរាណរាប់រយប្រាសាទនោះទេ តែខេត្តសៀមរាបប្រមូលម្តុំទៅដោយម្ហូបអាហារឆ្ងាញ់ៗ ជាពិសេសអាហារដែលទទួលបានកេរ្តិ៍ឈ្មោះល្បាញនោះគឺ នៅបញ្ចុកសៀមរាប។
នៅក្នុងនោះថ្ងៃនេះ « ក្នុងស្រុក » សូមណែនាំហាងនំបញ្ចុកបើកថ្មី ដែលផលិតសរសៃនំបញ្ចុកដោយខ្លួនឯងផង ថែមទាំងទឹកសម្លរសជាតិអ្នកសៀមរាបដើម ល្បីថាមានរសជាតិឈ្ងុយឆ្ងាញ់នោះគឺ « ភូមិនំបញ្ចុក »។
ភូមិនំបញ្ចុក ត្រូវបានដឹងថាមានសម្លនំបញ្ចុកបែបខ្មែរឈ្ងុយឆ្ងាញ់គ្រប់មុខទាំងសម្លប្រហើរខ្មែរ និងសម្លការី ជានំបញ្ចុករស់ជាតិដើមបែបអ្នកសៀមរាប ខ្ទិះច្រើន ត្រីច្រើន រសជាតិបែបឯក ទទួលទានហើយជាប់ចិត្ត ដោយក្នុងមួយថ្ងៃៗមានអ្នកមកទទួលមិនដាច់ទាំងជាតិជាតិខ្មែរ ទាំងបរទេស។ ដោយទីនោះថែមទាំងមានការបង្ហាញ និងបង្រៀនភ្ញៀវដែលចង់ស្វែងយល់ ចង់ចេះដឹងពីរបៀបធ្វើនំបញ្ចុកខ្មែរផងដែរ។
គួរឱ្យដឹងផងដែរថា « ភូមិនំបញ្ចុក » មានទីតាំង នៅតាមបណ្តោយម៉ាត់ស្ទឹងសៀមរាប ហួសវត្តព្រះឥន្ធកោសី ជាប់នឹងកាហ្វេវប្បធម៌ ៕
រក្សាសិទ្ធអត្ថបទ៖ ក្នុងស្រុក
ប្រភពរូបភាព៖ ភូមិនំុបញ្ចុក Phum Num Banh Chok
