ដើរកម្សាន្ត

យើងធ្លាប់តែស្តាប់បទចម្រៀងពីជំនាន់ដើមដ៏ពិរោះរណ្តំ ច្រៀងដោយអ្នកស្រី រស់ សេរីសុទ្ធា ​រាជនីសម្លេងមាស មានចំណងជើងថា  «ស្ទឹងព្រាត់​ » ​ដែលសាស័ព្ទរៀបរាប់ពីគូស្នេហ៍ព្រាត់គ្នានៅស្ទឹងអនុស្សាវរីយ៍មួយ ​តែការពិតទៅ ​« ស្ទឹងព្រាត់»  នេះ ក៏ជាទីកន្លែងពិតស្ថិតនៅក្នុងប្រទេសកម្ពុជាយើងផងដែរ។ « ស្ទឹង​ព្រាត់ » ស្ថិតនៅ​ក្នុង​ស្រុក​ថ្មបាំង ខេត្ត​កោះកុង ​ជាតំបន់​ព្រៃកោងកាង ​និងជាជង្រុកសត្វ​ស្លាបអភិរក្ស ​ដែលមានសម្រស់ និងទេសភាពស្រស់ស្អាតខ្លាំង មើលរូបភាពពីលើអាកាសមានទេសភាពមិនចាញ់ព្រៃអាម៉ាហ្សូនឡើយ។ ​ដោយទីនេះសម្បូរទៅដោយដើមឈើ រុក្ខជាងអមជុំវិញស្ទឹងពណ៌បៃតងស្រងាត់ ​ពិសេសទឹកថ្លាឆ្វេងអាចជិះទូកកម្សាន្តលំហែអារម្មណ៍ប្រកបដោយទីករាយផងដែរ។ គួរឱ្យដឹងផងដែរថា « ស្ទឹង​ព្រាត់ » មានទីតាំងស្ថិតនៅក្នុងតំបន់ស្ទឹងព្រាត់…

ខេត្តពោធិ៍សាត់ ​គឺជាខេត្តមួយដែលសម្បូរទៅដោយព្រៃភ្នំ ​ទឹកជ្រោះ ​ដែលអំណោយផលដល់ទីកន្លែងកម្សាន្តធម្មជាតិមិនទាន់កែច្នៃជាច្រើនកន្លែង  សុទ្ធសឹងតែមានសម្រស់ស្រស់ស្អាតគូរជាទីទាក់ទាញអ្នកទេសចរណ៍មកកម្សាន្ត។ ហើយថ្មីៗនេះផងដែរ ​ខេត្តពោធិ៍សាត់ បានរកឃើញដងទឹកជ្រោះមានកន្លែងទៀតហើយ ​ស្ថិតនៅក្នុងស្រុកភ្នំក្រវាញ មានឈ្មោះថា ស្ទឹងសេនាធិការ(ឬស្ទឹងសិលាធិការ) ក្នុងតំបន់រាំងខ្វា  ពោរពេញដោយសម្រស់ស្រស់ស្អាត ​គួរជាទីកម្សាន្តលំហែរអារម្មណ៍ក្រោយសម្រាកការងារជាមួយដើមឈើធំម្លប់ត្រឈឹងត្រឈៃ ​ចំណែកឯទឹកជ្រោះថ្លាឆ្វេងអាចហែលលេងបំបាត់ក្តីនឿយណាយបាន។ គួរឱ្យដឹងផងដែរថា ស្ទឹងសេនាធិការ (ឬស្ទឹងសិលាធិការ) នេះ ស្ថិតក្នុងតំបន់រាំងខ្វាវ នៅ​ហួសឆាយសន្ទរបន្តិចចំងាយ្រហែល៤០គីឡូម៉ែត្រពីទីរួមស្រុកភ្នំក្រវាញ ដោយតំបន់នេះមានជាសហគមន៍រាំងខ្វាវ​ ដែល​មានសេវាជូនភ្ញៀវដើរកម្សាន្តតាមបែបធម្មជាតិ​ ដូចជានៅស្ទឹងពពកវេហាដាអង្គ្រៃ ឆាយសន្ទរ និងស្ទឹងសេនាធិការនេះជាដើម៕ ប្រភព៖​ FB: I Love Pursat រូបភាពពី៖​…

កោះរ៉ុងសន្លឹម  ត្រូវបានគេស្កាល់ថាជាកោះដែលមានទេសភាពស្រស់ស្អាតទាំងទឹកសមុទ្រ និងឆ្នេរ ​គួរជាទីលំហែកាយនាថ្ងៃឈប់សម្រាក  តែប្រសិនជាចង់ស្នាក់នៅកម្សាន្តអារម្មណ៍ទៀតនោះ  នៅកោះរុងសន្លឹម ក៏មានរីហ្សតដ៏ប្រណីតមួយកន្លែងសម្រាប់លំហែរកាយ និងអាចរៀបចំពិធីជប់លៀងផងដែរនោះ គឺ ​«  Tube Resort » ។ «  Tube Resort »  គឺជាកន្លែងស្នាក់នៅកម្សាន្តដែលស្ថិតនៅលើកោះរ៉ុងសន្លឹមតែម្តង  ដោយចំណាយពេលមិនដល់កន្លះម៉ោងផងពីខេត្តព្រះសីហនុ  ដោយអាចធ្វើដំណើរតាមទូកក្រុមហ៊ុនទេសចរណ៍ ​នឹងជួបបរិយាកាសប្លែកស្រស់ស្រាយថ្មីគួរជាទីមនោរម្យ។ ​ដោយទីនេះមានកន្លែងស្នាក់នៅដាច់ដោយឡែកពីគ្នា ​ជាលក្ខណៈបន្ទប់រាងបំពង់លូទំនើបកែច្នៃប្លែក  តែបំពាក់នូវបរិក្ខា និងសំភារៈក្នុងបន្ទប់ទំនើបមិនចាញ់បន្ទប់សណ្ឋាគារលំដាប់នោះឡើយ។ ហើយចំពោះតម្លៃបន្ទប់ គឺពិសេសតែម្តង ​ដោយបន្ទប់គ្រែមួយ តម្លៃ $45 ក្នុង មួយយប់…

ថ្មីៗនេះកំពុងតែផ្ទុះផ្អើលខ្លាំងថា ​នៅក្នុងខេត្តសៀមរាបយើង ​មានព្រៃកោងកាងទឹកសាបជាច្រើនហិចតាបានលាក់ខ្លួនបង្កប់សម្រស់ដ៏ស្រស់ស្អាត ​ដែលព័ត៌មាននេះត្រូវបានដកស្រង់ចេញពីគណនីហ្វេសប៊ុកផេកជាផ្លូវការរបស់ ក្រសួងទេសចរណ៍ Ministry of Tourism, Cambodia ដោយបានរៀបរាប់យ៉ាងក្បោះក្បាយថា៖ ប្រជាជនស្ទើរតែទាំងអស់ប្រាកដជាគិតថា ដើមកោងកាងមានដុះតែនៅតាមមាត់សមុទ្រប៉ុណ្ណោះ ដោយភាគច្រើនមិនបានដឹងថា ពពួករុក្ខជាតិទាំងនេះក៏មានដុះលូតលាស់ផងដែរនៅក្នុងខេត្តសៀមរាប ខណៈទឹកដីដ៏សំខាន់របស់កម្ពុជាមួយនេះ គ្មានទឹកប្រៃដូចនៅតំបន់ឆ្នេរសមុទ្រសូម្បីតែបន្តិច។ ស្ថិតក្នុងសហគមន៍ព្រៃឈើទឹកជប់ខ្នារពោធិ៍ ឃុំខ្នារពោធិ៍ ភាគខាងជើងនៃស្រុកសូទ្រនិគម ដើមកោងកាងសំបកក្រហមទាំងនេះបានគ្របដណ្ដប់លើផ្ទៃដីប្រមាណជាង ៩០ ហិកតា ប៉ុន្តែបើនិយាយពីសហគមន៍អភិរក្សព្រៃឈើទាំងមូលវិញ គឺមានផ្ទៃដីរហូតដល់ ១,០២២ ហិកតា ដែលត្រូវបានអ្នកស្រុកចាត់ទុកជាតំបន់រងខ្សែទឹកក្រោមដី ហូរធ្លាក់ពីតំបន់ភ្នំគូលែនបរមបព៌តដ៏ពិសិដ្ឋរបស់អាណាចក្រខ្មែរ។ ដើម្បីដើរទស្សនាទេសភាពនៅតាមតំបន់ព្រៃកោងកាងនេះបាន ប្រជាសហគមន៍ព្រៃឈើទឹកជប់ខ្នារពោធិ៍ ដែលជាអ្នកស្រលាញ់អភិរក្សធនធានធម្មជាតិនៅទីនោះ បានរួមសាមគ្គីគ្នាធ្វើស្ពានឈើជាច្រើនខ្សែ…

ខេត្តកំពង់ចាម ​គឺជាតំបន់ដីក្រហមមួយផងដែរ ​ដែលសម្បូរទៅដំណាំហូបផ្លែជាច្រើនមុខ ​និងមានកន្លែងទេសចរណ៍បែបធម្មជាតិ និងប្រវត្តិសាស្រ្តមួយចំនួនដែលអាចទាក់ទាញភ្ញៀវមកកម្សាន្តបាន ​ជាពិសេសដោយចម្ងាយផ្លូវមិនឆ្ងាយពីទីក្រុងភ្នំពេញ ​អ្នកក៏អាចធ្វើដំណើរវិញល្ងាចបានផងដែរ។ នៅក្នុងនោះថ្មីៗនេះ ​ក្នុងខេត្តកំពង់ចាម ​ក៏បានបង្កើតនូវរីហ្សតមួយកន្លែង ​សម្រាប់អ្នកដែលកម្សាន្តចង់មកស្នាក់នៅលំហែរអារម្មណ៍ជាមួយនឹងបរិយាកាសស្រស់ស្រាយស្ងប់ស្ងាត់បែបធម្មជាតិនោះគឺ « ហាន់ជ័យបាមប៊ូរីសត » ។ « ហាន់ជ័យបាមប៊ូរីសត » គឺជាកន្លែងស្នាក់នៅលំហែរកម្សាន្តដ៏ថ្មីសន្លាងមួយ ​ដែលមានបន្ទប់គេងស្អាតបរិក្ខាស្រស់ស្អាតច្នៃប្រតិដ្ឋធ្វើពីប្ញស្សី ​ជាពិសេសថែមទាំងមានអាងហែលទឹក កន្លែងហាត់យ៉ូហ្គា ធ្វើសមាធិ  ហើយមានទាំងការបម្រើម្ហូបខ្មែរ ភេសជ្ជៈ ស្រាក្រឡុក រៀនធ្វើម្ហូបខ្មែរ ទស្សនាកំសាន្តតំបនទេសចរណ៏ផ្សេងនៃខេត្តកំពង់ចាម។ គួរឱ្យដឹងផងដែរថា ​« ហាន់ជ័យបាមប៊ូរីសត » …

មណ្ឌលគិរី ​គឺជាខេត្តដែលសម្បូរទៅដោយព្រៃភ្នំ ​ទឹកជ្រោះ ​កម្សាន្តដ៏ក្សេមក្សាន្តសម្រាប់អ្នកដែលស្រលាញ់ធម្មជាតិ និងចង់លំហែអារម្មណ៍ជាមួយបរិយាកាសស្រស់ស្រាយស្ងប់ស្ងាត់ជាមួយនឹងទេសភាពដ៏ស្រស់បំព្រង។ នៅក្នុងនោះផងដែរ ​មណ្ឌលគិរី បានលេចចេញនូវរមណីយដ្ឋានបង្កើតថ្មីមួយទៀតហើយនោះគឺ « រមណីយដ្ឋានសមុទ្រ​ឈើ – SeaForest Resort » ​ដែលជាទីកន្លែងដែលមានផ្ទះស្នាក់ និងបន្ទប់ស្នាក់នៅជាច្រើនប្រភេទ មានទាំងផ្ទះស្នាក់លក្ខណៈគ្រួសារ ផ្ទះរចនាប័ទ្មខ្មែរ ផ្ទះសម្រាប់គូស្នេហ៍ ឬគូស្វាមីភរិយា បឹងហ្កាឡូ វីឡា ផ្ទះឈើម៉ូតនៅមាត់អូរ និងផ្ទះសម្រាប់ដាក់តង់គេង ដែលអាចផ្ដល់នូវសេវាស្នាក់នៅជូនភ្ញៀវទេសចរប្រកបដោយការពេញចិត្ត។ បន្ថែមពីការស្នាក់នៅ រមណីយដ្ឋាននេះ មានកន្លែងកម្សាន្តជាច្រើនកន្លែងស្រស់ស្រាយដូចជា៖ -សួនសត្វស្លាបចម្រុះ ដូចជា សត្វអូទ្រីស ឥន្ទ្រិយ៍ ក្ងោក…

អ្នកនៅក្នុងខេត្តបាត់ដំបង ប្រហែលជាស្គាល់ពាក្យ នេតយ៉ង់  ដោយសារតែឈ្មោះនេះ គឺជាឈ្មោះវិទ្យាល័យដ៏ល្បីនៅក្នុងខេត្តបាត់ដំបង ដែលជាខេត្តប្រវត្តិសាស្រ្តដ៏ចំណាស់មួយនៅក្នុងប្រទេសកម្ពុជា  ហើយក៏ជាខេត្តដែលមានទំនាស់ប្រទាញប្រទង់ដ៏រ៉ាំរ៉ៃកាលពីសម័យមុនរវាងប្រទេសកម្ពុជា និងប្រទេសថៃផងដែរ។ តែអ្នកប្រហែលជាមិនបានដឹងនោះទេថា ការពិត នេតយ៉ង់ គឺជាឈ្មោះបុគ្គលដ៏មានគុណបំណាច់មួយក្នុងខេត្តបាត់ដំបង  ពោលគឺជាលោកជំទាវ ដែលជាភរិយារបស់ ឧកញ៉ាបំរុងរដ្ឋ សោ ហឺ តាំងសម័យមុនសង្គ្រាមលោកលើកទី២ឯណោះ។ តោះ! មកដឹងពីប្រវត្តិនៃកញ៉ាបំរុងរដ្ឋ សោ ហឺ និង លោកជំទាវ នេត យ៉ង់ ៖ #ជីវប្រវត្តិនៃ ឧកញ៉ាបំរុងរដ្ឋ សោ ហឺ និង នេត…

មណ្ឌលគិរី៖ បើនិយាយពីខេត្តដែលសម្បូរទៅដោយសម្បត្តិធម្មជាតិជាច្រើននោះ ​ខេត្តមណ្ឌលគិរី ​ត្រូវបានគេដឹងថាជាខេត្តតេសចរណ៍បែបធម្មជាតិ ​ដែលមានធនធានជាច្រើនសុទ្ធតែពោរពេញទៅដោយទេសភាពស្រស់ស្អាតខ្លាំង​​ជាមួយបរិយាកាសស្រស់ស្រាយ។ នៅក្នុងនោះ ​ភ្នំថ្មមួយកន្លែងគឺ ​ភ្នំ ​« ​ណាំលៀ ​» ​គឺជាភ្នំដ៏ល្បីល្បាញសម្បូរទៅដោយអ្នកទេសចរណ៍បែបផ្សងព្រេងទៅកម្សាន្ត  ជាមួយបរិយាកាសប្លែកស្ទើរស្មានមិនដល់ ​ដោយភ្នំនេះជាភ្នំថ្មត្រងិល រលោងស្រិល ​តែពេលឡើងទៅដល់នឹងប្រទះដោយទេសភាពជុំវិញដោយព្រៃភ្នំខៀវស្រងាត់បរិកាសបរិសុទ្ធខ្លាំង  រំសាយអស់ទុក្ខកង្វល់។ គួរឱ្យដឹងផងដែរថា ភ្នំណាំលៀ មានកំពស់ប្រមាណ ១,០៦៦ ម៉ែត្រ ដែលមានទីតាំងនៅភូមិប៊ូស្រា ស្រុកពេជ្រដា ខេត្តមណ្ឌលគិរី ស្ថិតនៅចម្ងាយប៉ុន្មានជាង ២០គីឡូម៉ែត្រ ពីទឹកជ្រោះប៊ូស្រា និង ​៥០គីឡូម៉ែត្រពីទីរួមខេត្តមណ្ឌលគិរី។ ដោយការឡើងទៅដល់ពិតជាសភាពលំបាក និងចោទខ្លាំងណាស់…

កោះកុង៖ ​ដូចដែលយើងបានដឹងហើយថា ​ស្រុកខ្មែរ ​គឺជាដែនដីសុវណ្ណភូមិ ​ដែលសម្បូរទៅដោយសម្បត្តិធម្មជាតិ ​និងប្រាសាទបុរាណច្រើនកន្លែងពោរពេញទៅដោយភាពស្រស់ស្អាត ​និងមានតម្លៃមិនអាចកាត់ថ្លៃបាន ​ដោយគ្រាន់តែកន្លែងខ្លះមិនទាន់មានអ្នករុករកឃើញ ​ឬមិនសូវមានអ្នកទៅដល់តែប៉ុណ្ណោះ។ ជាក់ស្តែងថ្មីៗនេះ  ទីកន្លែងកម្សាន្តថ្មីមួយទៀតហើយ ​ធ្វើឱ្យគ្រប់គ្នាមានការភ្ញាក់ផ្អើលខ្លាំង ​និងលាន់មាត់សរសើរមិនដាច់ពីមាត់នូវទស្សនីយភាពបែបបាតុភូតធម្មជាតិមួយកន្លែងមានឈ្មោះថា​​ « ស្ទឹងពពក » ដែលស្ថិតនៅក្នុងស្រុកស្រែអំបិល​ ខេត្តកោះកុង​ ដែលជាតំបន់បាតុភូតធម្មជាតិកំពុងពេញនិយម។ ទោះបីជារូបភាពនេះត្រូវបានគេកោតសរសើរថាស្រស់ស្អាតខ្លាំងយ៉ាងណាក៏ដោយ ​ក៏មានអ្នកលេងបណ្តាញសង្គមហ្វេសប៊ុកមួយចំនួនមិនជឿថាទស្សនីយភាពដ៏ល្អឥតខ្ចោះនេះស្ថិតនៅស្រុកខ្មែរយើងឡើយ ដោយពួកគេយល់ថារូបភាពនេះគឺស្ថិតនៅបរទេសទៅវិញ ​ឯអ្នកមួយចំនួនទៀត បាននិយាយថា « ស្ទឹងពពក » នេះពិតជានៅស្រុកខ្មែរយើងមែន ​ដោយពួកគេថែមទាំងធ្លាប់បានទៅលេងទៀតផង ​តែស្ថានភាពផ្លូវពិបាកបន្តិចដោយមានដុំថ្មធ្លាក់មកតាមផ្លូវ​​ និងពពកអ័ព្ទមើលផ្លូវមិនឃើញ ជាពិសេស…

កាលពីប៉ុន្មានឆ្នាំមុន​​រាល់ពេលទៅលេងខេត្តសៀមរាប ​ដែលជាទឹកដីប្រវត្តិសាស្រ្តដ៏បវរនៃកម្ពុជា ​ក្រៅពិទស្សនាប្រាសាទបុរាណជាច្រើន ​ដែលសុទ្ធសឹងតែជាទីតាំងប្រវត្តិសាស្រ្ត និងមានភាពអច្ឆរិយនោះ ​រហាត់ទឹកបុរាណ ​ក៏ជាទីតាំងទេសចរណ៍ដ៏សំខានសម្បូរអ្នកមកកម្សាន្តថតរូបទុកជាអនុស្សាវរីយ៍ផងដែរ។ ប៉ុន្មានឆ្នាំក្រោយដោយសារតែអាយុកាល ​និងមានការខូចខាតផងនោះ ​ពេលនេះរហាត់ទឹកដែលមានប្រវត្តិតាំងពីទសវត្សរ៍ទី៦០ ត្រូវបានជួសជុលសារជាថ្មីលើដែនដីអច្ឆរិយៈអង្គរ ​មើលទៅស្រស់ស្អាតខ្លាំង ​ថែមទាំងមានការរចនាសួនឧទ្យានព័ទ្ធជុំវិញគួរជាទីមនោរម្យកម្សាន្តនាថ្ងៃសម្រាកទៀតផង។ គួរឱ្យដឹងផងដែរថា រហាត់ទឹក បុរាណ ដែលត្រូវបានជួសជុលរួចរាល់ហើយនេះ មានទីតាំងស្ថិតក្នុងទីតាំងបណ្តុះកូនឈើប្រាសាទតាកែវ ក្នុងឧទ្យានអង្គរ ខេត្តសៀមរាប៕ ប្រភពរូបភាព៖ និត

ទឹកដីខេត្តកោះកុង ​គឺជាទឹកដីដែនសមុទ្រមួយដ៏ល្បីល្បាញផងដែរនៅក្នុងប្រទេសកម្ពុជាយើង ​ដោយកន្លែងកម្សាន្តទាំងផ្ទៃសមុទ្រ ​ភ្នំ ​និងតំបន់ធម្មជាតិស្រស់ស្អាតជាច្រើនកន្លែងណាស់ដែលអ្នកកម្សាន្តប្រហែលជាមិនទាន់បានដឹង ។ ​តែកន្លែងកម្សាន្តស្រស់ស្អាតខ្លះក៏ត្រូវបានគេដឹងថាត្រូវតែមានការដើរផ្សងព្រេង  និងតស៊ូធ្វើដំណើរផងដែរទើបប្រទះនឹងភាពស្រស់ស្អាត។ ជាក់ស្តែងក្រុមអ្នកថតរូបមួយកន្លែង  បានធ្វើដំណើរទៅកម្សាន្តនៅខេត្តកោះកុង ​តំបន់កោះកុងក្រៅ ​បែរជាប្រទះនឹងទិដ្ឋភាពដ៏គួរឱ្យគយគន់ខ្លាំង ​នោះគឺប្លុងតុង ​ដែលជាទិដ្ឋភាពមានភាពស្រស់ស្អាតអស្ចារ្យមែនទែនស្ទើរតែមិនជឿថានៅស្រុកខ្ំែរយើងឡើយ។ គួរឱ្យដឹងផងដែរថា ​តំបន់កោះកុងក្រៅនេះត្រូវចំណាយពេលវេលាជិះតាមទូកប្រមាណជា ​២ ​ទៅ៤ម៉ោង ​ពីទីក្រុងអាស្រ័យដោយល្បឿនទូក ​ហើយទីនោះផងដែរ ​អ្នកអាចមើលឃើញទិដ្ឋភាពអស្ចារ្យនេះច្បាស់ដោយប្រើភ្នែកទទេរនៅពេលដែលយប់ងងឹតគ្មានការរំខានពីអំពូលភ្លើងប៉ុណ្ណោះ។ ​ហើយសម្រាប់រូបថតដែឡលនផ្តិតរូបបាន ​គឺត្រូវការម៉ាស៊ីនថតដែលមានបច្ចេកវិទ្យាខ្ពស់ (ស៊េរីខ្ពស់) ផងដែរ ​ទើបទទួលបានរូបភាពស្អាតបែបនេះ៕ ប្រភពរូបភាព៖ La Mo

ខេត្តសៀមរាបមិនត្រឹមតែជាខេត្តទេសចរណ៍លេខ១ ដែលសម្បូរទៅដោយប្រាង្គប្រាសាទល្អពិចិត្រនោះទេ ​តែសៀមរាបមានទីកន្លែងបែបធម្មជាតិសម្រាប់កម្សាន្តប្រកបដោយបរិយាកាសរីករាយ ​រំសាយទុកកង្វល់ផងដែរ។ ថ្ងៃនេះ « ក្នុងស្រុក  » ​សូមណែនាំរមណីយដ្ឋានមួយកន្លែងនៅក្នុងទឹកដីខេត្តសៀមរាប ​ដែលល្បីថាមានទេសភាពស្រស់ស្អាតគួរជាទីមនោរម្យនោះគឺ « រមណីយដ្ឋានបឹងឈូកបន្ទាយស្រី » ។ « រមណីយដ្ឋានបឹងឈូកបន្ទាយស្រី » ​គឺជារមណីយដ្ឋាន ដែលមានទេសភាពដ៏ស្រស់បំព្រងនៃបឹងឈូក ជាកន្លែងកំសាន្តមួយបែបលក្ខណៈធម្មជាតិលើផ្ទៃទឹក ក្បែរជើងភ្នំ ជ័រ ដោយអមជាមួយការកម្សាន្តជិះទូកលំហែរអារម្មណ៏ អាចអង្គុយទទួលទានអាហារឆ្ងាញ់ៗ ជួបជុំគ្រួសារ មិត្តភ័ក្ត្រ បងប្អូន ប្រកបដោយភាពរីករាយលំហែរអារម្មណ៍ពេលសម្រាកពីការងារ។ គួរឱ្យដឹងផងដែរថា « រមណីយដ្ឋានបឹងឈូកបន្ទាយស្រី »…

បាត់ដំបង៖ ចាប់ពីថ្ងៃទី១៣ រហូតដល់ថ្ងៃទី១៥ ខែមីនា ឆ្នាំ២០២០នេះ ខេត្តបាត់ដំបង ទទួលភារកិច្ចជាម្ចាស់ផ្ទះរៀបចំបុណ្យទន្លេលើកទី០៦ នឹងប្រារព្ធធ្វើឡើងក្រោមប្រធានបទ «ទន្លេនៃសន្តិភាព ទន្លេនៃវិបុលភាព»។ ជាក់ស្តែងការប្រារព្ធបុណ្យទន្លេលើកទី០៦នេះ ក៏បានរួមចំណែកផ្សព្វផ្សាយផលិតផលដែលជាស្នាដៃរបស់ខ្មែរ ទៅកាន់អ្នកប្រើប្រាស់ផងដែរ។ ព្រោះថានៅពេលប្រារព្ធពិធីបុណ្យទន្លេផលិតរបស់ខ្មែរជាច្រើនត្រូវបានយកមកបង្ហាញដល់អ្នកមកលេងកម្សាន្ត។ ចំណែកឯការរៀបចំវិញទៀតសោត គឺពិតមានមិនចាញ់ខេត្តដទៃ ជាពិសេសការបំពាក់នូវភ្លើងពណ៍តាមដងវិថីសួនច្បារ និងទីកន្លែងមួយចំនួនទៀតក្នុងក្រុងបាត់ដំបងពិតជាស្រស់ស្អាត ហើយប្លែកគួរជាទីទាក់ទាញចិត្តភ្ញៀវទេសចរណ៍ និងប្រជាជនជុំទីជិតឆ្ងាយអោយមកទស្សនាបុណ្យទន្លេលើកទី០៦ ដែលប្រារព្ធឡើងនៅឯខេត្តបាត់ដំបងផ្ទាល់ខាងម្តង។   ប្រភពរូបភាព ៖ nguon rattanak pitou រក្សាសិទ្ធដោយ ៖ ក្នុងស្រុក