ដើរកម្សាន្ត

សៀមរាប៖ ការធ្វើដំណើរកម្សាន្ត ក្រៅពីចង់ទៅដើរលេងឱ្យសប្បាយៗដើម្បីលំហែអារម្មណ៍ពីភាពស្មុកស្មាញហើយនោះ ​ លោកអ្នកប្រាកដគឺចង់ទទួលបានផាសុកភាពទាំងការទទួលទាន និងការស្នាក់នៅជាពិសេស។ ដូច្នេះសម្រាប់អ្នកដែលមកលេងខេត្តសៀមរាបក្រៅពី​ចង់ទស្សនាប្រាសាទ និងកន្លែងធម្មជាតិដ៏រីករាយ ​លោកអ្នកពិតជាកំពុងតែស្វែងរកកន្លែងស្នាក់នៅដ៏ល្អ ដែលនៅខេត្តសៀមរាបពិតជាមានកន្លែងស្នាក់នៅដ៏ពិសេសជាច្រើនកន្លែងណាស់ឱ្យអ្នកជ្រើសរើស។ តែប្រសិនជាអ្នកជាមនុស្សមានរសនិយមខ្ពស់ និងស្រលាញ់ភាពស្ងប់ស្ងាត់  «ក្នុងស្រុក ​» សូមណែនាំកន្លែងស្នាក់នៅដ៏ពិសេសមួយនោះគឺ « ​Templation Hotel »។ Templation  Hotel  គឺជាសណ្ឋាគារលំដាប់ផ្កាយ ៤ មួយដែលមានភាពល្បីល្បាញខ្លាំងសម្រាប់ជនបរទេសមកកម្សាន្ត ​ដោយសារតែវាមានលក្ខណៈស្ងប់ស្ងាត់ មានភាពឯកជនខ្ពស់ ​ជាពិសេសគឺមានអាងទឹកធំដ៏ប្រណីតមួយ។ ចំពោះកន្លែងស្នាក់នៅគឺបែបវីឡា ដែលមានបណ្តប់មើលកុន  ថែមទាំងមានកូនអាងហែលទឹក១ ប្រចាំវីឡានីមួយៗផងដែរ ដោយសណ្ឋាគារមួយនេះក៏ធ្លាប់ទទួលបានពានរង្វាន់ទៅលើការរចនាអាងហែលទឹក…

កំពង់ស្ពឺ៖ ទឹកដីខេត្តកំពង់ស្ពឺ ​ត្រូវបានគេនិយមមកកម្សាន្តនៅក្នុងរមណីយដ្ឋានបែបធម្មជាតិនានា  ជាពិសេសគឺឧទ្យានជាតិគិរីរម្យតែម្តង ព្រោះតែវាមានទេសភាពស្រស់ស្អាត ព្រៃព្រឹក្សា និងជួរភ្នំជុំវិញគួរឱ្យចង់គយគន់។ សម្រាប់ថ្មីៗនេះវិញ ​ខេត្តកំពង់ស្ពឺក៏កំពុងតែមានភាពល្បីល្បាញផងដែរ នោះគឺតំបន់កម្សាន្តធម្មជាតិបែបថ្មី «ភូមិដំណាក់ដំរី» ដែលល្បីថាសម្បូរទៅដោយសម្រស់ព្រៃព្រឹក្សា ដើមឈើតូចធំខៀវស្រងាត់ ថែមទាំងមានខ្យល់អាកាសត្រជាក់បែបធម្មជាតិគួរឱ្យចង់រស់នៅផងដែរ។ នៅក្នុងនោះភូមិដំណាក់ដំរី ថែមទាំងមានកន្លែងស្នាក់នៅជាច្រើនជម្រើសដូចជាអាចបោះតង់ក៏បាន ​អាចស្នាក់នៅវិឡា និងផ្ទះរចនាបថម៉ូតខ្មែរក៏បាន  ដោយថែមទាំងមានអាងហែលទឹក ភោជនីយដ្ឋាន មានម្ហូបគ្រប់ប្រភេទក្នុងតម្លៃដ៏សមរម្យនៅក្នុងនោះស្រាប់ផងដែរ។ អ្វីដែលកាន់តែពិសេស និងគួរឱ្យចាប់អារម្មណ៍ ភូមិដំណាក់ដំរី ​ថែមទាំងមានកន្លែងសប្បាយៗ និងសុវត្ថិភាពដែលអាចឱ្យអ្នកមកកម្សាន្តដើររុករកព្រៃលំហែរអារម្មណ៍ ឡើងភ្នំ ហែលទឹក ជិះកង់ និងជិះសេះទៀតផង។ សម្រាប់អ្នកដែលចាប់អារម្មណ៍ចង់ទៅកម្សាន្តនោះ ភូមិដំណាក់ដំរី…

កំពង់ធំ៖ បើនិយាយពីកិត្តិនាមខេត្តកំពង់ធំ ច្បាស់ណាស់ ខេត្តវប្បធម៌មួយនេះ សម្បូរទៅដោយប្រាសាទបុរាណ ដែលជាសម្បត្តិដ៏ថ្លៃថ្លា ជាពិសេសគឺក្រុមប្រាសាទសម្បូរព្រៃគុកដែលចូលជាសម្បត្តិបេតិកភណ្ឌពិភពលោកទៀតផង។ ក្រៅពីប្រាសាទដ៏ល្អអនេក សម្រាប់ការចូលទស្សនា និងយល់ដឹងបន្ថែម ខេត្តកំពង់ធំក៏មានបណ្តាភ្នំ និងកន្លែងកម្សាន្តបែបធម្មជាតិជាច្រើនកន្លែងរង់ចាំស្វាគមន៍ទេសចរណ៍ជាតិ និងអន្តរជាតិមកលេងកម្សាន្តផងដែរ។ តែកាន់តែពិសេស ថ្មីៗនេះ សួនផ្កាស្បៃរឿងមួយកន្លែងនៅខេត្តកំពង់ធំមួយទៀតហើយ កំពុងតែមានភាពល្បីល្បាញ ថាមានសម្រស់ស្រស់ស្អាតដោយសុទ្ធតែផ្កាស្បៃរឿង និងផ្កាជាច្រើនចម្រុះទៀតពេញផ្ទៃដី បានទាក់ទាញអ្នកលេងកម្សាន្តយ៉ាងច្រើនអាចនាំគ្នាថតរូបលេងទុកជាអនុស្សាវរីយ៍ប្រកបដោយភាពរីករាយទៀតផង។ សូមជម្រាបផងដែរថា សួនផ្កា ស្បៃរឿង ខេត្តកំពង់ធំ មានទីតាំងស្ថិតនៅភូមិត្រពាំងអារក្ស ឃុំជ័យ ស្រុកកំពង់ស្វាយ ខេត្តកំពង់ធំ ចូលតាមខ្លោងទ្វារមណីយដ្ឋានប្រវត្តិសាស្ត្រ ប្រាសាទសំបូរព្រៃគុក ចម្ងាយប្រហែល ៥០០ម៉ែត្រ…

រាល់ដំណើរកម្សាន្ត ទីកន្លែងដើរលេងដ៏រីករាយប្លែកភ្នែកចម្លែកអារម្មណ៍ មិនថាតែជាលក្ខណៈធម្មជាតិ ឬពោរពេញដោយភាពច្នៃប្រឌិតនោះទេ សុទ្ធតែជាទីប្រាថ្នារបស់ភ្ញៀវទេសចរ។ ប៉ុន្តែនៅក្នុងនោះកន្លែងដែលស្នាក់នៅក៏ជាទីកន្លែងដែលត្រូវតែគិតគូរឱ្យបានល្អផងដែរ ព្រោះវាមិនត្រឹមតែអាចផ្តល់អារម្មណ៍សុខស្រួលរាល់ពេលគេងសម្រាកពីការនឿយហត់ប៉ុណ្ណោះទេ តែវាក៏ត្រូវតែមានបរិយាកាសប្លែកថ្មីទាំងកន្លែងដំណេកផងដែរ ទើបគេហៅថាជាដំណើរកម្សាន្តមួយដ៏ពេញលេញ។ ថ្ងៃនេះ យើងខ្ញុំសូមណែនាំលោកអ្នកឱ្យទៅកាន់សណ្ឋាគារ និងទីកន្លែងស្នាក់នៅជុំវិញពិភពលោក ដែលមានទេសភាព និងរូបរាងប្លែកចម្លែកអារម្មណ៍មួយចំនួនដូចជា៖ ១. ផ្ទះសត្វក.វែង (Giraffe Manor) សណ្ឋាគារដ៏តូចមួយនេះ ស្ថិតនៅក្នុងក្រុង Nairobi ប្រទេសកេនយ៉ា បានក្លាយទៅជាទីជម្រករបស់ហ្វូងសត្វក.វែងជាច្រើនក្បាល ដែលបានក្លាយទៅជាទស្សនីយភាពប្លែកភ្នែកចម្លែកអារម្មណ៍ដល់ភ្ញៀវទេសចរណ៍ ។ ២.ផ្ទះសហគមន៍ព្រៃឈើ Finca Bellavista  អ្នកដែលស្រលាញ់ធម្មជាតិ និងជីវិតផ្សងព្រេងប្រាកដជាពេញចិត្តរីហ្សត (ផ្ទះលំហែកាយ) ក្នុងប្រទេសខូតារីកាមួយនេះជាមិនខាន ព្រោះវាអាចផ្តល់អារម្មណ៍មួយដូចជារស់នៅជាមួយព្រៃភ្នំ និងធម្មជាតិពិតៗ។អ៊ីចឹង។…

ធម្មជាតិបានបង្កើតឱ្យមានទីកន្លែងដ៏អស្ចារ្យ និងស្រស់ស្អាតមួយចំនួនដែលបានលាក់ពួនសម្រស់ដ៏អាថ៌កំបាំងនៅក្នុងទីព្រៃជ្រៅ ឬកន្លែងដែលមិនទាន់មានមនុស្សទៅដល់ តែវានៅតែត្រូវបានមនុស្សស្វែងរក និងរុករកឃើញជាបន្តបន្ទាប់។ នៅក្នុងនោះផងដែរ ភ្នំភ្លើងងាប់ ដែលធ្លាប់តែអាចបណ្តាលឱ្យមានគ្រោះថ្នាក់កាលពីអំឡុងសម័យកាលដ៏យូរអង្វែងណាស់មកហើយនោះ រហូតដល់បច្ចុប្បន្នវាបានប្រែក្លាយជាសម្រស់ដ៏ទាក់ទាញមួយ ជាពិសេសគឺបង្កើតបានជាបឹងបន្ទុះភ្នំភ្លើងដ៏មានសម្រស់ស្រស់ត្រកាលមួយចំនួនផងដែរ។ ដោយនៅប្រទេសកម្ពុជាយើងក៏មានបឹងភ្នំភ្លើងមួយដ៏ល្បីល្បាញផងដែរ នោះគឺបឹងយក្សឡោម។ បឹងនេះ ស្ថិតនៅក្នុងតំបន់ភ្នំដីក្រហមខេត្តរតនគិរី ដែលជាបឹងកកើតឡើងពីបន្ទុះភ្នំភ្លើងរាប់រយឆ្នាំកន្លងមកហើយ។ នៅជុំវិញបឹងយក្សឡោម សម្បូរទៅដោយព្រៃព្រឹក្សាដុះអមជុំវិញជាម្លប់កម្សាន្តអារម្មណ៍ រីឯផៃ្ទទឹកបឹងវិញមានពណ៌‌ខៀវស្រងាត់ ទឹកត្រជាក់ថ្លាឆ្វង់ដូចកញ្ចក់ ដែលអាចឱ្យអ្នកទេសចរងូត ឬហែលកម្សាន្តលេងផងដែរ។ បឹងនេះមាន អង្កត់ផ្ចិត ៨០០ម៉ែត្រ និងជម្រៅ៥០ម៉ែត្រ ដូចជាបាតខ្ទះ តែបឹងនេះមានដាក់សញ្ញាហាមឃាត់គ្រោះថ្នាក់នៅចំណុចខ្លះនៃផ្ទៃបឹង ដែលហាមមិនឱ្យហែលទៅកាន់នោះឡើយ។ សម្រាប់អ្នកដែលទៅលេងខេត្តរតនគិរី មិនដែលរំលងឡើយនូវការកម្សាន្តបឹងយក្សឡោមមួយកន្លែងនេះ ដោយជិះពីក្រុងបានលុង ទៅបឹងយក្សឡោមមិនឆ្ងាយប៉ុន្មាននោះឡើយ …

វៀតណាម៖ សម្រាប់អ្នកដែលចង់ចំណាយលុយតិច ហើយបានដើរលេងនៅក្រៅប្រទេស «ក្នុងស្រុក» សូមណែនាំជាពិសេសឱ្យទៅលេងកម្សាន្តនៅឯប្រទេសវៀតណាម ដោយមិនបាច់ទៅដល់ទីក្រុងធំៗដូចជាហាណូយនោះទេ ត្រឹមតែខេត្តជិតៗស្រុកខ្មែរក៏សប្បាយដែរ នោះគឺទីក្រុង ដាឡាត់។ ដាឡាត់ គឺជាទីក្រុងមួយរបស់ខេត្ត Lâm Đồng ដែលល្បីថាមានសម្រស់ស្រស់ស្អាតបែបធម្មជាតិដោយមាន បឹង ព្រៃឈើ ​ទឹកធ្លាក់ និងតំបន់ភ្នំជាច្រើន ប្រកបដោយទេសភាព និងអាកាសធាតុត្រជាក់ដល់ធ្លាក់អ័ព្ទស្រដៀងៗនឹងខេត្តមណ្ឌលគិរីខ្មែរយើងដែរ។ ក្រៅពីមានកន្លែងដើរលេងជាច្រើនកន្លែង ថ្មីៗនេះ ទីកន្លែងស្នាក់នៅរបៀប Homestay បោះតង់មួយកន្លែងនៅក្នុងទីក្រុងដាឡាត់ បាននឹងកំពុងតែទាក់ទាញចំណាប់អារម្មណ៍អ្នកទេសចរមកកម្សាន្តលេងយ៉ាងគគ្រឹកគគ្រេងនោះគឺ Sunny Farm។ Sunny Farm គឺជាកន្លែងដ៏ពេញនិយមនូវក្នុងការមកកម្សាន្តលេងសម្រាប់ភ្ញៀវគ្រប់ជាតិសាសន៍ ដោយសារតែសម្បូរទៅដោយទេសភាពធម្មជាតិដ៏ស្រស់ត្រកាល…

ជប៉ុន៖ ផ្កា Shibazakura គឺជាផ្កាម្យ៉ាងដែលមានពណ៌ផ្កាឈូកស្រស់លាយឡំនឹងពណ៌ស និងពណ៌ស្វាយ ហើយក៏ជាផ្កាមួយប្រភេទដែលស្រស់ស្អាត តែក៏ឆាប់រុះរោយ។ ដោយសារតែផ្កាមួយប្រភេទនេះ ត្រូវបានប្រជាជនឱ្យតម្លៃមិនខុសពីផ្កា សាគូរ៉ា បានជាវា ត្រូវបានគេដាំដុះយ៉ាងច្រើនបង្កើតជាទស្សនីយភាពដ៏អស្ចារ្យមួយនៅក្នុង ពិធីបុណ្យផ្កា Fuji Shibazakura (富士芝桜まつり, Fuji Shibazakura Matsuri ) ដែលអមដោយសម្រស់ជួរភ្នំ និងផ្ទៃទឹកបឹងថ្លាឆ្វេងអមសងខាងយ៉ាងស្រស់ស្អាតគួរជាទីគយគន់ក្រៃលែង។ នៅក្នុងកម្មវិធីនេះក្រៅពីមានទេសភាពផ្កាដ៏ស្រស់ស្អាត សម្រាប់អ្នកទេសចរថតរូបកម្សាន្តមិនជិនណាយហើយ ​ថែមទាំងមានស្តង់លក់ទំនិញ  និងកម្មវិធីពិសេសៗសប្បាយៗជាច្រើនផងដែរ។ ពេលវេលាល្អបំផុតដើម្បីចូលរួមពិធីបុណ្យផ្កាដ៏អស្ចារ្យនេះ អ្នកអាចមកទស្សនា ក្នុងអំឡុងចាប់ពីពាក់កណ្តាលខែឧសភា រហូតដល់ដើមខែមិថុនា ព្រោះផ្កាមួយនេះវារីកត្រឹមតែរយៈពេលខ្លីតែប៉ុណ្ណោះ។ ដើម្បីទៅទស្សនាបុណ្យផ្កា…

សៀមរាប៖ ពពួកអាងត្រីក្រោមទឹក ​ដែលផ្តល់ទស្សនីយភាពអស្ចារ្យប្លែក ​ប្រៀបបីដូចជាអ្នកទស្សនាស្ថិតនៅក្នុងមហាសមុទ្រពិតៗ ​មានភាពល្បីល្បាញមែនទែននៅប្រទេសជិតខាងយើង ​ដូចជាប្រទេសថៃ ​វៀតណាម ​និងសិង្ហបុរីជាដើម។ពេលនេះអស្ចារ្យណាស់ ប្រទេសកម្ពុជាយើងក៏កំពុងតែអភិវឌ្ឍន៍ និងដើរទាន់សម័យដូចជាប្រទេសជាតិខាងដែរហើយ មិនថាសំណង់អគារ ​ឬកន្លែងកម្សាន្តនោះទេ សូម្បីតែអាងចិញ្ចឹមត្រីក្រោមទឹក ​ក៏នឹងមានឆាប់ៗនៅក្នុងស្រុកខ្មែរយើងដែរ។ ថ្មីៗនេះ ខេត្តសៀមរាបកំពុងតែគ្រោងសាងសង់អាងទឹកចិញ្ចឹមត្រីដ៏ធំ និងប្រណីតជាងគេមួយ ​ដែលមានគម្រោងវិនិយោគតម្លៃដល់ទៅ ៧០លានដុល្លាឯណោះ ស្ថិតលើដីទំហំ ១០០ហិចតា ហើយគ្រោងនឹងបើកការដ្ឋាននៅក្នុងខែមិនា  ឆ្នាំ ២០១៩ ខាងមុខនេះទៀតផង។ គួរឱ្យដឹងផងដែរថា ការសាងសង់អាងទឹកមួយនេះមានការសហការវិនិយោគពីកម្ពុជា និងប្រទេសជប៉ុន ​ដោយសាងសង់ជាទឹកសាបផង និងទឹកប្រៃផង ថែមទាំងប្រមូលមច្ឆជាតិកម្រៗមកចិញ្ចឹម និងតាំងបង្ហាញផងដែរ។…

ឌូបៃ-អារ៉ាប់រួម៖ បើនិយាយពីឌូបៃប្រាកដណាស់ លោកអ្នកប្រហែលជាយល់ថាវា គឺជាទីក្រុងដ៏ក្តៅហួតហែង ដែលសម្បូរទៅដោយវាលខ្សាច់ និងអគារខ្ពស់ៗបែបទំនើប តែវាមិនមែនដូច្នេះទាំងអស់នោះទេ។ ឌូបៃក្រៅពីមានអគារដ៏ខ្ពស់ស្កឹមស្កៃ បែរជាមានសួនផ្កាធម្មជាតិដ៏ស្រស់ស្អាតមួយកន្លែងដែលស្ទើរតែមិនជឿថាវាមានលក្ខណៈអស្ចារ្យបែបនេះទាល់តែសោះ ថែមទាំងពោរពេញដោយភាពច្នៃប្រតិដ្ឋផងដែរមានឈ្មោះថា Dubai Miracle ។ Dubai Miracle មានដាំដុះផ្កាចម្រុះពណ៌ជាង ៤៥លានប្រភេទនៅលើទំហំដីដល់ទៅជាង ៧ហិចតា តែវាមិនមែនត្រឹមតែជាសួន ឬចម្ការផ្កាប៉ុណ្ណោះទេ តែក៏មានច្នៃរចនាដើមផ្កាជារាងបេះដូង រាងយន្តហោះដ៏ធំ និងរូបរាងប្លែកៗស្អាតៗជាច្រើនទៀតផងដែរ។ ដើម្បីឱ្យកាន់តែជ្រាបច្បាស់សូមទស្សនារូបភាពខាងក្រោមនេះ ៖

វៀតណាម៖ ការធ្វើដំណើរកម្សាន្តម្តងៗ ​ច្បាស់ណាស់ថាត្រូវចំណាយអស់ប្រាក់កាសមិនតិចនោះទេ ​ជាពិសេសគឺការដើរលេងនៅក្រៅប្រទេសតែម្តង តែការដើរលេងក្រៅប្រទេសគឺសុទ្ធតែជាក្តីស្រមៃរបស់មនុស្សម្នាក់ៗ ដើម្បីចង់ស្វែងយល់ពីពិភពខាងក្រៅផង និងចង់ទទួលបានចំណិអារម្មណ៍ថ្មី ទេសភាពប្លែកផងដែរ។ ជាការពីតណាស់​​ចង់ទៅលេងក្រៅប្រទេស  ហើយចំណាយលុយអស់តិចជាងប្រទេសដទៃ ​យើងខ្ញុំសុំណែនាំប្រិយមិត្តទាំងអស់​ អាចជ្រើសរើសប្រទេសវៀតណាមជាគោលដៅបាន។ ដោយប្រទេសវៀតណាម ​មានលុយថោកជាងប្រទេសខ្មែរយើងគួរសម ​ឯការចំណាយក៏មិនច្រើនដូចជាប្រទេសថៃ  សិង្ហបុរី ​ឬម៉ាឡេស៊ីផងដែរ ​តែទេសភាពធានាថាស្អាតៗរហូតធ្វើឱ្យអ្នករំភើបចិត្តបំភ្លេចមិនបាន។ ប្រសិនជាអ្នកចង់ទទួលបានទស្សនីយភាពប្លែកថ្មី ​យើងខ្ញុំសូមណែនាំឱ្យលោកអ្នកទៅលេងកន្លែងពិសេសៗចំនួន៣ នៅក្នុងប្រទេសវៀតណាម ​នោះគឺខេត្ត Danang  ទីក្រុង Hoi An  និងឆ្នេរ Halong ។ សូមទស្សនារូបភាពខាងក្រោមនេះ៖  អត្ថបទដោយ៖ ក្នុងស្រុក

តៃវ៉ាន់៖ បើនិយាយពីការធ្វើដំណើរកម្សាន្ត ​ពិតណាស់ ​មានកន្លែងជាច្រើន ដែលមនុស្សគ្រប់គ្នាប្រាថ្នាចង់ទៅ ​គឺទាំងប្រទេសប៉ែកអាស៊ី និងប៉ែកអឺរ៉ុប។ នៅក្នុងនោះ ការចង់ទៅទស្សនាប្រទេសអឺរ៉ុបដែលមានទេសភាពស្អាតៗ ក៏ជាទីកន្លែងស្រមៃរបស់មនុស្សជាច្រើនផងដែរ ​ដោយសារតែវាមានអាកាសធាតុ និងទេសភាពស្រស់ស្អាតមែនទែន។ ដោយប្រទេសញ៉ូសឺឡែន៍ ​គឺជាប្រទេសមួយដែលមានទេសភាពបែបធម្មជាតិស្រស់ស្អាត និងទីកន្លែងប្លែកៗគួរជាទីចាប់អារម្មណ៍ តែការប្រាថ្នាទៅប្រទេសដែលឆ្លងមហាសមុទ្រ និងចម្ងាយរាប់ពាន់យោជន៍ ​វាមិនមែនជារឿងងាយស្រួលនោះទេ ​ឯតម្លៃនៅក្នុងដំណើរកម្សាន្តក៏មិនថោកនោះដែរ។ តែពេលនេះលែងបារម្ភហើយ ​ចង់ទស្សនាទីកន្លែងដែលមានទិដ្ឋភាពស្រស់ស្អាត ​ស្ទើរតែដូចប្រទេសញ៉ូសឺឡែន៍  មិនបាច់ទៅណាឆ្ងាយ ​ត្រឹមតែកោះតៃវ៉ាន់ក៏បានដែរ។  ដយកោះតៃវ៉ាន់មានធម្មជាតិស្រស់បំព្រេង ​ទាំងព្រៃភ្នំ ​និងកន្លែងបែបធម្មជាតិគួរឱ្យចង់គយគន់ជាច្រើនទៀត។ តោះ! ចង់ដឹងថាកៅះតៃវ៉ាន់មានទេសភាពបែបណា ​តមដានទស្សនាទាំងអស់គ្នា៖