ដើរកម្សាន្ត

បាត់ដំបង៖ ដូចដែលយើងបានដឹងហើយថា ​ខេត្តបាត់ដំបងគឺជាខេត្តដែលសម្បូរទៅដោយភាគទ្រព្យសម្បត្តិធម្មជាតិ ​និងសំណង់បែបវប្បធម៌ប្រវត្តិសាស្រ្តជាច្រើនសុទ្ធតែមានតម្លៃយ៉ាងថ្លាថ្លៃ។ នៅក្នុងនោះ ​ថ្មីៗនេះ កុដិបុរាណមួយកន្លែងត្រូវបានគេរកឃើញថាមានបន្សល់ដល់សព្វថ្ងៃនៅលើទឹកដីខេត្តបាត់ដំបងមួយនេះ ​ថែមទាំងមានអាយកាលដល់ទៅ ២០៥ឆ្នាំទៀតផង ​ពោលគឺជាការបន្សល់ដ៏អស្ចារ្យពោរពេញដោយមោទកភាពមួយនៃប្រទេសកម្ពុជា  សម្រាប់ឱ្យកូនខ្មែរជំនាន់ក្រោយបានសិក្សាស្វែងយល់ផងដែរ។ កុដិបូរាណ ដែលមានអាយុ  ២០៥ឆ្នាំនេះត្រូវបានគេដឹងថាកសាងក្នុងអំឡុងឆ្នាំ១៨១៤ គ.ស  មាន ដំបូលប្រក់ដោយក្បឿងបុរាណ ជញ្ជាំងបាំងដោយក្តារ ដោយមានផ្នែកខ្លះយកចំបើង ភក់ និងអាចម៍គោ យកមកប៉ាតធ្វើជាស៊ីម៉ង់បិទលើជញ្ជាំង ​រក្សាភាពស្រស់ស្អាត និងទម្រង់ពីដើមបានយ៉ាងល្អ។ គួរឱ្យដឹងផងដែរថា កុដិបូរាណ មួយនេះ​មានទីតាំងស្ថិតនៅក្នុង វត្តសុវណ្ណគិរីភេត្រារាម ហៅវត្តភ្នំសំពៅ ឃុំភ្នំសំពៅ ស្រុកបាណន់  ដោយអ្នកទេសចរណ៍ជាតិ និងអន្តរជាតិអាចទៅទស្សនាបាន…

ការជិះទូកលេងកម្សាន្តលើដងទន្លេពេលនេះបានក្លាយទៅជាកន្លែងពេញនិយមនៃអ្នកទេសចរណ៍ជាតិ និងអន្តរជាតិដើម្បីលំហែអារម្មណ៍នាពេលសម្រាក​ ជាមួយបរិយាកាសត្រជាក់ត្រសៀកៗពីទឹកទន្លេ ​ថែមទាំងអាចមើលថ្ងៃលិចគួរជាទីគយគន់ផងដែរ ​ដោយទូកទេសចរណ៍ដែលកំពុងតែពេញនិយមនោះគឺ « ទូកកម្សាន្តអូខេឡៃ »។ ទូកកម្សាន្តអូខេឡៃ គឺជាក្រុមហ៊ុនដឹងភ្ញៀវទេសចរមួយ ដែលមានទូកចំនួន៣ សម្រាប់ជូនភ្ញៀវកម្សាន្ត នៅតាមដងទន្លេ ដែលទូកទី១ ធ្វើជាអាហារដ្ឋានចតនៅច្រាំង បម្រើសេវាកម្មអាហារ រួមជាមួយនឹងភេសជ្ជៈ ការប្រគំតន្រ្តី និងមានឌីជេ ឯទូកទី២ និង ទី៣ សម្រាប់ដឹកភ្ញៀវជិះកម្សាន្តមើលថ្ងៃលិច គយគន់ទេសភាពទីក្រុងគួរឱ្យរីករាយសប្បាយចិត្ត។ -ទូកទី១ មិនចេញដំណើរទេ ចតនៅមាត់ច្រាំងរងចាំបម្រើសេវាកម្មម្ហូបអាហារ និង ភេសជ្ជៈ ចាប់ពីម៉ោង ៥កន្លះល្ងាច ដល់ម៉ោង២ភ្លឺ…

នៅក្នុងប្រទេសកម្ពុជាយើង ​មានទីកន្លែងកម្សាន្តបែបធម្មជាតិជាច្រើនកន្លែងណាស់សុទ្ធតែមានទេសភាពស្រស់ស្រាយ  ត្រជាក់ភ្នែក ​ត្រជាក់អារម្មណ៍ ​ដើម្បីកម្សាន្តសប្បាយរំសាយទុក្ខកង្វល់នានាបាន ​ដោយក្នុងនោះ នៅក្នុងខេត្តតាកែវ ព្រំប្រទល់ខេត្តកំពតមានកន្លែងកម្សាន្តបែបថ្មីមួយកន្លែងទៀតហើយទទួលបានការពេញនិយមពីភ្ញៀវទេសចរណ៍ទាំងជាតិ និងអន្តរជាតិមានឈ្មោះថា « រមណីយដ្ឋានធម្មជាតិម្លេច »។ « រមណីយដ្ឋានទំនប់ម្លេច »  នេះ ត្រូវបានគេដឹងថា មានទេសភាពធម្មជាតិបៃតងយ៉ាងស្រស់បំព្រង ជាមួយជួរភ្នំតូចធំ ទេសភាពព្រៃឈើតូចធំខៀវស្រងាត់ បៃតង និង ទឹកថ្លាឈ្វេងអាចហែលលេងបាន ​ពោលគឺជាទីកន្លែងកំសាន្តបែបធម្មជាតិដ៏ពេញនិយមដែលគ្រប់គ្នាប្រាថ្នាដូចជា ៖ -មានចំណតរថយន្តធំទូលាយ ដែលអាចចតរថយន្តបានរហូតដល់១៣០គ្រឿង -មានបំរើអាហារបែបខ្មែរ ជាពិសេសមាន់ស្រែដុតភ្លាមៗមានរសជាតិឈ្ងុយឆ្ងាញ់ និងភេសជ្ជៈគ្រប់មុខ ព្រមទាំងមានកាហ្វេគ្រាប់កិនភ្លាមៗ នាំចូលពីអុីតាលី…

នៅក្នុងខេត្តកណ្តាលម្តុំភ្នំប្រសិទ្ធ​​ គឺជាទឹកដីកម្សាន្តដែលនៅជិតទីក្រុងភ្នំពេញ ​សម្បូរភ្ញៀវទេសចរណ៍ទាំងជាតិ និងអន្តរជាតិមកកម្សាន្តមិនចេះដាច់ ​ដោយសារតែទីនោះមានជួរភ្នំ ​និងកន្លែងធម្មជាតិកម្សាន្តពោរពេញទៅដោយបរិយាកាសប្លែក ​ស្រស់ស្រាយ ថែមទាំងមិនចំណាយពេលយូរក្នុងការធ្វើដំណើរផងដែរ។ ជាក់ស្តែងថ្មីៗនេះ កន្លែងកម្សាន្តបង្កើតថ្មីមួយទៀតហើយ ​កំពុងតែទាក់ទាញចំណាប់អារម្មណ៍អ្នកកម្សាន្តស្ទើរតែមិនចេះដាច់នោះគឺ « រមណីដ្ឋានជន្លង់ម្លូ »។ រមណីដ្ឋានជន្លង់ម្លូ គឺជារមណីយដ្ឋានបង្កើតថ្មីដែលមានបរិយាកាសស្រស់ស្អាត ​ថ្មីប្លែក មានកន្លែងថតរូប ដែលមានទេសភាពល្អស្អាតស្រស់ត្រកាលអមដោយសួនផ្កាចម្រុះ មានអាងហែលទឹកលេងកម្សាន្តសម្រាប់ក្មេង និងមនុស្សពេញវ័យ មានជិះរ៉ត កង់លើអាកាស ជិះទាទឹក ជិះទូកលេង ស្ទូចត្រីយកធ្វើម្ហូបក៏បានឬយកទៅផ្ទះក៏បានដោយគិតគីឡូ។ នៅក្នុងនោះក៏មានកញ្ចុះសម្រាប់អង្គុយលេងក្បែរមាត់ទឹក ដោយអាចកំម៉ុងម្ហូបអាហារបែបជនបទ ​សុទ្ធតែមានរសជាតិឆ្ញាញ់ពិសា ប្រកបដោយអនាម័យខ្ពស់ តម្លៃសមរម្យ រួមជាមួយនឹងបុគ្គលិករួសរាយរាក់ទាក់…

ជាការពិតណាស់ខេត្តមណ្ឌលគិរី ​ត្រូវបានគេដឹងថាជាខេត្តដែលសម្បូរទៅដោយភោគទ្រព្យធម្មជាតិដ៏សំខាន់ ដូចជាព្រៃភ្នំ ​ទេសភាពវាលទំនាបតូចធំបង្កើតជាបរិយាកាសស្រស់ស្រាយគួរជាទីមនោរម្យ  ដែលអាចបង្កើតជារីហ្សតស្នាក់នៅ ​និងកន្លែងកម្សាន្តសុទ្ធតែមានទស្សនីយភាព និងទេសភាពត្រជាក់ចិត្ត។ នៅក្នុងនោះផងដែរ ​ថ្មីៗនេះ សួនឧទ្យាន សម្បត្តិ មុន្នីឧត្តម ត្រូវបានគេដឹងថាជារីហ្សតដែលទើបតែបើកថ្មី តែទទួលបានការពេញនិយមមកលេងកម្សាន្តយ៉ាងច្រើនពីសំណាក់ភ្ញៀវទេសចរជាតិ និង អន្តរជាតិឱ្យទៅសម្រាកលំហែកាយ នៅទីនោះយ៉ាងច្រើនកុះករ ដោយអាចជ្រើសជាផ្ទះរីហ្សតស្នាក់នៅក៏បាន ​បោះតង់ក៏បានសុទ្ធតែមានបរិយាកាសរីករាយដូចគ្នា។ នោះក៏ដោយសារតែ សួនឧទ្យាន សម្បត្តិ មុន្នីឧត្តម មានសួនផ្កាចំរុះពណ៌យ៉ាងស្រស់ស្អាត រងចាំស្វាគមន៍ ​មានការតុបតែងកន្លែងកម្សាន្ត និងស្នាក់នៅកែច្នៃយ៉ាងប្លែកភ្នែក ​ជាពិសេសនៅពេលយប់ថែមទាំងអាចបោះតង់ គេងមើលផ្កាយ អាំងសាច់ជប់លៀងជាមួយគ្រួសារ និងមិត្តភក្តិ ​ព្រមទាំងមានការសម្តែងរបាំជនជាតិកំដរផងដែរ…

ដូចដែលយើងបានដឹងរួចមកហើយថា  វិស័យទេសចរណ៍គឺជាធនធានយ៉ាងសំខាន់ដែលនាំឱ្យសេដ្ឋកិច្ចប្រទេសជាតិមានការរីកចម្រើន  ជាពិសេសថែមទាំងលើកមុខមាត់ប្រទេសទៅកាន់បណ្តាប្រទេសជុំវិញពិភពលោកឱ្យដឹង  ឱ្យស្គាល់ពីប្រទេសទេសចរណ៍មួយនេះទាំងផ្នែកធនធានសម្បត្តិធម្មជាតិ  សិល្បៈ វប្បធម៌ និងកន្លែងកម្សាន្តពិសេសៗអស្ចារ្យផងដែរ។ ចំណូលពីវិស័យទេសចរណ៍នានានៅលើបណ្តាប្រទេសមួយចំនួនត្រូវបានគេដឹងថាមានចំនួនច្រើនដែលអាចជួយប្រជាជននៅក្នុងភូមិស្រុក និងតំបន់ទេសចរណ៍នោះបានឱ្យរស់ស្រួល។ ​ជាក់ស្តែងប្រទេសថៃវិញក៏ត្រូវបានគេដឹងថា ​មានសេសសល់ប្រាសាទ និងវត្តអារាមបុរាណច្រើនមិនចាញ់ប្រទេសយើងដែរ ​ដោយសូម្បីតែវត្តបុរាណតែមួយកន្លែងសោះធ្វើឱ្យប្រជាជនក្នុងតំបន់សុទ្ធតែមានការងារធ្វើ និងមានជីវភាពល្អប្រសើរតាមការលំហូរចូលសាច់ប្រាក់ទេសចរណ៍។ ហាក់មានការអាក់អន់ចិត្តចំពោះការរៀបចំវិស័យទេសចរណ៍កម្ពុជាមិនទាន់មានភាពល្អប្រសើរ ​ស្រាប់តែមានអ្នកលេងបណ្តាញសង្គមហ្វេសប៊ុកម្នាក់ បានចេញមុខរៀបរាប់នូវដំណើរកម្សាន្តរបស់ខ្លួននៅក្នុងប្រទេសថៃ ជាមួយនឹងការប្រៀបធៀបជាមួយនឹងប្រទេសកម្ពុជាយើង ដែលលោកអ្នកគួរតែសាកត្រិះរិះពិចារណាទុកជាបទពិសោធន៍ និងការអភិវឌ្ឍន៍វិស័យទេសចរណ៍បន្ត។ តាមរយៈគណនីហ្វេសប៊ុក Vannak Nheb បានរៀបរាប់ថា៖ « គ្រាន់តែវត្តចំណាស់មួយសោះ គេអាចរកចំនូលបានធូរធាស្ទើរតែគ្រប់ប្រជាជនក្នុងតំបន់ ចំណែកយើងមានដល់ប្រាសាទរាប់ភ្លេច តែមិនដឹងរកចំណូលតាមណាក្រៅតែពីតម្លើងតម្លៃសំបុត្រសម្រាប់ជនបរទេស.តម្លៃម្ហូប និងសេវាកម្មផ្សេងៗកាប់ស៊ីតាមមាត់..ផ្នត់គំនិតប្រជាជនគេគឺការចែករំលែកគ្នារស់ ចំណែកយើងដណ្តើមគ្នារស់..រដ្ឋគេទំនុកបម្រុងនិងគាំទ្រពេញទំហឹងទាំងវិស័យកសិកម្ម សុខាភិបាល…

ជាការពិតណាស់សព្វថ្ងៃ ​មនុស្សចូលចិត្តការដើរកម្សាន្តដើម្បីបំបាត់ក្តីនឿយហត់  ស្ត្រេស ​និងចង់ទទួលបានភាពរីករាយផងដែរ ​ដូច្នេះហើយបានជាការដើរលេងតាមបណ្តាខេត្តដែលមានធម្មជាតិស្រស់ស្រាយក្លាយជាជម្រើសរបស់មនុស្សជាច្រើន ​តែសម្រាប់អ្នកដែលចង់ទទួលបានបរិយាកាសស្ងប់ស្ងាត់បែបធម្មជាតិផង  ចង់រស់នៅជីវភាពស្រុកស្រៃបែបសាមញ្ញផង ​តែមិនសូវមានពេលវេលាធ្វើដំណើរទៅឆ្ងាយនោះ « ​ក្នុងស្រុក ​» សូមណែនាំកន្លែងស្នាក់នៅមួយកន្លែងដ៏ពេញនិយមនោះគឺ  « Maya  Village  »។ Maya Village គឺជាលំនៅដ្ឋានខ្មែរបុរាណបែបទេសចរណ៍ ដែលជាទីពេញនិយមសម្រាប់ភ្ញៀវទេសចរជាតិ និងអន្តរជាតិក្នុងការមកទស្សនាព្រមទាំងជួលនូវសេវាកម្មសម្រាកលំហែកាយផងដែរ ​ដោយសារតែកន្លែងស្នាក់នៅមួយនេះ មានការរៀបចំជាលក្ខណៈផ្ទះខ្មែរបុរាណជាច្រើនខ្នងដែលប្រមូលទិញពីគ្រប់ខេត្តក្រុង ទាំងតូចទាំងធំ ​យកមកកែច្នៃ ​តុបតែងបន្ថែម ឯផ្ទះខ្លះថែមទាំងមានអាយុ ៣០ ​ទៅ ​៥០ឆ្នាំផងដែរ សម្រាប់ភ្ញៀវស្នាក់កម្សាន្ត  គ្រាន់តែឈានជើងចូលអ្នកនឹងមានអារម្មណ៍ថាស្រស់ស្រាយ…

បាត់ដំបង៖ ខេត្តបាត់ដំបង ​គឺជាខេត្តទេសចរណ៍ដ៏ល្បីមួយ ​ដែលមានទីកន្លែងប្រវត្តិសាស្រ្ត និងទេសភាពភ្នំតូចធំសម្រាប់ដើរកម្សាន្តស្ទើរតែរាប់មិនអស់ ​សុទ្ធតែមានភាពស្រស់ស្អាតបរិយាកាសស្រស់ស្រាយជាច្រើនកន្លែង។ នៅក្នុងនោះ ចំការផ្កាស្បៃរឿងជើងភ្នំសំពៅ  ត្រូវបានគេដឹងថាជាកន្លែងកម្សាន្តដ៏ពិសេសមួយសម្រាប់អ្នកបាត់ដំបង ​និងអ្នកទេសចរណ៍មកពីគ្រប់ទិសទីផងដែរ ​ដោយទីនោះមានផ្ទៃដីទំហំធំដាំទៅដោយផ្កាស្បៃរឿងជាច្រើនដើម និងដើមផ្កាជាច្រើនដើមទៀត ផ្តល់នូវទេសភាពលឿងខ្ចីដូចក្រាលព្រំមាស។ ថ្មីៗនេះផងដែរ ​ចំការស្បៃរឿងត្រូវបានគេដាំលម្អថ្មី ​និងកាន់តែមានចំនួនច្រើនជាងមុន មានទេសភាពស្រស់ស្អាតមែនទែនដើម្បីស្វាគមន៍ភ្ញៀវមកកម្សាន្តនៅក្នុងរដូវការថ្មី ពិសេសសម្រាប់ថ្ងៃឆ្លងឆ្នាំតែម្តង។ នៅក្នុងនោះក្រៅពីមកថតរូបកម្សាន្ត ​នៅទីនោះថែមទាំងមានកន្លែងអង្គុយទទួលទានអាហារជុំគ្នាទាំងពេលថ្ងៃ ​និងជួបជុះមិត្តភក្តិឆ្លងឆ្នាំដាច់យប់ផងដែរ។ គួរឱ្យដឹងផងដែរថា ចំការផ្កាស្បៃរឿងជើងភ្នំសំពៅ  មានទីតាំងស្ថិតនៅក្នុងភូមិភ្នំសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង ( ចុះពីផ្លូវជាតិ ៥៧ ប្រហែល៥០០ម៉ែត្រ ស្របតាមសាលារៀន…

ប្រាសាទនាគព័ន្ធ ត្រូវបានសាងសង់ឡើងនៅរជ្ជកាល ព្រះបាទជ័យវរ្ម័នទី៧ នាឆ្នាំ១១៩១ ដើម្បីឧទ្ទិសថ្វាយដល់ព្រះពោធិសត្វ លោកេស្វរៈ (ព្រះពុទ្ធសាសនាមហាយាន) និងព្រះពុទ្ធស្ដេចថ្នាំនាម ភែសជ្យគុរុ។ ប្រាសាទនេះមានទីតាំងឋិតនៅចំកណ្ដាលបារាយណ៍ « ជ័យតដាក » (Jayatataka) ដែលបារាយណ៍នេះមានទទឹង ៩០០ម និងបណ្ដោយប្រវែង ៣,៥០០ម ។ ប្រាសាទនេះសាងសង់ឈរលើអ័ក្សតែមួយនឹងប្រាសាទព្រះខ័ន ។ វាត្រូវគេសាងសង់ឡើងនៅលើកោះសិប្បនិម្មិតដែលមាន ៣៥០ម ក្នុងមួយជ្រុងៗ ព្រមទាំងមានកាំជណ្ដើរថ្មបាយក្រៀម និងរចនាដោយបង្កាន់ដៃ ។ កំពែងដី ដែលមានប្រវែង ៣៤០ម ក្នុងមួយជ្រុង បានត្រូវគេសង់ព័ទ្ធជុំវិញប្រាសាទ។…

ថ្មីៗនេះហាងអាហារមួយកន្លែង ​បាននឹងកំពុងតែទទួលបានការពេញនិយមថាមានមុខម្ហូបឆ្ងាញ់ពិសា  ជាពិសេសគឺការតុបតែងស្អាតប្លែកខ្លាំងនៅក្នុងន័យអភរិក្សសិល្បៈវប្បធម៌ភ្លេងបុរាណខ្មែរ ​រហូតទទួលបានការកោតសរសើរជាខ្លាំងពីសំណាក់អ្នកលេងបណ្តាញសង្គមហ្វេសប៊ុក។ ហាងមួយនេះត្រូវបានតុបតែងលក្ខណៈ ​Classic  ស្រស់ស្អាត ​ដោយមានការតាំងរូបចាប៉ីយក្ស ​និងទ្រយក្ស នៅក្នុងហាងផ្ទាល់តែម្តង ​ដើម្បីជាការតាំងបង្ហាញភ្ញៀវក្នុងន័យស្រលាញ់អភិរក្សឧបករណ៍ភ្លេងខ្មែរពិត។ រូបភាពទាំងនេះត្រូវបានភ្ញាក់ផ្អើលដោយការបង្ហាញដោយម្ចាស់ហ្វេសប៊ុកមានឈ្មោះថា ​Vannak  Sam ថែមទាំងបានរៀបរាប់ថ៖ « ​ ខ្លាំងអីតែថៃ ខ្មែរក៏អាចធ្វើបានដែរ តែមកពីយើងម្នាក់ៗ ចូលចិត្តមើលតែរបស់គេធ្វើ មិនដែលមើលរបស់ខ្លួនឯង វប្បធម៌ខ្លួនឯងធ្វើទេ !! ស្អាតទេ !! ទ្រខ្មែរ ចាប៉ីខ្មែរ ស្នាដៃខ្មែរ !!!​​»។ គួរឱ្យដឹងផងដែរថា ហាងដែលមានគំនិតអភិរក្សវប្បធម៌ខ្មែរមួយនេះមានឈ្មោះថា…

ជាការពិតណាស់វេលាសប្បាយរីករាយ ​ថ្ងៃបុណ្យគ្រឹស្តម៉ាស ​ឬបុណ្យណូអ៊ែល និងថ្ងៃឆ្លងឆ្នាំសកល ២០១៩ ​ចូលឆ្នាំ ​២០២០ ​កាន់តែខិតជិតមកដល់ ​ឯមនុស្សមួយចំនួនក៏បានរៀបគម្រោងគ្រោងនឹទៅកម្សាន្តនៅតាមបណ្តាខេត្តនានាទៅតាមចំណូលចិត្តរៀងៗខ្លួន ​ជាពិសេសគឺខេត្ត ​កំពត ​ព្រះសីហនុ ​និងខេត្តសៀមរាបតែម្តង។ ជាក់ស្តែង ​ឆ្នាំណាក៏ដូចឆ្នាំណាដែរ ​កន្លែងឆ្លងឆ្នាំដ៏ពេញនិយម  និងសម្បូរទៅដោយយុវវ័យទាំងខ្មែរបរទេសប្រុសស្រីជុំគ្នាកម្សាន្តសប្បាយនោះ ​គឺនៅក្នុងខេត្តសៀមរាប ​ទឹកដីអច្ឆរិយៈនៃកម្ពុជា។ ខេត្តសៀមរាបក្រៅពីការកម្សាន្តនៅពេលថ្ងៃដើរលេងតាមប្រាសាទ​​ទីកន្លែងប្រវត្តិសាស្រ្ត និងកន្លែងធម្មជាតិដ៏ច្រើណអនេកហើយ ​នាពេលរាត្រី ​Pub  Street  ត្រូវបានគេដឹងថាមានកម្មវិធីពិសេសៗសប្បាយៗជារៀងរាល់ឆ្នាំ​ ជាពិសេសគឺការតុបតែងតាមផ្លូវគឺថាស្រស់ស្អាតភ្លើងពណ៌កបស៊េរីតែម្តង។ ចំពោះឆ្នាំនេះ ​គឺថាស្អាតកប់ជាងឆ្នាំមុនទៅទៀត ​មិនទាន់ដល់ថ្ងៃកម្មវិធីផង ​Pubstreet  ចាប់ផ្តើមសប្បាយបណ្តើរៗហើយ ​ក្រឡេកមកមើលតាមដងវិថីមានការតុបតែងលម្អទៅដោយភ្លើង…

ប្រទេសកម្ពុជាគឺជាប្រទេសដែលសម្បូរទៅដោយសម្បត្តិជាច្រើនអនេក​​ទាំងសម្បត្តិធម្មជាតិ និងវប្បធម៌ផ្នែកវប្បធម៌  ជាពិសេសគឺប្រាង្គប្រាសាទអង្គរ ​ដែលជាសម្បត្តិបេតិកភណ្ឌពិភពលោកដ៏ល្បីល្បាញផងដែរ។ ​ដោយហេតុនេះហើយបានជាក្នុងមួយឆ្នាំ ​កម្ពុជាបានស្រូបទាញចំនួនភ្ញៀវទេសចរណ៍រាប់លានអ្នកមកកម្សាន្តមិនចេះដាច់។ នៅក្នុងនោះសូម្បីតែវែបសាយទេសចរណ៍បរទេសដ៏ល្បី Culture  Trips  ក៏បានសរសេរអត្ថបទដ៏ទាក់ទាញមួយជួយផ្សព្វផ្សាយទេសចរណ៍ក្នុងស្រុកខ្មែរផងដែរ។ ទាំងនេះជាហេតុផលទាំង ​១៣យ៉ាងដែលវែបសាយបរទេស ​បានរៀបរាប់ពីមូលហេតុដែលភ្ញៀវទេសចរណ៍ត្រូវតែមកលេងប្រទេសកម្ពុជា ៖ ១. ប្រាសាទអង្គរវត្ត៖ ​កម្ពុជាយើងមានប្រាសាទអង្គរវត្ត ​ជាប្រាសាទអច្ឆិរយៈ ​ដ៏អស្ចារ្យចូលជាសម្បត្តិបេតិកភណ្ឌពិភពលោក  ដែលមានភាពប្រណីតស្រស់ស្អាត និងអស្ចារ្យខ្លាំងលើលោក។ ២. ស្នាមញញឹម និងភាពរួសរាយ៖  ប្រជាជនខ្មែរត្រូវបានពិភពលោកទទួលស្គាល់ថា ​ជាប្រទេសដែលមានស្នាមញញឹមស្រស់ស្អាតស្មោះត្រង់ចេញពីចិត្ត ​ជាប្រជាជនមានភាពរួសរាយ ​និងចេះជួយយលអាសារគ្នាទៅវិញទៅមក។ ៣. ប្រជុំកោះស្រស់ស្អាតមិនទាន់កែច្នៃ៖ ​ឆ្នេរសមុទ្រ ​និងបណ្តុំកោះនៅស្រុកខ្មែរ​​ត្រូវបានគេដឹងថាមានភាពស្រស់ស្អាតពីធម្មជាតិ…

កោះកុង៖ ខេត្តកោះកុង ​គឺជាខេត្តដែមដីកោះខណ្ឌចែកដោយសមុទ្រ ​និងដងព្រែកនានា  បង្កើតបានជាខេត្តដែលមានអំណោយផលទេសចរណ៍ផ្នែកផ្លូវទឹក​ ជួរភ្នំ ​ទឹកជ្រោះ និងព្រៃកោងកាង ​ស្រស់ស្អាតគួរជាទីកម្សាន្តអារម្មណ៍ ​ហើយរហូតមកដល់ពេលនេះក៏មានទីកន្លែងកម្សាន្ត ​និងរីហ្សតជាច្រើនបានបើកដំណើរការជាបន្តបន្ទាប់ដើម្បីស្វាគមន៍អ្នកទេសចរណ៍មកសម្រាកដើម្បីបំបាត់ក្តីនឿយហត់ផងដែរ។ ថ្ងៃនេះ ​« ក្នុងស្រុក ​» ​សូមណែនាំរីហ្សតមួយកន្លែងនៅក្នុងខេត្តកោះកុង ដែលត្រូវបានគេពេញនិយមទៅសម្រាកកម្សាន្តព្រោះតែមានបរិយាកាសស្រស់ស្អាត ​ស្ងប់ស្ងាត់ ​ជាមួយធម្មជាតិពិតៗនោះគឺ រីហ្សតកោះអណ្ដែត (Koh Andet Eco Resort)។ រីហ្សតកោះអណ្តែត ​គឺជារីហ្សតបែបអេកូមួយ ​ដែលមានសង់បន្ទប់ស្នាក់នៅបែបជនបទ ​ប្របមាត់ទឹក ​តែមានភាពស្រស់ស្អាតទំនើបនៅក្នុងផ្នែកបន្ទប់ខាងក្នុងមិនចាញ់សណ្ឋាគារទំនើបនានាឡើយ ពោលគឺបរិយកាសស័ក្តសមសម្រាប់អ្នកដែលចូលចិត្តភាពស្ងប់ស្ងាត់ និងធម្មជាតិពិតៗ ដើម្បីបន្ធរភាពតានតឹង…

កណ្តាល៖  ចង់បានទីកន្លែងកំសាន្តថ្មី ត្រូវបានគេដឹងថាមិនបាច់ទៅណាឆ្ងាយទេ ពោលគឺនៅជិតបង្កើយទីក្រុងភ្នំពេញតែម្តង ​នោះគឺ ​Resort  7NG  នៅវិហារសួគ៌។ ទីកន្លែងថ្មីនេះ ​ត្រូវបានគេដឹងថា ​ជារីហ្សតបែបលូមួយ ​ដែលមានកន្លែងស្នាក់នៅប្រណីត មិនចាញ់នៅតាមបណ្តាខេត្តនានានោះទេ ​ទេសភាពក៏ស្រស់បំព្រង ​ខ្យល់អាកាសបរិសុទ្ធ ពោលជាកន្លែងកម្សាន្តដែលលោកអ្នកអាចមកសម្រាកកម្សាន្តនាពេលទំនេរពីការងារបាន។ គួរឱ្យដឹងផងដែរថា រីហ្សត 7NG មួយនេះមានទីតាំងស្ថិតនៅក្នុងឃុំវិហារសួរគ៌ ស្រុកខ្សាច់កណ្តាល ខេត្តកណ្តាល រក្សាសិទ្ធអត្ថបទ៖ ក្នុងស្រុក ប្រភពរូបភាព៖ តោះ ដើរលេង

កំពង់ចាម៖ កំពង់ចាម ​គឺជាខេត្តដីក្រហមដីស្អិតមួយ ​ដែលអំណោយផលដល់ដំណាំហូបផ្លែជាច្រើន ​ថែមទាំងពៅរពេញទៅដោយទេសភាពភ្នំតូចធំស្រស់បំព្រងជាទីកម្សាន្តអារម្មណ៍ផងដែរ។ ថ្មីៗនេះផងដែរ​​ទីកន្លែងកម្សាន្តថ្មីមួយកន្លែងទៀតហើយ ​កំពុងតែទាក់ទាញភ្ញៀវទេសចរណ៍មកម្សាន្តយ៉ាងកុះករថា ​ជាទីកន្លែងកម្សាន្តបែបធម្មជាតិប្លែកនោះគឺ « សួនកំសាន្ត​ ម្លប់ស្នាយ​ស្រីឈូក​ » ។ « សួនកំសាន្ត​ ម្លប់ស្នាយ​ស្រីឈូក​ » ត្រូវបានគេដឹងថាមានទីតាំងល្អខ្លាំងណាស់​ មានភ្នំព័ទ្ធជុំវិញ មានបឹងទន្លេខ្យល់បក់ត្រសៀកៗពោរពេញទៅដោយបរិយាកាសបរិសុទ្ធ ​ជាពិសេសអាចថតរូបកម្សាន្តពេលថ្ងៃលិចដឹងតែអែមហ្មង​។ នៅក្នុងនោះផងដែរ ​កន្លែងកម្សាន្តមួយនេះ ​ថែមទាំងមានកញ្ចុះអង្គុយកម្សាន្តអារម្មណ៍ និងមានការបម្រើម្ហូបអាហារបែបស្រុកស្រែមានរសជាតិឈ្ងុយឆ្ងាញ់ ថែមទាំងមានតម្លៃសមរម្យទៀតផង។ គួរឱ្យដឹងផងដែរថា សួនកំសាន្ត​ ម្លប់ស្នាយ​ ស្រីឈូក​ មានទីតាំង​នៅភូមិស្រឡៅ​ ឃុំអំពិល​ស្រុក​កំពង់សៀម​ខេត្ត​កំពង់ចាម​…