Mythical Bird

ក្តីស្រលាញ់ អាចធ្វើឱ្យមនុស្សម្នាក់មានការប្រែប្រួលយ៉ាងធំមួយ មិនថាជាបុរស ឬមនុស្សស្រីនោះទេ ឱ្យតែលះបង់នូវចិត្តពិត ចាត់ទុកដៃគូម្ខាងទៀតជាក្តីស្រលាញ់ដ៏ពិតប្រាកដ គឺចៀសមិនរួចឡើយអាចដោយសារតែសេចក្តីស្នេហាកើតមាននូវការផ្លាស់ប្តូរមួយ។ មានគេនិយាយថា ស្នេហាដែលល្អអាចនាំឱ្យមនុស្សឆ្ពោះទៅរកទិសដៅអភិវឌ្ឍន៍ល្អមួយ ហើយស្នេហាដែលមិនល្អក៏អាចនាំឱ្យមនុស្សម្នាក់ឆ្ពោះទៅរកទិសដៅអភិវឌ្ឍន៍ដែលមិនល្អដូចគ្នា ។ ជាការពិតណាស់ មនោសញ្ចេតនាអាចរងឥទ្ធិពលពីមនុស្សម្នាក់ ហើយមានការប្រែប្រួលដោយមិនដឹងខ្លួន មិនខ្វល់ថាល្អ ឬអាក្រក់នោះទេ ការប្រែប្រួលទាំងនេះ គឺមិនអាចលាក់បាំងបានឡើយ។ អ្នកនិពន្ធដ៏ល្បីប្រចាំប្រទេសចិនម្នាក់ធ្លាប់បាននិយាយថា ៖ ចំពោះនារីភាគច្រើន អត្ថន័យនៃក្តីស្រលាញ់គឺត្រូវបានគេស្រលាញ់។ នៅក្នុងរឿងមនោសញ្ចេតនា មនុស្សស្រីសុទ្ធតែសង្ឃឹមថា មនុស្សប្រុសស្រលាញ់ខ្លួនឯងយ៉ាងជ្រាលជ្រៅ ចាត់ទុកខ្លួនឯងថាជាក្តីស្រលាញ់ដ៏ពិតប្រាកដ។ ដូច្នេះ កាយវិការរបស់មនុស្សប្រុសណាខ្លះ ទើបអាចចាត់ទុកបានថាពួកគេស្រលាញ់អ្នកពិតប្រាកដបានទៅ? តាមពិតទៅ បន្ទាប់ពីមនុស្សប្រុសម្នាក់ស្រលាញ់មនុស្សស្រីម្នាក់ហើយនោះ កាយវិការគឺជាការបញ្ជាក់ដ៏ស្មោះត្រង់បំផុត…

ពិតជាគួរឱ្យភ្ញាក់ផ្អើលខ្លាំងមែនទែនពេញបណ្តាញសង្គមចិន ក្រោយរឿងពិតមួយបានកើតឡើងថា នៅក្នុងកម្មវិធីមង្គការមួយកន្លែងដែលជាពិធីមង្គលការកូនប្រុសរបស់ខ្លួនម្តាយខាងប្រុស បែរជារកឃើញថាកូនប្រសាស្រីខ្លួនជាកូនបង្កើតរបស់ខ្លួនដែលបានបាត់អស់រយៈពេលជាយូរមកហើយ។ រឿងហេតុនេះបានកើតឡើងនៅក្នុងខេត្តចូចូវ ប្រទេសចិន ដោយក្នុងពេលដែលមានពិធីមង្គលការកំពុងប្រារព្ធឡើង ស្របពេលកូនក្រមុំកំពុងដើរមកពិធីមង្គលការ ម្តាយកូនប្រុសចៃដន្យបានឃើញស្នាមដៅលើដៃកូនប្រសារស្រី មើលទៅស្រដៀងកូនស្រីបង្កើតខ្លួនដែលបាត់ទៅកាលនៅតូច។ ដោយការសង្ស័យថាកូនប្រសារស្រីអាចជាកូនបង្កើតខ្លួនដែលបាត់ទៅ ម្តាយខាងប្រុសបានសាកសួរទៅឪពុកម្តាយខាងស្រីថា: ក្មេងស្រីនេះពួកលោកយកមកចិញ្ចឹមមែនទេ? ពេលនោះឪពុកម្តាយខាងស្រីបានភ្ញាក់ព្រើតនឹងសំណួរនេះព្រោះពួកខ្លួនលាក់រហូតមិនដែលប្រាប់នរណាទេ ហើយក៏ប្រាប់ថាពិតជាកូនចិញ្ចឹមមែន។ បន្ទាប់ពីគ្រួសារខាងស្រីបានបញ្ជាក់យ៉ាងច្បាស់ថា កូនស្រីគាត់នេះពួកគាត់បានទទួលចិញ្ចឹមតាំងពីតូច ខាងកូនក្រមុំនាងបានយំរំភើបបន្ទាប់ពីបានជួបឪពុកម្តាយបង្កើត។ យ៉ាងណាមិញ កម្មវិធីមង្គលការនៅតែបន្តដដែល ដោយសារតែការពិតទៅកូនប្រុសដែលជាកូនកំលោះនេះ ក៏គាត់សុំគេមកចិញ្ចឹមដែរមិនមែនកូនបង្កើតគាត់ទេ៕ ប្រភពបរទេស ប្រែសម្រួលពី៖ Sola Sale

ថ្ងៃនេះពួកយើងចង់ដឹងថាមនុស្សប្រុសស្រលាញ់អ្នកប៉ុន្មានភាគរយ មើលតែរបៀបដែលគេទាក់ទង ឬឆាតមកអ្នកទៅបានហើយ នោះនឹងដឹងចម្លើយជាមិនខាន។ ១. ឱ្យតែមានពេលវេលា គេនឹងទាក់ទង ឬឆាតមកអ្នក ពេលដែលមនុស្សស្រីស្រលាញ់មនុស្សប្រុសម្នាក់ច្បាស់ណាស់ ១ថ្ងៃ២៤ម៉ោង គឺចង់តែនៅក្បែរខ្លួនគេរហូត មិនចង់ទៅណាឆ្ងាយពីគេទេ។ ឱ្យតែមិនបានជួបគេតែបន្តិច គឺយល់ថាឯកោ អផ្សុក តាមពិតទៅមនុស្សប្រុសក៏អ៊ីចឹងដែរ បន្ទាប់ពីស្រលាញ់នារីណាម្នាក់ហើយ ក៏ដូចជាកូនឆ្មាអ៊ីចឹងដែរ  ចង់តែនៅស្និទ្ធជាប់កៀកកើយនឹងអ្នក គ្រប់ពេលវេលាសុទ្ធតែចង់ជួបអ្នក។ ស្រលាញ់មនុស្សម្នាក់គឺលាក់បាំងមិនបានទេ ពេលដែលក្នុងចិត្តមានចិត្តស្រលាញ់គេនោះ ប្រាកដជាទាក់ទងទៅអ្នកម្ខាងទៀតជាមិនខាន ម្យ៉ាងទៀតចំនួនក៏ច្រើនញឹកញាប់ណាស់ដែរ ទោះបីជាពេលដែលធ្វើការក៏អាចផ្ញើសារទៅអ្នក ពេលចេញពីធ្វើការនឹងណាត់អ្នកញុំាអី មើលកុន ពេលឈប់សម្រាក ក៏ណាត់អ្នកចេញទៅដើរលេង។ នេះគឺជាគំនិតដំបូងបន្ទាប់ពីបុរសម្នាក់ស្រលាញ់នារីម្នាក់។ ខ្ញុំមានមិត្តម្នាក់ សង្សារបស់គេគឺនៅក្បែរគេរហូត…

មានគេសួរថា តើនារីបែបណា ទើបចាប់ទុកថាជាប្រពន្ធល្អ? តាមពិតទៅល្អ និងអាក្រក់ ពីដើមមកសុទ្ធតែមិនអាចប្រៀបធៀបគ្នាបាននោះទេ ថ្ងៃនេះយើងខ្ញុំសូមលើកពីចំណុចទូទៅមួយចំនួនរបស់ប្រពន្ធល្អ ដែលបុរសភាគច្រើនប្រាថ្នាចង់បានជាភរិយា យកមកសម្រាយខ្លីៗជូនដល់មិត្តអ្នកអានដើម្បីចូលរួមមកវែកញែកទាំងអស់គ្នា។ ខាងក្រោមនេះគឺជាលក្ខណៈពិសេសធំៗទាំង៩យ៉ាង ដែលនៅក្នុងនោះមានចាប់ពី៣ឡើងទៅ បញ្ជាក់ថាក្នុងផ្ទះអ្នកមានវត្ថុទិព្វហើយ! ១. ចិត្តល្អ ៖ ចិត្តល្អមិនចាំបាច់និយាយនោះទេ នេះគឺជាលក្ខខ័ណ្ឌមូលដ្ឋានរបស់ប្រពន្ធល្អ ឱ្យតែមានចិត្តស្អាតស្អំ ជីវិតទើបកាន់តែស្រស់បំព្រង។ ២. នាងដឹងរឿងគ្រប់យ៉ាង តែបែរជាមិនខ្វល់ខ្វាយច្រើន ៖ និយាយឱ្យស្រួលស្តាប់ នាងរាងល្ងង់បន្តិច ល្ងង់នេះមិនមែនបានន័យថាល្ងង់ខ្លៅនោះទេ ប៉ុន្តែគឺនាងជានារីដែលមិនចូលចិត្តប្រកាន់ច្រើនធ្វើខ្លួនឯងល្ងង់បន្តិច ពីព្រោះរឿងក្នុងគ្រួសារបើធ្វើខ្លួនជានារីឈ្លាសវៃពេក នោះនឹងមានរឿងប្រកាន់ច្រើនជាមិនខាន ។ ៣. កត្តញ្ញូ…

នៅក្នុងរឿងមនោសញ្ចេតនា រឿងដែលធ្វើឱ្យគេមានវិប្បសារីបំផុត គឺមិនមែនស្រលាញ់គ្នាហើយមិនបានគ្នានោះទេ ក៏មិនមែនមើលរំលងរូបគេនោះដែរ តែមនុស្សដែលយើងបានជួបនោះ ព្រោះតែស្រលាញ់គេខ្លាំងពេក បានធ្វើឱ្យបាត់បង់ខ្លួនឯងទៅវិញ។ កាលពីមុន អ្នកគឺជាមនុស្សសាមញ្ញាម្នាក់ ពេលសប្បាយចិត្តក៏សើច ពេលពិបាកចិត្តក៏យំ ពិភពក្នុងចិត្តស្អាតស្អំប្រៀបដូចជាកូនក្មេងអ៊ីចឹង។ រហូតទាល់តែបានជួបនឹងមនុស្សម្នាក់នោះ វត្តមានរបស់គេហាក់ដូចជានាំមកឱ្យអ្នកនូវភាពស្រស់បំព្រង និងទាក់ទាញនូវក្រសែភ្នែករបស់អ្នក អង្រួនចិត្តរបស់អ្នក។ ចាប់ពីពេលនោះមក អារម្មណ៍របស់អ្នកបានផ្លាស់ប្តូរទៅតាមគេ ព្រោះតែគេធ្វើល្អដាក់អ្នកបន្តិចបន្តួច អ្នកក៏សប្បាយចិត្តដូចជាបានញុំាស្ករគ្រាប់អ៊ីចឹង ក៏អាចព្រោះតែមិនយកចិត្តទុកដាក់នឹងអ្នកទុកអ្នកចោល ហើយធ្វើឱ្យ អ្នកពិបាកចិត្តប្រៀបដូចជាធ្លាក់ចូលក្នុងរណ្តៅដ៏ជ្រៅ។ ពេលដែលអ្នកខ្វល់ខ្វាយពីមនុស្សម្នាក់ហួសហេតុពេក អ្វីៗដែលនៅជុំវិញអ្នកទាំងអស់ ប្រៀបដូចជាមានទំនាក់ទំនងជាមួយគេ សូម្បីតែរឿងដែលគ្មានទាក់ទងគ្នាបន្តិចសោះ ក៏អ្នកនៅសុខៗគិតដល់គេដែរ។ ដោយសារតែអ្នកស្រលាញ់គេខ្លាំងពេកហើយ ក៏រមែងឱ្យអ្នកនឿយហត់ខ្លាំង។ ពីព្រោះអ្នកប្រែទៅជាមានជំងឺភ័យខ្លាចការបាត់បង់ ពេលដែលនៅជាមួយគេចេះតែខ្លាចបាត់បង់រូបគេ…