អត្ថបទថ្មីៗ

ថៃ៖ ​បើនិយាយពីដំណើរកម្សាន្តឆ្លងប្រទេស ​របស់ប្រជាជនខ្មែរយើង ​ភាគច្រើនបំផុតគឺឆ្លងទៅលេងប្រទេស ​ថៃ ​និងវៀតណាម ​ដោយសារតែទីតាំងហាត់នៅជិតបង្កើយនឹងប្រទេសកម្ពុជា ​ហើយការចំណាយក៏ធូរថ្លៃខ្លាំងដែរ។ សម្រាប់ប្រទេសថៃ​ ភាគច្រើនបំផុតដំណើរកម្សាន្តមានតែដើរលេងទីកន្លែងកម្សាន្តកែច្នៃ​​និងការដើរ  Shopping  ទិញទំនិញតែប៉ុណ្ណោះ ​តែប្រទេសមួយនេះ ​ក៏មានកន្លែងកម្សាន្តបែបធម្មជាតិស្អាតៗជាច្រើនកន្លែងផងដែរ ​ជាពិសេសនៅតាមព្រំដែនតែម្តង។ Mae Hong Sorn (แม่ฮ่องสอน) ​គឺជាខេត្តមួយដែលរាងដាច់ស្រយាលបន្តិចពីទីក្រុង ស្ថិតនៅភាគខាងជើងប្រទេសថៃ និងមានព្រំដែនជាប់នឹងប្រទេសមីយ៉ាន់ម៉ា ​តែធនធានធម្មជាតិពិតជាស្រស់ស្អាតណាស់ ​ផ្លូវថ្នល់ក៏រៀបចំបានស្អាត  ជាពិសេសធម្មជាតិព្រៃភ្នំតូចធំខៀវខ្ចី ​បឹងទន្លេត្រជាក់ស្រេបពេញដោយធម្មជាតិពិតៗ ចំណែកផ្កាពេលរីកនៅតាមដងផ្លូវម្តងៗពិតជាស្រស់គួរជាទីគយគន់ណាស់។ បើទោះបីជាខេត្តនេះរាងស្ងប់ស្ងាត់ និងដាច់ស្រយាលក៏ពិតមែន ​តែការទៅកម្សាន្តមិនមែនជាបញ្ហាទេ ​តែវារឹតតែពិសេសសម្រាប់អ្នកដែលចង់ចាកឆ្ងាយពីទីក្រុងដ៏គួរឱ្យធុញទ្រាន់មកជួបនឹងបរិយាកាសធម្មជាតិពិតៗ ​ហើយកុំបារម្ភ…

បើទោះបីជាល្ខោនខោលខ្មែរ ​ត្រូវបានចុះបញ្ជីជាសម្បត្តិបេតិកភណ្ឌ​​វប្បធម៌​អរូបិយ​នៃ​មនុស្ស​ជាតិ ដោយអង្គការពិភពលោកយូណេស្កូក៏ដោយក្តី ​តែទំហំនៃការអភិរក្ស ថែរក្សា ​និងគាំទ្រហាក់មានកម្រិតស្តួចស្តើងនៅក្នុងភាពជាក់ស្តែង បើធៀបទៅនឹងសំឡេងគាំទ្រនៅក្នុងរាល់បណ្តាញទំនាក់ទំនងសង្គម។ ដោយយល់ថាសំឡេងអ្នកគាំទ្រថាបានតែថា ​តែការគាំទ្រពិតៗមិនសូវជាមាននោះ ​នៅពេលបច្ចុប្បន្ន  ខ្មែរដែលស្រលាញ់វប្បធម៌ពិត ​រួមទាំងសិល្បករផ្នែកល្ខោនខោលផងនោះ បាននឹងកំពុងតែព្យាយាមផ្សព្វផ្សាយ និងអំពាវនាវទាំងយប់ទាំងថ្ងៃ ​ដើម្បីសុំឱ្យប្រជាជនខ្មែរជួយថែរក្សា ​គាំទ្រ កុំឱ្យចាញ់ប្រទេសជិតខាង ដែលមានល្ខោនស្រដៀងនឹងយើង ​នោះគឺល្ខោនខោន ​ដែលគេកំពុងតែប្រឹងប្រែងថែរក្សា យ៉ាងល្អក្រៃលែងតាមរយៈការដាក់បង្ហាញនូវភាពអស្ចារ្យ និងរាល់ការផ្សព្វផ្សាយនានាយ៉ាងខ្លាំងក្លាទៅដល់ពិភពលោក។ ជាក់ស្តែងថ្មីៗដើម្បីធ្វើការគាំទ្រ និងអបអរសិល្បៈល្ខោនខ្មែរ មានព្រឹត្តិការណ៍មួយដ៏អស្ចារ្យគ្រោងនឹងចាប់ផ្តើមនាពេលឆាប់ៗនេះហើយ ​ពោលគឺដើម្បីល្ខោនខ្មែរយើងតែម្តង ដោយយោងតាមហ្វេសប៊ុក ឯកឧត្តម  ទិត្យ ថាវរិទ្ធ ដែលជាអតីតអ្នកដឹកនាំកម្មវិធីទូរទស្សន៍ដ៏ល្បី និងជាអនុរដ្ឋលេខាធិការ នៃក្រសួង…

បាត់ដំបង៖  ជារៀងរាល់ឆ្នាំបុណ្យទន្លេ តែងតែត្រូវបានប្រារព្ធឡើងទៅតាមខេត្តដែលនៅជាប់តាមដងទន្លេ និងបឹងទន្លេសាប ឆ្លាស់គ្នាជារៀងរាល់ឆ្នាំ ​ដែលបុណ្យទន្លេ​នេះត្រូវបាន​រៀបចំឡើង​ដោយ​ក្រសួងទេសចរណ៍ សហការ​ជាមួយ​មន្ទីរ​ទេសចរណ៍​តាម​បណ្តា​ខេត្តដែលទទួលបន្ទុករៀបចំកម្មវិធីទាំងនេះ ​ថែមទាំងទទួលបានភាពជោគជ័យ និងគាំទ្រយ៉ាងសម្បើមតាមរយៈការរៀបចំកម្មវិធីនេះ ចំនួន  ៤ដងរួចមកហើយ។ ជាក់ស្តែងសម្រាប់ឆ្នាំ ​២០២០ ​ខាងមុខនេះ បុណ្យទន្លេលើកទី៦ នឹងត្រូវប្រាព្ធធ្វើឡើងនៅក្នុងខេត្តបាត់ដំបង ក្នុងអំឡុងខែមីនា ដែលបាត់ដំបងនេះត្រូវបានគេដឹងថាជាខេត្តប្រវត្តិសាស្រ្ត និងសម្បូរទៅដោយសម្បត្តិទេសចរណ៍យ៉ាងច្រើនសម្បើមផងដែរ។ តាមរយៈការរៀបចំបុណ្យទន្លេនៅខេត្តបាត់ដំបងនេះ ត្រូវបានមហាជនជាច្រើនអបអរសាទរ ​និងរង់ចាំថ្ងៃបុណ្យដ៏ពិសេសនេះនាពេលខាងមុខ ​ព្រោះមិនត្រឹមតែអាចចូលរួមបុណ្យទន្លេដ៏រីករាយ ​ថែមទាំងអាចកម្សាន្តសប្បាយនៅក្នុងខេត្តទេសចរណ៍មួយនេះទៀតផង។ គួរឱ្យដឹងផងដែរថា ការរៀបចំពិធីបុណ្យទន្លេនេះ  មិនត្រឹមតែជួយទាក់ទាញភ្ញៀវទេសចរប៉ុណ្ណោះទេ តែវាក៏បានចូលរួមជួយផ្សព្វផ្សាយផលិតផលកសិផល និងវប្បធម៌របស់ខ្មែរ ​ជាពិសេសគឺសក្តានុពលទេសចរណ៍នៅតាមបណ្តាខេត្តជាប់ទន្លេ ​និងបឹងប្រទេសកម្ពុជាតែម្តង៕