អត្ថបទថ្មីៗ

#ការទំនាក់ទំនងគ្នា ប្រទេសមួយ ឬសង្គមមួយ គឺទាមទារឱ្យមានទំនាក់ទំនងគ្នា និងគ្នាជាចាំបាច់ដែលមិនអាចខ្វះបាន។ គ្មានបុគ្គលណាម្នាក់ដែលអាចរស់នៅដោយដាច់តែងឯង និងគ្មានទំនាក់ទំនងរវាងគ្នានិងគ្នាបានឡើយ។ មែនទែនទៅ ទំនាក់ទំនងគឺដើរតួយ៉ាងសំខាន់សម្រាប់មនុស្សគ្រប់រូប សម្រាប់សង្គមជាតិ ក៏ដូចជាសម្រាប់ប្រទេសជាតិផងដែរ។ មិនតែប៉ុណ្ណោះ ទំនាក់ទំនងនេះទៀតសោត គឺជាធាតុដ៏សំខាន់សម្រាប់ធ្វើឱ្យប្រទេសជាតិមានការរីកចម្រើន មនុស្សមានចំណេះដឹង សង្គមមានការអភិវឌ្ឍ លុបបំបាត់សង្រ្គាម លុបបំបាត់អំពើហិង្សា។ល។ ទំនាក់ទំនងជាគ្រឿងផ្សំសម្រាប់មនុស្សនិងសង្គមជាតិមិនអាចខ្វះបាន។ សម្រាប់ខ្ញុំ ទំនាក់ទំនងនេះ គឺជារឿងសំខាន់ដែលខ្ញុំត្រូវគិតដល់មុនគេ។ ពិតណាស់ តាំងពីដើមមក ខ្ញុំគឺជាមនុស្សខ្សោយបំផុតរឿងទំនាក់ទំនងនេះឯង ពោលគឺខ្ញុំមានភាពភ័យខ្លាច ការស្លុតអារម្មណ៍នៅពេលដែលជួបនឹងនរណាម្នាក់ដែលគេមានឥទ្ធិពលឬមានអំណាច។ នៅពេលដែលខ្ញុំឡើងនិយាយលើវេទិកាសាធារណៈ គឺនិយាយមិនកើតតែម្ដង រកនឹកមិនឃើញ មុខឡើងក្រហម ញ័រជើងដៃអស់ហើយ…

#ប្រទេសខ្ញុំ_ស្រាបៀរខ្ញុំ ខ្ញុំឃើញនៅលើបដាធំៗតាមដងផ្លូវ និងតាមទីសាធារណៈស្ទើរគ្រប់ច្រកល្ហកទាំងអស់ មិនថារាជធានីភ្នំពេញ តាមបណ្ដាខេត្ត ឬនៅតាមស្រុកស្រែចម្ការនោះទេ គឺមានការផ្សព្វផ្សាយអំពីផលិតផលស្រាបៀរយ៉ាងគគ្រឹកគ្រេង។ មិនតែប៉ុណ្ណោះ សូម្បីនៅលើកញ្ចក់ទូរទស្សន៍ តាមវិទ្យុ និងតាមប្រព័ន្ធផ្សព្វផ្សាយនានាក្នុងស្រុក ក៏មានការផ្សព្វផ្សាយអំពីផលិតផលស្រាបៀរនេះយ៉ាងទូលំទូលាយផងដែរ។ មានពេលខ្លះ ខ្ញុំកំពុងតែដើរៗ ក៏ឮដោយចៃដន្យនូវសូរសព្ទសន្ទនាបែបកំប្លែងលេងរបស់យុវជនទៀតថា “ប្រទេសខ្ញុំ ស្រាបៀរខ្ញុំ” ។ ពួកគេជល់​កែវស្រែកហ៊ោគិល។ បើមិនទាន់បានជល់ គេគាស់យឺតៗរករង្វាន់ ដើម្បីបានផឹកឱ្យកាន់តែច្រើនឡើងៗ…។ ដោយសារតែកូនខ្មែរស្នេហានិងមានមោទនភាពនឹងស្រាបៀរបេះដូងខ្មែរជ្រុលពេកទៅ ធ្វើឱ្យពួកគាត់វិលវល់ក្នុងសង្គមផឹកស៊ី ដែលបញ្ហានេះបានធ្វើឱ្យពួកគាត់ខូចសុខភាព ប៉ះពាល់ដល់សេដ្ឋកិច្ចគ្រួសារ ប្រើអំពើហិង្សាក្នុងគ្រួសារ ប្ដីវ៉ៃប្រពន្ធ ប្រពន្ធជេរប្ដី គ្រួសារបាក់បែកឬខ្វះភាពកក់ក្ដៅ កូនចៅខ្ជាត់ព្រាត់ និងបង្កឱ្យកើតមានគ្រោះថ្នាក់ចរាចរណ៍ដល់ថ្នាក់បាត់បង់អាយុជីវិតរាល់ថ្ងៃ។…