អត្ថបទថ្មីៗ

#សិក្សាពីមូលហេតុនៃការបរាជ័យ នេះមិនមែនជាមេរៀនថ្មីសម្រាប់មិត្តអ្នកអានទេ។ ការពិតនៅក្នុងសៀវភៅគំនិតអាជីវកម្មរបស់ខ្ញុំ ខ្ញុំចង់និយាយថា ការបើកអាជីវកម្ម ប្រសិនបើយើងគ្មានបទពិសោធទេ នឹងធ្វើឱ្យយើងបរាជ័យ។ នៅទីនេះ ខ្ញុំគ្រាន់តែចង់រម្លឹកឡើងវិញថា នៅពេលខ្លះ ទោះបីការចាប់ផ្តើម​របស់យើងប្រព្រឹត្តទៅ​ដោយ​រលូនក៏ដោយ ប៉ុន្តែការរក្សាលំនឹងអាជីវកម្មឱ្យជោគ​ជ័យ​​ជា​និរន្តរ៍ គឺនៅតែជារឿងដ៏ពិបាក។ នៅក្នុង​វេទិកាពិភាក្សាស្តីពីការធ្វើអាជីវកម្មខ្នាតតូច និងមធ្យម កាលពីឆ្នាំ២០១៥ ខ្ញុំនិយាយថា មូលហេតុដែលនាំ ឱ្យម្ចាស់អាជីវកម្មមួយចំនួនបើកជោគជ័យហើយក៏ដួលទៅវិញ គឺដោយសារពួកគាត់មិនទាន់មានបទពិសោធក្នុងការប្រកួតប្រជែង មិនទាន់យល់ពីផ្នត់គំនិតរាក់ជ្រៅនៃការធ្វើជាថៅកែគេ មិនទាន់យល់ពីវិធីសាស្រ្តទីផ្សារ មិនទាន់យល់ដឹងពីការគ្រប់គ្រងប្រាក់ចំណូលចំណាយ មិនសូវមានទំនាក់ទំនងល្អ ការរៀបចំធនធានមនុស្សនៅមានកម្រិត ពិសេសគ្មានមូលដ្ឋានគ្រឹះត្រឹមត្រូវក្នុងការសម្ភាសបុគ្គលិក។ ខ្ញុំសូមរម្លឹកឡើងវិញដែរថា បើចង់រកស៊ីជោគជ័យ ត្រូវធ្វើជាមនុស្សឆ្លាតដែលអាចបើកអាជីវកម្មបាន ដោយមិនចាំបាច់មានទុនគ្រប់គ្រាន់ ហើយយើងត្រូវតែធ្វើជាមនុស្សមានឆន្ទៈ ព្រោះជាទូទៅដើម្បីបង្កើតក្រុមហ៊ុន…

#បើគ្មានពិសោធន៍កុំទាន់រកស៊ី – (បទកាកគតិ) ១. ទោះលុយទំាងកោដិ បើគ្មានពិសោធន៍ កុំចង់រកស៊ី នឹងនាំឱ្យខាត ទ្វេមួយជាពីរ បងប្អូនគ្រប់ទី គួរកត់ចំណាំ។ ២. ធ្វើអ្វីក៏ដោយ កុំបីបណ្តោយ និងគួរចងចាំ ជំនួញរកស៊ី អាជីវកម្ម យូរឆាប់ខែឆ្នាំ គួរចងចាំទុក។ ៣. បើចង់រកស៊ី ពិសោធន៍មួយពីរ រៀនរកទំនុក កុំធ្វើតាមចង់ ក្រែងធ្លាក់ជង្ហុក កើតទុក្ខម៉ែពុក ខាតបង់ទ្រព្យធន។ ៤. បើគ្មានពិសោធន៍ គួរធ្វើមនុស្សឆោត ថាំងប៉ោតរែកពុន រៀនពីគេឯង…

#បើមានត្រឹមតម្រូវការមូលដ្ឋាន_សុភមង្គលយើងបរិបូរណ៍ឬនៅ? សុភមង្គល ពុំមែនអាស្រ័យលើបញ្ហាផ្លូវចិត្តតែម្យ៉ាងនោះទេ។ ស្ថានភាពសេដ្ឋកិច្ចគ្រួសារ ស្បៀងអាហារ សម្លៀកបំពាក់ សុខភាព និងជម្រកដើរតួយ៉ាងសំខាន់ខ្លាំងណាស់ដែរ។ ម៉្លោះហើយ ដើម្បីទទួលបានសុភមង្គល គេចាំបាច់ត្រូវតែច្បាស់លាស់ ថាអាចដោះស្រាយលើតម្រូវការមូលដ្ឋានជាមុនសិន។ ដូចដែលយើងបានដឹងមកហើយថា មនុស្សមិនអាចរស់បានឡើយបើពុំមានអាហារហូបចុក។ ដើម្បីអាហារ មនុស្សបាត់បង់ការគ្រប់គ្រងខ្លួនឯងក៏មាន។ ដូច្នេះ រឿងអាហារ គឺជារឿងសំខាន់មិនអាចខ្វះបាន។ បើផ្ទះមួយអត់មានអាហារញ៉ាំគ្រប់គ្រាន់ កូនចៅតែងតែឈឺច្រើន ហើយបាត់បង់អនាគត ឬគ្រួសារបាក់បែកខ្ចាត់ខ្ជាយ។ ម្នាក់ៗមុខតែដើរទៅរកចំណីអាហាររៀងៗខ្លួនអស់មិនខាន។ កូនក្មេងដែលគ្មានអាហារហូបខ្លះ គាត់អាចនឹងដើរសុំទាន លួចឆក់គេដើម្បីហូប ឬធ្វើវិធីគ្រប់បែបយ៉ាងដើម្បីក្រពះ។ ដោយសារតែក្រពះនេះហើយ ធ្វើឱ្យមនុស្សហ៊ានធ្វើអ្វីគ្រប់យ៉ាង មិនថាសុំគេ ឬលួចគេនោះឡើយ។…

យោងតាមការចុះផ្សាយរបស់គេហទំព័រ​​ Daily Mail បានលើកឡើងអំពីបញ្ហាដែលពិបាកនឹងជឿ ដោយបានចោទជាសំណួរសួរថា “ប្រសិនបើ មនុស្ស​ជាង ៧ពាន់លាននាក់ នៅលើភពផែនដីនេះ ពិតជាបាត់ខ្លួន​ទៅទាំងអស់​មែននោះ តើផែនដីនឹង​វិវឌ្ឍន៍ទៅជា​ដូចម្តេច”? មែនហើយ ចំពោះបញ្ហាមួយនេះ យើងពិតជាពិបាកនឹងរកមូលហេតុជាចម្បង ដែលនឹងអាចធ្វើឱ្យមនុស្សលោកទាំងអស់ លែងមានជីវិតរស់នៅលើភពផែននេះ។ សូមចុចលើរូបភាពដើម្បីពង្រីករូបភាព ជាក់ស្តែង បើតាមក្រុមអ្នកវិភាគតាមបែបវិទ្យាសាស្ត្របានឱ្យដឹងថា ប្រសិនបើផែនដីមិនមានមនុស្សរស់នៅ មិនមានអ្វីដែលជាការប្រែប្រួលទាល់តែសោះ ដោយការប៉ាន់ស្មាន វាពិតជាគួរឱ្យរន្ធត់យ៉ាងខ្លាំង ក្នុងការសម្លឹងឃើញផែនដីមួយនេះ នឹងក្លាយជាសភាពស្ងប់ស្ងាត ដែលគួរឱ្យខ្លាច។ សោកនាដកម្មដែលមនុស្សគ្រប់រូបមិនចង់ស្រមើស្រមៃទាល់តែសោះ ប្រសិនបើនៅសុខៗក៏ស្រាប់តែពន្លឺដែលកំពុងតែបំភ្លឺភពផែនដីនេះ ប្រែទៅជារលត់សូន្យសុង ចំណែកឯរោងចក្រ​នុយក្លេអ៊ែរនានា នៅទូទាំង​ពិភពលោកនឹងត្រូវ​ផ្ទុះឡើង។ រីឯរយៈពេលបន្ទាប់មកទៀត…