ស្នេហាយុវវ័យ

ធ្លាប់ឃើញមកច្រើនហើយ គូស្នេហ៍ជាច្រើនបែកបាក់ ប្រេះឆាដោយសារតែខ្វះការយល់ពីខ្លួនឯង និងស្គាល់ខ្លួនឯងមិនច្បាស់ និយាយគ្នាលេង ណាត់គ្នាលេង គេចូលចិត្តយើង យើងចូលចិត្តគេ លេងសើចធម្មតាៗគ្មានបញ្ហាអ្វីទេ។ ទោះជាយ៉ាងណាក៏ដោយ ដោយសារតែភាពក្មេងខ្ចី មិនយល់ច្បាស់ថា​ការចាប់ផ្ដើមជីវិតគូបែបណា ចាប់ផ្ដើមធុញទ្រាន់នឹងស្នេហា ឬដៃគូ ក៏បែកគ្នា បែកមួយ ក៏ទៅរកមួយទៀត រឿងដដែលៗក៏កើតឡើង ព្រោះតែភាពមិនច្បាស់លាស់ ស្គាល់ខ្លួនឯងមិនច្បាស់ បែបហ្នឹង តើអនាគតជីវិតគូនឹងទៅជាបែបណា បានត្រឹមសល់ការចងចាំ និងមានឈ្មោះមនុស្សសាវា ឬមនុស្សបរាជ័យក្នុងរឿងជីវិតគូតែប៉ុណ្ណោះ។ ដូច្នេះហើយ មុននឹងចង់ចាប់ផ្ដើមស្នេហា ត្រូវស្គាល់ខ្លួនឯងឱ្យច្បាស់សិន មុននឹងរៀបការ ត្រូវតែនឹងន កុំផ្ដេសផ្ដាស មនុស្សចាស់ទុំ…

តាមពិតទៅ បើចង់ដឹងថា មនុស្សស្រីនោះមានចិត្តស្រឡាញ់អ្នកវិញឬអត់ មិនពិបាកកំណត់សម្គាល់នោះឡើយ។ យ៉ាងណាក៏ដោយ សញ្ញាទាំង ៤ នេះ​ច្បាស់ហើយថា នាងមានកូនចិត្តស្រឡាញ់លើបុរសម្នាក់ពិតប្រាកដមែន។ ១. ធ្វើពុត ទោះបីជានាងមិនបង្ហាញពីអារម្មណ៍ពិតចេញមកក៏ដោយ នៅពេលដែលនាងឆ្លៀតឱកាសក្នុងការទំនាក់ទំនងជិតស្និទ្ធ នាងនឹងស្រលាញ់គ្នាខ្លាំង អាចនឹងចែចង់អ្នកដោយមិនដឹងខ្លួន។ នៅ​ពេល​នេះ នាង​នឹង​មាន​ភាព​អៀន​ខ្មាសច្រើន។ បុរស​ដែល​ចេះ​សង្កេត​កុំ​ឱ្យ​ឱកាស​នេះ​កន្លង​ផុត​ទៅ​ ដើម្បី​ទទួល​បាន​ស្នេហា​ពិត​ក្នុង​ជីវិត​របស់​អ្នក។ ២. បង្ហាញភាពទន់ខ្សោយ ស្ត្រីតែងតែជាចំណាប់អារម្មណ៍សម្រាប់បុរស បុរសតែងតែបង្ហាញពីភាពចាស់ទុំ និងភាពរឹងមាំនៅពេលពួកគេនៅជាមួយនារីដែលពួកគេស្រឡាញ់។ នេះគឺជាធម្មជាតិរបស់មនុស្សប្រុស ចំណែកមនុស្សស្រី តិចណាស់ដែលបង្ហាញពីភាពរឹងមាំនៅចំពោះមុខមនុស្សនាងស្រឡាញ់។ ផ្ទុយទៅវិញ ស្ត្រី​ដែល​ព្យាយាម​ធ្វើ​ខ្លួន​ទន់ខ្សោយ និង​ស្លូតបូត គឺ​ព្រោះ​នាង​ពិត​ជា​ចង់​បាន​អ្នក​យល់ចិត្ត និងថ្នាក់ថ្នម។…

នៅពេលដែលបុរសមិនទាក់ទងទៅអ្នក មិនមែនដោយសារតែគាត់រវល់ពេក ហត់ពេក ឬដោយសារតែគាត់មានស្រីផ្សេងនោះទេ។ ស្ត្រីភាគច្រើនគិតថា វាជាហេតុផលមួយក្នុងចំណោមហេតុផលទាំងនេះ ប៉ុន្តែហេតុផលពិតប្រាកដគឺ 99% ដោយសារតែរយៈពេលនៃអារម្មណ៍ងប់ងល់របស់គាត់ចំពោះអ្នកបានកន្លងផុតទៅហើយ។ បុរសគឺសាមញ្ញណាស់ ពួកគេគឺជាតួយ៉ាងនៃប្រភេទមនុស្សដែលមានថ្មីចោលចាស់។ នៅដំណាក់កាលដំបូងនៃការស្គាល់គ្នា អ្នកនឹងឃើញថាគាត់មានភាពសកម្ម និងសាទរយ៉ាងខ្លាំង។ អ្នក​ទាំង​ពីរ​មិន​ដែល​នឿយហត់​នឹង​ការ​ជជែក​គ្នា តែងនឹងនាខ្វាយខ្វល់ពីគ្នា បាត់មុខគ្នាស្ទើរតែមិនបាន។ ពេល​នោះ​គាត់​យក​ចិត្ត​ទុក​ដាក់​ខ្លាំង​ណាស់​ចំពោះ​ការ​គិត​ និង​អារម្មណ៍​របស់​អ្នក ដោយ​ផ្ញើ​សារ​តាំង​ពី​ព្រឹក​រហូត​ដល់​យប់​ជ្រៅ​សួរ​គ្រប់​យ៉ាង។ ពេលខ្លះគាត់គ្រាន់តែរង់ចាំអ្នកអនឡាញដើម្បីនិយាយពាក្យ Good Morning ឬ Good Night ប៉ុណ្ណឹងក៏អស់ចិត្ត។ គាត់ក៏ឆ្លើយតបសាររបស់អ្នកយ៉ាងរហ័សផងដែរ ទោះបីជាអ្នកផ្ញើវានៅពេលណាក៏ដោយ ពួកគេនឹងឆ្លើយតបឆាប់រហ័សបំផុត ព្រោះអ្នកតែងតែជាអាទិភាពកំពូលរបស់គាត់។ ប៉ុន្តែបន្តិចម្ដងៗ…

ជាក់ស្ដែងណាស់ សម្រាប់មនុស្សស្រីដែលរឹងមាំពិតប្រាកដ នាងអាចបែងចែក និងកំណត់គ្រប់យ៉ាងដែលនៅក្នុងជីវិតនាងបានយ៉ាងច្បាស់ នាងដឹងថា រឿងណាគួរធ្វើ រឿងណាមិនគួរធ្វើ សូម្បីតែនៅក្នុងរឿងស្នេហាក៏អ៊ីចឹងដែរ។ សម្រាប់មនុស្សស្រីរឹងមាំ នាងនឹងមិនធ្វើរឿងទាំង៨នេះជាដាច់ខាត សម្រាប់ទំនាក់ទំនងស្នេហារបស់នាង។ ១. នាងនឹងមិនបដិសេធ ឬព្រងើយកន្តើយចំពោះមិត្តភាពរបស់នាងឡើយ ច្បាស់ណាស់ សម្រាប់មនុស្សស្រីដែលរឹងមាំ និងឯករាជ្យម្នាក់ ទោះបីនាងមានទំនាក់ទំនងស្នេហា ឬរៀបការរួចហើយក៏ដោយ ក៏នាងមិនអាចបោះបង់ ឬបំភ្លេចមិត្តភក្តិរបស់នាងបានដែរ។ ប្រៀបដូចជាមនុស្សប្រុសអ៊ីចឹង ទោះយ៉ាងណា ក៏នៅតែរាប់អានពួកម៉ាកជានិច្ច មិនអាចព្រោះតែរៀបការ ឬមានសង្សារ ក៏ប្រែជាផ្ដាច់ទំនាក់ទំនងមិត្តភាពនោះឡើយ។ ស្នេហា ដៃគូ ឬគូជីវិតពិតជាសំខាន់មែន តែជាក់ស្ដែង មិត្តភក្តិ…

អ្នកណាថា អត្តចរិត និងចិត្តគំនិតពីធម្មជាតិរបស់មនុស្សម្នាក់ៗពិបាកកែនោះ តាមពិតទៅ គ្មានអ្វីដែលថាមិនអាចកែប្រែ ឬផ្លាស់ប្ដូរបាននោះឡើយ សំខាន់ ឱ្យតែមនុស្សយើងព្រមចាប់ផ្ដើម និងកែប្រែ គ្មានពាក្យថាយឺតពេល ឬហួសពេលនោះឡើយ។ យ៉ាងណាមិញ មានរឿងពីរយ៉ាង ដែលធ្វើឱ្យមនុស្សយើង ចាប់ផ្ដើមប្រែប្រួល ផ្លាស់ប្ដូរទាំងចិត្តគំនិត អត្តចរិត រួមទាំងទម្លាប់ និងសកម្មភាពប្រចាំថ្ងៃផងដែរ។ នៅពេលដែលមនុស្សយផងជួបរឿងទាំងពីរយ៉ាងនេះហើយ ច្បាស់ណាស់ថា ពួកគេនឹងចាប់ដើមកែប្រែខ្លួនឯងយ៉ាងឆាប់រហ័ស។ ១》 ចាប់ផ្ដើមមានស្នេហា គេថា “ឥទ្ធិពលនៃស្នេហា គឺពិតជាអាចកែប្រែផ្លាស់ប្ដូរមនុស្សបានពិតមែន” យ៉ាងណាមិញ នៅពេលដែលមនុស្សម្នាក់ ចាប់ផ្ដើមមានស្នេហាដំបូង ច្បាស់ជាមានអារម្មណ៍រីករាយបែបស្មានមិនត្រូវ ហើយពិភពលោកមួយនេះ…

មនុស្សស្រី ចង់ជ្រើសដៃគូជីវិត ឬគូស្នេហ៍ក៏ដោយ អ្នកគួរតែសង្កេតមើលចំណុចទាំងនេះ ប្រសិនបើមនុស្សម្នាក់ដែលអ្នកចាប់ផ្ដើមជាមួយ មានចំណុចទាំង៦ដូចខាងក្រោមនេះ អ្នកគួរតែបញ្ចប់ទំនាក់ទំនងបានហើយ ព្រោះសញ្ញាទាំងនេះ បង្ហាញពីភាពក្មេងខ្ចីរបស់ដៃគូរបស់អ្នក។ ការដែលជ្រើសមនុស្សដែលច្រើនតែអាយុ តែមិនធំដឹងក្ដី គ្មានភាពចាស់ទុំសោះនោះ វានឹងក្លាយជាបញ្ហា ឬបន្ទុកសម្រាប់អ្នកខ្លួនឯងទៅវិញ។ ១. មិនអាចថែរក្សាខ្លួនឯងបាន ប្រសិនបើដៃគូរបស់អ្នកបង្ហាញសញ្ញាថា គាត់មិនអាចថែរក្សា ឬគ្រប់គ្រងលើខ្លួនឯងបាន ដូចជា ខឹង និងវាយប្រហារអ្នកដទៃ គ្រប់ពេលធ្វើរឿងអវិជ្ជមាន នៅពេលដែលមានភាពលំបាកគាត់ប្រហែលជាមិនត្រៀមខ្លួនប្រឈមចំពោះបញ្ហា នេះគឺជាសញ្ញាធ្ងន់ធ្ងរណាស់។ ភាពចាស់ទុំខាងអារម្មណ៍អាចត្រូវបានកំណត់ដោយរបៀបដែលមនុស្សម្នាក់ទៀតប្រព្រឹត្ដចំពោះគាត់។ នៅពេលដែលគាត់មិនអាចធ្វើបានល្អ វាមានន័យថា គាត់ទំនងជាមិនអាចនៅជាមួយអ្នកបានយូរនោះឡើយ។ ២. មិនដឹងពីវិធីដោះស្រាយទំនាស់តាមរបៀបសន្តិវិធី សញ្ញាជាក់ស្តែងបំផុតរបស់បុរសម្នាក់…

មនុស្សស្រីទាំងអស់ត្រូវចាំថា ការបែកបាក់ស្នេហា មិនមែនជារឿងបញ្ចប់នៃជីវិតនោះឡើយ ដូច្នេះហើយ កុំដោយសារតែការបែកបាក់ស្នេហា បែរជាធ្វើបាប ធ្វើទុក្ខបុកម្នេញខ្លួនឯងឱ្យសោះ ព្រោះមនុស្សប្រុសអាចរកបាន តែខ្លួនឯងបើបាត់បង់ហើយ រកមិនបានទៀតទេ។ ដូច្នេះ នៅពេលដែលបែកបាក់ស្នេហា អ្នកត្រូវចាំរឿងទាំង៤ខាងក្រោមនេះ ធ្វើរឿងទាំងនេះ ជីវិតអ្នកនឹងមិនខូចចិត្ត ឬស្ដាយក្រោយអ្វីឡើយ ហើយរស់នៅដោយមានក្ដីសុខ រឹងមាំជាងមុនទ្វេដង។ ១. ធ្វើធម្មតា កុំដ្រាម៉ាក្នុងហ្វេសប៊ុគខ្លាំងពេក បន្ទាប់ពីបែកបាក់ ការពិតដែលថាអ្នកមិនរាប់អានគាត់ ដើម្បីរារាំងទំនាក់ទំនងជាមួយគាត់ វាបង្ហាញថាអ្នកនៅតែស្រឡាញ់គាត់ខ្លាំងណាស់។ ការពិតដ៏ឃោរឃៅគឺថាមនុស្សពីរនាក់បានបែកគ្នា អ្នកខ្លាចនៅពេលដែលគាត់បង្ហោះរូបភាពរបស់អ្នកថ្មី ដោយខ្លាចមើលឃើញស្រមោលរបស់គាត់។ ប៉ុន្តែត្រូវចងចាំថា ការកាត់ផ្តាច់អ្វីៗជាមួយគាត់ ក៏មិនអាចដោះស្រាយវាបានដែរ។ ពេលខ្លះសូម្បីតែការចង់ដឹងចង់ឃើញ…

ក៏ដឹង ថាខ្លួនឯងអាយុច្រើនហើយ តែមិនទាន់គិតគូររឿងគូស្រករ មិនទាន់គិតរឿងរៀបការ សាងគ្រួសារ មិនមែនថាមិនខ្វល់នោះទេ តែព្រោះខ្វល់ ទើបមិនដាច់ស្រេច មិនហ៊ានគិតឱ្យវាលឿនខ្លាំងពេក …! រឿងរៀបការ សាងគ្រួសារវាមិនសំខាន់ទេ តែអ្វីដែលសំខាន់ តើគេអាចនៅក្បែរយើង រួមរស់ មើលថែគ្នាដល់ចាស់ឬក៏អត់? រៀបការ​ ប្រាថ្នាគូជីវិតពេញលេញ ស្រឡាញ់មិនបាច់ច្រើន តែសូមឱ្យស្មោះ ចេះអនុគ្រោះ យោគយល់ មើលថែគ្នាទៅវិញទៅមក ចុះបើរៀបការរហ័ស លែងក៏រហ័ស បានត្រឹមតែធ្វើឱ្យជីវិតនេះជួបតែរឿងបែកបាក់ដដែលៗ តើទៅរំពឹងអីទៀត? រៀបការ វាគ្រាន់តែជាការបំពេញមុខមាត់ចំពោះមុខម៉ែឪ បងប្អូន និងភ្នែកញាតិតែប៉ុណ្ណោះ តែអ្វីដែលសំខាន់នោះ…

និយាយចំពោះរឿងស្នេហា ខ្ញុំតែងតែចោទជាសំណួរសួរខ្លួនឯងថា – ខ្ញុំគ្មានចំណាប់អារម្មណ៍ចំពោះរឿងស្នេហាមែនទេ? – ខ្ញុំមិនចេះស្រឡាញ់នរណាម្នាក់មែនទេ? – គ្មានមនុស្សដែលសក្តិសមនឹងខ្ញុំស្រឡាញ់មែនទេ? – ខ្ញុំខ្ជិលក្នុងការបង្កើតស្នេហា ការស្រឡាញ់មែនទេ? – ខ្ញុំខូចចិត្តច្រើនលើកពេក រហូតដល់លែងមានជំនឿលើស្នេហាមែនទេ? – ខ្ញុំរវល់នឹងការងារ ការរកលុយខ្លាំងពេក រហូតដល់គ្មានពេលសម្រាប់គិតរឿងស្នេហាតើមែនទេ? តែវាអាចប្រហែលមកពីគ្មានអ្នកណាស្រឡាញ់ខ្ញុំ គ្មាននរណាម្នាក់ចាប់អារម្មណ៍ចំពោះខ្ញុំ ហើយវាក៏ប្រហែលជាមកពីខ្ញុំគ្មានគុណសម្បត្តិ ឬលក្ខណៈគ្រប់គ្រាន់នឹងឱ្យនរណាម្នាក់ស្រឡាញ់ហើយមើលទៅ។ ខ្ញុំទទួលស្គាល់ថា អាយុប្រហែលជា១៧ឆ្នាំ ខ្ញុំចាប់ផ្ដើមចេះស្រឡាញ់ តែគិតទៅ វាក្មេងពេកហើយ ក្មេងដែលធ្វើឱ្យខ្ញុំនេះ មិនស្គាល់ ហើយក៏មិនដឹងថា ការស្រឡាញ់វាមានន័យបែបណានោះដែរ ដឹងត្រឹមថា…

ពេលខ្លះសេចក្ដីស្រឡាញ់នឹងមិនគ្រប់គ្រាន់ទេ ដូច្នេះហើយអ្នកក៏ត្រូវរៀនប្រឈមមុខនឹងការពិត ប្រសិនបើអ្នកចង់មានភាពចាស់ទុំខាងស្នេហា និងទំនាក់ទំនង។ អ្អ្នកត្រូវចាំថា មានកត្តាជាច្រើនដែលឈានទៅរកការបង្កើតទំនាក់ទំនង ហើយក៏មានកត្តាមួយចំនួនទៀតដែរ ដែលអាចជម្រុញឱ្យទំនាក់ទំនង ឈានទៅរកការបញ្ចប់ ដោយមិនអាចឃាត់បាន។ ដូច្នេះ សញ្ញាទាំង៦ខាងក្រោមនេះ អាចបញ្ជាក់ឱ្យអ្នកបានដឹងច្បាស់ហើយថា ស្នេហារបស់អ្នកគឺឈានដល់ចំណុចបញ្ចប់ហើយ អ្នកមិនគួរបន្តទៀតនោះទេ បើទោះបីជាអ្នកស្រឡាញ់ខ្លាំងប៉ុនណាក៏ដោយ។ ១. ពួកគេនិយាយថា “អ្នកជាអ្វីគ្រប់យ៉ាងរបស់ពួកគេ” អ្នកត្រូវដឹងថា អ្នកមិនអាចក្លាយជាអ្វីៗគ្រប់យ៉ារបស់នរណាម្នាក់នោះឡើយ ព្រោះពាក្យថា “ជាអ្វីៗគ្រប់យ៉ាង” បើស្ដាប់ទៅវាអាចនឹងមានន័យ ផ្ដល់នូវអារម្មណ៍កក់ក្ដៅ តែបើយល់ពីន័យនេះឱ្យជ្រៅទៅ វាហាក់បង្ហាញពីសម្ពាធផ្លូវចិត្តទៅវិញទេ។ ព្រោះនៅពេលដែលយើងក្លាយជាអ្វីៗគ្រប់យ៉ាងរបស់គេហើយនោះ វាក៏មានន័យថា គេហាក់ផ្ដល់ក្ដីរំពឹង និងផ្ដោតលើយើងខ្លាំងពេក អាចនឹងធ្វើឱ្យយើងនេះ…

មនុស្សស្រីភាគច្រើន តែងតែគិតលើចំណុច ៤ នេះ ទើបនាងសម្រេចចិត្តរៀបការ សាងគ្រួសារ និងបង្កើតកូន ប៉ុន្តែ៤ចំណុចនេះ គឺភាគច្រើនគឺសុទ្ធតែជាការគិតខុស ព្រោះវាគ្រាន់តែជាការគិត និងរំពឹងរបស់នាងតែម្ខាងប៉ុណ្ណោះ។ ១. គិតថា រៀបការហើយមនុស្សម្នាក់នោះនឹងកែប្រែ ៖ ព្រោះតែការស្រឡាញ់ខ្លាំង ទើបនាងសម្រេចចិត្តរៀបការ ទាំងដែលដឹងហើយថា ដៃគូ ឬមនុស្សដែលនាងស្រឡាញ់ មានចំណុចអវិជ្ជមានជាច្រើន ដែលគេមិនដែលកែប្រែសោះ តែមនុស្សស្រីបែរជាគិតថា ពេលរៀបការហើយ គេនឹងកែប្រែដើម្បីនាង ពេលរៀបការក្លាយជាគ្រួសារហើយ គេនឹងផ្លាស់ប្ដូរដើម្បីគ្រួសារ ប៉ុន្តែចង់ប្រាប់ថា ចរិតមនុស្សប្រុសពិបាកកែបំផុត កុំថាឡើយរៀបការម្ដង ទោះមួយជីវិត ការម្ភៃដងទៀតក៏គេមិនអាចកែបានដែរ…

ជាការពិតណាស់ អាកប្បកិរិយាមួយចំនួនរបស់គូស្នេហ៍អ្នក អាចនឹងធ្វើឱ្យអ្នកងាយអាក់អន់ស្រពន់ចិត្ត ខឹង និងអន់ចិត្តជាមួយគាត់យ៉ាងខ្លាំង។ អ្នកអាចនឹងគិតថា គាត់ជាមនុស្សមិនខ្វាយខ្វល់ ឬយកចិត្តទុកដាក់ចំពោះអ្នកទាល់តែសោះ។ តែយ៉ាងណាមិញ ចំពោះមនុស្សខ្លះ គឺមកពីគាត់មិនធ្លាប់មានស្នេហា ដូច្នេះ អាកប្បកិរិយាខ្លះ គឺមកពីវាជាការចាប់ផ្ដើមដំបូងបង្អស់ក្នុងជីវិតគាត់ ម្ល៉ោះហើយ វាក៏បានបង្កើតទៅជាកំហុសដោយអចេតនា។ ដូច្នេះខាងក្រោមនេះ គឺជាសញ្ញាទាំង៦ចំណុច ដែលបញ្ជាក់យ៉ាងច្បាស់ថា គាត់មិនធ្លាប់មានស្នេហាពីមុនមកឡើយ ឬអាចនិយាយថា គាត់ជាមាន់ថ្មីនៅក្នុងរឿងស្នេហា ទើបមិនអាចយល់ និងមិនដឹងថាគួរធ្វើបែបណា។ ១. គាត់ឆាប់អៀន ហើយងាយភ័យ ចរិតលេចធ្លោបំផុតមួយរបស់បុរសដែលមិនធ្លាប់ណាត់ជួបអ្នកណាទាល់តែសោះ គឺភាពអៀនខ្មាស។ នេះធ្វើឱ្យគាត់ពិបាកក្នុងការសន្ទនា ជាពិសេសជាមួយមនុស្សស្រី។ ការប្រាស្រ័យទាក់ទង…

ក្ដីស្រឡាញ់នៅដូចដើម តែស្នេហាយើងវាមិនដូចដើមទេ … យើងស្រឡាញ់គ្នាណាស់ ស្នេហារបស់យើងក៏ល្អណាស់ដែរ ដល់ថ្នាក់គ្រប់គ្នាទុកជាគូស្នេហ៍គម្រូ … ពួកយើងល្អដូចគ្នា ល្អពេក រហូតដល់ថ្នាក់ កំហុសដោយអចេតនាតែម្ដង គឺមិនអាចលើកលែងឱ្យបាន … ពិភពរបស់ Ah Wing គឺមានតែពីរពណ៌ប៉ុណ្ណោះ ខ្មៅ និងស … ល្អ គឺល្អ អាក្រក់ថាអាក្រក់ … ពេលខ្លះ ភាពមត់ចត់ ខ្លាំងពេក វាក៏ក្លាយជាភាពដាច់ខាត មិនអាចលើកលែងឱ្យបាន …! ​Ah Wing…

ធ្លាប់ឮទេពាក្យថា “ស្រឡាញ់ប៉ុនណា ស្អប់ប៉ុណ្ណឹង”។ មែនហើយ ចំពោះចិត្តរបស់មនុស្សស្រី នាងមិនងាយដាក់ចិត្តស្រឡាញ់នរណាម្នាក់ងាយៗនោះឡើយ តែបើនាងស្រឡាញ់ហើយ គឺស្រឡាញ់ស្មោះអស់ពីចិត្ត ហើយក៏ហ៊ានលះបង់គ្រប់បែបយ៉ាង ដើម្បីមនុស្សដែលនាងស្រឡាញ់ផងដែរ។ ចិត្តមនុស្សស្រី ស្រឡាញ់ពី ០ ដល់ ១០០ បើនាងស្រឡាញ់ហើយ គឺស្រឡាញ់តែម្នាក់ គ្មានចិត្តលួចលាក់ ឬគិតចង់ទាក់ទងអ្នកណាផ្សេង ក្បត់ចិត្តដៃគូរបស់នាងនោះឡើយ។ ខុសពីមនុស្សប្រុសភាគច្រើន ដែលគេច្រើនតែដឹងថា “គ្មានភាពស្កប់ស្កល់”។ ជាក់ស្ដែងណាស់ ចិត្តមនុស្សប្រុស ងាយស្រឡាញ់ ក៏ងាយនឹងណាយចិត្តដូចគ្នា មនុស្សប្រុសភាគច្រើន ស្រឡាញ់ពី១០០ ធ្លាក់ដល់ ០ ​ដែលផ្ទុយស្រឡះពីមនុស្សស្រី។…

មនុស្សភាគច្រើនក្នុងបច្ចុប្ប​ន្ននេះ ជាពិសេសស្រីៗ សឹងតែថាលែងត្រូវការស្នេហា ក៏លែងចង់បានដៃគូជីវិតដែរ ព្រោះតែខ្លាចការឈឺចាប់ ហើយគិតថា ការរស់នៅម្នាក់ឯងវាមានក្ដីសុខ មានសេរីភាពជាង ការដែលមានមនុស្សនៅក្បែរ តែមិនយល់ពីគ្នា ទើបសុខចិត្តនៅម្នាក់ឯង ហើយគិតថា ស្នេហាមិនមែនជារឿងសំខាន់ក្នុងជីវិតនោះឡើយ។ តែយ៉ាងណាក៏ដោយ ស្នេហាវាអាចនឹងមិនមានន័យ ប៉ុន្តែជីវិតរបស់អ្នកក៏គ្មានន័យពិតប្រាកដ ប្រសិនបើអ្នកត្រូវរស់នៅតែម្នាក់ឯងមួយជីវិត មិនអាចរកបានមនុស្សម្នាក់មកនៅក្បែរ មើលថែ និងយកចិត្តទុកដាក់ទៅថ្ងៃមុខ។ អត្ថន័យនេះជីវិត បន្ទាប់ពីមានគ្រួសារល្អ មានការងារនឹងន គឺអាចរកបានមនុស្សម្នាក់ ដែលអាចមើលថែគ្នាពេញមួយជីវិត ពេលដែលជីវិតជួបទុក្ខ ជួបញ្ហា ការលំបាក នឹងមានមនុស្សដែលអាចឱ្យយើងចែករំលែកគ្នា … ពេលជីវិតបានសុខ មានរឿងល្អៗ…

ជាការពិតណាស់ មានតែមនុស្សដែលស្រឡាញ់យើងអស់ពីចិត្ត ហើយទុកយើងជាមនុស្សសំខាន់ខ្លាំងក្នុងជីវិតគេតែប៉ុណ្ណោះ ទើបអាចបង្ហាញចេញមកនូវអាកប្បកិរិយាទាំងនេះឱ្យយើងបានឃើញ។ ដូច្នេះ វាជារឿងដែលងាយសង្កេត និងសម្គាល់បំផុត ប្រសិនបើមាននរណាម្នាក់ ឬដៃគូរបស់អ្នក បានបង្ហាញចេញមកនូវទម្លាប់ ឬអាកប្បកិរិយាទាំងនេះមកកាន់អ្នក វាក៏អាចបញ្ជាក់បានថា អ្នកជាមនុស្សសំខាន់ខ្លាំងប៉ុនណាសម្រាប់គាត់ ហើយគាត់ស្រឡាញ់អ្នកខ្លាំងកម្រិតណាហើយ។ ១. គាត់លះបង់ពេលវេលារបស់គាត់ដើម្បីអ្នក គាត់ចំណាយពេលវេលាទំនេររបស់គាត់ជាមួយអ្នក ប្រហែលជាមានពេលវេលាច្រើនជាងមិត្តភក្តិ។ នៅពេលដែលបុរសម្នាក់ ស្រឡាញ់ដៃគូរបស់គាត់ខ្លាំង គាត់ច្បាស់ជាទុកទីតាំងឈរលើលេខរៀងទី១ ឱ្យទៅនារីម្នាក់នោះ ទោះមានមិត្តភក្តិហៅ ឬបបួល ក៏គាត់បដិសេធដើម្បីនាងដែរ។ លើសពីនេះ មិនត្រឹមតែពេលទំនេររបស់គាត់ទេ សូម្បីតែពេលដែលគាត់រវល់យ៉ាងណា តែបើនារីម្នាក់ដែលគាត់ស្រឡាញ់ ត្រូវការគាត់ហើយនោះ គាត់ច្បាស់ជាអាចឆ្លៀតពេលដើម្បីនាងបានគ្រប់ពេលវេលា។ ២.…