ដើរកម្សាន្ត

សៀមរាប៖ មកលេងខេត្តសៀមរាបជាលក្ខណៈក្រុមមិត្តភក្តិ ​ក្រុមការងារ ​ឬអង្គការ ​ប្រសិនជាចង់ចំណាយការស្នាក់នៅអស់តិច ​សប្បាយជុំគ្នា  និងមានផាសុកភាព ​« ក្នុងស្រុក ​» ​សូមណែនាំទីកន្លែងស្នាក់នៅថ្មីបែកនោះគឹការស្នាក់នៅបែប ​Dormitory  ឬគេហៅថាបន្ទប់ដែលមានគ្រែតូចៗច្រើន ជាការគេងជុំគ្នាជាក្រុម មានឈ្មោះថា « Lub d Siem Reap » ។ ដោយការស្នាក់នៅបែប Dormitory លោកអ្នកនឹងទទួលបានអនុស្សាវរីយ៍ជាច្រើនជាមួយមិត្តភក្តិ ឬ ក្រុមការងារជាដើម ​ជាមួយនឹងបទពិសោធន៍រស់នៅជុំគ្នា ដែលមិនធ្លាប់មានពីមុនមក ​ពោលគឺអារម្មណ៍ប្លែកថ្មីនៃការគេងជុំគ្នាយ៉ាងរីករាយតែម្តង ។ ជាពិសេសលក្ខណៈពិសេសរបស់បន្ទប់បែប dormitory…

បាត់ដំបង៖ ​ដូចលោកអ្នកបានដឹងរួចមកហើយថា ​ខេត្តបាត់ដំបងគឺជាខេត្តប្រវត្តិសាស្រ្តមួយ ដែលក្រៅពីសម្បូរទៅដោយកន្លែង ​សំណង់ប្រវត្តិសាស្រ្តជាច្រើនកន្លែង ក៏សម្បូរទៅដោយតំបន់កម្សាន្តបែបធម្មជាតិសម្រាប់ធ្វើដំណើរកម្សាន្តទៀតផង។ ក្រៅពីដើរលេងសប្បាយ ​ការសម្រាកក្រោយលំហែពិតជាសំខាន់ខ្លាំងណាស់ ​ដូច្នេះហើយ ​ថ្ងៃនេះ ​«ក្នុងស្រុក ​» ​សូមណែនាំកន្លែងសម្រាកដ៏ពិសេសមួយទៀតហើយនៅក្នុងខេត្តបាត់ដំបងនោះគឺ  « Home Stone Resort »។ Home Stone Resort ​គឺជាកន្លែងស្នាក់នៅដែលស័ក្តសមសម្រាប់ការធ្វើដំណើរកម្សាន្តទាំងលក្ខណៈក្រុមគ្រួសារ បែបគូស្នេហ៍  ឬមិត្តភក្តិ ដែលមានការតុបតែងរចនាផ្ទៃបន្ទប់ខាងក្នុងយ៉ាងស្រស់ស្អាតបែប ​Classic  គ្រាន់តែឃើញផ្ទៃបន្ទប់ក៏ចង់ស្នាក់នៅដែរ ជាពិសេសគឺក្នុងបន្ទប់មានទាំងទឹកក្តៅ ​ទឹកត្រជាក់ និងម៉ាស៊ីនត្រជាក់គ្រប់បន្ទប់។ ​អ្វីដែលពិសេសគឺមានហាងទឹកដ៏ធំល្វឹងល្វើយឱ្យអ្នកមកសម្រាកបានហែលកម្សាន្តលេងទៀតផង។ ដោយថ្មីនេះផងដែរ…

ខេត្តកំពត ជាខេត្តមួយស្ថិតនៅប៉ែកខាងត្បូងនៃប្រទេសកម្ពុជា ដែលមានចម្ងាយ ១៤៨ គ.ម. ពីទីក្រុងភ្នំពេញ មានព្រំប្រទល់ខាងជើងទល់នឹងស្រុកបរសេដ្ឋ ខេត្តកំពង់ស្ពឺ ខាងកើតជាប់នឹងស្រុកត្រាំកក់ និង ស្រុកគីរីវង់ ខេត្តតាកែវ ខាងត្បូងជាប់នឹងឈូងសមុទ្រ ខាងលិចជាប់នឹងស្រុកកំពង់សិលា និងស្រុកព្រៃនប់ ខេត្តព្រះសីហនុ។ ដោយសារតែភូមិសាស្រ្ត និងទេសភាពអំណោយផលសម្បូរទៅដោយ ​ភ្នំ ព្រៃព្រឹក្សា ​ទន្លេ ​បឹង ​ និងសមុទ្រ ​ខេត្តកំពតសម្បូរទៅដោយកន្លែងកម្សាន្តបែបធម្មជាតិ និងកែច្នៃជាច្រើន ទាក់ទាញភ្ញៀវទេសចរណ៍ជាតិ និងអន្តរជាតិមកលេងកម្សាន្តជាប់មិនដាច់ ដោយកន្លែងដើរលេងនៅខេត្តកំពទដើរលេង ២ ថ្ងៃ ក៏ដើរមិនអស់ដែរដូចជា៖…

ចង់ធ្វើដំណើរកម្សាន្តទៅកាន់ប្រទេសអឺរ៉ុប ​ពិតជាក្តីស្រមៃមួយរបស់មនុស្សរាល់គ្នា ​ទាស់តែពិបាកទៅ ​ឯថ្លៃចំណាយក៏អស់មិនស្ទើរដែរ ​តែពេលនេះអស់បារម្ភហើយ ​ «ក្នុងស្រុក ​» សូមណែនាំសួនកម្សាន្តបើកថ្មី ល្បីថាស្រស់ស្អាតមិនធម្មតា ​អាចធ្វើឱ្យអ្នកទទួលអារម្មណ៍ថាបានទៅលេងប្រទេសអឺរ៉ុបដែរ នោះគឺ ​«  យូរ៉ូផាក ​(Euro  Park)  »។ ​«  យូរ៉ូផាក ​(Euro  Park)  » គឺសួនកម្សាន្តដែលពោរពេញទៅដោយអគារ  និងរចនាបថចម្លងពីកន្លែងកម្សាន្តសប្បាយៗល្បីៗប្រចាំប្រទេសអឺរ៉ុប ដែលអាច​​ឱ្យអ្នកមកកម្សាន្តថតរូបបានយ៉ាងសប្បាយ និងម៉ាអេម ​ដែលអាចមកលេងជាលក្ខណៈក្រុមគ្រួសារ ​មិត្តភក្តិ ​ថតរូប ​Pre-Wedding  ឬថតរូបទទួលសញ្ញាបត្រក៏បាន ​ដែលអមនឹងទេសភាពដើមឈើតូចធំយ៉ាងខៀវស្រងាត់ខ្យល់អាកាសល្អថ្លាល្អផងដែរ។…

សៀមរាប៖ តារាសម្តែងមានសមត្ថភាព ​កញ្ញា ​ស៊ីន ​យូប៊ីន ​គឺជាតារាសម្តែងស្រីល្បីឈ្មោះ ​ដែលមានទីផ្សារខ្លាំងទាំងក្នុង  និងក្រៅប្រទេស ​ជាពិសេសនៅក្នុងប្រទេសថៃ។ ជាក់ស្តែង ​កញ្ញា ​ស៊ីន ​យូប៊ីន  ត្រូវបានគេដឹងថាឧស្សាហ៍ចេញចូលក្រៅប្រទេសណាស់ ទាំងការងារសិល្បៈ  និងការដើរកម្សាន្តផងដែរ ​តាមរយៈរូបភាពដែលកញ្ញាតែងតែបង្ហោះជារឿយៗនៅក្នុងបណ្តាញសង្គមរបស់កញ្ញាផ្ទាល់តែម្តង។ តែម្តងនេះកញ្ញាបានបង្ហោះរូបភាពដ៏ស្រស់ស្អាតរបស់ខ្លួននៅក្នុងវាលស្រែស្រស់ស្អាតមួយកន្លែង ​ដែលត្រូវបានគេដឹងថាជា ​រីហ្សតភូមិបៃតង នៅក្នុងខេត្តសៀមរាប ​ជាមួយនឹងទេសភាពស្រស់បំព្រងតាមបែបធម្មជាតិ ​ដែលមានវាលស្រែខៀវស្រងាត់ ដើម​ត្នោត​ដុះ​ពេញវាល​ស្រែ​ ចម្ការ​ដំណាំ​ និង ​ផ្ទះ​ឈើ​ប្រក់​ក្បឿង ជា​ទេសភាព​ភូមិ​ឋានខ្មែរពិតៗ ៕ រក្សាសិទ្ធអត្ថបទ៖ ក្នុងស្រុក

ហូឡង់៖ ដំណើរកម្សាន្តក្រេបចន្ទទឹកឃ្មុំរបស់តារាចម្រៀងល្បីឈ្មោះ អ្នកនាង ឱក សុគន្ធកញ្ញា នៅក្នុងប្រទេសហូឡង់កំពុងក្លាយទៅជាប្រធានបទដ៏ក្តៅគគុកមួយ ​ដោយសារតែទេសភាពដ៏ស្រស់ស្អាត និងដំណើរកម្សាន្តលើទឹកដ៏អស្ចារ្យ រហូតធ្វើឱ្យអ្នកគាំទ្រចង់ដឹងថា ​តើទីនោះឈ្មោះអ្វី និងស្ថិតនៅទីណា? ដូច្នេះថ្ងៃនេះក្នុងស្រុកនឹងនាំអារម្មណ៍ប្រិយមិត្តមកស្កាល់ទីក្រុងលើទឹកនេះទាំងអស់គ្នា៖ នៅក្នុងប្រទេសហូឡង់ មានភូមិលិចទឹកមួយដ៏ស្រស់ស្អាត  ដោយផ្លូវធ្វើដំណើរគឺសុទ្ធតែប្រឡាយទឹក មានឈ្មោះថា  ទីក្រុង ​Giethoorn។ Giethoorn គឺជាទីក្រុង និងជាភូមិដែលមានប្រឡាយទឹកហូរកាត់ ស្ថិតនៅក្នុងខេត្ត Overijssel ប្រទេសហូឡង់ ដោយភូមិស្ថានដីតំបន់ដែលប្រជាជានរស់នៅ អាចឆ្លងកាត់គ្នាទៅវិញទៅមកដោយត្រូវតភ្ជាប់ស្ពានតូចៗជាច្រើនប្រមាណជាជាង ១៨០ស្ពាន។ មានរឿងរ៉ាវ២ផ្ទុយគ្នា និយាយពីប្រវត្តិនៃការកើតភូមិលិចទឹកនេះ ដោយមានឯកសារខ្លះនិយាយថា  វាត្រូវបានបង្កើតឡើងដោយព្រះសង្ឃព្រះនាម Franciscan នៅក្នុងសត្សវត្សរ៍ទី…

ទោះបីជាមនុស្សភាគច្រើនជ្រើសរើសការធ្វើដំណើរលើគោកដោយហេតុមានភាពងាយស្រួលយ៉ាងណាក៏ដោយ ក៏មានប្រទេស និងតំបន់មួយចំនួននៅតែរក្សាប្រពៃណី រួមទាំងការរស់នៅតាមជីវិតលើផ្ទៃទឹកផងដែរ ដែលត្រូវបានគេដឹងថាទីកន្លែងនោះសុទ្ធតែមានសម្រស់ស្រស់ស្អាត និងល្បីល្បាញមានអ្នកទេសចរទៅកម្សាន្តយ៉ាងច្រើនទៀតផង។ ដូច្នេះមកតាមដាន ទីក្រុងលើទឹកដែលមានសម្រស់ស្រស់ស្អាតជាងគេទាំង១០នេះ៖ ១០. ក្រុង Can Tho ប្រទេសវៀតណាម Can Tho គឺជាទីក្រុងដ៏ធំមួយស្ថិតនៅក្នុងតំបន់ដីសណ្តទន្លេមេគង្គដែលនៅចន្លោះកណ្តាលរវាងទឹកទន្លេ និងប្រឡាយទឹក។ ផ្លូវទឹកសរុបនៅក្នុងទីក្រុងនេះមានប្រវែងដល់ទៅ ១១៥៧គីឡូម៉ែត្រ ដោយមានទន្លេ Hau គឺជាដៃទន្លេមេគង្គដ៏ធំជាងគេដែលបានរត់ទៅកាន់តំបន់ភាគខាងជើងនៃទីក្រុង Can Tho មួយនេះ។ ៩. ក្រុង Cape Coral រដ្ឋហ្វ្ររីដា សហរដ្ឋអាមេរិក ក្រុង…

កំពត៖ ទឹកដីខេត្តកំពតពោរពេញទៅដោយទីកន្លែងកម្សាន្តបែបធម្មជាតិជាច្រើនកន្លែង ជាពិសេសគឺសម្បូរទៅដោយព្រៃព្រឹក្សា ភ្នំ និងទីកន្លែងដែលជាប្រភពទឺក ដែលជាហេតុធ្វើឱ្យខេត្តកំពតសម្បូរទៅដោយ រីស្សតល្បីៗ ស្អាតៗមិនចាញ់បរទេសប៉ុន្មាននោះទេ។ នៅក្នុងនោះ ថ្មីៗនេះខេត្តកំពតក៏ត្រូវបានគេដឹងថាមានកន្លែងកម្សាន្តថ្មីមួយទៀតហើយ បើនិយាយពីទេសភាព គឺស្រស់ស្អាតញាក់សាច់ ជាមួយនឹងទេសភាពភ្នំជុំវិញ ពោរពេញទៅដោយផ្ទៃមេឃខៀវស្រងាត់ ដែលទីតាំងនោះមានឈ្មោះថា ចម្ការជ្រលងភ្នំក្រហម ស្ថិតនៅក្នុងស្រុកដងទង់ ខេត្តកំពត។ ចម្ការបែបរមណីយដ្ឋានមួយនេះ គឺមានសួនផ្កាដ៏ស្រស់ស្អាត ចម្ការផ្លែឈើ ទីកន្លែងស្នាក់នៅស្រស់ស្អាតស័ក្តិសមសម្រាប់អ្នកចូលចិត្តភាពស្ងប់ស្ងាត់ បូករួមនឹងធម្មជាតិព័ទ្ធជុំវិញធ្វើឱ្យត្រជាក់ស្រស់ថ្លានៅក្នុងអារម្មណ៍។ ដើម្បីទៅដល់កន្លែងដ៏ស្រស់ស្អាតអស្ចារ្យមួយនេះ អ្នកត្រូវធ្វើដំណើរទៅទិសខាងលិចវត្តភ្នំសុទិព្វប្រហែល១km ដោយទីតាំងចម្ការធម្មជាតិមួយនេះគឺស្ថិតនៅក្នុងភូមិត្រពាំងក្តារ ឃុំស្រែជាខាងត្បូង ស្រុក ដងទង់ ខេត្ត កំពត៕ រក្សាសិទ្ធអត្ថបទ៖…

មណ្ឌលគិរី៖ ខេត្តមណ្ឌលគិរីដែនដីភូមិភាគឦសាន្តប្រទេសកម្ពុជា មានសម្រស់ធម្មជាតិស្រស់ត្រកាលខ្លាំងណាស់ ជាទីមនោរម្យសម្រាប់ការមកកម្សាន្តដើម្បីប្តូរបរិយាកាសថ្មីចំណីអារម្មណ៍ប្លែក។ កាន់តែពិសេសនោះ មណ្ឌលគិរីក៏បានចាប់ផ្តើមដំណើរការនៃសួនសត្វអូទ្រីសមួយកន្លែង សម្រាប់បើកបម្រើភ្ញៀវចូលមកទស្សនាកម្សាន្តផងដែរ ដោយកាលពីមុនសត្វមួយប្រភេទនេះមាននៅបរទេសតែប៉ុណ្ណោះ។ ដោយអ្នកទេសចរគ្រប់រូបអាចចូលទៅទស្សនាសត្វមួយនេះដើម្បីកម្សាន្តអារម្មណ៍ និងថតរូបលេងទុកជាអនុស្សាវរីយ៍យ៉ាងសប្បាយរីករាយទៀតផង។ សូមជម្រាបផងដែរថា សួនសត្វអូទ្រីស ដែលមានមុខមាត់គួរឱ្យស្រលាញ់មួយនេះ មានទីតាំងស្ថិតនៅក្នុងឃុំដាក់ដាំ នៃស្រុកអូររាំង ដោយលោកអ្នកអាចធ្វើដំណើរចេញពីក្រុងសែនមនោរម្យទៅមានចម្ងាយប្រហែលជា ២០គីឡូម៉ែត្រតែប៉ុណ្ណោះ៕ រក្សាសិទ្ធអត្ថបទ៖ ក្នុងស្រុក  

ឡាវ៖ ប្រទេសឡាវ ហាក់មិនសូវមានអ្នកទេសចរទៅលេងកម្សាន្តប៉ុន្មាននោះទេ តែការពិតទៅឡាវ នៅសល់ទីកន្លែងកម្សាន្តបែបធម្មជាតិជាច្រើនកន្លែងដ៏ស្រស់ស្អាតដែលលោកអ្នកមិនធ្លាប់បានឃើញ និងបានស្កាល់ពីមុនមក។ ថ្ងៃនេះ ក្នុងស្រុក សូមនាំអារម្មណ៍ប្រិយមិត្តមកស្គាល់កន្លែងកម្សាន្តមួយកន្លែងនៃប្រទេសឡាវ នោះគឺ វ៉ាងវៀង (Vang Vieng ວັງວຽງ ) ។ វ៉ាងវៀង គឺជាទីក្រុងដ៏តូចមួយស្ថិតនៅភាគខាងជើងនៃព្រំប្រទល់ប្រទេសវៀតណាម និងស្ថិតនៅក្បែរទន្លេ ណាំសុង (Nam Song) ប្រទេសឡាវ ដែលព័ទ្ធជុំវិញទៅដោយព្រៃភ្នំព័ទ្ធជុំវិញ ថែមទាំងសម្បូរទៅដោយល្អាងភ្នំល្បីៗ និងទឹកជ្រោះស្អាតៗយ៉ាងត្រជាក់ចិត្តផងដែរ។ គួរឱ្យដឹងផងដែរថា ដើម្បីធ្វើដំណើរទៅដល់ វ៉ាងវៀង អ្នកត្រូវធ្វើដំណើរដោយរថយន្ត ដោយចំណាយពេល ៦…

អ្នកណាមិនល្បីថាក្រុង Venice ប្រទេសអ៊ីតាលី គឺជាក្រុងដែលសាងសង់លើកោះចំនួន ១១៨កោះ និងហ៊ុំព័ទ្ធទៅដោយប្រព័ន្ធប្រឡាយទឹកដ៏ស្រស់ស្អាតអស្ចារ្យជាងគេនៅលើលោក។ ទីក្រុងនេះមានប្រឡាយទឹកចំនួន ១៧០ និងមានស្ពានថ្មើរជើងដល់ទៅជាង ៤០០ ដើម្បីឆ្លងកាត់ទៅវិញទៅមកទៅកាន់គេហដ្ឋាន និងតំបន់ ឬទីកន្លែងផ្សេងៗនៅក្នុងទីក្រុងមួយនេះមានដូចជា ផ្សារ ​ភោជនីយដ្ឋាន​សាលារៀន និងកន្លែងកម្សាន្តជាច្រើនទៀត។ ដោយសារតែវាមានទេសភាពដ៏ស្រស់ស្អាត ជាមួយនឹងបរិយាកាសល្អប្លែក ទីក្រុង Venice បានក្លាយទៅជាទីក្រុងលើទឹកដែលមានសម្រស់ស្រស់ស្អាតដាច់គេ ដោយមានអ្នកទេសចរមកកម្សាន្តកាន់តែច្រើនឡើងក្នុងមួយឆ្នាំៗ។ គួរឱ្យដឹងផងដែរថា ទីក្រុងនេះក៏ជាទីក្រុងលេខ១ផងដែរ ដែលគ្មានការប្រើប្រាស់យានយន្តដូចជាឡាន ឬម៉ូតូ ហើយដើម្បីធ្វើដំណើរនៅក្នុងទីក្រុងនេះបាន អ្នកត្រូវតែប្រើទូក ឬក៏ទូកចែវផ្ទាល់ខ្លួនតែប៉ុណ្ណោះ៕