តោះញ៉ាំ

ថៃ៖ ហាងកាហ្វេមួយកន្លែងមានឈ្មោះថា Sarnie Bangkok បាននឹងកំពុងតែទទួលបានការចាប់អារម្មណ៍យ៉ាងខ្លាំងក្នុងប្រទេសថៃ ដោយសារតែហាងកាហ្វេនេះស្ថិតនៅលើអគារចំណាស់អាយុដល់ទៅ ១០០ឆ្នាំឯណោះ រួមទាំងការតុបតែងហាងបែប Classic មើលទៅស្រស់ស្អាតប្លែក និងជាទីកន្លែងទទួលទានកាហ្វេសម្រាប់អ្នកដែលចូលចិត្តភាពស្ងប់ស្ងាត់។ Sarnie Bangkok មានបើកបម្រើការលក់កាហ្វេ រួមទាំងភេសជ្ជៈ នំចំណី និងអាហារសម្រន់ជាច្រើនមុខ តាមបែបអូស្ត្រាលី លាយនឹងបញ្ជីមុខម្ហូបបែបអាស៊ីជាច្រើនមុខសុទ្ធតែគួរឱ្យចាប់អារម្មណ៍ និងមានរសជាតិឆ្ងាញ់ពិសា។ អ្នកអាចទៅសាកភ្លក់រសជាតិកាហ្វេ ជាមួយនឹងអារម្មណ៍ប្លែកថ្មីនៃអគារចាស់ នៅក្នុងហាងកាហ្វេ Sarnie Bangkok ប្រសិនជាអ្នកមានឱកាសទៅលេងប្រទេសថៃ ដែលមានទីតាំងស្ថិតនៅតំបន់ Soi Charoen Krung 44 សង្កាត់…

ភ្នំពេញ៖ កាលពីមុនប្រសិនជាអ្នកចង់ទទួលទានស្រាក្រឡុក Cocktail ដ៏មានរសជាតិឆ្ងាញ់ពិសា និងកន្លែងស្រស់ស្រាយ ច្បាស់ណាស់ ប្រាកដជាត្រូវចំណាយច្រើនទៅលើហាងទំនើបៗមួយចំនួនដូចជា Sky Bar ជាដើម។ តែពេលនេះក្នុងបច្ចុប្បន្នចង់រកកន្លែងកម្សាន្តសប្បាយលំហែអារម្មណ៍ ស្តាប់ភ្លេង ផឹកស្រាមួយកែវមិនចាំបាច់ចំណាយលុយច្រើនទេ ព្រោះហាងតូចៗជាច្រើនបានរីកដុះដាលដូចផ្សិតក្នុងពេលបច្ចុប្បន្នឯតម្លៃក៏សមរម្យទៀត។ ដូច្នេះថ្ងៃនេះ ក្នុងស្រុក សុំណែនាំហាងបើកថ្មីមួយកន្លែងមានឈ្មោះថា Color Cup (Old School Bar) ដែលកំពុងតែទទួលបានការពេញនិយមជាច្រើនពីសំណាក់យុវវ័យដែលចូលចិត្តកន្លែងថ្មីៗប្លែក ហើយអាចជួបជុំមិត្តភក្តិបានយ៉ាងរីករាយផងដែរ។ Color Cup កាលពីមុនគ្រាន់តែជាហាងតាមចិញ្ចើមផ្លូវតូចមួយដែលបម្រើស្រាក្រឡុកមានរសជាតិឆ្ងាញ់តែប៉ុណ្ណោះ តែពេលនេះបាន Update ថ្មីដោយបើកលើទីតាំងថ្មីកាន់តែធំ និងស្អាតជាងមុន ដោយការជ្រើសរើសអគារចាស់មួយកន្លែង…

កូរ៉េខាងត្បូង៖ ហាងកាហ្វេមួយកន្លែងដែលទើបតែបើកថ្មីនៅក្នុងខែ មេសា បាននឹងកំពុងតែទាក់ទាញភ្ញៀវមកថតរូបកម្សាន្តយ៉ាងរីករាយដោយសារតែសាងសង់ជណ្តើរមួយដូចជាជណ្តើរឡើងឋានសួគ៌។ ហាងកាហ្វេ ដែលបានសង់ជណ្ដើរ “Stairway to heaven” មួយនេះមានភាពទាក់ទាញយ៉ាងខ្លាំង និងអាចផ្ដិតយករូបភាពយ៉ាងស្រង់ស្អាតប្រៀបដូចជាយើងកំពុងឡើងទៅកាន់នៅលើមេឃយ៉ាងអីចឹងដែរ។ តែនៅក្នុងនោះផងដែរ ភ្ញៀវដែលចង់ថតរូបនៅជណ្ដើរនោះ ត្រូវតម្រង់ជួរឡើងវែងអន្លាយយ៉ាងតិចក៏ ១ម៉ោងសិនដែរ ដើម្បីរង់ចាំផ្តិតយករូបថតនោះ។ គួរឱ្យដឹងផងដែរថា កាហ្វេដែលមានជណ្តើរឋានសួគ៌មួយនេះ ស្ថិតនៅតំបន់ Gokseong, ខេត្តJeollanam-do ប្រទេសកូរ៉េខាងត្បូង៕ អត្ថបទរក្សាសិទ្ធ៖ ក្នុងស្រុក

​ភ្នំពេញ៖  ចង់ទទួលទានអាហារថ្ងៃត្រង់ជាមួយនឹងអារម្មណ៍ប្លែកថ្មី ​ប្រៀបបីដូចជាទទួលទានអាហារក្នុងផ្ទះថែមទាំងមានរសជាតិឈ្ងុយឆ្ងាញ់ ​ថ្ងៃនេះ ​«ក្នុងស្រុក ​» ​សូមណែនាំហាងអាហារមួយកន្លែងមានឈ្មោះថា ​« ​Frank  Coffee  »។ Frank  Coffee  ឬគ្រប់គ្នាហៅលេងថាហាងបាយវត្តខ្ចប់ស្លឹកឈូក ​មានទីតាំងស្ថិតនៅក្នុងវត្តតែម្តង ​ដោយមិនត្រឹមតែបើកបម្រើកាហ្វេ និងភេសជ្ជៈច្រើនប្រភេទប៉ុណ្ណោះទេ ​តែហាងមួយនេះល្បីថាមានបាយខ្ចប់ស្លឹកឈូកឈ្ងុយឆ្ងាញ់ ​ជាមួយនឹងអាហារបែបស្រុកស្រែជាមួយនឹងរសជាតិបំភ្លេចមិនបាន​ញ៉ាំហើយគឺមានអារម្មណ៍ថាដូចនៅផ្ទះយ៉ាងអ៊ីចឹង។ ដោយ ​Frank  Coffee  មានទាំងបាយភ្លៅមាន់ខ្ចប់ស្លឹកឈូក ក្រួចអំបិលម្ទេសអាំង កង្កែបអំបិលម្ទេសអាំង មឹកអំបិលម្ទេសអាំង មាន់អំបិលម្ទេសអាំង ត្រីរ៉ស់អាំង ត្រីអណ្តែងអាំង ផ្អកចំហុយ ខ្យងនិងក្តាមចំហុយ សម្លម្ជូរត្រកួនសាច់គោ​…

ភ្នំពេញ៖ ចង់ទទួលទានបង្កងស្រស់ៗ និងលំហែអារម្មណ៍តាមរយៈការកម្សាន្តស្ទូចបង្កងលេងជាលក្ខណៈមិត្តភក្តិ ​ឬក្រុមគ្រយសារផងនោះ ​ពេលនោះលោកអ្នកមិនបាច់ទៅដល់ណាឆ្ងាយៗនោះទេ ​ដោយកន្លែងកម្សាន្តមួយនេះស្ថិតនៅរាជធានីភ្នំពេញយើងប៉ុណ្ណោះ គឺ ​« ​ភោជនីយដ្ឋានភូមិស្ទូចបង្កង» ។ ភូមិស្ទូចបង្កង មានទីកន្លែងប្រកបដោយបរិយាកាសល្អធំទូលាយ អាចអង្គុយទទួលទានអាហារលើតុកៅអីក៏បាន ​ហើយចង់អង្គុយនៅកញ្ចុះដ៏ស្រស់ស្អាតក៏បានដែរ ។ ជាពិសេសលោកអ្នកអាចធ្វើការស្ទូចបង្កងលេងកម្សាន្ត ឬយកមកបរិភោគបាន ដែលវាមានរសជាតិយ៉ាងឈ្ងុយឆ្ងាញ់ ហើយលោកអ្នកធ្វើការជ្រើសរើសមុខម្ហួបតាមចំណង់ចំណូលចិត្តបានទាំងបង្កងអាំងម្ទេស ឆា ចៀន ចំហុយ អប់ សុទ្ធតែឆ្ងាញ់ ដោយបង្កងទឹកសាបស្ទូចបាន  1kg គិតតម្លៃ 25$ និងបង្កងនាគស្ទូចបាន 1kg គិតម្លៃ 30$…

ជាការពិតណាស់ ​សព្វថ្ងៃនេះយើងប្រាកដជាបានដឹងហើយថា ​បញ្ហាបរិស្ថាន ​ជាកត្តាមួយធ្វើឱ្យផែនដីកាន់តែមានការខូចខាត ជាពិសេសគឺសម្រាមដែលមិនងាយរលូយដូចជាថង់ប្លាស្ទិច និងប្រអប់ជ័រជាដើម។ ដោយសារតែយល់ឃើញពីផលប៉ះពាល់នៃថង់ប្លាស្ទិចនេះហើយ បានជាពេលបច្ចុប្បន្ន  គ្រប់គ្នានាំគ្នាកាត់បន្ថយថង់ផ្លាស្ទិច ​ដោយការប្រើថង់យូរដៃក្រណាត់ និងថង់ក្រដាសធម្មជាតិជំនួសវិញ។ នៅក្នុងនោះដែរ ​គណនីហ្វេសប៊ុកមួយឈ្មោះ ​Rich  Chamrouen  បានចែករំលែករូបភាពប៉ុន្មានសន្លឹក ​នោះគឺការកែច្នៃស្រទបចេកខ្ចប់បន្លែធម្មជាតិ ​ដើម្បីការពារបរិស្ថាន ជំនួសឱ្យការប្រើប្រអប់ស្នោរ។ ដោយតាមការរៀបរាប់របស់ម្ចាស់គណនីបានឱ្យដឹងផងដែរថា គំនិត​យកស្រទបចេកជំនួសប្រអប់ស្នោរ វេចខ្ចប់បន្លែធម្មជាតិ មួយនេះមិនត្រឹមតែកាត់បន្ថយជាតិពុលបរិស្ថាននោះទេ ​តែវាថែមទាំងមានគុណប្រយោជន៍អាចជួយរក្សាសំណើម ឱ្យបន្លែនៅស្រស់បានយូរទៀតផង៕ រក្សាសិទ្ធ៖ ក្នុងស្រុក ប្រភពរូបភាព៖ Rich  Chamrouen   

ភ្នំពេញ៖ មួយរយៈនេះហាង Cocktail ស្រាក្រឡុកជាលក្ខណៈតៀមតូចៗក្បែរផ្លូវ ហាក់រីកដុះដាលច្រើន ជាទីពេញនិយមរបស់យុវវវ័យសម័យថ្មីជាមួយនឹងតម្លៃថោកសមរម្យ។ ថ្មីៗនេះផងដែរ ហាង Cocktail មួយកន្លែងបើកថ្មីមានឈ្មោះថា Train Cocktail បានធ្វើឱ្យអារម្មណ៍យុវវ័យពុះកញ្ជ្រោលខ្លាំង ដោយសារតែទីកន្លែងមានតុបតែងដូចនៅក្នុងកុងទីន័រ ជាពិសេសមានភ្លើងចម្រុះពណ៌ស្រស់ស្អាត ថែមទាំងមានស្រាក្រឡុកច្រើនរសជាតិឱ្យជ្រើសរើស និងម្ហូបអាហារឆ្ងាញ់ៗទទួលទានផងដែរ។ Train Cocktail មានលក់ស្រាក្រឡុកគិតជាថូ ដោយ១ថូ មានតម្លៃ 5$ បើកំម៉ុង 3ថូ ថែម 1ថូ  ហើយម្ហូបគ្រប់មុខ 1ចាន ត្រឹមតែ 3$ ប៉ុណ្ណោះ…

សៀមរាប៖ នំបញ្ចុកអាចនិយាយបានថា គឺជាអាហាររបស់ខ្មែរតាំងពីដើមរៀងមក ហើយក៏អាចជាដើមកំណើតនៃការបង្កើតគុយទាវរបស់ចិនផងដែរ។ ជាក់ស្តែងនំបញ្ចុកខ្មែរ អាចទទួលទានជាមួយនឹងទឹកសម្លជាច្រើនប្រភេទដូចជា ទឹកសម្លរប្រហើរបង់សាច់ត្រី សម្លខ្ជាយ សម្លការី សម្លណាំយ៉ា ទឹកម្ហិច(កំពត) និងទឹកត្រីផ្អែមជាដើមទៅតាមការច្នៃប្រតិដ្ឋតាមស្រុកតំបន់ និងខេត្តរៀងៗខ្លួន។ មិនតែប៉ុណ្ណោះនៅខេត្តសៀមរាប ក៏មានសម្លនំបញ្ចុកដ៏ប្លែក និងឆ្ងាញ់ពិសាម្យ៉ាងផងដែរ មានឈ្មោះថា «នំបញ្ចុកខួរក្តាម» ដែលទទួលបានឈ្មោះល្បីល្បាញ និងមានអតិថិជនចេញចូលទទួលទានមិនចេះដាច់នោះឡើយទាំងភ្ញៀវក្នុងស្រុកភូមិ ភ្ញៀវជាតិ និងអន្តរជាតិមកសាកទឹកសម្លខ្មែរមួយនេះ។ ក្រៅពីមានលក់នំបញ្ចុកខួរក្ដាមហើយ ហាងតូចតែខ្លឹមមួយនេះ មានលក់ទាំងមី និង មីសួរទឹកស៊ុបធ្វើពីសាច់ខួរក្ដាម និងសាច់ក្ដាម លាយជាមួយខួរក្តាមចំហុយជាមួយសាច់ជ្រូកចិញ្ច្រាំផងដែរ។ សម្រាប់អ្នកដែលចាប់អារម្មណ៍ចង់ទទួលទាន នំបញ្ចុកខួរក្ដាមមានទីតាំងនៅផ្សារហ៊ុយឡេងចាស់នៅជិតអ្នកលក់ស្បែកជើង ក្រុងសៀមរាប…

ភ្នំពេញ៖ « ការអានគឺជាគន្លឹះនៃភាពជោគជ័យ ​ការអានអាចផ្តល់ចំណេះវិជ្ជាដ៏ថ្លាថ្លៃ ​ហើយការអានសៀវភៅអាចធ្វើឱ្យអ្នកមានការយល់ដឹងកាន់តែខ្ពស់ទាំងគំនិតស្មារតី ​» ​ដោយសារតែមូលហេតុទាំងនេះហើយបានជា ហាងកាហ្វេមួយកន្លែងបានចាប់បដិសន្ធិឡើង ដោយមានការដាក់តាំងសៀវភៅឱ្យមហាជនចូលអាដោយមិនគិតថ្លៃ នោះគឺហាង ហ្គ្រីតកាហ្វេ (GRIT CAFÉ )។ ហ្គ្រីតកាហ្វេ (GRIT CAFÉ ) ត្រូវបានបង្កើតឡើងដោយអតីតនិស្សិតបញ្ចប់ការសិក្សាមកពីប្រទេសជប៉ុនម្នាក់ ក្នុងគោលបំណងបំពេញសេចក្តីត្រូវការនៃចំណង់ចំណូលចិត្តទទួលទានកាហ្វេរបស់យុវជនកម្ពុជា ​ហើយអ្វីដែលសំខាន់នោះគឺចង់ក្លាយទៅជាផ្នែកមួយចូលរួមផ្តល់ចំណេះដឹងដល់យុវជនខ្មែរ តាមរយៈការផ្តល់សៀវភៅអានដោយឥតគិតថ្លៃដើម្បីឱ្យយុវជនកម្ពុជាអាចទទួលយកផលប្រយោជន៍សម្រាប់អនាគតរបស់ខ្លួនបានគ្រប់ពេលវេលា និងគ្រប់ទីកន្លែងផងដែរ។ នៅក្នុងនោះម្ចាស់ហាងផ្ទាល់ធ្លាប់បានរៀបរាប់ពីគោលបំណងរបស់ខ្លួនឯងលើគណនីហ្វេសប៊ុកផងផងដែរថា « ខ្ញុំធ្លាប់ក្រលំបាក មិនដែលមានលុយ ទិញសៀវភៅអាននោះទេ ខ្ញុំត្រូវទៅឈរនៅតូបលក់​សៀវភៅ​ទាំងកណ្តាលថ្ងៃក្រោយពេលចេញ​ពី​សាលាដើម្បីអានសៀវភៅ។ ខ្ញុំធ្លាប់យល់អារម្មណ៍ដែលខ្វះខាតបែបនេះ។ យើងមានសៀវភៅរាប់រយក្បាលសម្រាប់​ប្អូនៗ​ចូលអានដោយសេរីទោះជាគាត់មិនពិសារកាហ្វេឬភេសជ្ជៈនានា​ក៏ដោយ​ ​»។…

ភោជនីយដ្ខានចូលចិត្ត ​គឺជាភោជនីយដ្ឋានទើបតែបើកថ្មី ​តែទទួលបានការពេញនិយមមកទទួលទានផង ​និងកម្សាន្តផងយ់ាងច្រើនកុះករស្ទើរមិនដាច់  ជាពិសេសថ្ងៃសម្រាក ​ឬថ្ងៃបុណ្យគឺមានអ្នកកម្សាន្តពេញៗតែម្តង។ ភោជនីយដ្ឋានដែលបម្រើអាហារទទួលទានបែបស្រុកស្រែជនបទដ៏ឆ្ងាញ់ពិសារមួយនេះ ​មានភាពល្បីល្បាញដោយសារតែ ​ទីតាំងភោជនីយដ្ឋានទាំងមូលមានការតុបតែង និងលំអដោយដើមឈើតូចធំគ្រប់ប្រភេទមានលក្ខណៈធម្មជាតិ ​អមនឹងផ្ទៃទឹកបឹងក្បែរទីនោះផង ​ធ្វើឱ្យការមកលេងទីនេះផ្តល់នូវចំណីអារម្មណ៍ប្លែក និងត្រជាក់ចិត្តទៀតផង។ ក្រៅពីការតែងលំអរដោយដើមឈរ ​និងសួនផ្កាដ៏ស្រស់ស្អាត ​ភោជនីយដ្ឋានពេញចិត្ត មានស្ពានដើរឆ្លងយ៉ាងស្រស់ស្អាត មានរូបរាងជាបេះដូងឱ្យថតរូបកម្សាន្តដែលមើលមួយភ្លែតស្មានតែកោះបាលី ​ថែមទាំងមានកញ្ជុះឱ្យអង្គុយលេង និងទទួលទានអាហារបានយ៉ាងរីករាយផងដែរ។ គួរឱ្យដឹងផងដែរថា ​« ភោជនីយដ្ឋាន ​ចូលចិត្ត ​» មានទីតាំងលើផ្លូវជាតិលេខ១ ដោយបត់ចូលទៅផ្លូវរោងចក្រថៃហ្គឺជាតិប្រហែល​ ១ គីឡូ​ ​ ជិតទូរទស្សន៍ហង្សមាស ឬអាចទំនាក់ទំនងសាកសួរ…

នៅម្តុំវិទ្យាល័យសន្ធរម៉ុកសម្បូរទៅដោយអាហារបែប​​ Street Food  ជាច្រើនកន្លែងឆ្ងាញ់ៗ ​ដែលជាទីប្រជុំជួបជុំមិត្តភក្តិទទួលទានយ៉ាងឆ្ងាញ់ពិសាររាល់ពេលល្ងាចៗឡើង។ នៅក្នុងនោះផងដែរ ​មានហាងអាហារបើកថ្មីមានឈ្មោះថា « ខ្យងខ្ទាវ-សន្ធរម៉ុក » បាននឹងកំពុងតែទទួលបានការពេញនិយមទាំងសិស្សសាលា  មហាវិទ្យាល័យ និងអ្នកធ្វើការមកទទួលទានយ៉ាងកុះករ ​ដោយសារតែមិនត្រឹមជាហាងដែលមានតម្លៃសមរម្យនោះទេ ​តែអាហារក៏សុទ្ធតែឆ្ងាញ់ៗសុទ្ធតែពពួក ​ខ្ចៅ ខ្យង  ក្តាម  មឹក  ​ងាវ ជាច្រើនមុខឱ្យជ្រើសរើសទទួលទានតាមចំណង់ចំណូលចិត្តផងដែរ។ ដោយនៅក្នុងនោះ ហាង ខ្យងស្ទាវ​ – សន្ធរម៉ុក​មានលក់ដូចជា​:៖ ខ្យងស្ងោរ​ ខ្ចៅស្ងោរ​ ផ្សិតបំពង​ ស្លាបមាន់បំពង​ ប្រហិតចៀន​ ប្រហិតបំពង​…

អាហារជប៉ុន ​អ្នកណាៗក៏ដឹងដែរថា ​ជាប្រភេទអាហារសុខភាព ​ដែលភាគច្រើនមានគ្រឿងផ្សំបែបធម្មជាតិ គិតដល់សុខភាពជាធំ ​ជាពិសេសជាប្រភេទអាហារបែបសាច់ត្រី និងបាយតែប៉ុណ្ណោះ។ ដោយការរកទទួលទានអាហារបែបជប៉ុននៅស្រុកខ្មែរពិតជាងាយស្រួលណាស់ ​ដោយអាហារបែបជប៉ុនបានបើកជាច្រើនសាខា  និងច្រើនហាងដើម្បីបម្រើជូនជាអាហារឆ្ងាញ់ៗសម្រាប់អ្នកដែលចូលចិត្តអាហារជប៉ុន  និងស្រលាញ់សុខភាពតែម្តង។ ដូច្នេះថ្ងៃនេះ ​«ក្នុងស្រុក ​» សូមណែនាំហាងអាហារជប៉ុនមួយកន្លែង ​ដែលកំពុងតែមានការពេញនិយមថា  មានម្ហូបជប៉ុនឆ្ងាញ់តម្លៃសមរម្យ ជាពិសេសគឺអាហារជាប្រភេទ ​ស៊ូស៊ី នោះគឺហាង ​« Sushi Chef » ។ Sushi Chef  មានបម្រើប្រភេទអាហារស៊ូស៊ីច្រើនបែបច្រើនយ៉ាងឱ្យជ្រើសរើសសុទ្ធតែឆ្ងាញ់ៗ ប្រកបដោយអនាម័យ និងសុខភាពខ្ពស់  សូម្បីមើលតែរូបរាងក៏គួរឱ្យចង់ទទួលទានដែរ។ នៅក្នុងនោះលោកអ្នកអាចរើសជាឈុតអាហារជប៉ុនទៅតាមប្រភេទនីមួយៗបាន…

ភ្នំពេញ៖ បទចម្រៀងកាលពីទសវត្សរ៍ទី៦០ និង ៧០ត្រូវបានដឹងគេថាជាយុគសម័យមាសនៃតន្ត្រីទាំងនៅបរទេស ​និងនៅស្រុកខ្មែរ ​ព្រោះតែបទចម្រៀងមួយបទៗសុទ្ធតែពិរោះរណ្តំ  ដែលត្រូវបានពេញនិយមស្តាប់កាលពីជំនាន់នេះ  ថែមទាំងល្បីល្បាញនៅក្នុងសម័យបច្ចុប្បន្នដដែល ​ពោលគឺនៅតែមានអ្នកស្តាប់ និងស្រលាញ់បទចម្រៀងជំនាន់នោះ។ អាចថាជារឿងប្លែក ​និងមិនធ្លាប់មាននៅក្នុងស្រុកខ្មែរ ​ថ្មីៗនេះ បារមួយកន្លែងដែលទើបតែបើកថ្មី មានឈ្មោះថា ហាងតន្រ្តី និងភោជនីយដ្ឋាន Oldies ( The Music Bar Oldies) ដោយបានយកលំនាំតាមឈ្មោះ អូលឌី គឺជាប្រភេទបារទី១ ដែលនាំមកនូវការប្រគំតន្រី្តលំនាំតាមបែបទស្សវត្សទី៦០ និងទី៧០ ដែលបានប្រគុំ ដោយក្រុមតន្រី្តករ និងឌីជេល្បីៗ ដែលមានគ្រប់ចង្វាក់ដូចជា…