តោះញ៉ាំ

ថៃ៖ ថ្មីៗនេះតារាសម្តែងស្រីស្រស់ស្អាតពេញដោយសមត្ថភាព  ស៊ីន យូប៊ីន បានបង្ហោះរូបភាពប៉ុន្មានសន្លឹកនៅក្នុងឈុត  ទេពមច្ឆា ដូចក្នុងរឿងនិទានយ៉ាងស្រស់ស្អាត ធ្វើឱ្យអ្នកគាំទ្រភ្ញាក់ផ្អើល និងកោតសរសើរជាខ្លាំងថាមានភាពស្រស់ស្អាត ​ទាក់ភ្នែក ​គួរឱ្យចាប់អារម្មណ៍ជាខ្លាំង ​ថែមទាំងចង់ដឹងថាហាងនេះស្ថិតនៅទីណាទៀតផង។ ជាក់ស្តែង « ក្នុងស្រុក »  ក៏ធ្លាប់បានចុះផ្សាយម្តងរួចមកហើយនូវអត្ថបទ ​ស្តីពីហាងមួយនេះ ​ដោយហាងនេះមានឈ្មោះថា Mermaid Casle Siam (ចុចទីនេះដើម្បីអានអត្ថបទ)  ដោយហាងមួយនេះស្ថិតនៅក្នុងប្រទេសថៃ ជាហាងកែច្នៃមានលក់ទំនិញគ្រប់ប្រភេទជាពណ៌ឥន្ទធនូ ​និងមានរូបទាក់ទងនឹងបាតសមុទ្រផងដែរ ជាពិសេសទីតាំងហាងនេះថែមទាំងមានហាងកាហ្វេដែលរចនាឡើងដូចជាពិភពបាតសមុទ្របែបតុក្កតាពិតៗផងដែរ។ នៅក្នុងនោះហាងដែលមាន៤ជាន់នេះ  ​ជាន់ទី១ និងទី២ ​គឺជាហាងលក់ទំនិញសំភារៈ និងសំឡៀកបំពាក់បែបឥន្ទធនូ ​ខ្ជូតៗ…

ភ្នំពេញ៖ ហាងភេសជ្ជៈសព្វថ្ងៃកំពុងតែរីកដុះដាល​ ជាពិសេសគឺហាងភេសជ្ជៈប្រភេទ ​Milk  Tea  និងតែគជ់តែម្តង ​ដោយហាងនីមួយៗសុទ្ធតែមានរសជាតិឆ្ងាញ់ប្លែកទៅតាមប្រេន ​ឬរូបមន្តប្រចាំហាងនីមួយៗ។ មិនខុសពីហាងដទៃ ​ហាងតែគជ់ដែលទើបតែបើកថ្មី ឈ្មោះ ​SONGTEA មួយកន្លែងក្បែរសាលា ​IFL  ក្រោយពីមានភាពជោគជ័យ និងទទួលបានការគាំទ្រយ៉ាងខ្លាំងលើភេសជ្ជៈរបស់ខ្លួនដែលមានរសជាតិថ្មី ប្លែកពីគេនោះ ​ក៏បានចាប់ផ្តើមបន្ថែមមុខបង្អែមល្បីថ្មីទៀតផងដែរ។ SONGTEA丧茶-Cambodia បាននឹងកំពុងតែនាំយកមកនូវមុខបង្អែមដែលធ្លាប់តែល្បី ​និងឃើញលើបណ្តាញ ​Internet  ក្នុងប្រទេសដទៃនោះគឺ Soufflé និង Puff ដែលជាប្រភេទនំទន់ ប៉ោង និងផ្អែមឆ្ងាញ់ ដោយបង្អែមប្រភេទនេះនឹងដាក់ដំណើរការដាក់លក់ជាផ្លូវការនៅហាង SONGTEA ក្នុងចុងខែកក្តដា…

ភ្នំពេញ៖ ចង់ទទួលទានអាហារសម្រន់ច្រើនបែបច្រើនទម្រង់ ​ទាំងខ្ចៅ ខ្យង ​គ្រឿងសមុទ្រ ​ជាពិសេសគឺក្តាមថ្មក្រឡុកមានឱជារសឆ្ងាញ់ពិសា ​មានច្រើនកន្លែងណាស់ដែលលោកអ្នកអាចជ្រើសរើសបាន។ តែថ្ងៃនេះ ​« ក្នុងស្រុក​​» សូមណែនាំហាងមួយកន្លែង ​ដែលកំពុងតែទទួលបានការពេញនិយមដោយសារតែមានអាហារជាប្រភេទគ្រឿងក្រឡុកឆ្ងាញ់ៗ ​ជាពិសេសគឺមានអាហារសមុទ្រប្លែកៗផងដែរ ​នោះគឺ ហាង «ម្ជូរ និងក្តាមក្រឡុក ឆ្ងាញ់សន្លប់​»។ ម្ជូរ និងក្តាមក្រឡុក ឆ្ងាញ់សន្លប់  មានបម្រើអាហារសម្រន់ឆ្ងាញ់ៗជាច្រើនមុខដូចជាខ្ចៅលីង ​ខ្ចៅស្ងោរ ក្តាមសមុទ្រជ្រក់ពងពេញពេញ ប្រឡាំងកាសក៏សុទ្ធតែពង ម្ហូបគ្រឿងសមុទ្រគ្រប់មុខ និងម្ហូបឆ្ងាញ់ៗជាច្រើនទៀតដែលសុទ្ធតែទទួលបានការពេញនិយមពីអ្នកដែលមកទទួលទាន លាន់មាត់ថាឆ្ងាញ់ស្ទើរគ្រប់ៗគ្នា។ គួរឱ្យដឹងផងដែរថា ហាងម្ជូរ និងក្តាមក្រឡុក ឆ្ងាញ់សន្លប់…

ភ្នំពេញ៖ ប៉ុន្មានថ្ងៃនេះ រឿងទឹកដោះគោគជ់ស្រោបមាស បានក្លាយទៅប្រធានបទក្តៅគគុក ស៊ីសាច់ហុតឈាមគ្នាពេញបណ្តាញសង្គម ដោយសារតែការប្រកែកគ្នារឿងភេសជ្ជៈដែលមានតម្លៃថ្លៃគួរសមមួយនេះ ដោយអ្នកខ្លះយល់ថាប្លែកគួរឱ្យចង់សាក ឯអ្នកខ្លះនឹកឆ្ងល់ថាតើធ្វើឡើងពីអ្វីបានជាមានតម្លៃថ្លៃលើសពីតែគជ់ដទៃបែបនេះ។ ភេសជ្ជៈដែលកំពុងតែធ្វើឱ្យកក្រើកពេញហ្វេសប៊ុកមួយនេះ ត្រូវបានគេដឹងថា មានលក់នៅក្នុងហាង An cha Taiwan Milk Tea – 安茶  ដែលជាហាងលក់ភេសជ្ជៈបែបតែគជ់បើកថ្មី ដោយបានចេញនូវភេសជ្ជៈដ៏ពិសេសនេះ មានឈ្មោះថា « តែទឹកដោះគោគុជស្រោបមាសលំដាប់ខ្ពស់ » ពោលគឺជាប្រភេទតែគជ់ដែលស្រោចកម្ទេចមាសពីលើតែម្តង។ តាមការបង្ហោះផ្សព្វផ្សាយពីគណនីហ្វេសប៊ុកផេករបស់ហាងនេះផ្ទាល់បានឱ្យដឹងថា មាសដែលប្រើលើភេសជ្ជៈនេះត្រូវបាននាំចូល100%ពីប្រទេសឌូបៃ ដែលជាកន្លែងដែលមានម្ហូបធ្វើពីមាសល្បីជាងគេនៅលើពិភពលោក ដែលមានការធានាពីសុវត្ថិភាពចំណីអាហារ។ លើសពីនោះ មាសដែលជាប្រភេទអាហារមួយនេះថែមទាំងផ្តល់អត្ថប្រយោជន៍ សម្រាប់សុខភាពជាច្រើនដូចជា៖…

ភ្នំពេញ៖ ចង់ទទួលទានអាហារសម្រន់ឆ្ងាញ់ៗពេលល្ងាច បានក្លាយទៅជាចំណង់ចំណូលចិត្តមនុស្សស្ទើរគ្រប់គ្នា តែបើចង់ជួបជុំគ្នាសប្បាយទទួលទានអាហារប្លែកៗបែបអ្នកបាត់ដំបង ដូចជាសង្វាក់បាត់ដំបងពិតជាមិនងាយនឹងរកបាននោះទេ។ តែមិនបាច់បារម្ភទេ ថ្ងៃនេះ «ក្នុងស្រុក » សូមណែនាំហាងអាហារមួយកន្លែង ដែលមានអាហារអ្នកស្រុកបាត់ដំបងឆ្ងាញ់ នោះគឺ ហាង 123 Pig ដែលម្ហូបឆ្ងាញ់ប្រចាំហាងនោះគឺ សង្វាក់ និងណែមនឿង ដាក់ចង្អេរ និងឈ្នាងតែម្តង មើលតែតុបតែងក៏គួរឱ្យចង់ញ៉ាំដែរ តែបើបានទទួលទានទៀតរសជាតិគឺរឹតតែពេញចិត្ត។ ក្រៅពីមានសង្វាក់បែបអ្នកបាត់ដំបងដ៏ឆ្ងាញ់ពិសាហើយនោះ 123 Pig ក៏មានលក់អាហារឆ្ងាញ់ៗជាច្រើនប្រភេទដូចជា មីកូឡា ណែមនឿង បាយឆាគ្រប់មុខ ស៊ុបបបែល រួមទាំងភេសជ្ជៈឆ្ងាញ់ៗជាច្រើនមុខទៀត។ ចំណែកឯហាងវិញក៏មានការតុបតែងយ៉ាងស្រស់ស្អាតដោយដើមឈើតូចធំបៃតងស្រស់ ជាមួយនឹងតុអង្គុយបែបផ្ទាល់ដីមានពូកទន់ៗងាយស្រួលអង្គុយទទួលទានទៀតផង។…

កែប៖ ធ្លាប់តែទទួលទានហាងកាហ្វេប្រេនៗ ​នៅក្នុងហាងទំនើបនៅទីក្រុងទាន់សម័យ ​ចុះបើទៅទទួលទានកាហ្វេតាមព្រៃ  តាមភ្នំតើមានអារម្មណ៍យ៉ាងណាដែរ? មនុស្សជាច្រើនប្រហែលជាមានការភ្ញាក់ផ្អើល ​តែបើស្រមៃមើលថា  ផឹកកាហ្វេលើភ្នំមើលទេសភាព ​មើលថ្ងៃរៀបលិច  អារម្មណ៍ប្រាកដជាស្រស់ស្រាយប្រសើរជាងមិនខាន  ពោលគឺដើម្បីប្តូរបរិយាកាសថ្មីផង។ ពេលនេះមិនចាំបាច់ស្រមើស្រមៃទៀតនោះទេ ​កាហ្វេលើភ្នំការពិតក៏មាននៅស្រុកខ្មែរយើងដែរ ឯបរិយកាសគឺម៉ាអេមម៉ាឡូយកបតែម្តង ​មើលទេសភាពពេលថ្ងៃក៏បាន ​មើលទេសភាពពេលថ្ងៃរៀបលិចគគឺរឹតតែកប់ ​នោះគឺហាងកាហ្វេ Led Zep Cafe។ Led  Zep  Cafe  គឺជាហាងតែមួយគត់ ដែលមាននៅលើឧទ្យានជាតិកែប ​មានបម្រើកាហ្វេត្រជាក់ និងក្តៅ ​សាំងវ៉ិច ​និងអាហារសម្រន់ឆ្ងាញ់ៗជាច្រើនមុខផ្សេងទៀត ​ដោយមានតុ និងកៅអីអង្គុយប្របនឹងជើងភ្នំអាចមើលទេសភាពជុំវិញបណ្តើរ ​ទទួលទានកាហ្វេបណ្តើរប្រកបដោយអារម្មណ៍ត្រជាក់ចិត្ត។…

សៀមរាប៖ ទឹកដីសៀមរាប ​គឺជាទីក្រុងដ៏ល្បីល្បាញបំផុតនៅក្នុងយុគសម័យបុរាណ ​ដោយសារតែកិត្តិនាមដ៏ល្បីល្បាញរបស់ប្រាសាទអង្គរវត្ត។ រហូតដល់បច្ចុប្បន្ននេះ ​ទោះស្ថិតនៅតាមខេត្តជាយដែនបន្តិចក្តី ​តែទឹកដីមួយនេះនៅតែមានភាពសម្បូរបែប ​ជាទឹកដីល្បីផ្នែគទេសចរណ៍លេខ១ប្រចាំប្រទេស  មានប្រាសាទរាប់រយ ​មានកន្លែងកម្សាន្តបែបប្រវត្តិសាស្រ្ត និងធម្មជាតិជាច្រើនផងដែរ។ ទឹកដីដែលរីកចម្រើនគ្រប់សម័យកាលមួយនេះ ក៏មានភាពស៊ីវីល័យមិនចាញ់អ្នកទីក្រុងភ្នមពេញប៉ុន្មាននោះដែរ ​ទាំងការស្លៀកពាក់តុបតែងខ្លួន ​និងរឿងចំណីអាហារ ​ពោលគឺមានរបស់ទទួលទានសឹងតែឆ្ងាញ់ជាងអ្នកភ្នំពេញផងដែរ ​ដែលថែមទាំងមានការបើកហាងទទួលទានច្រើនស្អេកស្កេះទទួលភ្ញៀវទាំងក្នុងស្រុក និងក្រៅស្រុក។ នៅក្នុងនោះ ហាងអាហារមួយកន្លែងកំពុងតែអង្រួនចិត្តអ្នកសៀមរាប និងអ្នកទេសចរណ៍ឱ្យចូលទទួលទានមិនចេះដាច់នោះទេ  ដោយសារតែការរចនាមានភាពទាក់ទាញ  មានកន្លែងថតរូបច្រើន ​ជាពិសេសម្ហូបគឺសុទ្ធតែឆ្ងាញ់ៗនោះគឺ «ផ្ទះប៊ែមប៊ូបុកក្ដាម»។ ដោយ«ផ្ទះប៊ែមប៊ូបុកក្ដាម» មានបុកក្តាម ​បុកពោត ​បុកបង្ការ ​គ្រឿងសមុទ្រគ្រប់ប្រភេទ ​អាហារសម្រន់របៀបញាំ ​ភ្លា…

ការទទួលទានសាច់អាំងពេលល្ងាច និងពេលយប់ ក៏ជាអាហារសម្រន់ដែលប្រជាជនខ្មែរចូលចិត្តដែរ ​តែការអាំងសាច់លើខ្ទះ ​ឬបន្ទះអាំងសាច់ជាទូទៅហាក់បីដូចជាធម្មតាពេកដែរឬទេ? សម្រាប់អ្នកដែលចង់ទទួលទានសាច់អាំងបែបថ្មី ​ច្នៃអាំងលើអំបែងនំគ្រក់ ​ថ្ងៃនេះ «ក្នុងស្រុក ​»នឹងនាំអារម្មណ៍ប្រិយមិត្តទៅស្គាល់ហាងមួយកន្លែងដែលកំពុងតែទទួលបានពេញនិយមនោះគឺ ​ Le TJ Cafe។ ហាង Le TJ Cafe មិនត្រឹមមានសាច់អាំងលើអំបែបនំគ្រក់ឡើងឈ្ងុយឆ្ងាញ់ប៉ុណ្ណោះទេ ​ ​តែនៅក្នុងនោះក៏មានមុខម្ហូបពិសេសៗជាច្រើនមុខដូចជា៖ ឈុតសាច់ទាទឹកកាពិ មីឆាកាពិសាច់ទា ញុំាស្វាយ ប្រហិត និងម្ហូបជាច្រើនមុខផ្សេងទៀតក្នុងបញ្ជីមុខម្ហូបផងដែរ ​ឯភេសជ្ជៈក៏ប្លែកឆ្ងាញ់ទៀតផង។ គួរឱ្យដឹងផងដែរថា ​ Le TJ Cafe…

សៀមរាប៖ ខេត្តសៀមរាប  មិនត្រឹមតែសម្បូរទៅដោយប្រាសាទបុរាណ និងកន្លែងដើរលេងនៅពេលថ្ងៃប៉ុណ្ណោះទេ ​តែសម្រាប់ពេលរាត្រី ​ផាប់ស្ទ្រីតគឺជាកន្លែងប្រជុំតំបន់កម្សាន្តចម្រុះជាច្រើនដែលអាចឱ្យលោកអ្នកមកកម្សាន្តលេងមិនជិនណាយដូចជា ​ភោជនីយដ្ឋានទំនើបៗ ​កន្លែងញ៉ាំអីតាមផ្លូវបែប​​ Street Food  បារ  ក្លឹបរាត្រី និងកន្លែងសប្បាយៗជាច្រើនទៀត ដែលជាកន្លែងទាក់ទាញភ្ញៀវទេសចរទាំងជាតិ និងអន្តរជាតិចូលលេងមិនចេះដាច់នោះឡើយ។ នៅក្នុងនោះ បង្អែមការ៉េមទឹកកកព្រិល នៅ Temple Coffee, Bakery n Pool Sky Lounge Siem Reap គឺជាហាងមួយដ៏ល្បីល្បាញមួយប្រចាំផាប់ស្ទ្រីតខេត្តសៀមរាប តែម្តង ​អាចនិយាយបានថាអ្នកមកលេងផាប់ស្ទ្រីតពិតជាមិនអាចរំលងកន្លែងនេះបានទេ ​ដោយទីនេះគឺជាកន្លែងដែលលក់បង្អែមប្រភេទនេះដំបូងបង្អស់តែម្តង​ ល្បីថាមានរសជាតិពិសេស និងឈ្ងុយឆ្ងាញ់ជាប់ចិត្ត។…

ថៃ៖ ការទទួលទានកាហ្វេ ​បានក្លាយទៅជាការពេញនិយមរបស់មនុស្សទូទៅនៅក្នុងពេលបច្ចុប្បន្នមិនថាមនុស្សចាស់​ ឬយុវវ័យនោះទេ ​ព្រោះមិនត្រឹមតែអាចបំបាត់ក្តីនឿយហត់តាមរយៈការផឹកកាហ្វេ ​ហាងកាហ្វេក៏បានក្លាយទៅជាទីកន្លែងជួបជុំក៏ពិសេសផងដែរ។ ជាទូទៅលោកអ្នកប្រហែលជាដឹងហើយថា ​សព្វថ្ងៃហាងកាហ្វេបានប្រជែងគ្នា ​រចនាហាងរបសស់ខ្លួនឱ្យទំនើប  និងទាក់ទាញដើម្បីប្រមូលអតិថិជនមកកាន់ខ្លួនឱ្យបានច្រើន។  ដោយឡែកហាងកាហ្វេមួយកន្លែងនៅក្នុងប្រទេសថៃ មានឈ្មោះថា Ma Na Dé  (มา นา เด้อ ) បែរជាមានទីតាំងស្ថិតនៅកណ្តាលវាលស្រែជនបទទៅវិញ ​តែបាននឹងកំពុងតែស្រូបទាញអ្នកមកទទួលទានកាហ្វេ Check-in  និងថតរូបកម្សាន្តអារម្មណ៍ជាច្រើនព្រោះតែភាពប្លែកថ្មី ​និងទិដ្ឋភាពដ៏ពិសេសជុំវិញ។ ហាងកាហ្វេ Ma Na Dé បានសាងសង់ នៅកណ្តាលវាលស្រែប្រមាណជា ​៣០ហិចតា ​ដែលរចនាជាផ្ទះកញ្ចក់  អាចទស្សនាទេសភាពជុំវិញបានយ៉ាងត្រជាក់ភ្នែក។ ​ដោយអតិថិជនអាចជ្រើសរើសអង្គុយនៅក្នុងហាង…

សព្វថ្ងៃអាជីវកម្មអាហារបែប ​Street  Food  ពេលល្ងាចកំពុងតែទទួលបានការគាំទ្រខ្លាំងពីសំណាក់អតិថិជនគ្រប់ទិសទី ​ជាពិសេសគឺ  សិស្ស និស្សិត និងអ្នកធ្វើការតែម្តង ​ព្រោះតែការទទួលទានចំណាយអស់តិច ​ថែមទាំងមានរសជាតិឆ្ងាញ់ពិសារផងដែរ។ នៅក្នុងចំណោមអាហារបែប​​ Street  Food  ជាច្រើនមុខ  ប្រហិតត្រូវបានគេនិយមទទួលទានច្រើនជាងគេដោយសារតែវាងាយស្រួលចម្អិន និងមានរសជាតិឆ្ងាញ់  តែប្រសិនជាអ្នកចង់ទទួលទានប្រហិតបែបសុខភាព ​ធ្វើដោយខ្លួនឯង  មិនមានការនាំចូលពីបរទេស  ថែមទាំងមានរសជាតិដើមឆ្ងាញ់ពីខេត្តបាត់ដំបងទៀតនោះ «ក្នុងស្រុក» សូមណែនាំ ហាងដែលទទួលបានការពេញនិយមកនោះគឺ ហាង  « ចែម៉ី ប្រហិតសាលាចិន» ។ ចែម៉ីប្រហិតសាលាចិន ​មានហាងដំបូងបើកដំណើរការនៅខេត្តបាត់ដំបង ជាង​២០ឆ្នាំមកហើយ  ​ដែលទទួលបានការគាំទ្រខ្លាំងមែនទែនពីអ្នកដែលទទួលទាន…