គ្រួសារ

គូស្វាមីភរិយាជាទូទៅគួរតែធ្វើរឿងទាំងនេះជាមួយគ្នាមុនពេលចូលគេង ប្រសិនបើចង់ធ្វើឱ្យអាពាហ៍ពិពាហ៍របស់អ្នក មានភាពយូរអង្វែងនិងមានសុភមង្គលជារៀងរហូត។ ចូលគេងក្នុងពេលតែមួយ វិធីដែលមានប្រសិទ្ធភាពបំផុតគឺប្តីនិងប្រពន្ធត្រូវព្រមព្រៀងគ្នាមុនពេលចូលគេងហើយប្រកាន់ខ្ជាប់នូវចំណុចសំខាន់ឲ្យបានល្អ។ ទាំងប្តីនិងប្រពន្ធ គួរកំណត់ថាមុនពេលចូលគេងពួកគេនៅតែត្រូវការថែរក្សាគ្នា ហើយប្រសិនបើអ្នកគ្រាន់តែគេងលក់នៅពេលអ្នកចង់បិទភ្នែក អ្នកក៏ច្បាស់ជាមិនអាចនិយាយឬធ្វើអ្វីជាមួយអ្នកផ្សេងបានទៀតទេ ។ អានសៀវភៅជាមួយគ្នា ទម្លាប់នេះហាក់ដូចជាចម្លែកចំពោះគូស្វាមីភរិយាជាច្រើន ព្រោះអ្នកទាំងពីរគ្រាន់តែចង់សម្រាកនៅពេលអ្នកនឿយណាយនឹងរឿងប្រចាំថ្ងៃ។ ទោះយ៉ាងណាក៏ដោយនៅពេលដែលអ្នកនិងប្តីឬប្រពន្ធ ចំណាយពេលអានសៀវភៅដែលចូលចិត្តជាមួយគ្នា បន្ទាប់មកការផ្តល់មតិយោបល់នឹងជួយអ្នកទាំងពីររីករាយជាមួយវាយ៉ាងខ្លាំង។ យ់ាងណាមិញ ក្នុងគ្រាទាំងនោះអាចជួយស្វាមីនិងភរិយាយល់ពីគំនិតរវាងគ្នាទៅវិញទៅមកបានល្អប្រសើរដោយហេតុនេះអាចកាត់បន្ថយទំនាស់នៅក្នុងជីវិតទៀតផង។ យកទូរស័ព្ទចេញពីគ្រែ ស្រមៃថា បើប្តីប្រពន្ធមួយគូនៅក្បែរគ្នា ខណៈដៃគូរបស់អ្នកចង់ឱបនិងថើប ឯអ្នកគ្រាន់តែសម្លឹងចាប់អារម្មណ៍តែមើលទូរស័ព្ទ។ ប្រាកដណាស់ថា នឹងធ្វើឱ្យដៃគូអាចមានអារម្មណ៍រំជួលចិត្តយ៉ាងខ្លាំង។ ទូរស័ព្ទអាចឆក់យកពេលវេលារបស់អ្នកទៅជាមួយប្តីឬប្រពន្ធបានគ្រប់ពេល ដូច្នេះត្រូវកំចាត់វាចោលភ្លាមនៅពេលអ្នកកំពុងគេងជាមួយគ្នា។ ប្រភព៖ បរទេស

ការរស់នៅក្នុងគ្រួសារនីមួយៗមានភាពចាំបាច់ណាស់់ក្នុងការទំនាក់ទនង ជួយជ្រោមជ្រែងគ្នាឲ្យមានការជោគជ័យល្អ។ ក្នុងនាមជាស្វាមីម្នាក់ ប្រាកដណាស់នឹងមានអារម្មណ៍សប្បាយចិត្តយ៉ាងខ្លាំង ប្រសិនបើបានរៀបការជាមួយប្រពន្ធដែលចេះរៀបចំទុកដាក់គ្រប់យ៉ាងជាមួយស្វាមី មិនថា សុខ ឬទុក្ខ។ ដូច្នេះស្រ្តី គួរតែមានចំណុចខាងក្រោមនេះគឺគ្រប់គ្រាន់ហើយ។ ថែរក្សាកូនឲ្យស្តាប់បង្គាប់និងមានសុខភាពល្អ សព្វថ្ងៃនេះនៅពេលកូននៅក្មេង ក្នុងនាមជាម្តាយត្រូវការមើលថែនិងចិញ្ចឹមបីបាច់ឲ្យបានត្រឹមត្រូវ។ ស្វាមីនៅពេលដែលពួកគេឃើញកូនៗ មានសុខភាពល្អរាងកាយមាំមួន ច្បាស់ជានិយាយថា អរគុណចំពោះដៃដ៏ប៉ិនប្រសប់ការខិតខំប្រឹងប្រែងទាំងយប់ទាំងថ្ងៃរបស់ភរិយា។ ស្វាមីគ្រប់រូបប្រាកដជាមានអារម្មណ៍ថា “ខ្លួនមានសំណាង” ដែលទទួលបានប្រពន្ធប្រភេទនេះ។ លើកទឹកចិត្តស្វាមីរបស់អ្នកនៅពេលគាត់បរាជ័យ បុរសអាចស្គាល់ចិត្តមនុស្សស្រីពិតប្រាកដក្នុងគ្រាក្រលំបាក។ បើប្រពន្ធមានបេះដូងតែមួយជាមួយស្វាមី មិនថាស្ថានភាពលំបាកប៉ុណ្ណា នាងនឹងមិនបោះបង់ចោលទុកឲ្យស្វាមីនៅម្នាក់ឡើយ។ ទោះបីគាត់មិននិយាយថាអរគុណក៏ដោយ ប៉ុន្តែបុរសនឹងដឹងថា វាជាគុណធម៌ដ៏ថ្លៃថ្នូរបស់ប្រពន្ធ គាត់នឹងស្រឡាញ់ គោរពអ្នកពេញមួយជីវិត។ ដឹងពីរបៀបចាយលុយឱ្យបានច្បាស់លាស់ សន្សំបានសមហេតុផល…

មនុស្សម្នាក់ៗកើតមកតែងតែចង់រស់នៅប្រកបទៅសេចក្ដីសុខ ទាំងផ្លូវចិត្តនិងផ្លូវកាយ ទោះបីជាដឹងថាខ្លួនស្ថិតក្នុងសភាពបែបណាក៏ដោយ។ ដូច្នេះ ដើម្បីឲ្យជីវិតអ្នកមានភាសុខសាន្តជារៀងរហូត ត្រូវមើលគន្លឺះសំខាន់ៗខាងក្រោមនេះ។ ស្ងប់ស្ងាត់ នៅពេលអ្នកឈានចូលដល់វ័យកណ្តាល អ្នកប្រហែលធ្លាប់ឆ្លងកាត់ជីវិតដែលត្រូវបែកបាក់ ការជំពប់ដួលឬសមិទ្ធផលដែលមិនសមប្រកប។នៅពេលដែលមនុស្សបានយល់ពីពិភពលោកកាន់តែច្រើន នោះផ្ទៃខាងក្នុងនឹងកាន់តែស្ងប់ស្ងាត់ ហើយការរក្សាចិត្តឱ្យស្ងប់មិនមែនជាកិច្ចការងាយស្រួលឡើយ។ ប្រឈមមុខនឹងជីវិតដោយសុទិដ្ឋិនិយម ប្រសិនបើមនុស្សម្នាក់មានគំនិតអវិជ្ជមាន នោះនៅជុំវិញរបស់គាត់នឹងក្លាយទៅជាអាក្រក់ សម្បូរទៅដោយជម្លោះជាច្រើនកើតមានឡើង។ ផ្ទុយទៅវិញ បើមនុស្សម្នាក់តែងតែសប្បាយរីករាយពោរពេញដោយគំនិតវិជ្ជមាន នោះនៅជុំវិញគាត់ប្រាកដជាប្រែជាល្អជាមិនខាន។ មនុស្សគ្រប់រូបត្រូវឆ្លងកាត់កំណើតអាយុចាស់ឈឺនិងស្លាប់។ អ្វីក៏ដោយដែលប្រុងកើតឡើងវានឹងកើតភ្លាម។ រៀនបើកបេះដូង មានតែមនុស្សដែលមានចិត្តសប្បុរសទេ ដែលអាចទ្រទ្រង់ពិភពលោកអត់ធ្មត់គ្រប់រឿងសោកសៅនិងរីករាយបាន។ អ្នកអាចអត់ធ្មត់និងអភ័យទោសចំពោះចំណុចខ្វះខាតរបស់អ្នកដទៃ។ ដូច្នេះប្រសិនបើមនុស្សវ័យកណ្តាលអាចអធ្យាស្រ័យនិងទទួលយកបាន នោះចិត្តរបស់អ្នកនឹងមានភាពងាយស្រួលធូរស្រាល។ ត្រូវចងចាំថាលុយគឺជាវត្ថុមួយនៅខាងក្រៅរាងកាយ មនុស្សកើតមកដោយអាក្រាតគ្មានអ្វីជាប់ខ្លួនទេ ហើយនៅពេលមនុស្សស្លាប់ទៅវិញ ពួកគេននឹងនៅម្នាក់ឯងមិនអាចយកអ្វីទៅជាមួយបានឡើយ។ ដូច្នេះកុំឱ្យចិត្តរបស់អ្នកត្រូវហ៊ុំព័ទ្ធដោយទ្រព្យសម្បត្តិ…

ការរៀបអាពាហ៍ពិពាហ៍ពិតជាសំខាន់សម្រាប់មនុស្សស្រីក្នុងលោកនេះ ព្រោះវាជាពិធីមួយដែលជួយធ្វើឲ្យជីវិតស្រ្តីមានលក្ខណៈពេញលេញ។ ប៉ុន្តែវានឹងកាន់តែសំណាងបំផុត ប្រសិនបើស្រ្តីបានរៀបការជាមួយបុរសដែលមានអត្តចរិកចេះគិតគូពីអារម្មណ៍របស់ភរិយា ព្រមទាំងហ៊ានលះបង់គ្រប់យ់ាងដើម្បីគ្រួសារទាំងមូល។ ទោះជាយ៉ាងណាក៏ដោយ បើគូជីវិតស្រ្តីមិនសមប្រកប បានស្វាមីដែលមិនចេះខ្វល់ខ្វាយ អ្នកក៏មិនគួរយកទុកក្នុងចិត្តដែរ។ ពាក្យរអ៊ូរទាំការរិះគន់ ស្ត្រីតែងតែត្រៀមខ្លួនជានិច្ចក្នុងការលះបង់ដើម្បីស្វាមីនិងកូន ប៉ុន្តែពេលខ្លះបែរជាទទួលបានការរិះគន់មកវិញ។ ការតបស្នងដោយសកម្មភាពនេះពិតជាសាហាវណាស់ ដែលអាចធ្វើឱ្យស្ត្រីមានអារម្មណ៍សោកស្តាយចំពោះខ្លួនឯងនិងពិបាកចិត្ត។ ដូច្នេះស្រ្តីគួរតែដឹងពីវិធីល្អបំផុតគឺមិនត្រូវអើពើនឹងពាក្យអាក្រក់ទាំងនោះ។ ម្យោ៉ងទៀត ភរិយាដែលមានប្រាជ្ញាគ្រាន់តែអនុញ្ញាតឱ្យស្វាមីនិយាយប្រាប់នាង មិនរករឿងឈ្លោះប្រកែកគ្នារហូតឈានដល់ការបែកបាក់អាពាហ៍ពិពាហ៍ឡើយ។ ត្អូញត្អែរអំពីការដើរទិញឥវ៉ាន់របស់ប្រពន្ធគាត់ ស្វាមីជាច្រើនតែងតែមានអារម្មណ៍ខឹងនិងត្អូញត្អែរអំពីការទិញអីវ៉ាន់របស់ប្រពន្ធ។ ក្នុងករណីនេះក្នុងនាមប្រពន្ធ អ្នកគួរតែមិនត្រូវអើពើនឹងការត្អូញត្អែររបស់ស្វាមី ព្រោះកាលណាកាន់តែស្តាប់ច្រើនអាចធ្វើឱ្យអ្នកកាន់តែខឹងប៉ុណ្ណោះ។ ក្នុងនាមជាប្តីអ្នកត្រូវដឹងថា ការដើរទិញឥវ៉ាន់គឺជាសេចក្តីរីករាយដែលអាចបន្ធូរភាពតានតឹងសម្រាប់ស្ត្រី។ មនុស្សស្រីត្រូវស្រឡាញ់ខ្លួននិងស្រស់ស្អាតជាមុនសិន ទើបអាចរក្សាស្វាមីបាន។ ទោះជាយ៉ាងណា ស្រីក៏មិនត្រូវផ្លាស់ប្តូរគ្រប់យ៉ាងដោយសារតែពាក្យសម្ដីប្តីដែរ ជាការពិតស្ត្រីក៏គួរតែដឹងពីរបៀបដើរទិញឥវ៉ាន់ផងដែរដើម្បីកុំឱ្យប៉ះពាល់ដល់សេដ្ឋកិច្ចគ្រួសារ។ ភ្លេចថ្ងៃកំណើតប្រពន្ធ ប្តីដែលគ្មានបេះដូងនឹងមិនដែលចងចាំរាល់អនុស្សាវរីយ៍…

នៅពេលកូនៗកើតមកក្នុងគ្រួសារដែលមានលក្ខខណ្ឌ ប្រាកដណាស់ពួកគេនឹងមានឱកាសធ្វើអ្វីគ្រប់យ៉ាងដែលពួកគេចង់បានយ៉ាងងាយស្រួល ដោយមិនចាំបាច់ខ្វល់ មិនបាច់ព្យាយាមធ្វើអ្វី ឬគ្មានបំណងចង់រៀន។ ជារឿយៗក្មេងៗដែលពោរពេញទៅដោយភាពសំបូរបែបតែងតែមានលក្ខណៈខ្ជិលច្រអូស ដែលដឹងតែភាពសប្បាយរីករាយ ហើយពេលខ្លះពួកគេក៏ជាមនុស្សកំសាកមិនហ៊ានប្រថុយអ្វីទាំងអស់។ ហេតុដូចនេះក្នុងនាមជាឪពុកម្តាយគ្រប់រូបគួរតែបង្រៀនកូនៗ របស់ពួកគេឱ្យមានឯករាជ្យដែលជាសមត្ថភាពមូលដ្ឋានសម្រាប់កុមារក្នុងការប្រឈមមុខនឹងជីវិតតទៅមុខ។ ជាធម្មតាឪពុកម្តាយភាគច្រើននៅពេលដែលកូនៗនៅក្មេងតែងតែផ្តល់ឱ្យពួកគេនូវអាហារឆ្ងាញ់ៗ ប្រើរបស់ល្អៗ។ ប៉ុន្តែជាលទ្ធផលនៅពេលដែលកូនធំឡើង បានឆ្លងកាត់នូវទម្លាប់អាក្រក់គ្រប់ប្រភេទ ការលេងអ្វីដែលថោកទាប រហូតពួកគេមិនអាចសូម្បីតែថែរក្សាជីវិតទៀតផង។ ជាការពិតនៅក្នុងសង្គមបច្ចុប្បន្នយើង អ្នកដែលមានទ្រព្យសប្បត្តិមិនអាចបង្ខំកូនចៅរបស់ពួកគេឱ្យរស់នៅក្នុងភាពក្រីក្រ ដើម្បីឱ្យពួកគេអាចយល់ពីអ្វីៗក្នុងស្ថានភាពរាល់ថ្ងៃនេះ។ ប៉ុន្តែអ្នកត្រូវប្រាប់កូនៗ របស់អ្នកថា វាមិនងាយស្រួលទេក្នុងការរកប្រាក់គ្រប់កាក់គ្រប់សេន។ ដូច្នេះអ្វីសំខាន់ដែលឪពុកម្ដាយគួរធ្វើគឺសាបព្រួសវាលនៃសុភមង្គលប្រមូលផ្តុំគុណធម៌និងធ្វើអំពើល្អនៅពេលក្រោយកូនៗ និងចៅនឹងទទួលបានពរជ័យដោយស្វ័យប្រវត្តិ។ ប្រសិនបើអ្នកមិនសន្សំគុណធម៌នៅពេលនេះហើយលុយដែលអ្នកទទួលបានមិនត្រឹមត្រូវទេ នោះកូនចៅរបស់អ្នកនឹងវេទនានៅពេលអនាគតហើយនឹងទទួលកម្មផលដែលប្រមូលបានពីអ្នក៕ ប្រភព៖ បរទេស

ជីវិតអាពាហ៍ពិពាហ៍ប្រាកដណាស់ពិតជាមិនអាចខ្វះលុយបានទេ។ លុយមានសារៈសំខាន់ណាស់ ប៉ុន្តែអ្វីដែលស្ត្រីត្រូវការពីស្វាមីគឺមិនត្រឹមតែលុយប៉ុណ្ណោះទេ។ ខាងក្រោមនេះ ជារឿងដែលស្រ្តីតែងតែប្រាថ្នាចង់បានពីស្វាមីរបស់ខ្លួន។ ការគោរពស្រឡាញ់ ស្ត្រីមិនត្រឹមតែសម្លឹងមើលត្រឹមតែកាបូបរបស់បុរសទេ។ ម្យ៉ាងទៀត បុរសដែលស្រឡាញ់ប្រពន្ធច្បាស់ជាផ្តល់ប្រាក់ដល់ប្រពន្ធដោយខ្លួនឯង។ ដោឡែកអ្វីដែលស្ត្រីគួរតែទាមទារពីបុរសគឺការគោរព ការយកចិត្តទុកដាក់និងស្នេហាស្មោះត្រង់។ ស្ត្រីដែលរៀបការហើយក្រៅពីមានកូនល្អ អ្វីដែលពួកគេត្រូវការលើសពីនោះគឺសេចក្តីស្រឡាញ់និងការគោរពពីស្វាមី។ បុរសប្រហែលជាមិនចងចាំឱកាសសំខាន់ មិនយកចិត្តទុកដាក់ចំពោះថ្ងៃឈប់សម្រាក។ ប៉ុន្តែកុំភ្លេចគិតដល់ស្ត្រីដែលអ្នកស្រឡាញ់ជាមុនសិន កុំធ្វើឱ្យពួកគេសោកសៅកុំធ្វើឱ្យពួកគេឈឺចាប់ឲ្យសោះ។ ដូចនេះ ក្នុងនាមជាស្ត្រីគ្មាននរណាម្នាក់ចង់ឱបបុរសនោះទេ នៅពេលមានជម្លោះ។ ការយកចិត្តទុកដាក់របស់ស្វាមីនឹងធ្វើឱ្យប្រពន្ធរបស់គាត់សប្បាយចិត្តណាស់ទៅហើយ។ ស្តាប់និងយល់ពីប្រពន្ធឲ្យបានច្រើន នេះគឺជាអ្វីដែលស្ត្រីត្រូវការពីស្វាមីរបស់ពួកគេ។ ប្រពន្ធជាច្រើនបន្ទាប់ពីរស់នៅជាមួយគ្នា តែងតែមានសកម្មភាពត្អូញត្អែរនៅពេលប្តីមិនព្រមស្តាប់ប្រពន្ធនូវរឿងអ្វីមួយ។ ប៉ុន្តែបុរសភាគច្រើនមិនដឹងថាការធ្វេសប្រហែសចំពោះរឿងនេះ ក៏អាចសម្លាប់សេចក្តីស្រឡាញ់ចំពោះប្រពន្ធរបស់ខ្លួនដែរ។ យ៉ាងណាមិញ ស្ត្រីនៅពេលដែលពួកគេមានអារម្មណ៍ថា មិនត្រូវបានគេស្តាប់ មិនត្រូវបានគេយល់ចិត្ត ប្រាកដជាមានអារម្មណ៍ថា…

កើតមកក្នុងនាមជាស្ត្រី កុំបណ្ដោយខ្លួនឲ្សស្រ្តេសព្រោះតែបញ្ហាតិចតួចពេក ជាពិសេសមិនត្រូវគិតច្រើនទេ គ្រាន់តែគិតបែបសមញ្ញៗបានហើយ។ ទោះយ៉ាងណាក៏ដោយអ្នកត្រូវដឹងថា ការគិតច្រើនជាដើមហេតុធ្វើឲ្យអ្នកមានសម្ពាធឈឺចាប់ រហូតអាចប៉ះពាល់ដល់សុខភាពធ្ងន់ធ្ងរទៀតផងដែរ។ ស្ត្រីមានចិត្តទន់ភ្លន់ពេក ស្ត្រីដែលចង់មានសុភមង្គលនិងភាពសុខសាន្តត្រូវតែមានភាពស្វាហាប់និងភាពធន់ ហើយស្ត្រីដែលទន់ជ្រាយពេកនឹងធ្វើបាបខ្លួនឯង។ មនុស្សស្រីភាគច្រើនមានអារម្មណ៍ល្អនៅពេលខ្លួនមានស្នេហា។ ឯមនុស្សមួយចំនួននៅពេលមានស្នេហាដរាបណាបុរសម្នាក់ល្អបន្តិចបន្តួច ពួកគេជឿថា គាត់ស្មោះត្រង់ ទោះបីបុរសនោះធ្វើឱ្យឈឺចាប់ក៏ដោយក៏មនុស្សស្រីប្រភេទនេះ នៅតែទទួលយកការអភ័យទោសជានិច្ច។ ស្ត្រីម្នាក់ដែលអាចធ្វើអ្វីបានគ្រប់យ៉ាង មនុស្សស្រីប្រភេទនេះតែងតែខាំធ្មេញធ្វើអ្វីគ្រប់យ៉ាងដោយខ្លួនឯង។ ជីវិតមនុស្សខ្លីណាស់ ដូច្នេះ ស្រ្តីសូមកុំបោះបង់និងធ្វើអ្វីគ្រប់យ៉ាងដើម្បីឱ្យអ្នកដទៃពឹងផ្អែកលើអ្នកទាំងស្រុងឲ្យសោះ។ ដាច់ខាតអ្នកត្រូវតែរស់នៅដើម្បីខ្លួនឯងជាមុនសិន។ ស្ត្រីម្នាក់ដែលគិតច្រើនពេក ក្នុងនាមជាស្ត្រីអ្នកគួរតែគិតដោយសាមញ្ញៗកុំគិតច្រើនពេក។ ដោយសារតែអ្នកគិតពីវាកាន់តែច្រើនអ្នកនឹងធ្វើឱ្យខ្លួនឯងឈឺចាប់កាន់តែខ្លាំង។ ស្ត្រីដែលតែងតែមានអារម្មណ៍ស្រងូតស្រងាត់និងមនោសញ្ចេតនាច្រើនតែមានវាសនាវេទនាអស់មួយជីវិត។ ពេលខ្លះគ្រាន់តែពាក្យសម្ដីដោយអចេតនារបស់បុរសម្នាក់ក៏ធ្វើឱ្យពួកគេគិតច្រើនដែរ៕ ប្រភព៖ បរទេស

មនុស្សស្រីម្នាក់ៗ មិនត្រូវរំពឹងលើប្តីពេកទេ មិនថាជីវិតនេះវេទនាឬមានសុភមង្គលយ៉ាងណាក៏ដោយ ប៉ុន្តែបើអ្នកចង់បានសុភមង្គលច្បាស់លាស់ សូចចៀសឲ្យឆ្ងាយពីបុរស ៤ ប្រភេទនេះ មិនដូច្នេះទេ អ្នកប្រាកដជាអាចត្រូវឈឺចាប់ពេញមួយជីវិតរបស់អ្នក។ បុរសទាមទារចង់បានបង្ខំប្រពន្ធ បុរសដែលចរិតលក្ខណៈបែបនេះម្នាក់ដែលតែងតែដឹងពីរបៀបសុំពាក់កណ្តាលផ្សេងទៀត ប៉ុន្តែមិនដឹងមិនយល់ពីនិងអារម្មណ៍របស់អ្នកដទៃឡើយ។ ជារឿយៗតែងតែដឹងពីរបៀបបង្ខំអ្នកដទៃឱ្យស្តាប់បង្គាប់គ្រប់ពេល ហើយកាន់តែតឹងរ៉ឹងក្រអឺតក្រទមដែលអាចធ្វើឱ្យប្រពន្ធមានអារម្មណ៍ពិបាកចិត្តយ៉ាងខ្លាំង។ និយាយដើមគេនៅពីក្រោយខ្នងរបស់ប្រពន្ធ នៅពេលដែលគាត់នៅជាមួយអ្នកគាត់តែងតែផ្អែមល្ហែម រដូចរីករាយណាស់ ប៉ុន្តែនៅពេលដែលគាត់មិននៅក្បែរអ្នក គាត់លួចនិយាយដើមជាមួយមនុស្សផ្សេងទៀតក្រោយខ្នងរបស់អ្នក។ មនុស្សបែបនេះប្រាកដណាស់ធ្វើឱ្យជីវិតអ្នកកាន់តែធ្ងន់ពោរពេញដោយការកុហក។ មិនខ្វល់អំពីអាពាហ៍ពិពាហ៍ បុរសបែបនេះនឹងមិនស្គាល់អ្នកច្រើនទេ មិនដឹងថាអ្នកចូលចិត្តអ្វីសប្បាយចិត្តឬទុក្ខព្រួយយ៉ាងណាទេ។ គាត់ជាមនុស្សម្នាក់ដឹងតែម្យ៉ាងពីរបៀបផ្តល់ប្រាក់ឱ្យអ្នកថា រួចរាល់ហើយឬនៅ។ លោភលន់អាត្មានិយម បុរសមួយប្រភេទនេះតែងធ្វើការសម្រេចចិត្តដោយខ្លួនឯងគ្រប់បញ្ហា ចូលចិត្តជ្រើសរើសអ្វី ទិញអ្វីដែលខ្លួនចូលចិត្តតែ ជាពិសេសចង់បានលុយដាក់ក្នុងហោប៉ៅច្រើនជាងការមើលថែប្រពន្ធនិងកូន ហើយបុរសបែបនេះក៏គិតថា ខ្លួនឯងជាព្រះ…

ថ្មីៗនេះមានគូសង្សារជាច្រើនទៀតបានសម្រេចចិត្តក្លាយជាមិត្តរួមបន្ទប់មុនពេលរៀបអាពាហ៍ពិពាហ៍។ បើយោងតាមមជ្ឈមណ្ឌលជាតិសម្រាប់ការស្រាវជ្រាវគ្រួសារនិងអាពាហ៍ពិពាហ៍បានបង្ហាញថា ៦៦% នៃគូសង្សារជនជាតិអាមេរិចបានរស់នៅជាមួយគ្នាមុនពេលដើរផ្លួវតែមួយ។ ទោះបីជាការសម្រេចចិត្តនេះត្រូវបានគេចាត់ទុកថា ជាបម្រាមក៏ដោយ ប៉ុន្តែសព្វថ្ងៃនេះវាបានក្លាយជារឿងធម្មតាទៅហើយ។ ដូចនេះ ថ្ងៃនេះដែរ “ក្នុងស្រុក” នឹងមកជម្រាបឲ្យបានច្បាស់ពីមូលហេតុដែលការរស់នៅជាមួយគ្នាមុនពេលរៀបការ ពិតជាអាចផ្តល់អត្ថប្រយោជន៍ដល់ទំនាក់ទំនងកាន់តែរឹងមាំឡើង។ 1. ធ្វើឲ្យអ្នកស្គាល់មនុស្សនោះកាន់តែច្បាស់ មិនថាអ្នកណាត់ជួបគ្នាបានយូរប៉ុណ្ណាទេ មានរឿងខ្លះអ្នកអាចនឹងដឹងតាមរយៈការរស់នៅជាមួយគ្នា។ អ្នកអាចនឹងរកឃើញអ្វីដែលថ្មីហើយដឹងនៅចំណុចមួយដែលអ្នកស្ទើរតែមិនដឹងអ្វីអំពីវា!អ្នកជំនាញបានមួយចំនួននិយាយថា ការស្ថិតនៅក្រោមដំបូលតែមួយជាមួយនរណាម្នាក់អាចផ្តល់ឱ្យអ្នកនូវគំនិតថា តើពួកគេជាអ្នកណាពិតប្រាកដ? 2. អ្នកអាចបែងចែកការងារផ្ទះ យោងតាមការស្ទង់មតិរបស់មជ្ឈមណ្ឌលស្រាវជ្រាវ Pew ឆ្នាំ ២០០៧ បានឲ្យដឹងថា ការចែករំលែកកិច្ចការផ្ទះគឺស្ថិតនៅក្នុងបញ្ហាចំណាត់ថ្នាក់ខ្ពស់បំផុតទាំង ៣ ដែលទាក់ទងនឹងអាពាហ៍ពិពាហ៍ជោគជ័យ បន្ទាប់ពីភាពស្មោះត្រង់និងការរួមភេទដ៏ល្អ។ ដូច្នេះជាការប្រសើរដែលត្រូវរួមរស់ជាមួយគ្នាជាមុនហើយដាក់ផែនការសម្រាប់កិច្ចការគ្រួសារ។ នៅពេលរឿងនេះកើតឡើងដៃគូទាំងពីរនឹងស៊ាំនឹងទំនួលខុសត្រូវផ្សេងៗហើយដឹងពីអ្វីដែលរំពឹងទុកពីពួកគេបន្ទាប់ពីនិយាយថា…

អ្នកត្រូវគិតថា ពេលខ្លះសកម្មភាពបន្តិចបន្តួចរបស់ភរិយាក៏អាចធ្វើឲ្យស្វាមីសប្បាយ ត្រេកអរមានកម្លាំងចិត្ត ដែលអាចពិបាកក្នុងការព័ណ៌នា ផងដែរ ការយកចិត្តទុកដាក់ ដូចជា រៀបចំរបស់ដែលចាំបាច់សម្រាប់ស្វាមី ថ្នាក់ថ្នម ការមើលថែ។ ប៉ុន្តែអ្នកត្រូវដឹងថា អ្វីដែលតិចតួចនេះ ពិតជាអាចធ្វើឲ្យស្វាមីស្រឡាញ់អ្នកដកចិត្តមិនរួចឡើយ។ ថើបសក់ស្វាមី បុរសតែងតែត្រូវការមានសេរីភាពប៉ុន្តែគាត់ក៏ចូលចិត្តការយកចិត្តទុកដាក់ពីស្ត្រីរបស់គាត់យ៉ាងល្អិតល្អន់ពីចំនុចតូចតាចក្នុងផ្ទះ។ នៅខាងក្រៅគាត់អាច ធ្វើការរកស៊ីនិយាយជាមួយអ្នកដទៃបាន ប៉ុន្តែនៅក្បែរស្រ្តីដែលគាត់ស្រឡាញ់គាត់ប្រៀបដូចជាកូនក្មេងដែលមិនទាន់ធំ ចូលចិត្តឲ្យគេថើបគ្រប់ពេល។ ដោយគាត់គ្រាន់តែត្រូវការឲ្យនាងថើបសក់ជារៀងរាល់ថ្ងៃ ព្រោះសកម្មភាពតូចនេះនេះអាចធ្វើឲ្យគាត់សប្បាយចិត្ត។ ជាពិសេសបន្ទាប់ពីថ្ងៃធ្វើការដ៏តានតឹងសម្រាប់បុរសអ្វីដែលអស្ចារ្យបំផុតនោះគឺការឱបដោយដៃភរិយា ប្រើពាក្យសម្ដីខ្សឹបៗប្រាប់ពីស្នេហាហើយបន្ទាប់មកម៉ាស្សាថ្នមៗដើម្បីបន្ធូរអារម្មណ៍។ បន្ទាប់ពីអ្នកធ្វើដូចនេះ ធានាថាគាត់នឹងចាត់ទុកប្រពន្ធជាកំណប់ទ្រព្យហើយថ្ងៃណាមួយក៏នឹងមិនព្រមចាកចេញឡើយ។ រៀបចំសម្លៀកបំពាក់ឱ្យស្វាមីទៅធ្វើការ នៅពីក្រោយបុរសជោគជ័យតែងតែមានស្ត្រីម្នាក់ដែលលះបង់អស់ពីចិត្តដើម្បីប្តី។ ភាពស្អាតស្អំនៅក្នុងខ្លួនគាត់តែងតែអរគុណចំពោះទឹកដៃដ៏ប៉ិនប្រសប់របស់ភរិយា។ ភរិយាដែលយកចិត្តទុកដាក់ជាមួយស្វាមីនឹងរៀបចំយ៉ាងប៉ិនប្រសប់នូវស្រោមជើងអាវយឺតនិងខ្សែក្រវ៉ាត់។ សកម្មភាពតូចតាចនោះបានធ្វើឱ្យគាត់សប្បាយចិត្តយ៉ាងខ្លាំងនិងមានមោទនភាពនៅពេលគាត់ចេញទៅក្រៅ។ និយាយដោយត្រង់ចំពោះគ្រប់បញ្ហា បុរសចូលចិត្តភាពស្មោះត្រង់និងមិនចូលចិត្តការកុហក់បោកប្រាស់របស់ភរិយាឡើយ។…

ជាទូទៅស្រ្តីគ្រប់រូបតែងតែប្រាថ្នារៀបការជាមួយស្វាមីដែលស្រឡាញ់នាងពិតប្រាកដ។ យ៉ាងនៅក្នុងជីវិតអាពាហ៍ពិពាហ៍ បុរសមិនតែងតែជាអ្នកដែលនិយាយត្រាប់តាមប្រយោគពីរបីដើម្បីបញ្ជាក់ថា គាត់ពិតជាស្រឡាញ់អ្នកទេ។ ហេតុដូចនេះ ដើម្បីដឹងថា “តើបុរសពិតជាស្រឡាញ់ប្រពន្ធរបស់គាត់ឬអត្មានិយមឬគ្រាន់តែស្រឡាញ់ខ្លួនឯង ស្ត្រីគួរតែចងចាំចំណុចខាងក្រោមនេះ៖ -បុរសម្នាក់ដែលស្រឡាញ់ប្រពន្ធ តែងតែស្វែងរកអ្វីដែលប្រពន្ធគាត់ចង់បាន។ ដោយសារតែពួកគេចង់យល់ពីប្រពន្ធឱ្យបានល្អ ជាងនេះទៅទៀត ពួកគេក៏ជឿជាក់លើប្រពន្ធរបស់ពួកគេថែមទៀតផង។ ទន្ទឹមនឹងនេះដែរ ប្រសិនបើបុរសជាប្តីចូលចិត្តមើលទូរទស្សន៍ មើលទូរស័ព្ទខណៈពេលដែលប្រពន្ថនិយាយហើយមិនស្តាប់ បង្ហាញថាពួកគេមិនគោរពប្រពន្ធទេ។ -បុរសជាប្ដីនឹងស្រឡាញ់ប្រពន្ធជាជាងខ្លាចប្រពន្ធរបស់ខ្លួន។ ប៉ុន្តែបុរសដែលគ្មានបេះដូងគឺពិតជាអយ្យកោតែងតែបង្ខំប្រពន្ធឲ្យលះបង់អ្វីគ្រប់យ៉ាង ដើម្បីខ្លួន។ -បុរសជាប្ដីដែលស្រឡាញ់ប្រពន្ធ នឹងចង់ចំណាយពេលទាំងអស់របស់ពួកគេជាមួយប្រពន្ធ។ ប៉ុន្តែបុរសអាត្មានិយមបន្ទាប់ពីធ្វើការពួកគេគ្រាន់តែចូលចិត្តដើរលេងនិងផឹកស៊ីជាមួយមិត្តភក្តិជាជាងទៅផ្ទះញ៉ាំបាយជាមួយប្រពន្ធកូន។ -បុរសដែលស្រឡាញ់ប្រពន្ធ ពួកគេតែងតែរមៀលដៃអាវដើម្បីសម្អាតផ្ទះ ធ្វើម្ហូបឱ្យប្រពន្ធនៅក្នុងផ្ទះបាយ ហើយប្រពន្ធមើលថែកូនៗ។ ប៉ុន្តែបុរសអាត្មានិយមគិតតែពីខ្លួនឯងមិនចង់ដឹងថាប្រពន្ធរបស់គេនឿយហត់ឬអត់ទេ។ -បុរសជាប្តីដែលស្រលាញ់ប្រពន្ធគេតែងតែចង់ឱ្យប្រពន្ធមានសេចក្តីសុខ។ សូម្បីតែនៅពេលដែលពួកគេត្រូវលះបង់ច្រើននិងខិតខំធ្វើការក៏ដោយក៏ពួកគេមិនត្អូញត្អែរដែរ។ ព្រោះពួកគេយល់ថា បានលះបង់ច្រើនដើម្បីគ្រួសារ។…

ជីវិតគូទម្រាំអាចកាន់ដៃគ្នាឆ្លងកាត់ឧបសគ្គដល់វិថីអាពាហ៍ពិពាហ៍មិនមែនជារឿងងាយស្រួលឡើយ។ ដូច្នេះប្រសិនជាចង់រក្សាចំណងស្នេហាលើដំបូងអាពាហ៍ពិពាហ៍នេះឱ្យកាន់តែផ្អែមល្ហែម និងគង់វង្សស្ថិតស្ថេរ គឺអាស្រ័យទៅលើគូស្វាមីភរិយាទាំងសងខាងរួបរួមគ្នា។ យ៉ាងណាមិញ ថ្ងៃនេះយើងនឹងលើកឡើងពី តួនាទី១០យ៉ាងរបស់ស្វាមី ដែលត្រូវតែធ្វើចំពោះភរិយាដើម្បីឱ្យជីវិតអាពាហ៍ពិពាហ៍ស្ថិតស្ថេរ ដូចខាងក្រោម ៖ ១. បុរសជាស្វាមីទោះបីជាដឹងថាភរិយាមានគុណវិបត្តិយ៉ាងណាក៏ដោយ ក៏បុរសជាស្វាមីព្រមទទួលយក យល់ចិត្ត ជួយកែប្រែគ្នាបន្តិចម្តងៗ ជាពិសេសមិនមើលងាយ មិនរិះគន់គុណវិបត្តិនាង រហូតធ្វើឱ្យនាងមានអារម្មណ៍មិនល្អ អាប់មុខ ឬខ្មាសអៀនឡើយ។ ២. ពេលរៀបការរួចតួនាទីរបស់ស្វាមីគឺគិតពីគ្រួសារ និងភរិយាជាអទិភាពទី១ ដូច្នេះមិនថាបុរសជាប្តីលំបាកប៉ុនណា រវល់ប៉ុនណា គាត់អាចលះបង់ពេលវេលា លះបង់គ្រប់យ៉ាង និងខ្វល់ខ្វាយពីជីវិតអាពាហ៍ពិពាហ៍ជាចម្បង។ ហើយមិនថាមានរឿងកើតឡើងយ៉ាងណា ភរិយាជាមនុស្សដំបូងគេដែលបុរសជាប្តីត្រូវនឹកគិតជានិច្ច។ ៣. បុរសជាប្តីល្អ…

ជាធម្មតាក្នុងនាមជាមនុស្សស្រីម្នាក់ៗតែងតែមានបំណងចង់រៀបអាពាហ៍ពីពាហ៍ជាមួយបុរសដែលខ្លួនស្រលាញ់ពេញចិត្ត ហើយមិនត្រឹមតែប៉ុណ្ណោះ ក៏ត្រូវការការយ់ចិត្ត ថ្នាក់ថ្មម ការផ្ដល់តម្លៃ នឹងការយល់ស្របរាល់ការសម្រេចចិត្តរបស់នាងគ្រប់បែបយ៉ាងផងដែរ។ ប៉ុន្តែទោះជាយ៉ាងណាក៏ដោយ ប្រសិនបើស្ត្រីលះបង់អ្វីគ្រប់យ៉ាងដើម្បីបុរសដែលខ្លួនស្រលាញ់ ថ្ងៃណាមួយនៅពេលដែលបុរសអស់ចិត្តហើយចាកចេញពីអ្នក ប្រាកដណាស់អ្នកនឹងមិនសល់អ្វីនោះទេក្នុងខ្លួន។ បញ្ចប់មិត្តភាព វាអាចយល់បានថាបុរសអាចនឹងខឹងនៅពេលអ្នកផ្ញើសារទៅអតីតរបស់អ្នកជាប្រចាំ។ ប៉ុន្តែនេះមិនសមហេតុផលទាំងស្រុងក្នុងករណីជាមិត្តភក្តិទេ។ ប្រសិនបើបុរសពិតជាស្រឡាញ់អ្នកគាត់នឹងលើកលែងបើកចិត្តឱ្យចេញក្រៅជាមួយមិត្តភក្តិដើម្បីធ្វើឱ្យគូស្នេហ៍របស់គាត់មានអារម្មណ៍ស្រួល។ ស្រក​ទម្ងន់ ប្រសិនបើអ្នកប្រាប់គូស្នេហ៍របស់អ្នកអំពីចេតនាសម្រកទម្ងន់របស់គាត់ហើយគាត់គាំទ្រវាបង្ហាញថាគាត់ពិតជាឡូយមែនទែន។ ប៉ុន្តែប្រសិនបើគាត់ផ្តួចផ្តើមសុំឱ្យអ្នកសម្រកទម្ងន់សូមកុំប្រញាប់ស្តាប់គាត់។ អ្នកត្រូវពិចារណាឱ្យបានហ្មត់ចត់អំពីស្ថានភាពសុខភាពនិងបំណងប្រាថ្នារបស់អ្នកមិនមែនសម្រាប់តែគាត់ទេ។ ក្នុងនាមជាក្មេងស្រីរាងមូលបន្តិចប៉ុន្តែមានស្បែកស្រអាប់ហើយមានផាសុកភាពរីករាយគឺប្រសើរជាងស្គមស្លេក។ រៀបការ/មានកូន អាពាហ៍ពិពាហ៍និងការសម្រាលកូនគឺជារឿងពីរដែលជះឥទ្ធិពលយ៉ាងខ្លាំងដល់ជីវិតរបស់ស្ត្រី។ នៅពេលអ្នកយល់ព្រមចូលទៅក្នុងការសន្យាបែបនេះជីវិតអ្នកនឹងផ្លាស់ប្តូរច្រើន។ ដូច្នេះនៅពេលដែលអ្នកមានអារម្មណ៍ថាអ្នកមិនទាន់ត្រៀមខ្លួនរួចរាល់សូមកុំនិយាយពាក្យផ្អែមល្ហែមថា “រៀបការមិនខុសពីស្នេហាទេគ្រាន់តែស្រឡាញ់តែភាពខុសគ្នាគឺរស់នៅក្នុងផ្ទះតែមួយ”។ កិច្ចការផ្ទះ-ភារកិច្ចរបស់ស្ត្រី ប្រសិនបើបុរសពេញមួយថ្ងៃគ្រាន់តែមើលទូរទស្សន៍នៅពេលអ្នកកំពុងលាងចានហើយប្រសិនបើបុរសនោះមិនដែលជួយឬនិយាយអរគុណអ្នកអាចទាយបានទាំងស្រុងអំពីអាពាហ៍ពិពាហ៍ដែលគាត់មិនសប្បាយចិត្តទាល់តែសោះ។ បោះបង់ក្តីសុបិន្ត ប្រសិនបើស្ត្រីយកបុរសជាសំខាន់នឹងហ៊ានលះបង់ក្តីសុបិន្តរបស់ខ្លួន នៅពេលដែលគាត់ចាកចេញអ្នកនឹងមិនមានអ្វីនៅសល់ទេ។ ដូច្នេះអ្នកត្រូវគិតដោយប្រុងប្រយ័ត្នអំពីអ្វីដែលពិតជាសំខាន់ចំពោះអ្នកមិនត្រឹមតែនៅក្នុងជីវិតរបស់អ្នកប៉ុណ្ណោះទេប៉ុន្តែនៅក្នុងពេលបច្ចុប្បន្នផងដែរ៕ ប្រភព៖ បរទេស…

ជាទូទៅនៃស្ត្រីគ្រប់រូបតែងតែមានគោលបំណងនិងសេចក្ដីប្រាថ្នាចង់រៀបការជាមួយមនុស្សដែលខ្លួនស្រលាញ់ជាគូអនាគត ប៉ុន្តែស្រ្តីទាំងអស់ប្រហែលជាមិនបានដឹងថា ការរៀបការក៏មិនប្រាកដថា ទទួលបានសេចក្ដីសុខពេញលេញសម្រាប់ជីវិតទាំងមូលរបស់នាដែរ។ យ៉ាងណាមិញស្រ្តីក្នុងអាពាហ៍ពិពាហ៍ ក៏អាចជាប្រពន្ធអាក្រក់ ប្រពន្ធក្បត់បានដែរ តែទោះជាយ៉ាណានាងត្រូវតែជាម្តាយដែលទទួលខុសត្រូវចំពោះកូនៗរបស់នាង ហើយនៅពេលអ្នកមានកូន អ្នកត្រូវចាំថា អ្នកមិនត្រឹមតែរស់នៅដើម្បីខ្លួនឯងប៉ុណ្ណោះទេ ថែមទាំងរស់នៅដើម្បីពួកគេទៀតផង។ ស្រ្តីដែលក្លាយជាប៉ារ៉ាស៊ីត ប្រសិនបើស្ត្រីម្នាក់ក្លាយជាប៉ារ៉ាស៊ីតនៅក្នុងក្រសែភ្នែកអ្នកដទៃ នោះវាជារឿងគួរឱ្យខ្មាសអៀនរួចទៅហើយលើកលែងតែដៃគូរបស់នាង។ ជាធម្មតា មនុស្សចាស់តែងតែគិតថា ស្ត្រីដែលរៀបការហើយត្រូវពឹងផ្អែកលើស្វាមីទាំងស្រុង។ ប៉ុន្តែសម័យនេះមានភាពខុសប្លែកគ្នាច្រើនណាស់ ស្ត្រីប្រហែលជាមិនចាំបាច់មានទេពកោសល្យអាចរកលុយបានច្រើនជាងប្តីនោះទេ ប៉ុន្តែច្បាស់ជាត្រូវមានការងារសន្តិសុខហិរញ្ញវត្ថុផ្ទាល់ខ្លួនច្បាស់លាស់មួយ ព្រោះមិនថាសេចក្តីស្រឡាញ់របស់ស្វាមីមានទំហំធំប៉ុណ្ណានោះទេ វាពិបាកនឹងស្ថិតស្ថេរតាមពេលវេលាដែរ។ ធ្វើឲ្យកូនមិនស្មោះត្រង់និងមិនគោរពឪពុកម្តាយ ស្ត្រីដែលមានឈ្មោះក្នុងអាពាហ៍ពិពាហ៍ជាមួយស្វាមីអាចក្លាយជាប្រពន្ធអាម្នាក់ដែលមានចិត្តក្រក់ ប្រពន្ធដែលមានចិត្តក្បត់ស្វាមីបាននៅពេលណាមួយ ប៉ុន្តែដាច់ខាតក៏ត្រូវធ្វើជាម្តាយដែល​មានទំនួលខុសត្រូវចំពោះកូនៗជានិច្ច ព្រោះនៅពេលអ្នកមានកូនអ្នកមិនត្រឹមតែរស់នៅដើម្បីខ្លួនឯងប៉ុណ្ណោះទេ ថែមទាំងរស់នៅដើម្បីពួកគេទៀតផង។ ស្ត្រីរៀបការអាចត្រូវគេបោះបង់ចោលដោយជ្រើសរើសយកការលែងលះ ប៉ុន្តែកូនគឺជាទ្រព្យសម្បត្តិធំបំផុតដែលអ្នកត្រូវការពារ។ ប្រសិនបើកុមារមានភាពមិនស្មោះត្រង់…