សុទ្ធតែរបស់ឆ្ងាញ់ ប៉ុន្តែមិនសូវមានអ្នកដឹងទេ អាហារ ៤ មុខនេះអាចបំផ្លាញថ្លើមយ៉ាងឆាប់រហ័ស
មនុស្សជាច្រើនតែងមានទម្លាប់ដឹងថា ការទទួលទានស្រា គឺងាយងាយនឹងធ្វើឲ្យខូចថ្លើម ឬប៉ះពាល់ដល់ដំណើរការថ្លើម យ៉ាងឆាប់រហ័សបំផុត។ យ៉ាងណាបើស៊ីជម្រៅឲ្យអស់ទៅ របបអាហារប្រចាំថ្ងៃមួយចំនួន ក៏អ្នកត្រូវប្រយ័ត្នដែរ ព្រោះអាហារខ្លះក៏អាចប៉ះពាល់ដល់ថ្លើមដូចគ្នា។ ៤) សាច់ជាប់ខ្លាញ់ ប្រភេទសាច់ជាប់ខ្លាញ់ ភាគច្រើនគេនិយមចម្អិនឲ្យក្លាយទៅជាខសាច់ជ្រូកជាដើមនោះ គឺមានឥទ្ធិពលធ្វើឲ្យខូចថ្លើមនិងក្រលៀនបានដូចគ្នា។ ក៏ដោយសារពេលជាតិខ្លាញ់កកកុញច្រើនពេក ថ្លើមមិនអាចបន្សាបជាតិពុលអស់ ឬវាធ្វើការហួសប្រមាណ។ មួយផ្សេងទៀតបើអ្នកបន្តទទួលទានវាជាប្រចាំ យូរទៅក៏អាចនាំឲ្យកើតជំងឺដាច់សរសៃឈាមទៀតផង។ ៣) មីស្រុះ ប្រភេទមីកញ្ចប់ ឬមីកំប៉ុងដែលមនុស្សជាច្រើន និយមចូលចិត្តបរិភោគជំនួសបាយ ប្រសិនអ្នកប្រកាន់ខ្ជាប់ក្លាយទៅជាទម្លាប់ នោះមិនយូរទេ ប្រព័ន្ធដំណើរការនៃថ្លើម និងតម្រងនោមរបស់អ្នក គឺនឹងមានបញ្ហាជាក់ជាមិនខាន។ ក៏ដោយសារតែសារធាតុបន្ថែមទៅក្នុងមីកញ្ចប់នោះ មិនអាចកកកុញច្រើនពេកទេមកក្នុងរាងកាយ ព្រោះវាងាយបង្កទៅជាជំងឺជាច្រើន…
