ជំនាញរឹងជួយឱ្យអ្នកមានការងារធ្វើ ហើយជំនាញទន់ជួយឱ្យអ្នកឡើងដំណែង
នៅក្នុងវិស័យការងារ មានពាក្យមួយឃ្លាបានពោលថា “សមត្ថភាពឬទេពកោសល្យ អាចជួយឱ្យបុគ្គលម្នាក់ឡើងតំណែងខ្ពស់ ប៉ុន្តែតំណែងខ្ពស់នោះគង់វង្សឬយ៉ាងណា គឺអាស្រ័យលើអត្តចរិតរបស់បុគ្គលនោះ” ។ និយាយបែបផ្សេង ជំនាញរឹង ឬជំនាញដែលអ្នករៀនចេះពីសាកលវិទ្យាល័យ និងសាលាបច្ចេកទេសផ្សេងៗ អាចជួយឱ្យអ្នកមានការងារធ្វើ ប៉ុន្តែការងារនោះជោគជ័យ ឬមិនជោគជ័យគឺវាអាស្រ័យលើជំនាញទន់ ឬជំនាញការទូតរបស់អ្នកទៅវិញទេ។ គ្មានអ្វីអាចវាស់ថាបុគ្គលម្នាក់មានជំនាញទន់ប្រសើរឬមិនប្រសើរដល់កម្រិតណានោះទេ។ ព្រោះបុគ្គលម្នាក់ៗសុទ្ធតែមានអត្តចរិតផ្សេងៗគ្នាពីកំណើត រស់នៅក្នុងសង្គមផ្សេងគ្នា និងទទួលបានការអប់រំផ្សេងគ្នា។ យ៉ាងណាក៏ដោយអ្នកជំនាញផ្នែកអប់រំបានលើកឡើងថា កុមារដែលបានឆ្លងកាត់ការអប់រំតាមកម្មវិធីសិក្សាបែបសិស្សមជ្ឈមណ្ឌល ឬកម្មវិធីសិក្សាដែលផ្តោតលើសកម្មភាពជាមូលដ្ឋាន មានន័យថាសិស្សានុសិស្សមានសកម្មភាពនិយាយច្រើនជាងគ្រូ ហើយសិស្សបំពេញតួនាទីជាមេដឹកនាំនិងមានទំនួលខុសត្រូវ មានការពិភាក្សា និងការស្រាវជ្រាវច្រើន។ កុមារនោះនឹងមានជំនាញទន់ប្រសើរនៅពេលពួកគេធំពេញវ័យ។ នៅក្នុងការបំពេញការងារ អ្នកពូកែជំនាញទន់ គឺមានឱកាសជោគជ័យច្រើន នេះបើតាមលោកឧកញ៉ា វេជ្ជបណ្ឌិត…
