ក្រសួងការបរទេសចិននៅថ្ងៃពុធនេះ បានច្រានចោលការលើកឡើងថាខ្លួនបានគាំទ្ រឬផ្តល់ការយល់ព្រមចំពោះរដ្ឋប្រហារយោធាកាលពីថ្ងៃច័ន្ទនៅប្រទេសជិតខាងមីយ៉ាន់ម៉ា។
ក្នុងកាសែត Reuters លោក Wang Wenbin អ្នកនាំពាក្យក្រសួងការបរទេសចិនថ្លែងថា៖ “ ទ្រឹស្តីណាមួយដែលពាក់ព័ន្ធក្នុងការធ្វើរដ្ឋប្រហារយោធានៅមីយ៉ាន់ម៉ាដែលមានចិននៅពីក្រោយគឺមិនពិតទេ។ ក្នុងនាមជាប្រទេសជិតខាងដ៏រួសរាយរាក់ទាក់របស់មីយ៉ាន់ម៉ា យើងសង្ឃឹមថាគ្រប់ភាគីក្នុងប្រទេសមីយ៉ាន់ម៉ាអាចដោះស្រាយបាននូវភាពមិនយល់គ្នាទៅវិញទៅមកនេះយ៉ាងត្រឹមត្រូវ និងលើកកម្ពស់ស្ថេរភាពនយោបាយនិងសង្គម” ។
ការលើកឡើងនេះបានកើតឡើងដោយសារ អ្នកការទូតកំពូលរបស់រដ្ឋាភិបាលចិនធ្លាប់បានធ្វើដំណើរទស្សនកិច្ចមួយក្នុងរដ្ឋធានីមីយ៉ាន់ម៉ាកាលពីខែមុន ហើយមន្រ្តីជាន់ខ្ពស់ចិននោះបានជួបគ្នាជាមួយមន្រ្តីយោធាជាច្រើននាក់រួមមានឧត្តមសេនីយ Min Aung Hlaing ដែលបានកាន់កាប់អំណាចនៅក្នុងរដ្ឋប្រហារនេះផងដែរ៕
ប្រភព៖ Reuters