Mythical Bird

ខេត្តព្រះសីហនុ៖ ​ដូចដែលយើងបានដឹងហើយថា  ដែនដីកោះរ៉ុង ​ពិតជាសមុទ្រ ​និងខ្សាច់ស្រស់ស្អាតមែនទែន ​រហូតមានឈ្មោះល្បីទៅដល់ក្រៅប្រទេសថាជាឆ្នេរដ៏ស្រស់ស្អាតជាងគេក្នុងចំណោមឆ្នេរខ្សាច់ល្បីៗជាច្រើនលើពិភពលោក។ លើសពីនោះកោះរ៉ុង ក៏មានបណ្តុំរីហ្សតស្រស់ស្អាត និងល្បីៗជាច្រើនកន្លែងផងដែរ ​ដែលអាចឱ្យអ្នកមកកម្សាន្តអាចសម្រាកលំហែកាយបានយ៉ាងត្រជាក់ចិត្ត ​ដោយក្នុងនោះក៏មានរីហ្សតមួយដែលទើបតែសាងសង់រួចថ្មី ល្បីថាមានស្រស់ស្អាតខ្លាំងស្ទើរតែមិនដឹងថាស្ថិតនៅលើទឹកដីកោះរ៉ុងស្រុកខ្មែរយើងនោះឡើយនោះគឺ ​« រីហ្សត ផ្កាយ៥ កោះរ៉ុង (The Royal Sands Koh Rong Resort)​»។ រីហ្សត ផ្កាយ៥ កោះរ៉ុង (The Royal Sands Koh Rong Resort)​ ត្រូវបានសាងសង់ជាម៉ូតវីឡាប្រក់ស្លឹកស្រស់ស្អាតប្លែកក្បែរមាត់សមុទ្រតែម្តង…

សៀមរាប៖ ផ្កាចាហួយ គឺជាផ្កាមួយប្រភេទដែលមានពណ៌ផ្កាឈូក ​ស៊ីជម្ពូរស្រស់ស្អាត ​ដុះនៅក្នុងព្រៃ​ ដែលមនុស្សភាគច្រើនប្រហែលជាស្គាល់ច្រើនព្រោះផ្កាមួយនេះត្រូវបានគេក្រងជាកម្រងផ្កាលក់នៅតាមផ្លូវទៅលេងទឹកជ្រោះគីរីរម្យ។ តែសម្រាប់អ្នកចង់ទស្សនាវាលផ្កាចាហួយស្រស់ស្អាតមួយវាលធំ ​ដូចឋានសួគ៌ ​« ក្នុងស្រុក ​» ​សូមណែនាំទៅកន្លែងមួយនោះគឺ  «ភ្នំអំពិល » ខេត្តសៀមរាប។ «ភ្នំអំពិល » ត្រូវបានគេដឹងថា ចាប់ពីខែ៧ទៅ ផ្កាចាហួយនឹងចាប់ផ្ដើមរីកឡើងពាសពេញដី ​ប្រកបដោយភាពស្រស់ស្អាត អមដោយទេសភាពជុំវិញធម្មជាតិខៀវស្រងាត់​ធ្វើឱ្យអារម្មណ៍របស់លោកអ្នកមានភាពស្រស់ស្រាយប្លែកតែម្តង នៅក្នុងនោះផ្កាអំពិលក្រៅពីជាផ្កាដ៏ស្រស់ស្អាត ​ត្រូវបានគេដឹងថាអាចបេះផ្កាវាធ្វើជាអន្លក់សម្រាប់ទទួលទានផងដែរ។ នៅក្នុងនោះ ​ដើម្បីទៅដល់វាលផ្កាអំពិលដ៏ស្រស់ស្អាត មធ្យោបាយការធ្វើដំណើររាងពិបាកបន្តិចហើយ ​ដោយលោកអ្នកត្រូវតែជួលគោយន្តជិះឡើងភ្នំទើបបាន ​ព្រោះយើងមិនអាចជិះយានយន្តឡើងបាននោះទេ  ហើយជាពិសេសពេលទៅលេង​កម្សាន្ត អ្នកអាច​វេច​ខ្ចប់​អាហារ​យក​ទៅទទួលទានទីនោះ ឬ​ក៏​អាច​ឱ្យ​អ្នក​ភូមិ​ចម្អិន​ឱ្យ​ក៏​បាន​ដែរ​។…

សៀមរាប៖ ប្រសិនជាអ្នកចង់ធ្វើដំណើរកម្សាន្តទៅលេងខេត្តសៀមរាប  អ្នកប្រាកដជាត្រូវការកក់កន្លែងស្នាក់នៅទុកជាមុន  ដើម្បីការពារខ្វះកន្លែងស្នាក់នៅផង និងដើម្បីធានាថាកន្លែងស្នាក់នៅរបស់អ្នកមានផាសុកភាពល្អផងដែរ ​ដើម្បីឱ្យដំណើរកម្សាន្តរបស់អ្នកកាន់តែមានភាពរីករាយទ្វេរដង។ នៅក្នុងនោះ ​ដើម្បីការស្នាក់នៅរបស់អ្នកកាន់តែស្រស់ថ្លា  និងប្តូរបរិកាសឱ្យកាន់តែរីករាយប្លែកផងនោះ ​ថ្ងៃនេះ « ក្នុងស្រុក ​» ​សូមណែនាំកន្លែងស្នាក់នៅមួយកន្លែងដែលមិនសូវមានអ្នកស្គាល់តែមានភាពនិយមខ្លាំងសម្រាប់ជនបរទេស នោះគឺ « ម៉ូដែលអង្គររីសត (Model Angkor Resort) »។  ស្ថិតនៅក្នុងរបងយ៉ាងធំស្កឹមស្កៃ ​ស្ទើរតែមើលខាងក្រៅមិនឃើញនោះ មិននឹកស្មានថានៅខាងក្នុងគឺជា ម៉ូដែលអង្គររីសត (Model Angkor Resort) ដែលមានការរចនាតុបតែងជាលក្ខណៈស្នាក់នៅរចនាបថបែបបុរាណលាយសម័យដ៏ស្រស់ស្អាតទាក់ភ្នែកបែបនេះនោះឡើយ។ លើសពីនេះ ការស្នាក់នៅ ម៉ូដែលអង្គររីសត (Model…

ថ្មីៗនេះ រីហ្សតមួយកន្លែងទៀតហើយ មានធ្វើឱ្យអារម្មណ៍គ្រប់គ្នាហាក់អន្ទះអន្ទែងខ្លាំងចង់ទៅជួបផ្ទាល់នូវទិដ្ឋភាពបែបធម្មជាតិដ៏ស្រស់ត្រកាលនៅតំបន់ដីក្រហមខេត្តមណ្ឌលគិរី។ រីហ្សតមួយកន្លែងនេះមានឈ្មោះថា Ayana Kandara Boutique Hotel Mondulkiri បានរៀបចំយ៉ាងស្រស់ស្អាតជាមួយនឹងសួនច្បារខៀវខ្ចី អមនឹងទិដ្ឋភាពព្រៃភ្នំ វាលស្មៅខៀវស្រងាត់នៅជុំវិញ និងតំបន់ខ្ពង់រាបទាបខ្ពស់ ដែលគ្រាន់តែទស្សនាពីរីហ្សតផ្ទាល់ក៏ស្រឡះភ្នែកដែរ​ លាយឡំនឹងខ្យល់អាកាសត្រជាក់ចិត្តដ៏សែនមនោរម្យ។ កាន់តែពិសេសរីហ្សតមួយនេះ មានអាងហាលទឹកដ៏ធំមួយអាចហែលកម្សាន្តលេងហាក់បីដូចជាការកម្សាន្តលើផ្ទៃបឹងកណ្តាលធម្មជាតិស្រស់ស្អាតពិតៗ។ ឯកន្លែងស្នាក់នៅការមានការ Design ស្រដៀងនឹងផ្ទះល្វែង ជាមួយនឹងការតុបតែងភ្លើងអំពូលជុំវិញយ៉ាងស្រស់ស្អាត។ ហើយពេលរាត្រីថែមទាំងមានកន្លែងអង្គុយទទួលទានអាហារបែបរ៉ូមែនទិកផង ហើយក៏មានទីធ្លារៀបចំតុវែងសម្រាប់ការជួបជុំទទួលទានអាំងសាច់ជាមួយមិត្តភក្តិ ឬក្រុមគ្រួសារយ៉ាងសប្បាយរីករាយទៀត ពិតជាពិសេសពិសាលមែនទែន។ គួរឱ្យដឹងផងដែរថា Ayana Kandara Boutique Hotel Mondulkiri មានទីតាំងស្ថិតនៅលើផ្លូវ…

សៀមរាប៖ នៅខេត្តសៀមរាប ក្រៅពីមានប្រាសាទបុរាណជាច្រើន ក៏មានទីកន្លែងកម្សាន្តជាច្រើនតាមបែបធម្មជាតិ ដែលគួរជាទីរីករាយ ​គ្រាន់តែមិនសូវមានអ្នកស្គាល់តែប៉ុណ្ណោះ។ ថ្មីៗនេះ កន្លែងកម្សាន្តថ្មីមួយទៀតហើយនៅក្នុងសៀមរាប កំពុងតែស្រូបទាញភ្ញៀវទេសចរជាតិ និងអន្តរជាតិឱ្យមកកម្សាន្តយ៉ាងរីករាយ មានឈ្មោះថា  «កំពង់ភ្លុក»។ ដោយទីកន្លែងនេះគឺជាភូមិធម្មជាតិមួយនៅលើទឹក  ដែលអាចឱ្យអ្នកទេសចរជិះទូក ​ឬកាណូតទេសចរណ៍លើផ្ទៃទឹក ទស្សនាទេសភាពលើផ្ទៃទន្លេសាបដែលមានព្រៃលិចទឹក សាលារៀន វត្ត​​អារាម ជម្រកសត្វបក្សី និងកន្លែងបែបធម្មជាតិពិសេសជាច្រើនទៀតលើផ្លូវទឹក។ តាមរយៈគណនីហ្វេសប៊ុកផេក ទឹកដីសៀមរាបអង្គរ បានសរសេររៀបរាប់យ៉ាងកម្អិតថា៖ « ជួយshare ដើម្បីបានស្គាល់រមណីដ្ឋានទេសចរណ៏នៃខេត្តសៀមរាប ស្គាល់កំពង់ភ្លុកអត់? ចង់ជិះទូកលេងនៅកំពង់ភ្លុកទេ?  កំពង់ភ្លុកជាភូមិធម្មជាតិ ដែលប្រជាជនសាងសង់ផ្ទះនៅលើ ផ្ទៃទឹកនៃបឹងទន្លេសាបក្នុងខេត្តសៀមរាបនារដូវវស្សាផ្ទៃទឹកបានឡើងប៉ប្រះនឹងដើមរាំងព្រមជាមួយផ្ទះសម្បែង របស់ប្រជាជនបង្កើតបានជាទេសភាពថ្មីមួយទៀតដែលខុសពី រដូវប្រាំងលំនៅឋាន ដែលមានសសរខ្ពស់ៗផុតពីដីដែល…

កំពង់ចាម៖ បើនិយាយពីកន្លែងកម្សាន្ត នៅប្រទេសកម្ពុជាយើងមានច្រើនកន្លែងខ្លាំងណាស់ សុទ្ធសឹងតែមានសម្រស់ និងទេសភាពស្រស់ស្អាតគួរជាទីគយគន់ រួមទាំងខេត្តកំពង់ចាមផងដែរ។ ក្រៅពីមានស្ពានប្ញស្សី និងទីកន្លែងស្រស់ស្អាតដូចជាទឹកជ្រោះ ​រួមទាំងរីហ្សតស្អាតៗដ៏សម្បូរបែបហើយនោះ នៅក្នុងនោះផងដែរ សួនផ្កាឈូករ័ត្នមួយកន្លែងនៅក្នុងខេត្តកំពង់ចាមហាក់បីជាកំពុងតែទទួលបានការគាំទ្រ និងអង្រួនចិត្តអ្នកទេសចរឱ្យមានចិត្តរំភើបមែនទែន ដោយសារតែវាមានទេសភាពស្រស់ស្អាតប្រៀបបីដូចជានៅបរទេសយ៉ាងអ៊ីចឹង។ សួនផ្កាឈូករ័ត្នដ៏ស្រស់ស្អាតនេះស្ថិតនៅក្នុងខេត្តកំពង់ចាម និងមានចម្ងាយត្រឹមតែ ៦គីឡូម៉ែត្រប៉ុណ្ណោះពីត្រើយខាងកើតស្ពានគីហ្សូណា ដោយឆ្លងកាត់ស្ពានគីហ្សូណា បត់ទៅឆ្វេងសំដៅទៅឃុំជីរូ។ នៅក្នុងនោះច្រកចូល ក៏មានដាក់ផ្លាកសញ្ញាប្រាប់ទីតាំងកន្លែងសួនផ្កាឈូករ័ត្នផងដែរ ពិតជាមានភាពងាយស្រួលមែនទែន។ ក្រៅពីមានសួនផ្កាឈូករ័ត្នដ៏ស្រស់ស្អាត នៅតាមមាត់ច្រកចូលផ្លូវមានទ្រើងននោងស្អែកស្កេះស្រសស្អាត និងមានផ្លែននោងរយីងរយោងស្អេកស្កេះ គ្រាន់តែឃើញក៏មានអារម្មណ៍ថាប្លែកស្រស់ស្រាយគួរឱ្យចង់ថតរូបកម្សាន្ត ដោយមានទាំងកញ្ចុះអង្គុយលេង និងមានកន្លែងលក់អាហារដ៏ឆ្ងាញ់ពិសាផងដែរ៕ រក្សាសិទ្ធអត្ថបទ៖ ​ក្នុងស្រុក

ថៃ៖ អ្នកដែលធ្លាប់តែទៅលេងប្រទេសថៃ ​ភាគច្រើនប្រាកដណាស់ គឺដើរលេងនៅក្នុងទីក្រុងបាងកក និងដើរទិញទំនើបក្នុងផ្សារទំនើបនានា តែសម័យនេះទៅហើយ ​ទៅលេងប្រទេសថៃទៅតែបាងកកម៉េចសប្បាយ​ ហួសសម័យហេីយ​។ ជាការពិតណាស់នៅក្នុងបណ្តាខេត្តប្រទេសថៃ  មានកន្លែងកម្សាន្តជាច្រើនកន្លែង​ ថែមទាំងសម្បូររីសតស្អាតៗ​ និងសប្បាយៗផងដែរ។ ដោយនៅក្នុងនោះមានរីសតមួយកន្លែងមានការច្នៃប្រតិដ្ឋស្អាតមែនទែន ​ជាពិសេសគឺអគារសំណាក់មួយៗលាបពណ៌ចម្រុះស្រស់ៗ ឯតាមតាមផ្លូវមានជាស្ពានលើទឹកខ្វាត់ខ្វែងប្រៀបដូចជាទីក្រុងលើទឹក ​Venice ប្រទេសអ៊ីតាលីអ៊ីចឹង ដោយរីសតនេះមានឈ្មោះថា​ Peggy’s Cover Resort ស្ថិតនៅខេត្តចន្ថាបូរី (Chanthaburi)​ ប្រទេសថៃ។ រីសតនេះមានផ្ទះស្នាក់នៅស្អាតៗ​ ពណ៌កប់ៗបែបនេះទទួលស្វាគមន៍ភ្ញៀវមកសម្រាកតែចំនួន​ ៣៨នាក់ប៉ុណ្ណោះ​ តែអត់កក់ដឹងតែអស់ហេីយ​ ដោយតម្លៃស្នាក់នៅមួយយប់ចាប់ពី​ ២០០០ពាន់បាត​ ឬប្រមាណជា​ 50$…

ក្រុមប្រាសាទកោះកេរ្តិ៍ (កោះកេរ) មានទីតាំងស្ថិតនៅ ក្នុងភូមិស្រយ៉ង់ជើង ឃុំស្រយ៉ង់ ស្រុកគូលេនខេត្តព្រះវិហារ។ អាចធ្វើដំណើចេញពីទីរួមខេត្តសៀមរាប កាត់តាមផ្លូវលេខ៦៤ (២១១) ចំងាយ៧២គ.ម និងបន្តទៅតាមផ្លូវខេត្តចំងាយ ៤៩គ.ម ពីទីរួមខេត្តព្រះវិហារ។ ដោយឆ្លងកាត់នូវសង្រ្គាមជាច្រើនសតវត្សរ៍ ប្រាសាទកោះកេរ្តិ៍ បានរងនូវការបំផ្លិចបំផ្លាញពីធម្មជាតិ និងពីមនុស្សយ៉ាងដំណំ។ តំបន់កោះកេរ្តិ៍ ធ្លាប់ជាសមរភូមិប្រយុទ្ធ នៅក្នុងសម័យសង្គ្រាមស៊ីវិលជាង៣០ឆ្នាំ (១៩៧០-១៩៩៨) រីឯការលួចវត្តុបុរាណ ការបំផ្លាញចំពោះសម្បត្តិបេតិកភណ្ឌជាតិ បានកើតឡើងយ៉ាងអនាធិបតេយ្យ និងមានសភាពធ្ងន់ធរបំផុត ដែលធ្វើអោយប្រាសាទមួយចំនួនធំ ត្រូវបានបាក់រលំធា្លក់ដល់ដី។ ចាប់ពីឆ្នាំ១៩៧០នៅតំបន់កោះកេរ្តិ៍ ត្រូវបានស្ថិតនៅក្នុងការកាន់កាប់របស់កងទ័ពខ្មែរក្រហម។ រហូតដល់ឆ្នាំ១៩៩៨ ក្រោយពីធ្វើសមាហរណកម្មកងទ័ពខ្មែរក្រហមមកក្នុងរាជរដ្ឋាភិបាល តំបន់កោះកេរ្តិ៍…

បាត់ដំបង៖  បាត់ដំបូងសម្បូរទៅដោយកន្លែងកម្សាន្តជាច្រើនតាមបែបធម្មជាតិ និងប្រវត្តិសាស្រ្តដែលអាចនិយាយបានថាជាខេត្តប្រវត្តិសាស្រ្តដែលមានភ្ញៀវទេសចរជាតិ និងអន្តរជាតិមកកម្សាន្តជាច្រើនបន្ទាប់ពីខេត្តសៀមរាប។ ក្រៅពីដើរលេងកម្សាន្តបានយ៉ាងរីករាយ កន្លែងស្នាក់នៅក៏ជាផ្នែកមួយធ្វើឱ្យវេលាសម្រាកលំហែកាយរបស់អ្នកកាន់តែមានន័យ និងផាសុកភាពផងដែរ ​ហើយសម្រាប់អ្នកដែលមកលេងខេត្តបាត់ដំបង  លោកអ្នកក៏មានជម្រើសច្រើននៅក្នុងការស្វែងរកកន្លែងស្នាក់ល្អៗទៀតផង។ តែថ្ងៃនេះ « ក្នុងស្រុក ​» ​សូមណែនាំសណ្ឋាគារមួយកន្លែង ​ដែលល្បីថាស្រស់ស្អាត ​មានតម្លៃសមរម្យ ថែមទាំងមានភោជនីយដ្ឋានបម្រើអាហារឆ្ងាញ់ៗផងដែរ ​នោះគឹ « កូកូណាត់ហៅបាត់ដំបង (The Coconut house hotel ) »។ កូកូណាត់ហៅបាត់ដំបង ​គឺជាសណ្ឋាគារដែលមានទេសភាពស្រស់ស្អាត ​ដើមឈើខៀវខ្ចី ព័ទ្ធជុំវិញ ​បន្ទប់គេងក៏រៀបចំស្អាតបាតគួរឱ្យចង់ស្នាក់នៅ ​ជាពិសេសថែមទាំងមានអាងហែលទឹកធំទូលាយ…

កំពង់ចាម៖ នៅក្នុងខេត្តកំពង់ចាម សម្បូរកន្លែងដើរលេងបែបធម្មជាតិច្រើនកន្លែងណាស់ ដែលគ្រប់គ្នាចូលចិត្តទៅលេងកម្សាន្ត ដោយហេតុចម្ងាយផ្លូវក៏មិនឆ្ងាយពីភ្នំពេញប៉ុន្មានដែរ។ កាន់តែគួរឱ្យចាប់អារម្មណ៍ថ្មីៗនេះ អាហារដ្ឋានបើកថ្មីមួយកន្លែងមានឈ្មោះថា «ស្មៅទន្លេ» បាននឹងកំពុងតែទទួលបានភាពល្បីល្បាញមែនទែនដោយសារតែទីនោះ ក្រៅពីមានបើកលក់ម្ហូបអាហារទាំង៣ពេល និងអាហារសម្រន់ ការ៉េម ភេសជ្ជៈ គ្រឿងក្លែមហើយនោះ សូម្បីតែទីតាំងអង្គុយទទួលទានគឺមានភាពស្រស់ស្អាតប្លែកប្រកបដោយផាសុកភាពតែម្តង។ ហើយអ្វីដែលកាន់តែទាក់ទាញមានភ្ញៀវចូលមកក្នុងអាហារដ្ឋានមួយនេះទៀតនោះ គឺ ស្មៅទន្លេ សម្បូរកន្លែងថតរូបលេងកម្សាន្តច្រើនកន្លែងណាស់ អាចថាមើលមួយភ្លែតស្មានតែនៅកោះបាលី។ ការច្នៃប្រតិដ្ឋទីតាំងថតរូបយ៉ាងទាក់ចិត្តបែបនេះហើយ ក្រៅពីមានភ្ញៀវនាំគ្នាមកថតរូបលេងយ៉ាងគគ្រឹកគគ្រេងហើយ « ស្មៅទន្លេ » ក៏ជាទិសដៅសម្រាប់គូស្នេហ៍ និងអនាគតគូស្វាមីភរិយាថ្មីមកថតរូប Pre-Wedding ទៀតផង។ សូមជម្រាបផងដែរថា ស្មៅទន្លេ មានទីតាំងស្ថិតនៅក្នុងសង្កាត់វាលវង់…