មិនថាប្តីប្រពន្ធ ឬសង្សាទេ បើឧស្សាហ៍និយាយពាក្យទាំង ៣ នេះ ភាគច្រើនមិនសូវស្រឡាញ់អ្នកប៉ុន្មានទេ
“រឿងដែលមានវិប្បដិសារីបំផុតនៅក្នុងជីវិត គឺមនុស្សដែលធ្លាប់នាំយើងទៅកាន់ឋានសួគ៌ ក្រោយមកក៏បានរុញយើងឱ្យធ្លាក់ឋាននរគវិញ។” បានសន្យាគ្នារួចហើយថា ស្រលាញ់គ្នាមួយជីវិត បែរជានៅពាក់កណ្តាលផ្លូវបានធ្វើខុសចំពោះស្នេហាមួយនេះទៅវិញ តាមពិតទៅវាមិនបានកើតឡើងភ្លាមៗ នោះគឺមានប្រផ្នូលតាំងពីដំបូងមកម្ល៉េះ។ ពេលដែលចិត្តគេគ្មានអ្នក ទើបមិនខ្វល់ខ្វាយពីអ្នក ហើយតែងប្រើពាក្យទាំង ៣ នេះនិយាយជាប់មាត់មិនឈប់។ ១. “ចាំលើកក្រោយទៅ” គឺជាការដោះសារនិយាយឱ្យរួចពីមាត់ ក្នុងរឿងស្នេហា អ្វីដែលខ្លាចបំផុត គឺជាភាពដោះសារនិយាយឱ្យរួចពីមាត់។ មនុស្សដែលស្រលាញ់អ្នកពិតប្រាកដ យកអ្នកដាក់ក្នុងចិត្ត រមែងតែមានភាពក្លៀវក្លាចំពោះអ្នកគ្មានដែនកំណត់ឡើយ សុខចិត្តចំណាយពេលវេលាចំណាយទឹកចិត្តចំពោះអ្នក។ គេចងចាំរាល់ពិធីដែលមានទាក់ទងនឹងអ្នក នឹងជូនកាដូដល់អ្នកដោយយកចិត្តទុកដាក់ ទោះជារវល់យ៉ាងណាក៏ឆ្លៀតពេលមកកំដរអ្នកដែរ ឬប្រាប់អ្នកជាដំណឹងថាគេថ្ងៃនេះរវល់ណាស់ កុំឱ្យអ្នកមានក្តីបារម្ភពីគេ។ ខ្វល់ពីអារម្មណ៍ ខ្វល់ពីទឹកចិត្តរបស់អ្នក នឹករលឹកដល់អ្នកគ្រប់ពេល កំដរអ្នកយូរអង្វែង។…
