ស្នេហាយុវវ័យ

មិនប្រាកដថា អ្នកថ្មីសុទ្ធតែអាចមកជំនួសកន្លែងអ្នកដែលចាកចេញទៅបាននោះទេ​ ពិតណាស់ វាមិនមែនជារឿងអ្វីដែលពិបាកនោះទេ ដែលគ្រាន់តែហាមាត់និយាយពាក្យថាស្រឡាញ់ទៅកាន់នរណាម្នាក់​ ហេីយវាក៏រឹតតែមិនបានក្នុងការផ្តេីមទំនាក់ទំនងជាមួយអ្នកថ្មី​ ប៉ុន្តែបេីសួរពីអារម្មណ៍ពិតទៅ​ថា តេីយេីងមានអារម្មណ៍ស្រឡាញ់ដូចទៅនឹងអ្វីដែលយេីងបាននិយាយចេញទៅដែរឬមួយក៏អត់ទេ? តេីអ្នកច្បាស់ទេថា ទំនាក់ទំនងដែលយេីងចាប់ផ្តេីមថ្មី វានឹងដូចទំនាក់ទំនងចាស់ ឬក៏ល្អជាងទំនាក់ទំនងចាស់ដែលយេីងបាត់បង់ទៅដែរទេ? ភាគរយខ្ពស់ណាស់ ដែលចម្លេីយនោះគឺអត់ទេ​ ក្តីស្រឡាញ់​ដែលយេីងមានឱ្យអ្នកថ្មីមិនដូចអ្នកចាស់ទាល់តែសោះ។ ​តាមពិតទៅ ខ្ញុំក៏ព្យាយាមដែរ​ ព្យាយាម​ស្រឡាញ់​អ្នកថ្មីឱ្យច្រេីនៗ​ តែនៅតែមិនអាចបង្ខំខ្លួនឯងបាន​ ពេលនេះខ្ញុំជឿហេីយថា គ្មានអ្នកណាបង្ខំបេះដូងបានពិតមែន​ ទោះបីជាអ្នកថ្មីគេមេីលថែខ្ញុំល្អជាងអ្នកចាស់​ គេស្រឡាញ់​ខ្ញុំជាងអ្នកមុន​ ខ្ញុំមានក្តីសុខ​ ខ្ញុំ​ញញឹមបាន​ តែខ្ញុំបែរជាមានអារម្មណ៍ថាមិនកក់ក្តៅសោះ​ ខ្ញុំបែរជាមានអារម្មណ៍ដូចកំពុងតែពាក់ស្បែកជើងរលុងអ៊ីចឹងដែរ​។ អ្នកថ្មីកាន់តែធ្វេីល្អដាក់ច្រេីនប៉ុនណា​ ខ្ញុំក៏កាន់តែនឹកដល់ទង្វេីល្អរបស់អ្នកចាស់របស់ខ្ញុំច្រេីនប៉ុណ្ណឹងដែរ​។ ស្រមៃថាបេីមនុស្សម្នាក់ដែលកំពុងតែនៅក្បែរខ្ញុំប្តួរទៅជាអ្នកចាស់វិញ ប្រហែលជាល្អជាងនេះ​ មិនត្រឹមតែប៉ុណ្ណឹងទេ…

ពេលដែលស្នេហាមួយចាប់ផ្តើមឡើង រមែងតែងឱ្យយើងមានភាពងប់ងល់ មានពេលជាច្រើន ទង្វើរបស់គេបានបង្ហាញចេញមកដោយភាពមិនបានច្បាស់លាស់។ ចង់វិនិច្ឆយថាមនុស្សប្រុសម្នាក់ស្រលាញ់អ្នកពិតប្រាកដ ឬគ្រាន់តែចាត់ទុកអ្នកជាកង់សាកួរមើលថា តើមានទង្វើទាំង៦យ៉ាងនេះឬអត់? ១. ពេលដែលគេតាមញ៉ែជាមួយអ្នក គេក៏បានតាមញ៉ែអ្នកដទៃស្របពេលជាមួយគ្នាដែរ ចង់ដឹងថា មនុស្សប្រុសម្នាក់ពិតជាស្រលាញ់ ឬចាត់ទុកអ្នកជាវត្ថុសម្រាប់កំដរអារម្មណ៍នៅពេលអផ្សុកឬអត់នោះ គឺត្រូវមើលថាពេលដែលមានគេតាមស្រលាញ់អ្នក ឬនិយាយសាសងជាមួយអ្នកសុខៗ ស្របពេលនោះគេក៏បានប្រើពាក្យសម្ដីដែលគេនិយាយមកកាន់អ្នក និយាយទៅកាន់អ្នកណាផ្សេងម្នាក់ទៀតដែរ។ មនុស្សប្រុសដែលស្រលាញ់អ្នកពិត គេមិនអាចមានទង្វើបែបនេះឡើយ ព្រោះនៅក្នុងកែវភ្នែកគេមិនអាចដាក់អ្នកផ្សេងបានទៀតឡើយ។ ២. គេស្និទ្ធស្នាលជាមួយអ្នក តែគេមិនបានបញ្ជាក់ពីទំនាក់ទំនងរបស់អ្នកទាំងពីរឡើយ បើមនុស្សប្រុសម្នាក់ស្និទ្ធស្នាល ថែមទាំងទង្វើរបស់គេបង្ហាញថា គេបានស្រលាញ់អ្នកហើយ តែមិនបានបញ្ជាក់ពីទំនាក់ទំនងអ្នកទាំងពីរច្បាស់ទេនោះ ច្បាស់ណាស់ថា គេមិនបានច្បាស់លាស់នឹងអ្នកឡើយ ឬក៏ចង់លេងសើចនឹងអ្នកតែប៉ុណ្ណោះ។ មនុស្សម្នាក់ដែលមិនបាននិយាយពាក្យ “បងស្រលាញ់”…

មានពេលខ្លះ មនុស្សស្រីចូលចិត្តនិយាយពាក្យ “ផ្ទុយ” ប៉ុន្តែតាមពិតទៅតម្រូវការជាក់ស្តែងរបស់នាង នឹងសម្ដីដែលនាងនិយាយចេញពីមាត់ គឺអាចនឹងផ្ទុយស្រឡះពីគ្នា។ ឧទាហរណ៍ក្រោមនេះ មនុស្សស្រីនិយាយថា “មិនចាំបាច់ទេ” គឺបានន័យថា ត្រូវការហើយ ដូច្នេះសូមសុភាពបុរសទាំងឡាយកុំយល់ច្រលំឱ្យសោះ។ ធារីនាងបានរអ៊ូរទាំអំពីមិត្តប្រុសរបស់នាងថា ពិតជាមនុស្សដែលមិនចេះរ៉ូមែនទិកសោះ ពេលនេះនាងកំពុងតែពិចារណាថា គួរបន្តចំណងស្នេហានេះឬក៏អត់ មិត្តប្រុសនាងមិនសូវពូកែនិយាយ ពិតជាធ្វើឱ្យនាងមានភាពហត់នឿយក្នុងទំនាក់ទំនងនេះខ្លាំងណាស់ នៅជាមួយមនុស្សប្រុសម្នាក់ដែលមិនយល់ពីនាង ធ្វើឱ្យនាងយល់ថាគ្មានន័យអ្វីសោះ ព្រោះគ្មានពាក្យសម្ដីណាដែលអាចនិយាយចូលគ្នាបាន។ ធារីបាននិយាយថា មានម្តងនោះ មិត្តប្រុសនាងបានសួរនាងថា ចង់ធ្វើខួបកំណើតរបៀបម៉េចដែរ? ធារីយល់ថាមានអ្នកណាមកសួរសាមីខ្លួនថាធ្វើខួបកំណើតបែបណានោះ នាងអន់ចិត្តរួចក៏និយាយថា ធ្វើខួបកំណើតអ្វី មិនបាច់ធ្វើទេ។ មិត្តប្រុសនាងពេលនោះគ្មាននិយាយអ្វីទាំងអស់ ធារីស្មានថាមិត្តប្រុសខ្លួនអាចធ្វើរឿងភ្ញាក់ផ្អើលក្នុងពិធីខួបកំណើតរបស់នាង នៅក្នុងចិត្តនាងទន្ទឹមរង់ចាំជាខ្លាំង។…

នៅពលអ្នកធ្វេីឱ្យនាងយំ​ បេីអ្នកមិនបានលួងនាងទេ សូមកុំបន្ទោសថានាងទន់ជ្រាយ​ កុំបន្ថែមការស្ដីបន្ទោសលើនាងអី ប្រសិនជាអ្នកហ៊ានប្រេីពាក្យថាមនុស្សស្រីយំទន់ជ្រាយណាស់​ ចុះមនុស្សប្រុសដែលធ្វេីឱ្យនាងយំជាមនុស្សបែបណាវិញ? មនុស្សស្រីមិនងាយយំឱ្យអ្នកណាបានឃេីញនោះទេ​ ហេីយក៏មិនងាយយំនោះដែរ បេីនាងមិនស្រឡាញ់អ្នកខ្លាំង​ ទង្វេីដូចគ្នា​ សម្តីដូចគ្នា អ្នកធ្វេីខុសគ្នាអារម្មណ៍ក៏ខុសគ្នា​ អារម្មណ៍អន់ចិត្ត​ ខឹង​ច្រេីនរបស់មនុស្សមនុស្សស្រី វាកេីតមានឡេីងតែជាមួយមនុស្សនាងស្រឡាញ់តែប៉ុណ្ណោះ​។ ប្រសិន​បេីនាងយំព្រោះតែអ្នក នេះក៏បានន័យថា នាងស្រឡាញ់អ្នកខ្លាំងណាស់​ ពេលនាងយំគ្រាន់តែចូលទៅឱបនាង លួងលោមនាង ជួយជូតទឹកភ្នែកឱ្យនាង ហើយប្រាប់នាងឱ្យឈប់យំទៅ​ នាងក៏សប្បាយចិត្តពេកហេីយ​ វាក៏ជាអារម្មណ៍ដ៏កក់ក្តៅបំផុតដែលនាងចង់បានពីមនុស្សដែលខ្លួនឯងស្រឡាញ់​ដែរ។ មនុស្សស្រីយំ ព្រោះតែអ្នក ​មិនមែនមកពីនាងទន់ជ្រាយ​ អាងទឹកភ្នែកយកមកគំរាមអ្នកនោះទេ​ ប៉ុន្តែទឹកភ្នែកនាងស្រក់ចុះ ព្រោះមនោសញ្ចេតនាដែលនាងមានឱ្យអ្នកវាជ្រាលជ្រៅខ្លាំងណាស់។ មនុស្សស្រីយំកាន់តែខ្លាំង ក៏មានន័យថា…

ស្រឡាញ់​គេខ្លាំងពេក​ ក្រែងចិត្តគេពេក​ រហូតដល់គេលែងក្រែងចិត្តខ្ញុំ​ ស្នេហាបានគង់វង្សយូរអង្វែងព្រោះការអត់ធ្មត់​ អន់ឱន​ អធ្យាស្រ័យ​ ចេះគិតដល់អារម្មណ៍គ្នាទៅវិញទៅមក​ ស្លូតខ្លះកាចខ្លះ​ ខ្លាំងខ្លះខ្សោយខ្លះ​ ព្រោះតែចង់ថែរក្សាស្នេហាមួយនេះ​ ទង្វេីមួយចំនួន សម្តីពេលខ្លះរបស់អ្នក វាធ្វេីឱ្យខ្ញុំខឹងហេីយក៏អន់ចិត្តខ្លាំងណាស់ តែខ្ញុំក៏ជ្រេីសយកការនៅស្ងៀម ដោយសារតែខ្ញុំមិនចង់មានរឿងនឹងគ្នា។ គ្រប់ពេលខ្ញុំក៏សុខចិត្តសម្ងំយំតែម្នាក់ឯង​ រួចក៏ជូតទឹកភ្នែកចេញ ហើយក៏ត្រឡប់មកនិយាយជាមួយអ្នកវិញយ៉ាងធម្មតាបំផុត ប្រៀបដូចគ្មានរឿងអីកេីតឡេីងអ៊ីចឹង។​ ជួនកាលខ្ញុំមិនមាត់​មិនមែនខ្ញុំមិនដឹងអ្វីនោះទេ តែខ្ញុំគិតថាការដែលខ្ញុំមិននិយាយ វានឹងអាចធ្វេីឱ្យអ្នកចេះក្រែងចិត្ត​ ក្រែងអារម្មណ៍ខ្ញុំខ្លះ​ តែអ្វីៗក៏ខុសពីការគិតទាំងស្រុង។ ខ្ញុំកាន់តែមិនមាត់ អ្នកក៏កាន់តែបានចិត្ត ធ្វេីអ្វីលែងយល់ដល់អារម្មណ៍ខ្ញុំ​ អ្នកធ្វេីខុសច្រេីនលេីកច្រេីនសារខ្ញុំព្រមលេីកទោស​ ព្រមអភ័យ​ តែអ្នកបែរជាមិនព្រមកែ​ អ្នកបែរជាផ្គេីនសាងកំហុសដដែលៗម្តងហេីយម្តងទៀត​។ ព្រោះអាងថាខ្ញុំងាយលួង​…

បេីមិនស្រឡាញ់ សូមកុំផ្តល់ក្តីសង្ឃឹម​ មនុស្សដែលស្រឡាញ់គេតែងតែធ្វេីគ្រប់យ៉ាងដេីម្បីបាននៅក្បែរមនុស្សខ្លួនឯងស្រឡាញ់​ ចង់ឱ្យគេព្រមទទួលក្តីស្រឡាញ់​ ចង់ទទួលបានអារម្មណ៍ស្រឡាញ់តបមកវិញ​ ប៉ុន្តែសុំជាក្តីស្រឡាញ់ពិតប្រាកដ មិនមែនសម្តែង​ មិនមែនបោកប្រាស់​នោះឡើយ។ ខ្ញុំត្រូវការក្តីស្រឡាញ់ដែលចេញពីបេះដូង​របស់អ្នកយ៉ាងពិតប្រាកដ មិនមែនត្រូវមកបង្ខំចិត្ត​ រឹតតែកុំបង្ហាញទង្វេី​ កាយវិការ​ដូចជាស្រឡាញ់ខ្ញុំអី បេីមិនបានមានចិត្តលេីខ្ញុំទេនោះ​ សូមកុំធ្វើដូចជាស្រឡាញ់ ហើយក៏កុំបង្ហាញកាយវិការ ឬការអាណិតអាសូរចំពោះខ្ញុំ។ ខ្ញុំប្រហែលជាឈឺមិនយូរប៉ុន្មានទេ ប្រសិនបេីអ្នកបដិសេធក្តីស្រឡាញ់របស់ខ្ញុំត្រង់ៗ​ ប៉ុន្តែប្រសិនជាអ្នកបែរជាផ្តល់ក្តីសង្ឃឹមឱ្យខ្ញុំ​ ធ្វេីឱ្យខ្ញុំយល់ថា អ្នកក៏មានចិត្តស្រឡាញ់ខ្ញុំដែរ​នោះ ទាំងដែលអ្នកមិនបានស្រឡាញ់ខ្ញុំសូម្បីតែបន្តិច ខ្ញុំពិតជាឈឺចាប់ឆ្លងខែឆ្លងឆ្នាំប្រាកដណាស់​។ អ្នកកាន់តែផ្តល់សង្ឃឹម​ ខ្ញុំក៏កាន់តែលង់ស្រឡាញ់អ្នកខ្លាំងទៅៗ​ ហេីយចុងក្រោយអ្នកក៏និយាយថាអ្នកមិនបានស្រឡាញ់ខ្ញុំ​ អ្វីដែលអ្នកធ្វេីកន្លងមកអ្នកគ្រាន់តែមានអារម្មណ៍ល្អជាមួយខ្ញុំ​ តែមិនបានស្រឡាញ់​នោះឡើយ។ ប្រសិនបេីបែបនេះមែន បេះដូងខ្ញុំប្រាកដជាត្រូវបែកខ្ទេចខ្ទីរកបំណែកមិនឃេីញមិនខាននោះទេ​ ដូច្នោះហេីយ សូមកុំយកក្តីស្រឡាញ់របស់ខ្ញុំទៅលេងសេីច​…

អារម្មណ៍មនុស្សក្រោយខ្នង​ បានត្រឹមតែតាមលួចមេីល​ លួចថែគេពីក្រោយ​ ព្រោះខ្ញុំមិនមែនជាមនុស្សសំខាន់នៅក្នុងចិត្តគេ​ ខ្ញុំបានត្រឹមតែជាមនុស្សម្នាក់ដែលគេមេីលរំលង​ តែក៏មិនដែលមានអារម្មណ៍ថាខឹង ឬស្អប់គេនោះដែរ។ ​មនុស្សស្រឡាញ់គេ ទោះគេមិនស្រឡាញ់វិញ​ក៏ដោយ ឱ្យតែបាននៅជិតៗគេក៏ពេញចិត្តហេីយ​ សុំត្រឹមបានឃេីញគេមានក្តីសុខ​ ខ្ញុំក៏អបអរគេពីចម្ងាយ​ ទោះគេផ្តល់ឋានៈឱ្យត្រឹមជាមិត្ត​ ក៏ស្ម័គ្រចិត្តគ្រាន់បានថែគេនៅពេលណាគេជួបទុក្ខ​​ ជួបការលំបាក។ ដឹងច្បាស់ថាជាមនុស្សដែលគេនឹកឃេីញតែពេលណាគេពិបាកចិត្ត​ ដឹងថាយើងមានមុខតែពេលដែលគេត្រូវការ តែក៏ព្រមឱ្យស្មាគេខ្ចីទៅផ្អែក​ ឃេីញគេមិនសប្បាយចិត្តក៏កេីតទុក្ខទៅតាមគេ​ ក្នុងចិត្តចង់ឱ្យតែគេញញឹម​ បេីមាននរណាមកធ្វេីឱ្យគេយំ ក៏ខឹងជំនួស​ សឹងថាច្រានគេទៅឱ្យផុតពីផែនដី​ កុំឱ្យមកធ្វេីបាបមនុស្សដែលខ្ញុំស្រឡាញ់បានទៀត​។ ពេលខ្លះក៏លួចមានសង្ឃឹមបន្តុិចបន្តួច នៅពេលគេស្និទ្ធិស្នាលជាមួយក៏គិតថា គេអាចនឹងមេីលឃេីញយេីង​ ហេីយស្រឡាញ់យេីងវិញនៅថ្ងៃណាមួយ​។ តែប្រសិនបេីវាមិនអាចទៅរួចនោះទេ ខ្ញុំក៏បន់ស្រន់ឱ្យគេបានជួបមនុស្សល្អៗ​ មនុស្សដែលស្រឡាញ់គេ​ បារម្ភ​ពីគេស្មេីខ្ញុំ…

នៅពេលឈ្លោះគ្នា​ យេីងក៏កំពុងតែខឹងរៀងខ្លួន​ ដូច្នេះហេីយពាក្យអីក៏អាចនិយាយចេញទៅបាន​ ប៉ុន្តែមានពាក្យ៣ឃ្លាដែលគូស្នេហ៍គ្រប់គូមិនគួរប្រេីដាក់គ្នាទាល់តែសោះនៅពេលឈ្លោះគ្នា​។ តោះ! ខាងក្រោមនេះ គឺជាឃ្លាដែលអ្នកមិនគួរប្រេីនៅពេលកំពុងឈ្លោះប្រកែកគ្នាជាមួយនឹងដៃគូទាល់តែសោះ! ១. ខ្ញុំស្តាយណាស់ដែលស្រឡាញ់អ្នក ទោះមិនបាច់បកស្រាយច្រេីន​ ក៏អាចបង្ហាញថា នៅពេលដែលអ្នកស្តាប់ឮឃ្លានេះពីមាត់មនុស្សដែលខ្លួនឯងកំពុងពេញស្រឡាញ់ ប្រាកដជាឈឺចាប់មិនស្ទេីរនោះទេ​ សឹងតែថារត់ទៅបោកក្បាលនឹងជញ្ជាំងភ្លាមៗតែម្តង។​ ឃ្លានេះអ្នកប្រហែលជាចេះតែនិយាយចេញទៅព្រោះកំពុងតែខឹង​ និយាយអីឱ្យតែបានឈ្នះ​ ឱ្យតែម្នាក់ទៀតស្ងាត់មាត់រកពាក្យមកប្រកែកតមិនបាន​តែប៉ុណ្ណោះ។ តែកុំភ្លេចថា អ្នកស្តាប់មិនបានគិតថាគ្រាន់តែជាសម្តីពេលខឹង​តែប៉ុណ្ណឹងទេ តែវាធ្វេីឱ្យគេត្រូវឈឺខ្លាំងណាស់​ ឈឺបែបរកពាក្យអ្វីមកប្រាប់មិនបាន​ មិនដឹងថានិយាយបែបណាឱ្យសមនឹងចិត្តឈឺ​ រួចក៏បន្ទោសខ្លួនឯងថា មិនល្អ ដល់ថ្នាក់ធ្វេីឱ្យគេស្តាយក្រោយ​ អ៊ីចឹងមានន័យគ្រប់យ៉ាងដែលខ្លួនបានលះបង់ដេីម្បីគេកន្លងមក វាអត់មានន័យអីបន្តិចសោះឬយ៉ាងម៉េច? ត្រឹមពាក្យមួយឃ្លា តែបង្កប់នូវអត្ថន័យដែលអាចធ្វេីឱ្យអ្នកស្តាប់ឮហេីយ​ ឈឺចាប់រាប់រយពាន់ដង​ ប្រៀបដូចទៅនឹងគេយកកាំបិតមកចាក់ចំកណ្តាលដេីមទ្រូងអ៊ីចឹងដែរ។ ២.…

ខ្ញុំស្រឡាញ់នរណាម្នាក់​ ខ្ញុំមិនដែលខ្វល់ពីអតីតកាលនោះទេ​ ដូច្នេះហេីយ ​បេីអ្នកស្រឡាញ់​ខ្ញុំ កុំបារម្ភថាខ្លួនឯងធ្លាប់មានអតីតកាលមិនល្អ​ ខ្លាចខ្ញុំទទួលមិនបាន​ ព្រោះខ្ញុំស្រឡាញ់ ខ្ញុំមិនគិតទៅលេីរឿងកន្លងហួស​នោះឡើយ តែអ្វីដែលខ្ញុំចាប់អារម្មណ៍ គឺបច្ចុប្បន្នតែប៉ុណ្ណោះ​។ ខ្ញុំដឹងច្បាស់ណាស់ អ្នកណាក៏ធ្លាប់មានអតីតកាលរបស់ខ្លួនដែរ​ សូម្បីតែខ្ញុំ ក៏ខ្ញុំមានអតីតកាលដែរ អ៊ីចឹងហេីយកុំយករឿងពីមុនៗមករំខានក្តីសុខពេលបច្ចុប្បន្នអី​ ប្រសិន​បេីពីមុន អ្នកធ្លាប់ធ្វេីអ្វីមិនគប្បីក្នុងទំនាក់ទំនងស្នេហា​ ខ្ញុំសុំត្រឹមតែកុំយកទង្វេីនោះមកបន្តឱ្យខ្ញុំត្រូវឈឺចាប់ទៅ​បានហើយ។ ខ្ញុំក៏ពេញចិត្ត​ពេកណាស់ទៅហេីយ​ ប្រសិនបើអ្នកអាចបំភ្លេចអតីតកាលចោល មិនរំឭក មិនសើរើ មិនថាអតីតរបស់ខ្ញុំ ឬអតីតរបស់អ្នកខ្លួនឯងនោះឡើយ សំខាន់ យើងចាប់ផ្ដើមបច្ចុប្បន្នជាមួយគ្នា ដើម្បីស្វែងរកអនាគតល្អរួមគ្នា។ អ្នកណាៗក៏ធ្លាប់ធ្វេីខុស​ តែសំខាន់ចេះកែប្រែ​ ខ្ញុំមិនខ្វល់ទេថាពីមុនអ្នកយ៉ាងម៉េចខ្លះ​ សំខាន់បច្ចុប្បន្នអ្នកស្រឡាញ់ខ្ញុំប៉ុនណា​ ស្មោះត្រង់​នឹងខ្ញុំប៉ុនណា​…

ទំនុកចិត្តជាគ្រឹះមួយរបស់ស្នេហា​ ស្រឡាញ់​គ្នាត្រូវទុកចិត្តគ្នា​ ពាក្យនេះខ្ញុំតែងតែប្រាប់ខ្លួនឯងជានិច្ច​ រហូតដល់ពលមួយទំនុកចិត្តខ្ញុំត្រូវបានបំផ្លាញ​ ខ្ញុំដឹងថាខ្លួនឯងត្រូវគេបោកមករហូត​ ខ្ញុំក៏ចាប់ផ្តេីមក្លាយជាមនុស្សប៉ិនតាមដាន​ ពូកែសង្ស័យ​ ខ្ញុំលែងហ៊ានទុកចិត្តគេតទៀត ក្លាយជាមនុស្សដែលគិតច្រើន រហូតដល់ថ្នាក់ ធ្វើខ្លួនគួរឱ្យធុញទៀតផង។​ ខ្ញុំខ្លាចនឹងជឿសម្តីគេ​ ព្រោះសូម្បីតែទង្វេីគេនៅជឿមិនបានផង​ ខ្ញុំក៏ធុញថប់នឹងអារម្មណ៍បែប​ ស្រឡាញ់​គ្នាតែត្រូវតាមស៊េីប​ពីគ្នា​ ខ្លាចគេធ្វេីអីក្រោយខ្នង​ ខ្លាចត្រូវគេកុហកទៀត​ ទំនុកចិត្ត និងអារម្មណ៍ល្អៗជារបស់ដែលបាត់បង់ទៅហេីយ វាពិតជាំពិបាកនឹងយកមកវិញខ្លាំងណាស់​។ កុហកហេីយ​ បោកប្រាស់​ហេីយក៏សុំទោស​ ពាក្យសុំទោសមិនបានស្តារការជឿទុកចិត្ត និងអារម្មណ៍ល្អៗដែលខ្ញុំមានឱ្យអ្នកមកវិញបានគ្រប់ពេលនោះទេ​។ អ្នកអាចបន្ទោសខ្ញុំថា​ ស្រឡាញ់​គ្នាម៉េចមិនទុកចិត្តគ្នា? តាមដានដូចជនល្មេីសរហូតចឹងហត់ណាស់ អ៊ីចឹងជួយសួរខ្លួនឯងវិញផងថា កន្លងមកអ្នកបានធ្វេីអ្វីឱ្យខ្ញុំទុកចិត្តអ្វីខ្លះហើយ? មិនមែនព្រោះតែអ្នកទេមែនទេ ដែលធ្វេីឱ្យខ្ញុំលែងទុកចិត្ត​ហេីយជឿសម្តីអ្នកបែបនេះ?​ អ្នកបានកុហកខ្ញុំជាច្រេីនលេីកច្រេីនសារមកហេីយ…

ស៊ូធ្វេីជាមនុស្សអាត្មានិយម ជ្រេីសរេីសយកបុរសដែលស្រឡាញ់យេីងជាងយេីងស្រឡាញ់គេ ទេីបជីវិតស្នេហាមិនសូវជួបរឿងខកបំណង​។ នៅពេលដែលយេីងស្រឡាញ់នរណាម្នាក់ខ្លាំងជាងខ្លួនឯង​ យេីងក៏រមែងលះបង់គ្រប់យ៉ាងដេីម្បីគេ​ គិតដល់គេមុនខ្លួនឯងជានិច្ច​ ហេីយយេីងក៏តែងតែរំពឹថាគេនឹងមេីលឃេីញទង្វេីស្រឡាញ់របស់យេីង​ ផ្តល់តម្លៃឱ្យយេីង​ មានមោទកភាពចំពោះវត្តមានយេីង​ ហេីយគេក៏ស្រឡាញ់យេីងដូចដែលយេីងស្រឡាញ់គេ​។ ប៉ុន្តែគ្រប់យ៉ាងដែលយេីងរំពឹងថាវានឹងល្អ​ វាក៏មិនមែនបានល្អដូចយេីងរំពឹងគ្រប់ពេលនោះដែរ ដូចពាក្យគេថា​ រំពឹងខ្ពស់ប៉ុនណា​ ខកចិត្ត​ក៏ខ្លាំងប៉ុណ្ណឹងដែរ។ ប្រសិន​បេីគេមិនបានស្រឡាញ់យេីងដូចដែលយេីងស្រឡាញ់គេនោះទេ​ យេីងនេះហេីយជាអ្នកត្រូវមកអង្គុយខូចចិត្ត​ រួចក៏ត្រូវដេកយំព្រោះទង្វេីរបស់គេមិនចេះចប់មិនចេះហេីយ​ ក៏ដោយសារគេមិនដែលនឹកគិតខ្វល់ពីអារម្មណ៍យេីង​ មិនក្រែងចិត្ត​ មិនដែលខ្លាចបាត់បង់យេីង​ ដូចដែលយេីងខ្លាចបាត់គេ​។ បើស្នេហាវាបែបនេះ យេីងគួរតែជ្រេីសរេីសមនុស្សដែលគេខ្លាចបាត់បង់យេីង​ ស្រឡាញ់​យេីងលេីសយេីងស្រឡាញ់គេ​ ទេីបយេីងមិនចាំបាច់ត្រូវឈឺចាប់​ សុខចិត្តអាត្មានិយម​ ចង់តែឈ្នះ​ ហេីយគេក៏ព្រមឱ្យយើងឈ្នះគ្រប់ពេលដេីម្បីថែរក្សាយេីង​ ដេីម្បីក្តីសុខយេីង វាក៏ល្អជាងរស់នៅជាមួយមនុស្សដែលឱ្យយេីងចាញ់គ្រប់ពេលឈ្លោះ​ ឱ្យយេីងជាអ្នកខុសមិនដែលត្រូវ​…

ជាការពិត មានរឿង៧ចំណុចដ៏គួរឱ្យភ្ញាក់ផ្អើល ដែលទាក់ទងក្នុងរឿងស្នេហា ហើយក៏ជឿថាមានមនុស្សតិចណាស់ដែលបានដឹង។ ១. អ្វីៗគ្រប់យ៉ាងអាស្រ័យលើការថើបដំបូង ការសិក្សាដែលធ្វើឡើងដោយសាកលវិទ្យាល័យ Oxford បានបង្ហាញថា ការថើបលើកដំបូង អាចត្រូវបានប្រើដើម្បីវាស់ភាពសមរម្យរបស់ប្តីប្រពន្ធ សក្តានុពលសម្រាប់សុភមង្គល និងអាយុយឺនយូរ។ លទ្ធផលបង្ហាញថា សម្មតិកម្មដើមដែលមុខងារសំខាន់នៃការថើប គឺបង្កើនកម្រិតសម្រើបមិនត្រឹមត្រូវ។ ២. គូស្វាមីភរិយាដែលបានរស់នៅជាមួយគ្នាអស់រយៈពេលជាង ២៥ ឆ្នាំ តែងតែមានមុខមាត់ស្រដៀងគ្នា អ្នកវិទ្យាសាស្ត្រមកពីសាកលវិទ្យាល័យមីឈីហ្គែន បានសិក្សាពីរូបរាងរបស់គូស្នេហ៍។ លទ្ធផលបានបង្ហាញថា បន្ទាប់ពីការប្រើប្រាស់ជីវិតរួមរស់ជាមួយគ្នា រយៈពេល ២៥ ឆ្នាំភាពស្រដៀងគ្នានៃផ្ទៃមុខបានកើនឡើងដែលទាក់ទងទៅនឹងសុភមង្គលក្នុងអាពាហ៍ពិពាហ៍។ ទ្រឹស្តីនេះពន្យល់ពីដំណើរការដែលអារម្មណ៍ជម្រុញឱ្យមានការផ្លាស់ប្តូរសរសៃឈាម និងការកែសម្រួលសាច់ដុំមុខដែលធ្វើឱ្យគូស្វាមីភរិយាមានភាពស្រដៀងគ្នាក្នុងរយៈពេលនេះ។ ៣. អាយុនៃការរួមភេទដំបូងព្យាករណ៍ពីសុភមង្គលនាពេលអនាគត…

ត្រឹមតែពាក្យសម្ដី មិនអាចបញ្ជាក់ពីក្ដីស្រឡាញ់បានទាំងស្រុង ពីមនុស្សម្នាក់ដែលមានចំពោះអ្នកបាននោះឡើយ។ យ៉ាងណាមិញ កាយវិការ និងរបៀបនៃការបង្ហាញរបស់គាត់ចំពោះអ្នក ពិតជាសញ្ញាជាក់ស្ដែង ដែលអាចបញ្ជាក់ពីទំនាក់ទំនងរបស់អ្នកទាំងពីរបានយ៉ាងច្បាស់។ ១. គាត់តែងតែស្តាប់អ្នក ប្រសិនបើគាត់មានឆន្ទៈស្តាប់ និងពូកែលួងលោមអ្នក មិនថាពេលអ្នកសប្បាយចិត្ត ឬសោកសៅនោះទេ វាបង្ហាញថាពួកគេមិនត្រឹមតែជាអ្នកស្តាប់ដ៏ល្អប៉ុណ្ណោះទេប៉ុន្តែថែមទាំងឱ្យតម្លៃលើការទុកចិត្តនៅក្នុងទំនាក់ទំនងផងដែរ។ ព្រោះតែទម្លាប់ដែលគាត់តែងតែជាអ្នកស្ដាប់ដ៏ល្អម្នាក់ បានធ្វើឱ្យទំនាក់ទំនងជាមួយអ្នក កាន់តែរឹងមាំ និងមានភាពកក់ក្ដៅកាន់តែខ្លាំងជាងមុន។ ២. តែងតែបង្ហាញក្ដីស្រឡាញ់ ដោយការឱបក្រសោបអ្នក នៅពេលនិយាយពីស្នេហា ការឱប គឺជាសេចក្តីអំណរដ៏អស្ចារ្យបំផុតមួយរវាងមនុស្សពីរនាក់។ ប្រសិនបើដៃគូរបស់អ្នកចូលចិត្តឱបក្រសោបរាងកាយអ្នក វាបង្ហាញថាពួកគេចូលចិត្តចំណាយពេលប្រកបដោយគុណភាពជាមួយអ្នក និងផ្តល់តម្លៃនៃភាពស្និទ្ធស្នាលនៅក្នុងទំនាក់ទំនង។ មិនត្រឹមតែប៉ុណ្ណឹង ការថើបថ្ងាសដោយយកចិត្តទុកដាក់ និងការឱបពីក្រោយអ្នក ក៏ជាសញ្ញាដែលគាត់ចង់ប្រាប់អ្នកថា…

នារីគ្រប់រូបត្រូវដឹងថា មនុស្សប្រុសស្រលាញ់អ្នកប៉ុនណាក៏ដោយ មិនត្រូវស្តាប់តែសម្ដីផ្អែមល្អែមគេនោះទេ តែត្រូវមើលលើសកម្មភាពរបស់គេ ទើបបញ្ចាក់ថាគេស្រលាញ់អ្នកកម្រិតណា។ ចំពោះទង្វើហាមឃាត់ទាំង៥ខាងក្រោមនេះ អាចបង្ហាញថា គេពិតជាស្រលាញ់អ្នកពិតប្រាកដ សង្ឃឹមថាប្រិយមិត្តកុំធុញចំពោះទង្វើរបស់គេទាំងនេះអី។ ១. ហាមអ្នកមិនឱ្យធ្វើរឿងដែលប៉ះពាល់សុខភាព សារជាតិរបស់មនុស្សស្រី គឺស្រលាញ់ភាពស្រស់ស្អាត វាជារឿងធម្មតាទៅហើយ ប៉ុន្តែឱ្យតែបានជួបមនុស្សប្រុសដែលស្រលាញ់រូបនាងពិត គេមិនបានមើលសំខាន់លើ “ភាពស្អាត” ខ្លាំងជាងចរិយាមារយាទរបស់នាងឡើយ។ ហើយគេក៏មិនប្រកាន់នឹងរូបរាងធាត់ និងស្នាមជ្រួញរបស់អ្នកអ្វីនោះដែរ។ ឧទារណ៍ថា ៖ អ្នកចង់សម្រកទម្ងន់ ហើយផឹកថ្នាំផ្តេសផ្តាស បំផ្លាញសុខភាព ទោះបីជាថ្នាំនោះមានប្រសិទ្ធភាពយ៉ាងណា ក៏គេដាច់ខាតមិនឱ្យអ្នកបន្តសកម្មភាពនេះទៀតដែរ។ ដូច្នេះហើយ មនុស្សប្រុសដែលខ្វល់ខ្វាយពីសុខភាពរបស់អ្នកកាន់តែខ្លាំង បានន័យថាអ្នកសំខាន់ចំពោះគេរូបគេខ្លាំងណាស់។ ២. ហាមអ្នកកុំឱ្យទាក់ទងជាមួយមនុស្សផ្ទុយភេទច្រើនពេក…

មនុស្សស្រីដែលចូលចិត្តរអ៊ូរទាំច្រើន នៅចំពោះមុខអ្នក ក៏បញ្ជាក់ថា មកពីនាងស្រឡាញ់អ្នកខ្លាំង កាន់តែស្រឡាញ់ នាងច្បាស់ជាកាន់តែទើសនឹងទង្វើរបស់អ្នក នាងនឹងកាន់តែថ្នាំងថ្នាក់ គ្រប់ពេលដែលអ្នកធ្វើអ្វីមួយដែលនាងមិនពេញចិត្ត នាងក៏រឹតតែចង់រករឿង ឈ្លោះប្រកែកជាមួយនឹងអ្នក។ ពិតណាស់ ក៏មានមនុស្សស្រីខ្លះ មកពីនាងស្រឡាញ់អ្នកខ្លាំងពេក ទើបចេះតែរករឿង ជួនកាល មិនមានរឿងអ្វីសោះ ក៏នាងរកនឹករឿងដើម្បីឈ្លោះជាមួយអ្នកដែរ ហេតុផល ព្រោះតែនាងចង់ញ៉េះញ៉ោះឱ្យអ្នកខឹង ចង់ឱ្យអ្នកចាប់អារម្មណ៍ចំពោះនាង ជាពិសេស គឺចង់ឱ្យអ្នកលួងលោមនាងឱ្យបានច្រើន។ មែនហើយ ចរិតរបស់មនុស្សស្រី គឺពូកែរករឿងពិតមែន តែជាក់ស្ដែងណាស់ នាងបញ្ចេញចរិតទាំងនេះ ចំពោះតែមនុស្សដែលនាងស្រឡាញ់តែប៉ុណ្ណោះ ចរិតដែលគួរឱ្យធុញទ្រាន់ នាងបង្ហាញចេញ តែជាមួយមនុស្សដែលនាងគិតថាសំខាន់សម្រាប់នាងតែប៉ុណ្ណោះ មិនខុសអីពីមនុស្សប្រុសទេ…

គេមិនដែលខ្វល់ទេថា ទង្វេីនោះ​គេ ធ្វេីទៅលើមនុស្សស្រីម្នាក់ វានឹងធ្វើឱ្យនាងមានអារម្មណ៍បែបណា​? គេមិនគិតទេថា​ សម្តីនោះបេីគេនិយាយចេញទៅ​ នាងឮនាងនឹងអន់ចិត្តដែរទេ?​ គេមិនដែលសង្កេតទេថា​ នាងពិបាកចិត្ត​ នាងជួបរឿងអីឬអត់?​ គេតែងតែលេីកឡើងថា នាងមិនល្អបែបនេះ​ មិនល្អបែបនោះ​ តែនាងមិនដែលស្តាប់ឮ ចំណុចល្អរបស់នាង ចេញពីមាត់គេទេ​ គេតែងតែបន្ទោសនាងថា នាងចូលចិត្តនាំរឿង​ តែគេមិនដែលបន្ទោសខ្លួនឯងទេ ថាគេជាអ្នកបង្កេីតរឿង​ ទាំងដែលកន្លងមក ទោះនាងមិនល្អឥតខ្ចោះតែនាងក៏ស្រឡាញ់គេអស់ពីបេះដូង​ ប្រគល់ឱ្យគេនូវភាពស្មោះត្រង់​ គិតដល់គេមុនខ្លួននាងជានិច្ច​។ តែអ្វីដែលនាងទទួលបាននោះគឺ​ គេមិនដែលមេីលឃេីញក្តីស្រឡាញ់នាងហេីយ​ គេយកក្តីស្រឡាញ់នាងទៅជាន់នឹងជេីងទៀត​ ហេតុផលដែលនាងនៅតែនៅក្បែរហេីយស្រឡាញ់គេ​ ក៏ព្រោះនាងមិនបានស្រឡាញ់គេព្រោះភាពសក្តិសម​ តែព្រោះនាងស្រឡាញ់បេះដូង និងវិញ្ញាណរបស់គេ…។ ទទួលស្គាល់​ថាមានមនុស្សច្រេីនណាស់ដែលស្រឡាញ់អ្នក​…

អាចនិយាយបានថា នៅក្នុងសេចក្តីស្នេហា អ្វីដែលមនុស្សស្រីខ្វល់ខ្វាយបំផុតនោះ មិនមែនខ្លួនស្រលាញ់មនុស្សម្នាក់នោះប៉ុនណាទេ តែគឺឥរិយាបថដែលមនុស្សប្រុសមានទៅលើនាងយ៉ាងដូចម្តេច? មនុស្សស្រីងាយស្រួលខ្លាំងណាស់ ទោះជានាងខឹង អស់សង្ឃឹម ចង់ដើរចេញពីមនុស្សប្រុសយ៉ាងណា ប៉ុន្តែស្របពេលនោះដែរ ឱ្យតែមនុស្សប្រុសសុខចិត្តប្រើចិត្តស្មោះចំពោះនាង នាងប្រហែលអាចស្រលាញ់អ្នកស្ទើរស្លាប់ស្ទើររស់ក៏ថាបាន ដូចជាពេលដែលនាងខឹង ឱ្យតែអ្នកសុំទោសនាងដោយចិត្តស្មោះ បញ្ជាក់ថាលើកក្រោយអ្នកមិនធ្វើខុសទៀតទេ នាងនឹងអាចជ្រើសរើសអភ័យទោសដល់អ្នក ។ ១. កុំទុកនាងចោល ត្រូវសុំទោសនាងតាមសម្រួល ពេលដែលនាងខឹង នាងប្រហែលជាអាចមិនឱ្យអ្នករវល់នឹងនាង នាងចង់នៅស្ងាត់ម្នាក់ឯង តែសុំអ្នកកុំធ្វើតាមបែបនេះឱ្យសោះ ដាច់ខាតកុំទុកនាងចោល អ្នកត្រូវធ្វើយ៉ាងណាទៅនិយាយរកនាងមុន សុំទោសនាង បញ្ជាក់ថាលើកក្រោយអ្នកលែងធ្វើខុសទៀតហើយ ឱ្យនាងយល់ថាអ្នកខ្វល់ពីនាង។ នៅពេលដែលសុំទោសដល់នាង អ្នកគួរតែត្រៀមកាដូខ្លះដូចជា ផ្កា…

និយាយនៅក្នុងរឿងស្នេហា​ គ្មានពាក្យថា ចាញ់ឈ្នះនោះឡើយ ព្រោះថាមិនថាខាងណាចាញ់ ឬខាងណាឈ្នះនោះទេ អ្នកទាំងពីរសុទ្ធតែគ្មានផលល្អចំពោះខ្លួនឯងរៀងៗខ្លួន រឹតតែមិនមានផលល្អចំពោះទំនាក់ទំនងរវាងអ្នកទាំងពីរនោះដែរ។ នៅពេលដែលមនុស្សពីរនាក់ ស្ថិតក្នុងទំនាក់ទំនងជាមួយនឹងគ្នា ប្រសិនបើមានម្ខាងណាចាញ់ ច្បាស់ណាស់ថា ម្នាក់នោះ ប្រាកដជាដើរចេញ ដោយបន្សល់ទុកឱ្យអ្នកឈ្នះ ឈ្នះតែម្នាក់ឯង ហើយក៏ជឿថា អ្នកដែលឈ្នះនោះ ក៏គ្មានក្ដីសុខ និងសប្បាយចិត្តដែរ ព្រោះតែគេនឹងត្រូវបាត់បង់មនុស្សដែលគេស្រឡាញ់។ រីឯអ្នកដែលបានឈ្នះវិញ ច្បាស់ណាស់ថា នឹងត្រុវរស់នៅតែម្នាក់ឯង ជាមួយនឹងអារម្មណ៍ឈឺចាប់ និងឯកាខ្លាំងបំផុត។ បើដូច្នេះមែន សួរថា តើឈ្នះគ្នាដើម្បីអ្វី បើឈ្នះហើយត្រូវបែកចែកផ្លូវគ្នា ទាំងដែលការពិត ចិត្តរបស់អ្នកទាំងពីរ នៅតែស្រឡាញ់…

បុរសដែលចាស់ទុំអាចរៀងម៉ត់ចត់បន្តិច ដ្បិតតែគេមិនសូវជាចេះលេងសើចនិយាយលេបខាយធ្វើឱ្យអ្នកសប្បាយចិត្តក៏ពិតមែន តែអាចផ្តល់សន្តិភាពផ្លូវចិត្តគ្រប់គ្រាន់ដល់រូបអ្នកបាន។ ចំពោះបុរសដែលមានចរិតក្មេងខ្ចីវិញ ដ្បិតតែគេចេះរ៉ូមែនទិក អាចដើរលេងស៊ីផឹកជាមួយអ្នក កំដរអ្នកដើរហើរសប្បាយ តែមិនសូវចេះគ្រប់គ្រងអារម្មណ៍ ហើយមិនបានគិតដល់រឿងអនាគតជាមួយអ្នកឱ្យច្បាស់លាស់នោះឡើយ។ ភាពចាស់ទុំ និងភាពក្មេងខ្ចី គឺជាស្ថានភាពផ្លូវចិត្ត មិនមែនកំណត់លើអាយុនោះឡើយ យ៉ាងណាមិញ ក៏មានបុគ្គលខ្លះទោះជាមួយជីវិតនេះក៏គ្មានចរិតចាស់ទុំដែរ។ បើមិត្តនារីយើងនៅជាមួយមនុស្សប្រុសទាំងពីរប្រភេទនេះ តើនឹងមានជីវិតខុសប្លែកគ្នាបែបណាទៅ? ១. របៀបដែលគេធ្វើល្អដាក់អ្នក – មនុស្សប្រុសចាស់ទុំ មិនប្រាកដថានឹងអាចមានភាពរ៉ូមែនទិកអ្វីមែន តែនឹងយកចិត្តទុកដាក់ចំពោះការចូលចិត្តរបស់អ្នក ដូចជា កាហ្វេត្រូវថែមស្ករច្រើនបន្តិច ចូលចិត្តញុំានំខេកនៅហាងណាមួយ… បើថ្ងៃនេះអ្នកនិយាយថាមិនស្រួលខ្លួន គេនឹងកំដរអ្នកនៅផ្ទះ មិនអាចអូសអ្នកចេញទៅក្រៅជាមួយគេដោយភាពអាត្មានិយមនោះឡើយ។ អ្វីដែលល្អរបស់ពួកគេ គឺនៅក្នុងជីវភាពរស់នៅ ប្រើនូវវិធីសន្សំបន្តិចម្តងៗបង្ហាញដល់អ្នក…

ស្រឡាញ់​មនុស្សម្នាក់គ្មានហេតុផលទេ​ ការដែលយេីងទៅស្រឡាញ់នរណាម្នាក់ យេីងមិនចាំបាច់មានហេតុផលច្រេីនដេីម្បីគាំទ្រក្តីស្រឡាញ់របស់យេីងដែលមានចំពោះគេនោះទេ។​ ស្រឡាញ់​ព្រោះស្រឡាញ់​ ប្រសិន​បេីមាននរណាចូលមកសុំស្រឡាញ់ខ្ញុំ​ ហេីយគេប្រាប់ខ្ញុំថា​ គេស្រឡាញ់ខ្ញុំព្រោះតែខ្ញុំស្អាត​ ខ្ញុំល្អ​ ខ្ញុំឆ្លាតពូកែ​ ខ្ញុំនឹងបដិសេធក្តីស្រឡាញ់របស់គេភ្លាមៗតែម្តង ដោយមិនរារែកចិត្តសូម្បីតែបន្តិច​ ព្រោះខ្ញុំបានដឹងជាមុនរួចស្រេចទៅហេីយថា ប្រសិនបេីគេស្រឡាញ់ខ្ញុំព្រោះហេតុផលទាំងអស់នេះមែននោះ​ គេស្រឡាញ់​ខ្ញុំមិនបានយូរទេ​ ខ្ញុំក៏មិនចង់ខាតពេល​ ខាតក្តីស្រឡាញ់​ឥតប្រយោជន៍​ជាមួយគេដែរ​។ ហេតុអីបានជាខ្ញុំប្រាកដក្នុងចិត្តដល់ថ្នាក់នេះ​ថា គេនឹងស្រឡាញ់ខ្ញុំមិនបានយូរ​ ព្រោះគេប្រាប់ថាគេស្រឡាញ់ខ្ញុំព្រោះ​ ខ្ញុំស្អាត​ ល្អ​ ឆ្លាតពូកែ​ អ៊ីចឹងក៏បានន័យថា ប្រសិនបេីថ្ងៃណាមួយគេបានជួបមនុស្សដែលស្អាតជាងខ្ញុំ​ ល្អជាងខ្ញុំ​ ឆ្លាតហេីយពូកែជាងខ្ញុំ​ គេក៏បោះបង់ខ្ញុំចោល រួចទៅជ្រេីសយកម្នាក់នោះហេីយ​។ ត្រូវចាំថា មនុស្សដែលស្រឡាញ់យេីងពិតប្រាកដ គេត្រូវការមួយហេតុផលតែប៉ុណ្ណោះដេីម្បីមកស្រឡាញ់យេីង នោះគឺស្រឡាញ់​…

តេីការដែលយេីងប្រាប់ពីសកម្មភាពប្រចាំថ្ងៃរបស់យេីង ទៅកាន់សង្សាររបស់យេីង វាចាត់ទុកថាជាការរាយការណ៍របស់កូនចៅទៅកាន់ចៅហ្វាយនាយដែរឬទេ? ចម្លេីយនោះគឺ ប្រាកដជាអត់ទេ​! ការដែលយេីងផ្តល់ដំណឹងឱ្យគ្នាទៅវិញទៅមក ថាយេីងកំពុងធ្វេីអ្វី​ នៅជាមួយអ្នកណា​ នៅទីកន្លែងណា​ ចាត់ទុកថា​ជាការដែលយេីងបានបំពញតួនាទីជាសង្សារល្អផងដែរ​។ ការដែលយេីងធ្វេីបែបនេះ វាបានបង្ហាញថា ទោះយេីងនៅទីណា កំពុងធ្វេីអ្វី ជាមួយអ្នកណា ក៏យេីងនៅតែនឹកដល់សង្សារ​ ហេីយទុកគេនៅក្នុងចិត្តជានិច្ច​។ ហេីយការដែលយេីងទៅមកណាមកណា​ យេីងត្រូវសុំការអនុញ្ញាតពីសង្សារយេីង​ នោះក៏ចាត់ទុកថាជាទង្វេីដ៏ល្អមួយ ដែលយេីងគួរតែធ្វេី​ ទង្វេីមួយនេះបានបញ្ជាក់ថា យេីងគោរពគ្នាទៅវិញទៅមក។​ ក្នុងនាមជាសង្សារ ត្រូវចេះផ្តល់តម្លៃឱ្យគ្នាទៅវិញទៅមក​ មិនមែនចេះតែចង់ធ្វេីអ្វី​ ចង់ទៅណា​ តាមអំពេីចិត្តដោយមិនគិតខ្វល់ពីអារម្មណ៍មនុស្សដែលខ្លួនស្រឡាញ់នោះឡេីយ​ មិនមែនទុកឱ្យសង្សារត្រូវអង្គុយរង់ចាំ​ នឹកបារម្ភខ្វល់ខ្វាយ​ ព្រោះមិនដឹងថាសង្សារបាត់ទៅណា​ កំពុងធ្វេីអ្វីក៏មិនដឹងនោះទេ​។…