ស្នេហាយុវវ័យ

មនុស្សស្រីគួរឱ្យខ្លាចបំផុត នៅពេលដែលនាងដឹងរឿងគ្រប់យ៉ាង​ តែនាងជ្រេីសយកការស្ងៀមស្ងាត់ជំនួសការស្រែកឡូឡា​។ ខ្ញុំមិនមាត់​ មិននិយាយស្តីបរិយាយរៀបរាប់​ ជីកកកាយពីទង្វេីដែលអ្នកធ្វេីក្រោយខ្នងខ្ញុំ​ មិនមែនមានន័យថា ខ្ញុំមិនដឹងខ្យល់អីនោះទេ​ ខ្ញុំគ្រាន់តែចង់ផ្តល់ឱកាសដល់មនុស្សដែលខ្ញុំស្រឡាញ់​ ក្រែងអ្នកអាចភ្ញាក់រឭកចេះក្រែងដល់ចិត្តខ្ញុំ​ ហេីយចេះកែប្រែកំហុសរបស់អ្នកឡេីងវិញ​។ ខ្ញុំមិនចង់វែកញែកច្រេីន​ ព្រោះតែខ្ញុំមិនចង់បាត់បង់​ ព្រោះតែស្រឡាញ់ទេីបខ្ញុំមិនចង់និយាយអ្វីទាំងអស់​ ខ្ញុំយល់ព្រមស្តាប់ពាក្យកុហកចេញពីមាត់អ្នកទាំងញញឹម​ ខ្ញុំសុខចិត្តធ្វេីគថ្លង់ព្រោះតែចង់នៅក្បែរអ្នក​ ខ្ញុំញញឹមនៅនឹងមុខអ្នកក៏ពិតមែន តែខ្ញុំតែងលួចយំនៅក្រោខ្នងអ្នកយ៉ាងឯកាបំផុត។​ ខ្ញុំស្ងប់ស្ងាត់មិនមែនខ្ញុំល្ងង់​ ហេីយក៏មិនមែនខ្ញុំគ្មានអារម្មណ៍អី ឬមិនចេះឈឺនោះទេ​ តែខ្ញុំកំពុងតែរង់ចាំមេីល ថាអ្នកនឹងសម្តែងឆាកល្ខោនស្នេហាមិនសមប្រកបមួយនេះដេីម្បីបោកប្រាស់ខ្ញុំដល់ពេលណា​ ហេីយក៏គិតថាអ្នកអាចនឹងកែប្រែ ឬនឹកគិតអាណិតដល់ចិត្តខ្ញុំខ្លះដែរ​ទេ។​ ប្រសិន​បើ​ដល់ពេលវេលាកំណត់មួយដែលខ្ញុំទ្រាំទ្រធ្វេីជាមនុស្សល្ងង់តទៀតលែងបាន​ ខ្ញុំក៏នឹងដេីរចេញ​ ដេីរចេញយ៉ាងស្ងៀមស្ងាត់បំផុត​ ហេីយអ្នកក៏មិនចាំបាច់សួរថា​ ហេតុអីសុខៗខ្ញុំដេីរចេញ ទាំងដែលពួកយេីងមិនដែលឈ្លោះប្រកែកគ្នាសោះបែបនេះ? ចម្លេីយនេះ…

តើអ្នកដឹងទេថា ការដែលអ្នកទុកខ្ញុំចោល វាជាការដែលអ្នកកំពុងតែបង្រៀនឱ្យខ្ញុំស៊ាំនឹងការរស់នៅម្នាក់ឯង​ ហេីយមិនចាំបាច់មានអ្នកក្នុងជីវិតតទៀត។ ពេលមានខ្ញុំនៅក្បែរ អ្នកមិនសូវជាខ្វល់ខ្វាយ​ មិនដែលបារម្ភ​ មិនយកចិត្តទុកដាក់​ អ្នកគ្មានពេលវេលាគ្រប់គ្រាន់ឱ្យខ្ញុំ ព្រោះអ្នកមិនបានទុកវត្តមានខ្ញុំសំខាន់​ នៅក្នុងចិត្តអ្នកនោះឡើយ ជួនកាលអ្នកក៏រវល់ជាមួយការងាររបស់អ្នករហូតដល់ភ្លេចខ្ញុំ​ ទាំងនេះ គឺជាកាយវិការព្រងើយកន្តើយ មិនឱ្យតម្លៃខ្ញុំទាល់តែសោះ។ ខ្ញុំយល់ ថាអ្នកមានការងារត្រូវធ្វេី​ អ្នកមានភារកិច្ចត្រូវបំបេញ ប៉ុន្តែខ្ញុំក៏មិនបានឱ្យអ្នកមកចំណាយពេលជាមួយខ្ញុំ២៤ម៉ោងនោះដែរ​។ ខ្ញុំក៏ដឹង មនុស្សណាក៏គេចេះរវល់ដែរ​ តែបេីគេស្រឡាញ់គ្នា គេប្រាកដជាចេះឆ្លៀត​ឱ្យគ្នាហេីយ​ ទោះត្រឹមតែ១០នាទីក៏គេឆ្លៀតបានដែរ ដើម្បីមនុស្សដែលគេស្រឡាញ់ ដើម្បីបានក្បែរមនុស្សដែលសំខាន់។​ មនុស្សស្រីនេះណា មិនត្រូវការអ្វីច្រេីនពីមនុស្សខ្លួនឯងស្រឡាញ់ទេ​ គេត្រូវការតែពេលវេលា និងការយកចិត្តទុកដាក់​ដោយចេញពីចិត្ត មិនមែនចេះតែទុកគេចោលមិនលស់ថ្ងៃ មិនសូម្បីតែសួរនាំអំពីសុខទុក្ខរបស់នាងបែបនេះនោះឡើយ។…

ឆ្ងល់ទេ ហេតុអ្វីមនុស្សស្រីភាគច្រេីនលង់ស្រឡាញ់មនុស្សប្រុសព្រាននារី​? ខាងក្រោមនេះជាចរិតរបស់មនុស្សប្រុសព្រាននារីដែលធ្វេីឱ្យនារីភាគច្រេីនលង់ស្រឡាញ់ ៖ ១. សម្តីផ្អែម​ មនុស្សប្រុសខិលខូច​ មិនស្មោះស្នេហ៍ ភាគច្រេីនពូកែនិយាយពាក្យផ្អែមល្ហែម​ ព្រោះពួកគេអាចទាក់ចិត្តមនុស្សស្រីឱ្យលង់ស្រឡាញ់គេបានដោយសារតែពាក្យសម្តីរបស់គេនេះហេីយ។ ព្រាននារី​ភាគច្រេីនសុទ្ធសឹងតែជាមនុស្សមានថ្វីមាត់​ ពូកែញ៉ែ​ គេចេះអះអាង​ ស្បថស្បែ គេចពូកែបត់បែន គេចេះស្ទេីរទាំងអស់​ ព្រោះតែគេពូកែរកទំនុកនិយាយ​ ចេះញ៉េះញ៉ោះកំប្លុកកំប្លែង ព្រោះតែបែបនេះហេីយទេីបមនុស្សស្រីភាគច្រេីនធ្លាក់ក្នុងអន្លង់ស្នេហ៍របស់ពួកគេយ៉ាងងាយ។ ២. ពូកែលួងលោម ព្រាននារី​ភាគច្រេីនជាមនុស្សពូកែលួងលោមណាស់​ មានពាក្យសម្តីយកមកលួងគ្រប់បែបផែន​ ដោយហេតុថាមនុស្សស្រីយេីងចូលចិត្តឱ្យគេលួងផងនោះ​ រឿងអីថាមិនចាញ់ស្នេហ៍គេនោះ។ មនុស្សប្រុសដែលសាវា ភាគច្រើន ទោះខុសយ៉ាងណា ក៏គេចេះរកទំនុក ចេះលន់តួ លួងលោមមុស្សស្រី មិនត្រឹមតែទន់ចិត្តទេ…

ស្នេហា…ពាក្យមួយនេះវាពិតជាខ្លីខ្លាំងណាស់ ប៉ុន្តែវាបានបង្កប់ទៅដោយអត្ថន័យជាច្រេីន មិនថាសប្បាយ ឬកេីតទុក្ខ ការជួប ឬការបែកបាក់ ទឹកភ្នែក … ទោះវាមិនមែនជាជីវិត តែវាក៏ជាផ្នែកមួយនៃជីវិតរបស់យេីង..។ ហឹម​! វាមិនមែនជារឿងងាយស្រួលនោះទេ​ ការដែលយេីងអាចជួបនឹងមនុស្សម្នាក់ដែលស្រឡាញ់យេីង ហេីយយេីងក៏ស្រឡាញ់គេ ទាំងដែលយេីង និងគេសុទ្ធតែបានដឹង និងឃេីញពីចំណុចអាក្រក់របស់ពួកយេីងទាំងពីរ តាមរយ:ការប្រេីប្រាស់ពេលវេលាស្រឡាញ់គ្នាអស់ជាយូរ…។ ត្រូវហេីយ វាងាយណាស់ ហេីយវាក៏មិនខ្វះមនុស្សដែលគេនិយាយថាស្រឡាញ់យេីងដែរ…តែវាពិបាកណាស់ ក្នុងការជួបមនុស្សម្នាក់ដែលពិតប្រាកដ! ពិតប្រាកដបែបណា?​ ក៏បែបស្រឡាញ់គ្នាយូរៗ​ ស្រឡាញ់គ្នាតាំងពី0ដល់100 ស្រឡាញ់គ្នាខ្លាំងទៅៗ…។ សាកគិតមេីល​ មានមនុស្សស្រីប៉ុន្មាននាក់ព្រមដាក់ចិត្តស្រឡាញ់មនុស្សប្រុសម្នាក់ទាំងដឹងហេីយថាគេសាវា…? ហេីយគិតទៀតមេីលថា មានមនុស្សប្រុសសាវាប៉ុន្មាននាក់ មកខាតពេលញ៉ែមនុស្សស្រីមិនស្អាត​ មិនឆ្លាត​…

ខ្ញុំដឹងច្បាស់ណាស់ ថារវាងយើងទាំងពីរនាក់គឺវាមិនអាចនឹងមានផ្លូវអាចទៅរួចនោះឡើយ រឹតតែមិនអាចនឹងមានអនាគតមួយជាមួយនឹងគ្នា ពួកយើង មិនអាចក្លាយជាគូនឹងគ្នាជាដាច់ខាត។ ខ្ញុំដឹងថារវាងពួកយើង គឺស្ថិតនៅចំណុចនៃខ្សែបន្ទាត់ឆ្លាស់គ្នាណាស់ តែស្នេហា ខ្ញុំពិតជាមិនអាចឃាត់ការស្រឡាញ់ចំពោះអ្នកបានពិតមែន ខ្ញុំលង់ចិត្តស្រឡាញ់អ្នកតាំងពីដំបូង នៅពេលដែលដឹងថា ពួកយើងមិនអាចមានផ្លូវនឹងចាប់ផ្ដើមនឹងគ្នា ខ្ញុំបែរជារឹតតែស្រឡាញ់អ្នកខ្លាំងឡើង ខ្លាំងរហូតដល់មិនអាចដកចិត្ត កាត់ចិត្តពីអ្នកបាននោះឡើយ។ ខ្ញុំលួងខ្លួនឯងរាល់ថ្ងៃ ប្រាប់ខ្លួនឯងថា ឱ្យតែបានស្រឡាញ់អ្នកប៉ុណ្ណឹង គឺគ្រប់គ្រាន់ហើយសម្រាប់ខ្ញុំ ខ្ញុំពុំដែលចង់ទាមទារអ្វីឱ្យលើសពីនេះនោះឡើយ ព្រោះដឹងថាវាមិនអាចទៅរួច ដូច្នេះហើយ កុំទាមទារនាំតែធ្វើឱ្យខ្លួនឯងរឹតតែឈឺចាប់។ ការស្រឡាញ់ ដែលសុំត្រឹមតែស្រឡាញ់អ្នក មនុស្សម្នាក់នេះ ពេលខ្លះ​ ក៏ស្រមៃតែឯងថា ប្រសិនបើមានអភិនិហា ទេវតាអាណិតខ្ញុំពិតមែន ខ្ញុំសុំតែមួយដងប៉ុណ្ណោះ គឺសុំធ្វើជាសង្សាររបស់អ្នក…

កុំសង្ឃឹមថាស្នេហារបស់នឹងរឹងមាំ គង់វង្ស យូរអង្វែង​ដូចទៅនឹងសុីម៉ងត៍នោះ​ ប្រសិនបេីអ្នកតែងតែយកពាក្យបែកគ្នាមកដាក់នៅពីមុខ គ្រប់ពេលដែលមានបញ្ហា ឈ្លោះទាស់ទែងគ្នានោះ​ ពាក្យថាបែកគ្នា អាចនឹងងាយស្រួលនិយាយ​ តែអ្នកដែលស្តាប់បានឮហេីយ ក៏រមែងតែមានអារម្មណ៍ថាមិនស្រណុកនឹងពាក្យមួយនេះទាល់តែសោះ។​ ពាក្យថាបែក អាចជាពាក្យតែមួយម៉ាត់ក៏ពិតមែន តែពេលដែលស្តាប់ឮហេីយ វាពិតជាទេីសចិត្តខ្លាំងមែនទែន​ ជួនកាលអ្នកក៏ធ្វេីឱ្យដៃគូរបស់អ្នក មានអារម្មណ៍ធុញទ្រាន់នឹងចរិតមួយនេះរបស់អ្នកដែរ​ អាងអីអាងបែក​ អាងអីអាងចែកផ្លូវគ្នា​ វាពិតជាសង្គៀរត្រចៀកខ្លាំងណាស់។ បេីមានបញ្ហាអីមិនយល់ចិត្ត ហេតុអីមិននិយាយគ្នាឱ្យស្រួលៗ​ ពន្យល់​គ្នាម្នាក់ម្តង​ និយាយគ្នាដោយប្រេីហេតុផល​ វាល្អប្រសេីរជាងការដែលយេីងប្រេីពាក្យបែកដាក់គ្នាជាច្រេីនលើកច្រើនសារបែបនេះ។​ ត្រូវចាំថា សម្តីដែលចេញពីមាត់យេីងរួចទៅហេីយ យេីងមិនអាចលេបចូលទៅវិញបាននោះទេ​ ជួនកាលយេីងនិយាយថាបែក ឯម្នាក់ទៀតតែងតែជាអ្នកប្រកែកថាមិនបែក​ រួចយេីងក៏ជានាគ្នាវិញ។ តែអ្នកត្រូវដឹងថា ពាក្យបែកដែលអ្នកបាននិយាយចេញទៅនោះ…

មនុស្សស្រីណា សុខចិត្តធ្វេីជាព្រះនាងរបស់ប្តីអ្នកក្រ​ ក៏មិនទៅធ្វេីជាខ្ញុំកំដររបស់ប្តីអ្នកមានដែរ​ និយាយបែបនេះមិនមែនបានន័យថា​ មនុស្សប្រុសដែលមានទ្រព្យសម្បត្តិសុទ្ធសឹងតែទុកមនុស្សស្រីជាទាសករទាំងអស់នោះឡើយ​ ហេីយក៏មិនមែនបានន័យថា មនុស្សស្រីប៉ងប្រាថ្នាតែមនុស្សប្រុសដែលមិនសូវមានជីវភាពធូរធារជាគូជីវិតនោះដែរ។ ខ្ញុំចង់បានន័យថា ស្នេហារបស់ខ្ញុំមិនបានផ្តោតសំខាន់ទៅទ្រព្យសម្បត្តិក្រៅខ្លួនទេ​ តែខ្ញុំឱ្យតម្លៃទៅលេីភាពស្មោះត្រង់ច្រេីនជាង​ ការដែលខ្ញុំយល់ព្រមស្រឡាញ់នរណាម្នាក់ ខ្ញុំមេីលទៅចរិត​ ក្តីស្រឡាញ់​ និង​ ភាពស្មោះត្រង់របស់គេដែលមានឱ្យខ្ញុំ​។ មនុស្សស្រីដូចជាពួកខ្ញុំ មិនត្រេកត្រអាលនឹងលុយកាក់មាសប្រាក់របស់អ្នកណាទេ​ ខ្ញុំមានសមត្ថអាចរកប្រាក់ចិញ្ចឹមខ្លួនឯងបាន​ ដោយមិនចាំបាច់ត្រូវទៅសម្លឹងរកមនុស្សប្រុសមានទ្រព្យច្រេីនដេីម្បីឱ្យខ្ញុំពឹងផ្អែកទៅលេីលុយកាក់មាសប្រាក់របស់គេដេីម្បីរស់នោះឡេីយ​។ សម្រាប់ខ្ញុំ គូជីវិតមានឬក្រមិនសំខាន់​ទេ អ្វីដែលសំខាន់ នៅត្រង់ថា តេីគេអាចមានសមត្ថភាពមេីលថែមនុស្សស្រីម្នាក់ដែលគេស្រឡាញ់ឱ្យមានក្ដីសុខ សុភមង្គល មានស្នាមញញឹមច្រេីនជាងការសម្រក់ទឹកភ្នែកដែរឬទេ? លុយកាក់​ មាសប្រាក់ ទ្រព្យ​សម្បត្តិ​​ ជារបស់ក្រៅខ្លួនដែលពួកយេីងអាចបង្កេីតវាជាមួយគ្នាបាន​ សំខាន់ឱ្យតែមានគំនិតចេះគិតគូរ​ ព្រោះថាមនុស្សស្រីក៏មិនត្រូវការមនុស្សប្រុសដែលទន់ខ្សោយ​…

មនុស្សប្រុសដែលមានអារម្មណ៍មកលើអ្នក អ្នកមានអារម្មណ៍ប្លែកម៉្យាងចំពោះរូបគេ គេចេះតែរកឱកាសនិយាយរកអ្នកមុន ហើយនៅក្នុងចិត្តរបស់អ្នកវិញមានអារម្មណ៍ថាសប្បាយចិត្តជាខ្លាំង។ ប៉ុន្តែ មនុស្សដែលតាមស្រលាញ់អ្នក អ្នកមិនស្រលាញ់គេទេនោះ ដូច្នេះក្នុងចិត្តអ្នកសង្ឃឹមថានៅឱ្យឆ្ងាយពីគេ ព្រោះខ្លាចអ្នកដទៃយល់ច្រលំ។ ដូច្នេះនៅក្នុងទំនាក់ទំនងស្នេហា ចំពោះរឿងទាំង៣នេះ បើគេមិនបានបដិសេធទេ បញ្ជាក់ថាគេមានអារម្មណ៍លើអ្នក និងចង់នៅជាមួយអ្នកហើយ។ ១. អ្នកណាត់គេមុន បើមនុស្សម្នាក់គ្មានអារម្មណ៍លើអ្នកទេ អ៊ីចឹងពេលដែលគេដឹងថាអ្នកមានគំនិតលើគេនោះ ភាគច្រើនអាចជ្រើសរើសការដោះស្រាយយ៉ាងលឿនចំពោះការចូលចិត្តរបស់អ្នកមកលើគេ។ ដូច្នេះហើយ ទោះជាអ្នកណាត់គេជាញឹកញាប់យ៉ាងណា ក៏គេបដិសេធដោយគ្មានការស្ទាក់ស្ទើរឡើយ ថែមទាំងមិនខ្វល់ថាអ្នកឈឺចាប់ឬក៏អត់ដែរ។ យ៉ាងណា គេគិតថា កាត់ចិត្តមិនដាច់ធ្វើស្តេចមិនបាន កុំអូសបន្លាយយូរ។ ហើយបើមនុស្សម្នាក់គេមិនដែលបដិសេធអំពីការណាត់របស់អ្នកទេ ហើយនៅសប្បាយចិត្ត ចំពោះការណាត់ជួបជាមួយអ្នករាល់ដងដោយសុទ្ធតែមិនបដិសេធ មនុស្សបែបនេះ គេប្រាកដជាមានអារម្មណ៍មកលើអ្នកហើយ។…

ស្រលាញ់មនុស្សម្នាក់ គឺពិបាកក្នុងការប្រើភាសាមកបង្ហាញណាស់ តែបើមិនស្រលាញ់មនុស្សម្នាក់វិញ គ្រាន់តែមើលកាយវិកាយទៅក៏អាចដឹងហើយ។ នៅក្នុងរឿងស្នេហា អ្វីដែលខ្លាចបំផុត គឺស្រលាញ់មនុស្សដែលមិនបានស្រលាញ់យើងទាល់តែសោះ ហើយអ្នកនៅក្នុងរឿងស្នេហានេះ មានអារម្មណ៍ថាកាន់តែនឿយហត់ កាន់តែគ្មានតម្លៃ ។ អ្នកខិតខំប្រែទៅជាល្អ ដើម្បីយកចិត្តគេ អ្នកខិតខំលះបង់ ដើម្បីបំពេញចិត្តគេ ដូច្នេះអ្នកបានបាត់បង់សភាពដើមរបស់អ្នកបាត់ទៅហើយ ហើយអ្នកប្រែទៅជាមិនសប្បាយចិត្ត ឯគេវិញបែរជាទាមទារមកលើរូបអ្នកដោយភាពអាត្មានិយមទៅវិញ។ ដ្បិតតែគេចេះតែនិយាយថា ដើម្បីតែអ្នកល្អ ដ្បិតតែគេនិយាយថា ស្រលាញ់អ្នកណាស់ តែសកម្មភាព និងខ្លួនប្រាណរបស់គេបែរជាប្រាប់អ្នកថា គេកំពុងនិយាយកុហកទៅវិញ។ បើយោងតាមចិត្តវិទ្យាមកមើល មនុស្សម្នាក់ដែលស្រលាញ់អ្នកពិត ខ្លួនប្រាណរបស់គេ គឺជាការបង្ហាញដ៏ស្មោះត្រង់បំផុត។ ១. ភាពស្និទ្ធស្នាល មនុស្សប្រុសម្នាក់ប្រសិនបើស្រលាញ់អ្នក…

កន្លងមកនេះ ខ្ញុំប្រហែលជាល្ងង់ខ្លាំងណាស់ហើយ ដែលតែងតែទ្រាំគ្រប់សព្វបែបយ៉ាង ព្រោះតែពាក្យពីរម៉ាត់គឺ ស្រឡាញ់។ សេចក្ដីស្រឡាញ់ដ៏លើសលប់ ដែលខ្ញុំមានចំពោះអ្នក វាបានធ្វើឱ្យខ្ញុំក្លាយជាមនុស្សល្ងង់ដោយមិនដឹងខ្លួន គឺល្ងង់ដែលនៅតែស្រឡាញ់អ្នក ទាំងដែលដឹងថា ការស្រឡាញ់មួយនេះ វាមិនដែលទទួលបានតម្លៃ និងការតបស្នងពីអ្នកមកវិញសោះ។ រយៈពេលជាយូរមកនេះ គឺមានខ្ញុំតែងតែគិតតែម្នាក់ឯងប៉ុណ្ណោះ លះបង់ដើម្បីអ្ននក៏តែម្ខាងដែរ ចេះតែខ្លាចធ្វើឱ្យអ្នកអន់ចិត្ត ចេះតែគិតបារម្ភ ខ្វាយខ្វល់ពីអ្នកតែម្នាក់ឯង អ្វីដែលសំខាន់ គឺខ្ញុំឆ្កួតតែឯង ដែលតែងតែខ្លាចបាត់បង់អ្នក ទាំងដែលការពិតទៅ អ្នកមិនដែលគិត និងចង់ថែរក្សាខ្ញុំសូម្បីតែបន្តិច។ មែនហើយ ការស្រឡាញ់តែម្ខាង មិនអាចទ្រាំបានយូរទេ! ការលះបង់តែម្ខាង ក៏មិនដែលទទួលបានតម្លៃត្រឡប់មកវិញដែរ។ ដូចជាខ្ញុំកន្លងមកនេះ ចំពោះអ្នក…

ក្នុងមួយជីវិតនេះ យេីងប្រាកដជាជួបមនុស្សច្រេីនប្រភេទណាស់​ ចំណែកឯអ្នកចូលមករកយេីងក្នុងន័យស្នេហាក៏មានមិនតិចដែរ​។ តែក្នុងចំណោមអ្នកទាំងអស់នោះ មិនមែនសុទ្ធតែជាមនុស្សដែលស្រឡាញ់យេីងពិតប្រាកដ​ គិតចង់ច្បាស់លាស់ជាមួយយេីងទាំងអស់នោះទេ។ មនុស្សខ្លះក៏គ្រាន់តែដេីរកាត់ក្នុងជីវិតយេីង នាំរឿងមកឱ្យយេីងត្រូវអង្គុយខកចិត្ត​ ដេកខូចចិត្ត​ យំស្តាយនូវក្តីស្រឡាញ់របស់យេីងដែលផ្តល់ទៅឱ្យមនុស្សខុសដូចជាគេតែប៉ុណ្ណឹងឯង​។ ដំបូងក៏ធ្វេីដូចជាស្រឡាញ់ ហួងហែងយេីងខ្លាំងណាស់​ តែចុងក្រោយក៏បោះបង់យេីងទៅស្រវាយកស្នេហ៍ថ្មីទៀត​។ ចំណែកមនុស្សខ្លះវិញ ក៏ទាក់ទងគ្នាបានយូរក្រែលគ្រាន់បេីដែរ​ តែបែរជាត្រូវមានរឿងស្មានមិនដល់ធ្វេីឱ្យយេីងមិនអាចបន្តជាមួយគ្នាបានទៅវិញ។​ មនុស្សខ្លះទៀតក៏ស្រឡាញ់យេីងខ្លាំងណាស់​ គិតចង់ច្បាស់លាស់ជាមួយយេីងពិតមែន​ តែយេីងបែរជាមិនផ្តល់ឱកាសឱ្យគេ​ ព្រោះតែយេីងមិនអាចបង្ខំឱ្យបេះដូងស្រឡាញ់គេ​បាន​ ទោះគេធ្វេីល្អដាក់យេីងប៉ុនណាក៏ដោយ​ ក៏យេីងមិនព្រមទទួលយកស្នហារបស់គេ​ ដោយហេតុថាស្នេហាជារឿងបង្ខំគ្នាមិនបាន​ ស្រឡាញ់​គឺស្រឡាញ់​ អត់គឺអត់​ហេីយ​ បានត្រឹមតែអាណិត ហេីយក៏អរគុណ និងចងចាំថាមានម្តងនោះក្នុងជីវិតដែលមានមនុស្សល្អដូចជាគេមកស្រឡាញ់យេីង​។ ឯមនុស្សខ្លះវិញ គេមកស្រឡាញ់យេីង​ យេីងក៏ស្រឡាញ់គេ​ តែសំណាងមិនល្អពួកយេីងស្គាល់គ្នាខុសវេលាទេីបមិនអាចស្រឡាញ់គ្នា​។…

មនុស្សជាច្រើន តែងតែបន្ទោសមនុស្សស្រី ដែលសុខចិត្តទ្រាំជាមួយនឹងមនុស្សដែលតែងតែធ្វើឱ្យនាងឈឺចាប់ តែងតែអភ័យទោស ឱ្យមនុស្សដែលតែងតែក្បត់ខ្លួនម្ដងហើយម្ដងទៀត គ្រប់គ្នាបន្ទោសនាងដែលទន់ជ្រាយ ចេះតែលើកលែង ទន់ចិត្ត ទោះបីខ្លួនត្រូវឈឺចាប់ច្រើនលើកច្រើនសារ នៅតែព្យាយាមរក្សាទំនាក់ទំនងដែលមានតែការឈឺចាប់ មិនព្រមបែក។ មែនហើយ មនុស្សស្រីកម្មណាស់ ទោះបីឈឺចាប់ក៏នៅតែទ្រាំ ទោះបីគេក្បត់ក៏នៅតែអភ័យ គ្រាន់តែពាក្យសម្ដីសុំទោស ពាក្យសន្យាថានឹងកែ ក៏ព្រមលើកលែងឱ្យគេមួយដង ជាពីរដង រហូតដល់មានឈ្មោះជាមនុស្សស្រីល្ងង់ខ្លៅ សាច់កម្ម ក៏នៅតែបណ្ដោយឱ្យខ្លួនឯងដុនដាប ទ្រុឌទ្រោមនឹងទំនាក់ទំនងមួយនេះ។ ប៉ុន្តែការពិតនៃភាពល្ងង់ឆោត សាច់កម្មរបស់មនុស្សស្រី មិនមែននាងមិនដឹងនោះទេ តែព្រោះតែសេចក្ដីស្រឡាញ់ ចិត្តមេត្តា ការលើកលែងទោស ការទុកឱកាស ព្រោះយល់ថា មនុស្សម្នាក់នឹងកែ​…

ស្រឡាញ់​ទេីបទ្រាំ​ ស្រឡាញ់​ទេីបធ្វេីល្ងង់​ តេីអ្នកចង់ប្រេីទ្រឹស្តីមួយនេះដល់ពេលណាទៀត? វាដល់ពេលហេីយ ដែលយេីងត្រូវរក្សាតម្លៃក្នុងភាពជាមនុស្សស្រីរបស់យេីងម្តង​ បេីគេមិនឱ្យតម្លៃក្តីស្រឡាញ់របស់យេីង​ គេមិនដែលមេីលឃេីញការលះបង់របស់យេីង​ គេមិនដែលមេីលឃេីញភាពល្អនៅក្នុងខ្លួនរបស់យេីង​ ហេីយគេក៏មិនដែលខ្លាចនឹងបាត់បង់យេីងផង​ តេីយេីងត្រូវទ្រាំស្រឡាញ់គេដល់ពេលណាទៀត? នៅពេលដែលគេបានសម្រេចចិត្តថាលួចលាក់ទាក់ទងអ្នកផ្សេងនៅក្រោយខ្នងយេីង​ វាក៏បានបញ្ជាក់រួចបាត់ទៅហេីយថា​ គេមិនបានទុកយេីងនៅក្នុងចិត្តបន្តិចណាសោះឡេីយ​ គេមិនខ្លាចក្រែងរអែងចិត្តយេីងដែលជាសង្សារគេទេ​ គេហ៊ានកុហកបោកប្រាស់​ ក៏បានន័យថា គេមិនគោរពឱ្យតម្លៃដល់យេីងនោះទេ​ យេីងព្រមលេីកលែងឱ្យគេម្តងហេីយម្តងទៀត​ ផ្តល់ឱកាសឱ្យគេជាច្រេីនលេីកច្រេីនសារ ព្រោះយល់ថាមនុស្សស្រឡាញ់អ្នក​ ត្រូវចេះអត់ឱនឱ្យគ្នា​ តែគេបែរជាយល់ថាឱកាសរបស់យេីងដូចជាទំនិញមានលក់នៅលេីទីផ្សារ​ ចង់បានពលណាក៏ទិញពេលនោះ​។ ទង្វីសព្វគ្រប់បែបយ៉ាងរបស់គេបានបង្ហាញយ៉ាងច្បាស់ក្រឡែតហេីយថា​ គេមេីលងាយជាន់ឈ្លីក្តីស្រឡាញ់យើងដល់កម្រិតណា​ ព្រោះតែយេីងធ្វេីឱ្យគេដឹងចិត្តថា យេីងរស់ខ្វះគេមិនបាន​ គេក៏គិតថា យេីងនឹងទ្រាំជាមួយគេរហូត​ គេធ្វេីអីមិនចាំបាច់គិតដល់អារម្ម៍យេីង ព្រោះយ៉ាងណាក៏យេីងនៅតែស្រឡាញ់គេ​ កាន់តែស្រឡាញ់កាន់តែលះបង់​…

មនុស្សប្រុសពូកែកុហក​ ឬ​មនុស្ស​ស្រីងាយនឹងជឿ? ភាគច្រេីននៅក្នុងទំនាក់ទំនងស្នេហា មនុស្សប្រុសចូលចិត្ត​ប្រេីពាក្យសន្យាមកបញ្ជាក់ចិត្ត​ស្មោះ​ គេចូលចិត្តបង្កេីតពាក្យសន្យាឡេីង ដេីម្បីឱ្យមនុស្សស្រីជឿទុកចិត្ត​។ មិនមែនថាមនុស្សស្រីងាយនឹងជឿសម្តីគេមិនមេីលមុខក្រោយនោះទេ​ តែដែលនាងព្រមជឿព្រោះនាងគិតថាទំនាក់ទំនងស្នេហាមួយរឹងមាំ ហេីយដេីរទៅមុខបានលុះត្រាណាតែយេីងទាំងពីរចេះជឿទុកចិត្តលេីគ្នាទៅវិញទៅមក​។ រហូតដល់ពេលដែលទំនុកចិត្តត្រូវបានបំផ្លាញ​ ព្រោះពាក្យសន្យាត្រូវបានបំពានជាញឹកញាប់ពេក ទេីបធ្វេីឱ្យខ្ញុំយល់ថា ពាក្យសន្យាគ្រាន់តែជាពាក្យកុហកដែលគួរសមបំផុតតែប៉ុណ្ណឹងឯង​។ សន្យាគ្រាន់តែជាពាក្យឱ្យខ្ញុំស្ងប់ចិត្តតែប៉ុណ្ណោះ។​ ស្ងប់ចិត្តមិនសង្ស័យ ថាគេអាចនឹងធ្វេីរឿងមិនគប្បីចំពោះខ្ញុំ​ ព្រោះគេបានសន្យារួចទៅហេីយ​ ប៉ុន្តែអ្វីៗមិនដូចការគិតទេ​ សន្យាបានក៏ក្បត់សន្យាបានដែរ បង្កេីតឡេីងបានតែមិនធ្វើវាបាន​ នេះហេីយជាអ្វីដែលមនុស្សបំពានពាក្យសន្យាតែងតែគិត។ នៅពេលដែលអ្នកបានបំពានសន្យារបស់ខ្លួនឯង​ ក៏បានន័យថា តទៅសម្តីរបស់អ្នកលែងមានតម្លៃអីទៀត​ហើយ ហេីយអ្នកក៏លែងបានទទួលការទុកចិត្តតទៅទៀត​ ដូច្នោះហេីយ​ ខ្ញុំគ្រាន់តែចង់ផ្តាំប្រាប់ទៅមនស្សប្រុសទាំងឡាយថា​ កុំសន្យានូវអ្វីដែលអ្នកធ្វេីមិនបាន​ មនុស្សស្រីពូកែចាំណាស់​ នាងចាំគ្រប់សម្តីដែលអ្នកនិយាយ​ អ៊ីចឹងកុំប្រញាប់សន្យានៅពេលអ្នកសប្បាយចិត្ត​ ក្រែងថ្ងៃក្រោយទៅអ្នកភ្លេចសន្យារបស់អ្នក​…

ទាក់ទងគ្នាយូរទៅក៏កាន់តែយូរទៅ​ សារក៏កាន់តែខ្លីទៅៗ​ ពេលវេលាដែលមានឱ្យគ្នា វាក៏កាន់តែខើចទៅៗ។​ ពិតណាស់ ពាក្យថាសង្សារ ក៏ស្តាប់ទៅយេីងដូចជិតដិតនឹងគ្នាខ្លាំងណាស់​ តែទង្វេីរបស់អ្នកធ្វេីឱ្យខ្ញុំគិតថា យេីងហាក់នៅឆ្ងាយពីគ្នារាប់មុឺនយោជន៍ចឹងឯង។ អ្នកមិនដែលសួរទេថា ខ្ញុំកេីតអី​? មិនខ្វល់ទេថាធ្វេីចឹងខ្ញុំនេះខឹងអត់​? មិនបារម្ភទេថា ខ្ញុំមានអារម្មណ៍បែបណា​? ខ្ញុំអន់ចិត្តដែរទេ?​ គ្រប់ពេលខ្ញុំសួរនាំ អ្នកបែរឆាប់ខឹងមិនដែលចេះមានកំហុស​ អ្នកក្បត់ខ្ញុំហេីយ បែរជាខ្ញុំអ្នកខុសទៀតអ្នកថាខ្ញុំសាំ​ ប្រារព្ធពិធីអបអរទេ?​ អបអរដែលអ្នកអស្ចារ្យខណៈនេះ​ តម្លៃខ្ញុំដូចសន្លឹកបៀរ២ប៊ិកអ៊ីចឹងដែរមែនអត់?​ បេីបែបហ្នឹង ខ្ញុំសុខចិត្តធ្វេីជាអ្នកចាញ់​ មិនសុំធ្វេីជាមនុស្សស្រីល្អពូកែទ្រាំតទៅទៀតទេ​ ព្រោះខ្ញុំកាន់តែទ្រាំអ្នកកាន់តែមិនឱ្យតម្លៃ​ បេីអ្នកចង់បញ្ចប់ក៏ប្រាប់ខ្ញុំតាមត្រង់មកចុះ​ កុំធ្វេីព្រងេីយៗ​ដូចអ្នកដទៃបែបនេះអី​ ខ្ញុំហត់ចិត្តខ្លាំងណាស់​ ឋានៈខ្ញុំពេលនេះមិនស្មេីអ្នកដទៃផង មែនអត់?​ ព្រោះខ្ញុំឃេីញកាយវិការ…

ពីមុនអ្នកក្បត់ខ្ញុំ ព្រោះអ្នកមិនចេះឆ្អែតឆ្អន់​ ពេលនេះខ្ញុំក្បត់អ្នកវិញម្តង ព្រោះគេស្រឡាញ់ខ្ញុំជាងអ្នក។​ ក្តីស្រឡាញ់មនុស្សប្រុស និងមនុស្សស្រីមិនដូចគ្នាទេ​ មនុស្សប្រុសដំបូងៗក៏ស្រឡាញ់ណាស់ យូរៗទៅក៏ថយទៅបន្តិចម្តងរហូតដល់អស់រលីងនៅពេលបានជួបអ្នកថ្មី​។ ចំណែកឯមនុស្សស្រីវិញ ដំបូងៗមិនសូវជាស្រឡាញ់ប៉ុន្មានទេ តែយូរៗទៅក៏ស្រឡាញ់ខ្លាំងទៅៗ​ ស្រឡាញ់​ខ្លាំង ​ស្មោះស្ម័គ្រ​មិនដែលគិតថាក្បត់ ឬមានចិត្តទៅឱ្យអ្នកណាផ្សេង​ រហូតដល់ត្រូវបានមនុស្សដែលខ្លួនឯងស្រឡាញ់ក្បត់ក៏នៅតែលេីកលែងទោសម្តងហេីយម្តងទៀត​។ តែដោយគេរវល់តែលួចលាក់ជាមួយមនុស្សស្រីថ្មីរបស់គេ​ គេក៏មិនដែលខ្វាយខ្វល់ចាប់អារម្មណ៍យកចិត្តទុកដាក់នឹងយេីងដូចកាលស្រឡាញ់គ្នាដំបូងៗឡេីយ​ ក្នុងពេលជាមួយគ្នានេះ ក៏មានមនុស្សប្រុសម្នាក់ផ្សេងទៀត​ ដែលគេសុំស្រឡាញ់យេីងដំណាលគ្នានឹងសង្សារយេីងដែរ តែយេីងបែរជាមិនជ្រេីសរេីសយកគេនោះ​។ មើលរំលងមនុស្សដែលតែងតែនៅក្បែរយេីង​ លួងលោមយេីងពេលដែលសង្សារយេីងធ្វេីបាបចិត្ត​  តាំងពីដេីមមកដល់ឥឡូវ គេម្នាក់នោះនៅតែដូចដេីម​ នៅតែស្រឡាញ់​ខ្ញុំ​ បារម្ភ​ភ័យព្រួយពីខ្ញុំ​ ទោះបីខ្ញុំនៅក្បែរអ្នកណាក៏ដោយចុះ​ គេក៏ស្ម័គ្រចិត្តនៅក្បែរខ្ញុំ​ ធ្វេីគ្រប់យ៉ាងឱ្យតែខ្ញុំសប្បាយចិត្ត គេក៏ពេញចិត្ត ហេីយ​…

មនុស្សប្រុសប្រែប្រួលព្រោះអស់ចិត្ត​ តែមនុស្សស្រីមិនដូចដេីមព្រោះឆ្អែតចិត្ត​។ ប្រាកដណាស់ ខ្ញុំពីមុន និងខ្ញុំពេលនេះ…ពេលនេះខ្ញុំប្រែជាស្ងាត់ស្ងៀមស្ទេីរគ្រប់រឿង​ ខ្ញុំនិយាយតែចំណុចសំខាន់មិនលម្អិត មិនរៀបរាប់ច្រើន ក៏មិនបកស្រាយច្អ្វីវែងឆ្ងាយនោះដែរ​ គេចង់គិតបែបណាក៏ស្រេចតែគេ​ ព្រោះខ្ញុំមិនបានចង់ឈ្នះ​ ខ្ញុំហត់នឹងតបត​ នឿយនឹងឈ្លោះប្រកែក រឹតតែមិនចង់តវ៉ាអ្វីទៀតនោះឡើយ។ ខ្ញុំគ្រាន់តែចង់ប្រាប់ពីកំហុសគេដោយត្រង់​ ក្រោយពីនោះខ្ញុំក៏សុំទោសបេីខ្ញុំនិយាយទៅវាខុសទាស់​អ្វី ហេតុផលខ្ញុំចង់ឱ្យគេដឹងខុសដោយខ្លួនឯង​ ពិចារណា​ថាគេខុសពិតឬអត់?​ ពេលខ្លះ​ខ្ញុំដឹងគ្រប់រឿងតែហត់នឹងតាមប្រាប់​ ហត់នឹងស្ដីបន្ទោសខ្លាំងណាស់ ដូច្នេះហើយ ក៏មិនចង់តាមសុំអង្វរ​ លន់តួគេឱ្យឈប់​នោះដែរ បែបនេះមានតែរង់ចាំថ្ងៃដែលគេគិតឃេីញ ហេីយឈប់ដោយខ្លួនឯង​តែប៉ុណ្ណោះ។ តែបើមនុស្សនៅតែបន្តធ្វើខុស មិនមិនព្រមឈប់ មិនចេះកែទៀតនោះ គឺមានតែខ្ញុំនេះហេីយជាអ្នកឈប់​ គឺឈប់បន្តទ្រាំ រួចហើយក៏ដេីរចេញទៅយ៉ាងស្ងាត់ៗ…។ ខ្ញុំធ្លាប់​និយាយប្រាប់គេច្រេីនដង​ ថាខ្ញុំមិនពេញចិត្តត្រង់ណា​…

មនុស្សស្រីនេះណាគឺបែបហ្នឹងហើយ មាត់ផ្សេងចិត្តផ្សឹង​ មាត់រឹងចិត្តទន់​ មនុស្សប្រុសភាគច្រេីនមិនបានស្វែងយល់ពីភាសារបស់មនុស្សស្រី​ ហេីយក៏និយាយឡេីងថាមនុស្សស្រីពិបាកយល់​ តោះ!មកមេីលខាងក្រោមនេះ ជាឃ្លាមួយចំនួនដែលមនុស្សប្រុសឧស្សាហ៍បានឮពីមនុស្សស្រីដែលខ្លួនស្រឡាញ់ តែមិនបានដឹងពីអត្ថន័យពិតប្រាកដរបស់វា​នោះឡើយ។ ១. អត់អីទេ នៅពេលមនុស្សស្រីនិយាយពាក្យនេះ​ នាងមិនបានមានន័យដូចទៅនឹងពាក្យនេះទេ​។ ប្រសិនបេីពាក្យនាងនិយាយពេលដែលអ្នកធ្វេីអ្វីមិនគប្បីចំពោះនាង​ ត្រៀមខ្លួនាមលួងឱ្យហេីយទៅ ដឹងតែខឹងរំលងយប់រំលងថ្ងៃ មិនខាន ដូច្នេះហើយ កុំទៅជឿតាមពាក្យ ដែលនាងថា អត់អីទេ នេះឱ្យសោះ​។ មួយវិញទៀត​បេីពាក្យនេះជាចម្លេីយនៅពេលដែលអ្នកសួរថា កេីតអី? ព្រោះឃេីញទឹកមុខនាងមិនសូវសប្បាយចិត្ត ឬពេលនាងកំពុងមានបញ្ហា នោះក៏បានន័យថា នាងមិនអូខេទេ​។ អ្នកត្រូវនៅក្បែរនាងលួងលោមផ្តល់កម្លាំងចិត្តដល់នាង​ ដែលនាងឆ្លេីយថាមិនអីគ្រាន់តែមិនចង់ឱ្យអ្នកគិតច្រេីនតាមដែរ​តែប៉ុណ្ណោះ​ ហេីយនាងក៏ជឿថាអ្នកនឹងអាចយល់បាន ដោយមិនចាំបាច់ឱ្យនាងនិយាយរៀបរាប់ច្រើននោះឡើយ។ ២.…

សុភាពនារីទាំងឡាយ អ្នកត្រូវដឹងថា ស្រលាញ់មនុស្សម្នាក់ដោយពិតប្រាកដ មិនមែនស្រលាញ់គេស្ទើរស្លាប់ស្ទើរស់អត់គេមិនបាននោះទេ តែត្រូវគប្បីបំពេញបំណងគេ ហើយរៀនចេះទៅបំភ្លេចគេឱ្យបាន។ មនុស្សប្រុសម្នាក់ ដោយសារតែស្រលាញ់អ្នក ដូច្នេះសង្ឃឹមថាអ្នកទទួលបានសុភមង្គល ទោះជាគេទ្រាំមិនបានយ៉ាងណា មិនដាច់ចិត្តយ៉ាងណា ក៏គេនៅតែជ្រើសរើសបោះបង់អ្នកដែរ ដើម្បីឱ្យអ្នកទៅស្វែងរកសុភមង្គលនៅក្នុងចិត្តរបស់អ្នក។ ផ្ទុយមកវិញ បើប្រុសម្នាក់មិនបានស្រលាញ់អ្នកពិតនោះ គ្រាន់តែចង់បានខ្លួនប្រាណអ្នកប៉ុណ្ណោះ នោះគេនឹងបង្ខំអ្នកឱ្យអ្នកធ្វើការជ្រើសរើស នេះមិនមែនក្តីស្រលាញ់ទេ គឺជាការធ្វើបាប។ ពេលដែលមនុស្សប្រុសម្នាក់ នៅក្នុងចិត្តគេមិនអាចបំភ្លេចអ្នកបាន គេនឹងនឹកអ្នកជាខ្លាំង តែគេមិនអាចទៅរំខានអ្នកនោះទេ មិនអាចទៅជ្រៀតជ្រែកជីវិតរស់នៅរបស់អ្នកឡើយ រឹតតែមិនអាចដោយសារតែអារម្មណ៍របស់គេមួយគ្រា បែរជាធ្វើឱ្យអ្នកធ្លាក់ចូលទៅក្នុងស្ថានភាពលំបាកនោះដែរ។ ខ្ញុំគិតថា ប្រាកដជាមានមនុស្សស្រីជាច្រើនយល់ថា ស្នេហារបស់មនុស្សប្រុសគឺងប់ងល់ណាស់ ឱ្យតែស្រលាញ់ហើយ គឺដាច់ខាតត្រូវតែយកឱ្យបាន។ ប៉ុន្តែតាមពិតទៅ…

គេថាមនុស្សស្រីស្រឡាញ់ពី​សូន្យដល់មួយរយ វាគឺជាការពិត ហើយនៅពេលដែលនាងដាក់ចិត្តស្រឡាញ់នរណាម្នាក់ហើយនោះ ច្បាស់ណាស់ថានាងនឹងយកចិត្តទុកដាក់សព្វគ្រប់បែបយ៉ាងចំពោះមនុស្សម្នាក់នោះ មិនថាចំណង់ចំណូលចិត្ត កាយវិការ សកម្មភាព ប្រចាំថ្ងៃ ប្រចាំខែ ប្រចាំឆ្នាំនោះទេ គឺនាងដឹងទាំងអស់ អាចនិយាយបានថា នាងដឹងច្បាស់ពីមនុស្សម្នាក់នោះយ៉ាងពិតប្រាកដ។ ជាពិសេស នៅពេលដែលនាងស្រឡាញ់ខ្លាំង សកម្មភាពរបស់នាង ក៏ប្រហែលជាមើលទៅសាំញុំា គួរឱ្យធុញទ្រាន់ថែមទៀតផង តែគ្រប់យ៉ាងទាំងនេះ ក៏ព្រោះតែនាងយកចិត្តទុកដាក់ ព្រួយបារម្ភ Take Care ពីមនុស្សដែលនាងស្រឡាញ់។ លើសពីនេះ នាងថែមទាំងចូលចិត្តសួរនាំ ដេញដោល ប្រចណ្ឌ ហួងហែងមនុស្សដែលនាងស្រឡាញ់ស្ទើរតែគ្រប់ពេល គ្រប់កន្លែង ជាពិសេស គឺពេលដែលដៃគូរបស់នាងឃ្លាតឆ្ងាយ…