ដើរកម្សាន្ត

ជាការពិតណាស់សព្វថ្ងៃ ​មនុស្សចូលចិត្តការដើរកម្សាន្តដើម្បីបំបាត់ក្តីនឿយហត់  ស្ត្រេស ​និងចង់ទទួលបានភាពរីករាយផងដែរ ​ដូច្នេះហើយបានជាការដើរលេងតាមបណ្តាខេត្តដែលមានធម្មជាតិស្រស់ស្រាយក្លាយជាជម្រើសរបស់មនុស្សជាច្រើន ​តែសម្រាប់អ្នកដែលចង់ទទួលបានបរិយាកាសស្ងប់ស្ងាត់បែបធម្មជាតិផង  ចង់រស់នៅជីវភាពស្រុកស្រៃបែបសាមញ្ញផង ​តែមិនសូវមានពេលវេលាធ្វើដំណើរទៅឆ្ងាយនោះ « ​ក្នុងស្រុក ​» សូមណែនាំកន្លែងស្នាក់នៅមួយកន្លែងដ៏ពេញនិយមនោះគឺ  « Maya  Village  »។ Maya Village គឺជាលំនៅដ្ឋានខ្មែរបុរាណបែបទេសចរណ៍ ដែលជាទីពេញនិយមសម្រាប់ភ្ញៀវទេសចរជាតិ និងអន្តរជាតិក្នុងការមកទស្សនាព្រមទាំងជួលនូវសេវាកម្មសម្រាកលំហែកាយផងដែរ ​ដោយសារតែកន្លែងស្នាក់នៅមួយនេះ មានការរៀបចំជាលក្ខណៈផ្ទះខ្មែរបុរាណជាច្រើនខ្នងដែលប្រមូលទិញពីគ្រប់ខេត្តក្រុង ទាំងតូចទាំងធំ ​យកមកកែច្នៃ ​តុបតែងបន្ថែម ឯផ្ទះខ្លះថែមទាំងមានអាយុ ៣០ ​ទៅ ​៥០ឆ្នាំផងដែរ សម្រាប់ភ្ញៀវស្នាក់កម្សាន្ត  គ្រាន់តែឈានជើងចូលអ្នកនឹងមានអារម្មណ៍ថាស្រស់ស្រាយ…

ដូចដែលយើងបានដឹងរួចមកហើយថា  វិស័យទេសចរណ៍គឺជាធនធានយ៉ាងសំខាន់ដែលនាំឱ្យសេដ្ឋកិច្ចប្រទេសជាតិមានការរីកចម្រើន  ជាពិសេសថែមទាំងលើកមុខមាត់ប្រទេសទៅកាន់បណ្តាប្រទេសជុំវិញពិភពលោកឱ្យដឹង  ឱ្យស្គាល់ពីប្រទេសទេសចរណ៍មួយនេះទាំងផ្នែកធនធានសម្បត្តិធម្មជាតិ  សិល្បៈ វប្បធម៌ និងកន្លែងកម្សាន្តពិសេសៗអស្ចារ្យផងដែរ។ ចំណូលពីវិស័យទេសចរណ៍នានានៅលើបណ្តាប្រទេសមួយចំនួនត្រូវបានគេដឹងថាមានចំនួនច្រើនដែលអាចជួយប្រជាជននៅក្នុងភូមិស្រុក និងតំបន់ទេសចរណ៍នោះបានឱ្យរស់ស្រួល។ ​ជាក់ស្តែងប្រទេសថៃវិញក៏ត្រូវបានគេដឹងថា ​មានសេសសល់ប្រាសាទ និងវត្តអារាមបុរាណច្រើនមិនចាញ់ប្រទេសយើងដែរ ​ដោយសូម្បីតែវត្តបុរាណតែមួយកន្លែងសោះធ្វើឱ្យប្រជាជនក្នុងតំបន់សុទ្ធតែមានការងារធ្វើ និងមានជីវភាពល្អប្រសើរតាមការលំហូរចូលសាច់ប្រាក់ទេសចរណ៍។ ហាក់មានការអាក់អន់ចិត្តចំពោះការរៀបចំវិស័យទេសចរណ៍កម្ពុជាមិនទាន់មានភាពល្អប្រសើរ ​ស្រាប់តែមានអ្នកលេងបណ្តាញសង្គមហ្វេសប៊ុកម្នាក់ បានចេញមុខរៀបរាប់នូវដំណើរកម្សាន្តរបស់ខ្លួននៅក្នុងប្រទេសថៃ ជាមួយនឹងការប្រៀបធៀបជាមួយនឹងប្រទេសកម្ពុជាយើង ដែលលោកអ្នកគួរតែសាកត្រិះរិះពិចារណាទុកជាបទពិសោធន៍ និងការអភិវឌ្ឍន៍វិស័យទេសចរណ៍បន្ត។ តាមរយៈគណនីហ្វេសប៊ុក Vannak Nheb បានរៀបរាប់ថា៖ « គ្រាន់តែវត្តចំណាស់មួយសោះ គេអាចរកចំនូលបានធូរធាស្ទើរតែគ្រប់ប្រជាជនក្នុងតំបន់ ចំណែកយើងមានដល់ប្រាសាទរាប់ភ្លេច តែមិនដឹងរកចំណូលតាមណាក្រៅតែពីតម្លើងតម្លៃសំបុត្រសម្រាប់ជនបរទេស.តម្លៃម្ហូប និងសេវាកម្មផ្សេងៗកាប់ស៊ីតាមមាត់..ផ្នត់គំនិតប្រជាជនគេគឺការចែករំលែកគ្នារស់ ចំណែកយើងដណ្តើមគ្នារស់..រដ្ឋគេទំនុកបម្រុងនិងគាំទ្រពេញទំហឹងទាំងវិស័យកសិកម្ម សុខាភិបាល…

ជាការពិតណាស់ខេត្តមណ្ឌលគិរី ​ត្រូវបានគេដឹងថាជាខេត្តដែលសម្បូរទៅដោយភោគទ្រព្យធម្មជាតិដ៏សំខាន់ ដូចជាព្រៃភ្នំ ​ទេសភាពវាលទំនាបតូចធំបង្កើតជាបរិយាកាសស្រស់ស្រាយគួរជាទីមនោរម្យ  ដែលអាចបង្កើតជារីហ្សតស្នាក់នៅ ​និងកន្លែងកម្សាន្តសុទ្ធតែមានទស្សនីយភាព និងទេសភាពត្រជាក់ចិត្ត។ នៅក្នុងនោះផងដែរ ​ថ្មីៗនេះ សួនឧទ្យាន សម្បត្តិ មុន្នីឧត្តម ត្រូវបានគេដឹងថាជារីហ្សតដែលទើបតែបើកថ្មី តែទទួលបានការពេញនិយមមកលេងកម្សាន្តយ៉ាងច្រើនពីសំណាក់ភ្ញៀវទេសចរជាតិ និង អន្តរជាតិឱ្យទៅសម្រាកលំហែកាយ នៅទីនោះយ៉ាងច្រើនកុះករ ដោយអាចជ្រើសជាផ្ទះរីហ្សតស្នាក់នៅក៏បាន ​បោះតង់ក៏បានសុទ្ធតែមានបរិយាកាសរីករាយដូចគ្នា។ នោះក៏ដោយសារតែ សួនឧទ្យាន សម្បត្តិ មុន្នីឧត្តម មានសួនផ្កាចំរុះពណ៌យ៉ាងស្រស់ស្អាត រងចាំស្វាគមន៍ ​មានការតុបតែងកន្លែងកម្សាន្ត និងស្នាក់នៅកែច្នៃយ៉ាងប្លែកភ្នែក ​ជាពិសេសនៅពេលយប់ថែមទាំងអាចបោះតង់ គេងមើលផ្កាយ អាំងសាច់ជប់លៀងជាមួយគ្រួសារ និងមិត្តភក្តិ ​ព្រមទាំងមានការសម្តែងរបាំជនជាតិកំដរផងដែរ…

នៅក្នុងខេត្តកណ្តាលម្តុំភ្នំប្រសិទ្ធ​​ គឺជាទឹកដីកម្សាន្តដែលនៅជិតទីក្រុងភ្នំពេញ ​សម្បូរភ្ញៀវទេសចរណ៍ទាំងជាតិ និងអន្តរជាតិមកកម្សាន្តមិនចេះដាច់ ​ដោយសារតែទីនោះមានជួរភ្នំ ​និងកន្លែងធម្មជាតិកម្សាន្តពោរពេញទៅដោយបរិយាកាសប្លែក ​ស្រស់ស្រាយ ថែមទាំងមិនចំណាយពេលយូរក្នុងការធ្វើដំណើរផងដែរ។ ជាក់ស្តែងថ្មីៗនេះ កន្លែងកម្សាន្តបង្កើតថ្មីមួយទៀតហើយ ​កំពុងតែទាក់ទាញចំណាប់អារម្មណ៍អ្នកកម្សាន្តស្ទើរតែមិនចេះដាច់នោះគឺ « រមណីដ្ឋានជន្លង់ម្លូ »។ រមណីដ្ឋានជន្លង់ម្លូ គឺជារមណីយដ្ឋានបង្កើតថ្មីដែលមានបរិយាកាសស្រស់ស្អាត ​ថ្មីប្លែក មានកន្លែងថតរូប ដែលមានទេសភាពល្អស្អាតស្រស់ត្រកាលអមដោយសួនផ្កាចម្រុះ មានអាងហែលទឹកលេងកម្សាន្តសម្រាប់ក្មេង និងមនុស្សពេញវ័យ មានជិះរ៉ត កង់លើអាកាស ជិះទាទឹក ជិះទូកលេង ស្ទូចត្រីយកធ្វើម្ហូបក៏បានឬយកទៅផ្ទះក៏បានដោយគិតគីឡូ។ នៅក្នុងនោះក៏មានកញ្ចុះសម្រាប់អង្គុយលេងក្បែរមាត់ទឹក ដោយអាចកំម៉ុងម្ហូបអាហារបែបជនបទ ​សុទ្ធតែមានរសជាតិឆ្ញាញ់ពិសា ប្រកបដោយអនាម័យខ្ពស់ តម្លៃសមរម្យ រួមជាមួយនឹងបុគ្គលិករួសរាយរាក់ទាក់…

នៅក្នុងប្រទេសកម្ពុជាយើង ​មានទីកន្លែងកម្សាន្តបែបធម្មជាតិជាច្រើនកន្លែងណាស់សុទ្ធតែមានទេសភាពស្រស់ស្រាយ  ត្រជាក់ភ្នែក ​ត្រជាក់អារម្មណ៍ ​ដើម្បីកម្សាន្តសប្បាយរំសាយទុក្ខកង្វល់នានាបាន ​ដោយក្នុងនោះ នៅក្នុងខេត្តតាកែវ ព្រំប្រទល់ខេត្តកំពតមានកន្លែងកម្សាន្តបែបថ្មីមួយកន្លែងទៀតហើយទទួលបានការពេញនិយមពីភ្ញៀវទេសចរណ៍ទាំងជាតិ និងអន្តរជាតិមានឈ្មោះថា « រមណីយដ្ឋានធម្មជាតិម្លេច »។ « រមណីយដ្ឋានទំនប់ម្លេច »  នេះ ត្រូវបានគេដឹងថា មានទេសភាពធម្មជាតិបៃតងយ៉ាងស្រស់បំព្រង ជាមួយជួរភ្នំតូចធំ ទេសភាពព្រៃឈើតូចធំខៀវស្រងាត់ បៃតង និង ទឹកថ្លាឈ្វេងអាចហែលលេងបាន ​ពោលគឺជាទីកន្លែងកំសាន្តបែបធម្មជាតិដ៏ពេញនិយមដែលគ្រប់គ្នាប្រាថ្នាដូចជា ៖ -មានចំណតរថយន្តធំទូលាយ ដែលអាចចតរថយន្តបានរហូតដល់១៣០គ្រឿង -មានបំរើអាហារបែបខ្មែរ ជាពិសេសមាន់ស្រែដុតភ្លាមៗមានរសជាតិឈ្ងុយឆ្ងាញ់ និងភេសជ្ជៈគ្រប់មុខ ព្រមទាំងមានកាហ្វេគ្រាប់កិនភ្លាមៗ នាំចូលពីអុីតាលី…

ជួនកាលសម្ពាធការងារឬការសិក្សានិងបន្ទុកគ្រួសារអាចជាមូលហេតុដែលបណ្តាលឲ្យអ្នកកើតមានភាពស្រ្តេសបាន។ ចូរអ្នកទុករឿងរ៉ាវស្មុគស្មាញទាំងអស់នោះមួយឡែកសិននិងចំណាយពេលប្រហែលជាពីរយប់ បីថ្ងៃសម្រាប់ខ្លួនឯងដើម្បីសម្របខ្លួនទៅនឹងធម្មជាតិ សាកថ្មឲ្យជីវិតមានភាពប្រសើរឡើងវិញ។ តោះ! មកស្គាល់កន្លែងបោះតង់ជាមួយនឹងទេសភាពស្អាតបែបធម្មជាតិពិតៗដែលគេនិយមទៅកំសាន្តនៅស្រុកខ្មែរទាំងអស់គ្នា៖ ១. គីរីរម្យ ឧទ្យានជាតិគីរីរម្យគឺជាទីកន្លែងកម្សាន្តដ៏ចំណាស់មួយស្ថិតនៅក្នុងខេត្តកំពង់ស្ពឺដែលមានចម្ងាយប្រហែល១០០គីឡូម៉ែត្រប៉ុណ្ណោះពីទីក្រុងភ្នំពេញ។ អ្នកអាចទស្សនាព្រៃប្រឹក្សាធម្មជាតិ ស្រះទឹក ទឹកជ្រោះ ជាពិសេសដើមស្រល់ខ្ពស់ៗដែលជាទីម្លប់ដល់ភ្ញៀវទេសចរណ៍ជាតិនិងអន្តរជាតិ។ ២. ភ្នំគូលែន ភ្នំគូលែនមិនត្រឹមតែជាទីកន្លែងសក្ការៈបូជាប៉ុណ្ណោះទេប៉ុន្តែអាចជាកន្លែងបោះតង់កម្សាន្តនិងធ្វើសកម្មភាពផ្សេងៗទៀតដូចជាមើលផ្កាយពេលយប់ ដើរឡើងភ្នំ ជិះកង់និងតោងថ្មឡើងភ្នំជាដើម។ អ្នកអាចធ្វើដំណើរចេញពីទីរួមខេត្តសៀមរាបប្រហែល៤៨គីឡូម៉ែត្រដើម្បីទៅដល់ទឹកដីភ្នំគូលែនដ៏ស្រស់ត្រកាល។ ៣. ភ្នំបូកគោ ភ្នំបូកគោជាកន្លែងទេសចរណ៍ចំណាស់មួយ។ ដោយសារតែភ្នំនេះមានលក្ខណៈវាលល្វឹង ធំទូលាយនិងសម្បូរទៅដោយព្រៃព្រឹក្សា នាំឲ្យភ្ញៀវទេសចរណ៍ចូលចិត្តទៅបោះតង់នៅទីនោះ។ ៤. ភ្នំត្បែងមានជ័យ ភ្នំត្បែងសាកសមបំផុតសម្រាប់អ្នកដែលចូលចិត្តផ្សងព្រេង។ អ្នកត្រូវចំណាយពេលឡើងទៅដល់កំពូលភ្នំប្រហែល៤០០ម៉ែត្រហើយនៅតាមផ្លូវឡើងភ្នំគឺសម្បូរទៅដោយព្រៃឈើសុទ្ធសាធ។ ប៉ុន្តែទេសភាពនៅលើកំពូលភ្នំវិញគឺថាស្រស់សោភាជាមួយនឹងទឹកជ្រោះត្រជាក់ដូចទឹកអម្រិត។ ៥. ភ្នំម្រេចកង្កែប…

កណ្តាល៖ ជាការពិតណាស់ ​ខ្មែរយើងមានស្នាដៃក្បាច់ចម្លាក់យ៉ាងល្អប្រណីតជាច្រើនប្រភេទប្រកបដោយសា្នដៃខ្ពស់ ​ជាពិសេសគឺភ័ស្តុតាងលើប្រាង្គប្រាសាទនានាតែម្តង។ ក្នុងចំណោមចម្លាក់ជាច្រើនប្រភេទ សិប្បកម្ម​ជាងទង​​​ចម្លាក់ខ្មែរធ្វើពី​ស្ពាន់ ប្រាក់ និងទង់ដែង ទាំង​នេះ ​មាន​ច្រើន​ប្រភេទ និង​ច្រើន​សណ្ឋានណាស់ ដោយ​គេ​ឃើញ​​មានដូចជា​​ចម្លាក់​ផ្តិត ក្អម ឆ័ត្រ​រួត តុម្ភកំបោរ​ ប្រអប់ស្លា ប្រអប់​ក្រដាសជូត​មាត់ ប៉ាន់​តែ ចានស្រាក រូប​ផ្លែ​ល្ពៅ​ និង​រូប​សត្វ​នានា​​ផង​ដែរ ។ នៅក្នុងចំណោមសិប្បកម្មមួយនេះ  គេបានរកឃើញថានៅសល់តែ សិប្បកម្មភ្ញីទេសមួយគ្រួសារតែប៉ុណ្ណោះ ដែលមានការដាប់ឆ្លាក់ក្បាច់ទៅ​​គ្រឿង​​ប្រដាប់​ប្រើ​​​​ប្រាស់​​នានាលើស្ពាន់ ​និងប្រាក់  ថែមទាំងនៅ​តែ​អាច​រក្សា​បាន​គុណ​ភាព និង​ទឹក​ដៃ​ដ៏​ប្រណិតរបស់​​​ខ្លួន​បានយ៉ាងល្អ ​បើទោះបីជាមុខរបរនេះមានការថយចុះដោយខ្វះគាំទ្រយ៉ាងណាក្តី។ ដូច្នេះក្នុងនាមជាកូនខ្មែរ ​កុំភ្លេចជួយគាំទ្រស្នាដៃខ្មែរផង ​ដោយការជួយចែករំឡែកព័ត៌មាន…

ភ្នំពេញ៖ អាចជារឿងមួយដ៏គួរឱ្យភ្ញាក់ផ្អើល ដែលធ្វើឱ្យខ្មែរមួយចំនួនស្រឡាំងកាំង ដែលមិននឹកស្មានថា នៅខ្មែរយើងមានផ្លូវតូចមួយតែមានរូបគំនូរប្រកបដោយសិល្បៈរស់រវើកលើជញ្ជាំងស្អាតបែបនេះសោះ នោះគឺ ផ្លូវ ALLEY 240 ½ ។ តំបន់ប្លុកឌឿងហែម ALLEY 240 ½ និងត្រូវបានបរទេសហៅថា «Ali Way» មានសិល្បៈគំនូរលើជញ្ជាំងជាច្រើន បង្កើតជាដងផ្លូវប្រកបដោយសិល្បៈគំនូគួរជាទីគយគន់ដែលកំពុងទាក់ទាញភ្ញៀវទេសចរជាច្រើនមកកម្សាន្តដែលកាលពីមុនៗគឺមានតែជនបរទេសតែប៉ុណ្ណោះដែលស្គាល់ ឬកម្រមានអ្នកទៅដល់ និងស្កាល់ទីតាំងច្បាស់ណាស់។ ផ្លូវប្រកបដោយសិល្បៈដ៏ស្រស់ស្អាតនេះមិនត្រឹមតែមានរូបគំនូលើជញ្ជាំងស្រស់ស្អាទេ តែមានលាក់បង្កប់ហាងទំនិញតូចៗ ភោជនីយដ្ឋាន ហាងសំលៀកបំពាក់ និងបារមួយចំនួនផងដែរ។ ជាពិសេសគំនូរនៅលើជញ្ជាំងតាមផ្លូវនេះ ត្រូវបានគេដឹងថាមានការផ្លាស់ប្តូរជារៀងរាល់ឆ្នាំផងដែរ ពោលគឺខ្ទង់ប្រមានជា កន្លះឆ្នាំ ឬ១ឆ្នាំម្តង។…

ការដើរកម្សាន្ត អាចធ្វើឱ្យអ្នកមានភាពរីករាយ បំបាត់ទុក្ខកង្វល់ និងជ្រះថ្លាអស់ភាពហ្មងសៅនៅក្នុងអារម្មណ៍ តែប្រសិនជាអ្នកបានចេញដើរចេញទៅពិភពខាងក្រៅកាន់តែច្រើនរឹតតែផ្តល់អារម្មណ៍ថ្មីៗដល់អ្នកបាន។ ដូច្នេះទាន់ខ្លួននៅក្មេង មានកម្លាំង មានពេលវេលា គួរតែឆ្លៀតចេញទៅដើរលេងក្រៅប្រទេសឱ្យបានច្រើនយ៉ាងហោចណាស់ក៏បានម្តងក្នុងមួយជីវិតដែរ បើមិនចង់ស្តាយក្រោយនៅពេលចាស់ឡើងទេនោះ។ មកតាមដានអត្ថប្រយោជន៍នៃការដើរកម្សាន្តក្រៅប្រទេសទាំងអស់គ្នា៖ ១. ស្គាល់ពិភពខាងក្រៅ ការចេញទៅដើរលេងក្រៅប្រទេសអាចឱ្យអ្នកជួបជាមួយនឹងបរិយាកាសថ្មីៗ កន្លែងដែលអ្នកមិនធ្លាប់បានទៅ វប្បធម៌ដែលអ្នកខុសប្លែកពីគ្នា រួមជាមួយនឹងអាហារដែលអ្នកមិនធ្លាប់បានភ្លក់ និងភាសាដែលអ្នកមិនធ្លាប់និយាយជាដើម។ ជាពិសេសអាចជួយឱ្យអ្នកជួបប្រទះនឹងបទពិសោធន៍ថ្មីៗ និងស្គាល់ខ្លួនឯងកាន់តែច្បាស់ជាងមុនផងដែរ។ ២. រៀនឯករាជ្យ និងមានទំនុកចិត្តលើខ្លួនឯង ការដើរលេងនៅបរទេស បើបានទៅម្នាក់ឯងទៀតគឺរឹតតែល្អ ដោយអាចឱ្យអ្នកចេះពឹងផ្អែកលើខ្លួនឯង ចេះមានទំនាក់ទំនង និងមានសេចក្តីក្លាហានដើរលេងនៅក្នុងប្រទេសថ្មីៗដែលមិនធ្លាប់បានទៅ។  អ្នកអាចរៀនចេះរៀនពីអ្វីៗនៅជុំវិញខ្លួនជាច្រើន ដូចជាសាកសួរផ្លូវ របៀបធ្វើដំណើរ ចេះសួរនាំរកទីតាំងកន្លែងដែលអ្នកចង់ទៅ…

មណ្ឌលគិរី គឺជាដែនដីដ៏គួរជាទីមនោរម្យ និងមានរីហ្សតលំហែបែបធម្មជាតិជាច្រើនកន្លែងកំពុងតែរីកដុះដាលដូចផ្សិត ដើម្បីបម្រើភ្ញៀវទេសចរណ៍ទៅកម្សាន្តនៅខេត្តភូមិភាគឦសាននៃប្រទេសកម្ពុជាយើងមួយនេះ។ នៅក្នុងនោះដែរ ទីកន្លែងស្នាក់នៅមួយទៀតហើយបានធ្វើឱ្យរំជើបរំជួលអារម្មណ៍អ្នកដែលចង់មកកម្សាន្តនោះគឺ « រសាត់ » ដែលមានទីតាំងនៅខេត្តមណ្ឌលគិរី តែម្តង ដោយកន្លែងនេះទើបតែរៀបចំបាន ៧០% តែប៉ុណ្ណោះ តែទិដ្ឋភាពវិញម៉ាអែមតែម្តង។ « រសាត់ » គឺជាកន្លែងដ៏ស័ក្តសមសម្រាប់អ្នកដែលចង់មកលេងបោះតង់ លក្ខណៈ Adventure ជាមួយធម្មជាតិព្រៃភ្នំ គេងស្តាប់សត្វយំ អង្គុយមើលថ្ងៃលិច ចំនាយលុយតិច ជាពិសេសអ្នកចូលចិត្ត Solo trip មកគឺត្រូវម៉ាច់តែម្តង។ ពិសេសទៅទៀតនោះ មិនត្រឹមតែអាចស្រូបយកបរិយាកាសល្អៗ​ និងគយគន់ទេសភាពដ៏ស្រស់ស្អាតនោះទេ​…