គ្រួសារ

យើងទាំងអស់គ្នាកំពុងតែរង់ចាំស្នេហាពិតរៀងខ្លួន ដោយមិនដឹងថាម្នាក់នោះនឹងមកដល់ពេលណានោះទេ។ ប៉ុន្តែអ្នកអាចសង្កេតសញ្ញាទាំងនេះបាន ព្រោះសញ្ញាទាំងនេះនឹងកើតឡើងនៅពេលអ្នកបានរកឃើញដៃគូរជីវិតពិត! ខាងក្រោមនេះគឺជាសញ្ញាចំនួនដែលអ្នកអាចសង្កេតមើលបាន៖ ១. អ្នកដឹងពីអ្វីដែលពួកគេកំពុងគិត អ្នកបានឈានដល់ចំណុចមួយនៅក្នុងទំនាក់ទំនង ដែលអ្នកអាចប្រាប់ពីអ្វីដែលពួកគេកំពុងគិត ដោយគ្រាន់តែសម្លឹងមើលការបញ្ចេញមតិរបស់ពួកគេ អ្នកថែមទាំងអាចប្រមើលមើលប្រតិកម្មរបស់ពួកគេបានយ៉ាងត្រឹមត្រូវថែមទៀតផង។ ២. ការឈឺចាប់របស់គេក៏ជាការឈឺចាប់របស់អ្នក គ្មានអ្វីអាចភ្ជាប់មនុស្សពីរនាក់បានច្រើនជាងការឈឺចាប់នោះទេ។ អ្នកដឹងថាអ្នកបានជួបស្នេហាពិតរបស់អ្នក នៅពេលដែលអ្នកអាចមានអារម្មណ៍ឈឺចាប់របស់គ្នាទៅវិញទៅមក ឬ អ្នកអាណិតគេអស់ពីចិត្ត ។ ម្យ៉ាងទៀតអ្នកនឹងចែករំលែកអារម្មណ៍របស់ពួកគេ និងលើកទឹកចិត្តគេអំឡុងពេលគេជួបភាពសោកសៅ ឬ ការលំបាក។ ៣. អ្នកគោរពភាពទន់ខ្សោយរបស់គ្នាទៅវិញទៅមក យើងទាំងអស់គ្នាមានគុណវិបត្តិមួយចំនួន អាចកែប្រែបាន ឬមិនអាចកែប្រែបាន ប៉ុន្តែចំពោះមនុស្សម្នាក់នោះ អ្នកនឹងមិនខ្វល់ពីចំណុចខ្វះខាតរបស់គេនោះទេ។ អ្នកទាំងពីរប្រៀបដូចជាបំណែកផ្ដុំរូប បំពេញនូវចំណុចខ្វះខាតរបស់គ្នាទៅវិញទៅមក។…

មនុស្សគ្រប់គ្នាសុទ្ធតែចង់បានស្នេហា និងជីវិតអាពាហ៍ពិពាហ៍ដែលផ្អែមល្ហែមពេញមួយជីវិត ប៉ុន្តែប្រសិនបើអ្នកកំពុងតែស្ថិតនៅក្នុងចំណុចទាំងប៉ុន្មានខាងក្រោមនេះ នោះគឺបានន័យថាជីវិតអាពាហ៍ពិពាហ៍របស់អ្នកនឹងប្រឈមជាមួយការបែកបាក់ ឬ មិនស្ថិតស្ថេរយូរអង្វែងនោះទេ! ១.គូស្នេហ៍ថ្មីថ្មោងស្រឡាញ់គ្នាខ្លាំងពេក ដំបូងៗស្នេហារបស់គូរស្នេហ៍នីមួយៗគឺសុទ្ធតែមានពណ៌ផ្កាឈូក បាត់គ្នាមិនបានសូម្បីតែមួយជំហាន ក៏ប៉ុន្តែក្រោយពីរស់នៅជាមួយគ្នាច្រើនឆ្នាំ ភាពផ្អែមល្ហែមទាំងនោះក៏ចាប់ផ្ទើមថយចុះ រីឯចរិតពិតរបស់ពួកគេនឹងចេញមកម្តងបន្តិចៗ ទើបធ្វើឲ្យពួកគេយល់ថាស្នេហារបស់ពួកគេគឺល្អបានតែដំបូងនោះទេ។ ២.ចូលចិត្តដំឡើងសម្លេង ស្នេហាអាចបែកបាក់ភាគច្រើនគឺតាមរយះការសន្ទនា ឬ សម្តីដែលគូរស្នេហ៍និយាយគ្នា។ ជាពិសេសប្រសិនបើពួកគេនិយាយចង់ត្រូវរៀងខ្លួន និងឈានដល់ថ្នាក់មានទម្លាប់និយាយស្រែកៗ ឬ តម្លើងសម្លេងដាក់គ្នាទៅវិញទៅមក។ ៣.ការចិញ្ចឹមបីបាច់របស់ម្តាយ មានការសិក្សាដែលបង្ហាញថា គូស្នេហ៍ភាគច្រើនចម្លងអាកប្បកិរិយារបស់ឪពុកម្តាយ ជាពិសេសម្តាយរបស់ពួកគេ។ សង្គមវិទូបានសិក្សាពីអាកប្បកិរិយារបស់មនុស្ស 7,000 នាក់ ហើយបានរកឃើញថាប្រសិនបើម្តាយលែងគ្នាទៅមានទំនាក់ទំនងថ្មី ជាញឹកញាប់ (មិនថាវាជាអាពាហ៍ពិពាហ៍ ឬគ្រាន់តែជាការរួមរស់ជាមួយគ្នា)…

មនុស្សគ្រប់គ្នាក្នុងលោកនេះ មិនអាចមានតែម្នាក់ឯងនោះឡើយ យ៉ាងណាទោះតិចច្រើនក្តី ក៏មានសាច់ញាតិខ្សែស្រឡាយខ្លះដែរ។ ការប្រាស្រ័យទាក់ទងរវាងសាច់ញាត់ ក៏ត្រូវដឹងពីច្បាប់ទម្លាប់ដែរ ពាក្យអ្វីត្រូវនិយាយ និងមិនត្រូវនិយាយ ។ ពុំដូច្នេះទេ បើហ៊ានតែលើសព្រំដែន នឹងប៉ះពាល់ដល់មនោសញ្ចេតនា ចុងក្រោយក៏នៅតែក្លាយទៅជាអ្នកដទៃដែរ។ ពិសេសរឿងទាំងប៉ុន្មាននេះនៅក្នុងគ្រួសារ បើហ៊ានតែខ្ជះខ្ជាយចេញទៅក្រៅ ទោះជាអ្នកគ្មានបំណង តែអ្នកស្តាប់ប្រកាន់ នោះទីបំផុតនឹងបង្កើតទៅជាបញ្ហាជាមិនខាន។ ១. ប្រាក់ចំណូល ស្ថានភាពគ្រួសារនីមួយៗមិនដូចគ្នាទេ ការរស់នៅក៏មិនដូចគ្នាដែរ រវាងសាច់ញាតិក៏មានភាពខុសគ្នា មានសាច់ញាតិខ្លះ មានសមត្ថភាពរកចំណូលបានច្រើន សម្ភារៈប្រើប្រាស់ក៏សម្បូរបែប ហើយក៏មានសាច់ញាតិខ្លះទៀត មានជីវភាពខ្វះខាត រស់នៅក៏ខ្វះមុខខ្វះក្រោយ។ ជួនកាលយើងបាននិយាយពីបញ្ហាប្រាក់ចំណូលឱ្យគេដឹង តាមពិត គឺនិយាយដោយគ្មានបំណងអ្វីទេ…

មួយជីវិតនេះថាវែងក៏មិនវែង ថាខ្លីក៏មិនខ្លីដែរ មនុស្សដែលអ្នកស្រលាញ់មិនប្រាកដថាសក្តិសមនឹងអ្នក តាមពិតទៅប្តីប្រពន្ធមិនមែនមើលតែលើភាពសក្តិសមនោះទេ អ្វីដែលសំខាន់ត្រូវមើល អ្នកទាំងពីរមានភាពអន់ឱនឱ្យគ្នា និងធ្វើការកែប្រែអ្វីដែលមិនល្អរាងខ្លួនកម្រិតណា គ្មាននរណាកើតមកល្អឥតខ្ចោះពីធម្មជាតិនោះទេ លុះត្រាតែគេមានចិត្តស្រលាញ់ដល់កំពូលចំពោះអ្នកទើបគេព្រមលះបង់ កែប្រែដើម្បីអ្នក។ ចង់ដឹងថាខ្លួនជាមនុស្សសំណាងឬអត់ មើលថាប្តីរបស់អ្នកមានធ្វើទង្វើតូចៗទាំងនេះដែរឬទេ? ១. មិនថារៀបការយូរយ៉ាងណាទេ គេនៅតែចងចាំថ្ងៃអាពាហ៍ពិពាហ៍របស់អ្នកទាំងពីរ តែងនាំអ្នកចេញទៅហូបអាហារពេលល្ងាចដ៏រ៉ូមែនទិក ផ្តល់ការភ្ញាក់ផ្អើលដល់អ្នក។ ២. ដ្បិតតែការងាររវល់ តែគេជារៀងរាល់ថ្ងៃនៅអាចឆ្លៀតពេលឆាតមកអ្នក ឬទូរសព្ទរកអ្នក។ ៣. ឆ្លៀតពេលកំដរអ្នកដើរទិញឥវ៉ាន់ ពេលដែលអ្នកឃើញសម្លៀកបំពាក់ស្រស់ស្អាត ទោះជាតម្លៃថ្លៃពេកអ្នកមិនដាច់ចិត្តទិញ គេនឹងលួចចំណាំ រកឱកាសដែលសក្តិសមទិញជូនអ្នក ផ្តល់ការភ្ញាក់ផ្អើលដល់អ្នក។ ៤. ចូលចង្រ្កានធ្វើម្ហូបផ្ទាល់ដៃដើម្បីអ្នក ធ្វើកិច្ចការផ្ទះ បោកសម្លៀកបំពាក់ដោយមិនរើសអើងថាជាការងារស្រីប្រុសឡើយ…

មួយជីវិតរបស់មនុស្ស ៖ – ជោគជ័យដ៏ធំបំផុត គ្មានអ្វីលើសពីជោគជ័យក្នុងជីវិតអាពាហ៍ពិពាហ៍ឡើយ។ – សុភមង្គលដ៏ធំបំផុត គ្មានអ្វីលើសពីសុភមង្គលក្នុងគ្រួសារឡើយ។ – សាច់ញាតិដ៏ជិតស្និទ្ធបំផុត គ្មានអ្វីក្រៅពីប្តីប្រពន្ធឡើយ។ – ទំនាក់ទំនងដ៏សំខាន់បំផុត គ្មានអ្វីលើសពីទំនាក់ទំនងប្តីប្រពន្ធឡើយ។ – ការអនុគ្រោះដល់គ្នាដ៏មានតម្លៃបំផុត គ្មានអ្វីលើសពីការអនុគ្រោះរវាងប្តីប្រពន្ធ។ – ការអត់ធ្មត់ និងអត់ឱនឱ្យគ្នាដ៏មានប្រសិទ្ធភាពបំផុត គឺជាការអត់ធ្មត់ និងអត់ឱនរវាងប្តីប្រពន្ធ។ – ការយកចិត្តទុកដាក់ ដែលមិនអាចមើលរំលងបាននោះគឺ ជាការយកចិត្តទុកដាក់រវាងប្តីប្រពន្ធ។ មនុស្សប្រុស ពេលទើបរៀបការភាគច្រើន តែងតែថ្នាក់ថ្នមគេស្រលាញ់ប្រពន្ធរបស់ខ្លួនខ្លាំងណាស់ ដល់ពេលរស់នៅជាមួយគ្នាយូរទៅ បែរជាភ្លេចពេលវេលាល្អៗកាលគ្រាដើម។ អាពាហ៍ពិពាហ៍ដូចជាកែវ…

មិនថាអ្នករៀបការជាមួយអ្នកណាទេ ក្រោយពេលដែលរៀបការរួច អ្នកតែងចាប់អារម្មណ៍ថាមនុស្សដែលអ្នករៀបការជាមួយនោះ ដូចជាមិនមែនមនុស្សប្រុសដែលអ្នកស្គាល់ពីមុនឡើយ ហាក់ដូចជាមនុស្សម្នាក់ផ្សេងទៀតអ៊ីចឹង។ មនុស្សដែលអាចកំដរអ្នកដល់ចាស់បាន តែងតែមានលក្ខណៈទាំង ២ ប្រភេទនេះ ៖ ១. ចិត្តគំនិតសាមញ្ញ និង ស្ងប់សុខ គេតែងនិយាយថាមង្គលការប្រៀបដូចជាការសាងធម៌រក្សាចិត្តមួយប្រភេទ ព្រោះត្រូវការដុះខាតគ្នាទៅវិញទៅមក ទោះជាយ៉ាងណាក្តី ពេលដែលដើរចូលក្នុងវិធីជីវិតរួមគ្នាហើយ គឺបានន័យថាជីវិតរបស់អ្នកទាំងពីរបានចងជាប់គ្នាមិនអាចអត់ពីនរណាម្នាក់ឡើយ។ ដូច្នេះហើយលោក Johann Wolfgang បានពោលថា៖ មនុស្សដែលអាចស្វែងរកភាពស្ងប់សុខនៅក្នុងគ្រួសាររបស់ខ្លួនបាន គឺជាមនុស្សដែលមានសុភមង្គលបំផុត។”អាចរស់នៅជាមួយគ្នាប្រកបដោយភាពស្ងប់សុខ ខិតខំដើម្បីគ្រួសារ មិនរើសអើងនិងរឿងតូចតាចក្នុងផ្ទះ មិនធុញទ្រាន់ចំពោះកិច្ចការផ្ទះ ជួយគ្នាទៅវិញទៅមក ប្តីរកប្រពន្ធទុក ការពារគ្នាស្រលាញ់គ្នាដូចកាលគ្រាដើម មង្គលការបែបនេះគឺល្អបំផុត។…

ជាទូទៅ មិនថាបុរស ឬនារីណាឡើយ ឱ្យតែចាប់ផ្តើមមានចិត្តលើនរណាម្នាក់ហើយ តែងអង្កេត ឈ្វេងយល់ចិត្តរបស់គេ ចង់ដឹងពីដំណឹង ឬរឿងរ៉ាវរបស់គេ ប្រសិនជាអាចបង្កើតចំណងមិត្តភាពជាមួយគេកាន់តែលឿនកាន់តែល្អ។ ចម្លែកតែបុរសមួយចំនួន ហេតុតែតាមស្រលាញ់គេ ចេះតែចង់បានគេក្នុងរយៈពេលខ្លី ឬក៏ចូលចិត្តប្រើល្បិចស្នៀតមួយចំនួន ដើម្បីទាក់ចិត្តមនុស្សស្រី។ ដូចជាចូលទៅក្បែរខ្លួននាងធ្វើល្អដាក់នាង ឱ្យនាងមានអារម្មណ៍ថាខ្លួនជាមនុស្សប្រុសម្នាក់ដែលមានចិត្តល្អសប្បុរស លះបង់ថវិកា ពេលវេលា ឆាតទៅសួរនាងជារៀងរាល់ថ្ងៃ ឱ្យនាងមានអារម្មណ៍នឹកនាមកលើខ្លួន។ ប៉ុន្តែអ្នកត្រូវដឹងថា ដើម្បីយកចិត្តមនុស្សស្រីបាន ដាច់ខាតកុំប្រើវិធី ឬល្បិចស្នៀតឱ្យសោះ ព្រោះបច្ចុប្បន្ននារីៗគឺងាយឆាប់មើលដឹងពីចិត្តមនុស្សប្រុសណាស់ ប្រសិទ្ធភាពល្អបំផុតនោះគឺ ត្រូវប្រើចិត្តស្មោះមកដោះដូរ។ ១. មនុស្សស្រីភាគច្រើនចូលចិត្តសម្លឹងមើលថ្ងៃអនាគត មិនចូលចិត្តស្នេហារយៈពេលខ្លីនោះឡើយ បើមនុស្សប្រុសម្នាក់គ្រាន់តែចង់លេងសើចជាមួយមនុស្សស្រី គោលដៅដែលគេបានកំណត់នោះ…

ពេលបុរសម្នាក់រាប់អានជាមួយនារីម្នាក់ គេតែងចង់ដឹងថា តើនាងស្រលាញ់ខ្លួនឬអត់ អ្វីដែលនារីម្នាក់នោះឆ្លើយ អាចជាអ្វីដែលខ្លួនចង់ស្តាប់ ពុំដូច្នេះទេ បុរសម្នាក់នោះក៏មិនអាចសួរបញ្ហាបែបនេះដែរ។ ប៉ុន្តែរាល់ពាក្យដែលនាងនិយាយ គឺសុទ្ធតែជាពាក្យពិតមែនទេ? ចុះបើមាត់ផ្សេងចិត្តផ្សឹងវិញនោះ តើនៅពេលនេះ បុរសគួរធ្វើដូចម្តេចទៅ? បើបុរសៗមិនចង់ធ្លាក់ចូលទៅក្នុងអន្លង់ស្នេហាតែម្ខាងទេនោះ ចំពោះចម្លើយខ្លះក្នុងរឿងមនោសញ្ចេតនា គួរតែទៅឈ្វេងយល់ដោយខ្លួនឯង។ ហើយបើចង់ដឹងថា នាងស្រលាញ់អ្នកឬអត់ មិនបាច់សួរ ឬក៏សាកចិត្តនាងឡើយ គ្រាន់តែមើលចំណុចតូចៗទាំងនេះទៅបានហើយ តើអ្នកអាចយល់ដែរឬទេ? ១. ពេលដែលអ្នកចូលទៅក្បែរនាង នាងមិននិយាយអ្វីទាំងអស់ ប៉ុន្តែបានបង្ហាញទឹកមុខរីករាយ ពេលដែលនៅជាមួយមនុស្សដែលខ្លួនស្រលាញ់ ឬចាប់អារម្មណ៍នោះ ភាគច្រើនក្នុងចិត្តរបស់ពួកគេតែងបង្ហាញភាពស្និទ្ធស្នាលចង់ចូលទៅក្បែរនារីម្នាក់នេះ ដើម្បីទាញគន្លាតរបស់អ្នកទាំងពីរ។ ខាងប្រុស គឺត្រូវធ្វើការណាត់ជួបនាងមុនដើម្បីឱ្យទំនាក់ទំនងមួយនេះកាន់តែស្អិតរមួត និងចង់ដឹងពីចិត្តគំនិតនាងគិតចំពោះខ្លួនយ៉ាងណា…

ជីវិតគូដែលយើងគ្រប់គ្នាស្ញប់ស្ញែង និងប្រាថ្នាចង់បាននោះគឺ ចាប់តាំងពីថ្ងៃដែលកាន់ដៃគ្នាមក គឺកាន់ដៃគ្នារហូតអស់មួយជីវិត គឺជាជីវិតគូដូចជាជីដូនជីតារបស់យើង មិនថាឆ្លងកាត់ព្យុះភ្លៀង ឈ្លោះគ្នាហើយត្រូវគ្នា ត្រូវគ្នាហើយក៏ឈ្លោះគ្នាយ៉ាងណា ក៏លោកទាំងពីរនៅតែកាន់ដៃគ្នាជាប់ដើរឆ្លងរហូតមកដល់សព្វថ្ងៃនេះ។ មនុស្សជំនាន់មុន ចិត្តគំនិតរបស់គាត់គឺ របស់ប្រើចាស់ខូច អ្វីដែលពួកគាត់នឹករកវិធីមុនគេគឺ《ជួសជុល》 ប៉ុន្តែមនុស្សសម័យថ្មី បើរបស់ណាខូចហើយ នឹកឃើញមុនគេគឺ《ប្តូរថ្មី》។ ទោះបីជាពាក្យ ជួសជុល និងប្តូរ វាខុសគ្នាតែមួយពាក្យពិតមែន ប៉ុន្តែយើងក៏អាចមើលដឹងពីឥរិយាបថរបស់មនុស្សពីរជំនាន់នេះខុសគ្នាយ៉ាងណាហើយ។ គូដែលអាចកាន់ដៃគ្នានៅជាមួយគ្នាអស់មួយជីវិតបាន តើពួកគាត់ហែលឆ្លងមកដោយវិធីណា? អ្នកចិត្តវិជ្ជាបានសរុបសេចក្តីជារួមគឺមាន៤ចំណុចដូចខាងក្រោម ៖ ១. អាចអធ្យាស្រ័យ និងសម្របខ្លួនដើម្បីដៃគូទៅវិញទៅមកគ្រប់ពេល ប្តី និងប្រពន្ធ គឺមិនមានបែងចែកអ្នកណាខ្លាំងអ្នកណាខ្សោយនោះឡើយ ក៏មិនមែនវែកញែករកហេតុផលត្រូវខុសនោះដែរ។…

រៀបការជាមួយ《មនុស្សខុស》វាគួរឱ្យខ្លាចជាងមិនទាន់រៀបការ។ សុខចិត្តនៅលីវអស់មួយជីវិតក៏កុំរៀបការជាមួយនឹងមនុស្សប្រុស ៣ ប្រភេទនេះ។ ១. ប្រភេទទី ១ ៖《មនុស្សប្រុសមានបេះដូងក្រ》 ពួកគេពិបាកបំពេញសេចក្តីស្រឡាញ់ និងត្រូវការរបស់អ្នកបានខ្លាំងណាស់។ ទោះបីជាពួកគេមានទ្រព្យ គេផ្តល់ឱ្យខ្លួនគេ ឪពុកម្តាយគេ បងប្អូនគេហ៊ឺហាបាន។ សម្រាប់អ្នក គឺគ្រាន់តែជាចំណែកលើស មិនចាំបាច់សម្រាប់ពួកគេឡើយ។ ២. ប្រភេទទី ២ ៖《មនុស្សប្រុសមិនស្មោះត្រង់》 ពួកគេមិនអាចដាក់កម្រិតខ្លួនឯងត្រឹមការរៀបការ ឬមានកូនចងជើងគេឡើយ។ ភាពអាត្មានិយមរបស់គេគឺ ប្រុសណាមិនចេះខូចមានស្រី? មានស្រីក៏មិនចោលប្រពន្ធកូន។ តម្រូវឱ្យប្រពន្ធធ្វើ គ ធ្វើថ្លង់ ធ្វើខ្វាក់ខ្លះទៅ ទើបគ្រួសារបានសុខ។ ៣.…

ចង់ផ្ញើជូនសម្រាប់អ្នកដែលមានស្នេហា ហើយតែងតែកើតចិត្តប្រចណ្ឌ ប្រកាន់ សង្ស័យលើដៃគូ … ការប្រចណ្ឌ ហួងហែង វាបង្ហាញពីសេចក្ដីស្រឡាញ់ក៏ពិតមែន តែបើការប្រចណ្ឌនោះវាហួសព្រំដែន វានឹងធ្វើឱ្យម្ខាងទៀត បែរជាអស់ចិត្តស្រឡាញ់ទៅវិញ! – មនុស្សពីរនាក់ ទោះស្រឡាញ់គ្នាខ្លាំងយ៉ាងណា ក៏នៅតែចង់មានពេលវេលាផ្ទាល់ខ្លួនខ្លះដែរ … – ការដែលមិនឱ្យដឹងពី Password Facebook មិនមែនមានន័យថា មានរឿងលាក់បាំងគ្នាទេ! – ឃើញគេ Online ហើយ Chat ទៅ គេមិនបានតបភ្លាមៗ មិនមែនគេកំពុងChatជាមួយអ្នកផ្សេងឡើយ! – ឃើញគេនិយាយជាមួយអ្នកផ្សេង…

ទំនាក់ទំនងរវាងប្រុសស្រី ចង់បានភាពយូរអង្វែង ភាគច្រើនគឺត្រូវមានភាពស៊ីចង្វាក់គ្នា។ ចំពោះមនុស្សពីរនាក់ដែលមានភាពស៊ីចង្វាក់គ្នា ច្បាស់ណាស់មានផ្នែកជាច្រើនសុទ្ធតែអាចចុះសម្រុងគ្នា បែបនេះអ្នកទាំងពីរទើបអាចរក្សារការរស់នៅចុះសម្រុងបន្តទៅទៀត។ បើអ្នកទាំងពីរមានកន្លែងជាច្រើនដែលមិនស៊ីចង្វាក់ គំនិតមិនស្របគ្នា ច្បាស់ណាស់និយាយឱ្យស្រួលស្តាប់ទៅ សុទ្ធតែយល់ថាជាពាក្យដែលមិនបានការ។ ពួកយើងរស់នៅក្នុងពិភពលោកនេះ ជួបមនុស្សជាច្រើន តែមិនប្រាកដថាពួកគេយល់ពីយើងឡើយ ។ ដូច្នេះហើយ ចំពោះចំណុចទាំង ៣ នេះ បើអ្នកទាំងពីរមិនអាចចុះសម្រុងគ្នាទេនោះ បញ្ចាក់ថាអ្នកទាំងពីរមិនអាចដើររួមគ្នាបានយូរឡើយ។ ១. មិនត្រូវគ្នាចំពោះរឿងលុយកាក់ នៅក្នុងសង្គមនេះ មនុស្សគ្រប់គ្នាសុទ្ធតែមានទស្សនៈនៃការចំណាយប្រាក់ផ្ទាល់ខ្លួន។ មិនអាចនិយាយបានថា អ្នកណាខុសអ្នកណាត្រូវទេ មនុស្សគ្រប់គ្នាសុទ្ធតែមានរបៀបនៃការរស់នៅខុសគ្នា។ ប៉ុន្តែចំពោះបញ្ហាលុយកាក់បើនិយាយមិនត្រូវគ្នាទេនោះ ច្បាស់ជាមានទំនាស់មិនឈប់ឡើយ។ មនុស្សពីរនាក់រស់នៅជាមួយគ្នា មិនអាចចៀសផុតពីបញ្ហាលុយកាក់ឡើយ។ បើអ្នកទាំងពីរមានការយល់ខុសគ្នាចំពោះការចាយលុយ…

មានពាក្យជាច្រើនដែលគេតែងតែនិយាយថា “កើតមកជាមនុស្សស្រីកម្មណាស់ ហើយថែមទាំងកម្មក្រាស់ទៀតផង” ដែលភាគច្រើននៃមនុស្សស្រី ច្រើនតែត្រូវជួបសេចក្ដីទុក្ខវេទនានៅក្នុងរឿងជីវិតគូ មនុស្សស្រីភាគច្រើនគឺ ត្រូវត្រាំត្រែង រែកពន់ធ្ងន់ណាស់ក្នុងជីវិតគ្រួសារ ជាពិសេស គឺការដែលរៀបការប៉ះប្ដីដែលមានចរិត ចិត្តគំនិតមិនល្អ ក្បត់ផិត ឬប្រើអំពើហិង្សាធ្វើបាបប្រពន្ធ។ តែទោះជាយ៉ាងណាក៏ដោយ ក៏មានមនុស្សស្រីមួយចំនួន គាត់មានបុណ្យល្អ មានសំណាង អាចចាកផុតពីសេចក្ដីទុក្ខវេទនាទាំងអស់នេះបាន ដោយសារតែបានប្ដីល្អ ស្រឡាញ់ ស្មោះត្រង់ ចេះលះបង់ និងមើលថែ ថ្នាក់ថ្នមនាងបានយ៉ាងល្អ មិនឱ្យនាងសោយសោក រងទុក្ខនៅក្នុងជីវិតនោះឡើយ។ ខាងក្រោមនេះ គឺជាសេចក្ដីទុក្ខធំធេងណាស់របស់មនុស្សស្រី ប្រសិនបើនាងរៀបការប៉ះចំប្ដី 4 ប្រភេទនេះ ៖…