ព័ត៌មាន

មុននេះបន្តិចនៅក្នុងគេហទំព័រផ្លូវការរបស់សម្ដេចតេជោ ហ៊ុនសែន បានជូនដំណឹង អំពីការធ្វើតេស្តរកវិជ្ជមានជំងឺកូវីដ១៩ ដែលជាលទ្ធផលគឺ អវិជ្ជមាន។ ការធ្វើតេស្តនេះបានធ្វើឡើងដោយសារតែ កាលពីថ្ងៃទី៣ វិច្ចិកាកន្លងទៅនេះ សម្តេចតេជោ បានដឹកនាំគណៈប្រតិភូធ្វើទស្សនៈកិច្ចជួបជាមួយនឹងឯកឧត្តម ភីធើ ស៉ីចាតូ រដ្ឋមន្ត្រីក្រសួងការបរទេស និងពាណីជ្ជកម្មហុងគ្រី ដែលបានធ្វើតេស្តឃើញវិជ្ជមានជំងឺកូវីដ១៩ នៅពេលដែលលោកបានទៅដល់ទីក្រុងបាំងកក​ នៅរសៀលថ្ងៃដដែលនោះ។ យ៉ាងណាមិញ បើទោះជាលទ្ធផលធ្វើតេស្តរបស់សម្ដេច និងលោកជំទាវ ព្រមទាំងក្រុមអង្គរក្ស អ្នកបើកបរសរុប១៨នាក់ អវិជ្ជមានទាំងអស់ក៏ដោយ តែដើម្បីសុវត្ថិភាពទាំងអស់គ្នាគ្រូពេទ្យតម្រូវឱ្យសម្ដេចរស់នៅដាច់ដោយឡែករយៈពេល១៤ថ្ងៃ​ សូម្បីតែភរិយា កូន​ និងចៅក៏មិនអាចជួបបានដែរ។ យ៉ាងណាមិញយោងតាមរយៈសារជូនដំណឹងនេះដែរ ប្រជាពលរដ្ឋទាំងអស់សូមផ្ញើសេចក្ដីជូនពរដល់សម្ដេចសុខភាពល្អ និងចៀសចាកពីរោគាព្យាធិទាំងពួង៕

👉 លុយ ប្រៀបដូចជាលីអូ អ្នកត្រូវតែមាន ប៉ុន្តែវាមិនចាំបាច់ជួបអ្នកណាៗ ក៏ត្រូវសើយបង្ហាញប្រាប់គេថាអ្នកមាននោះដែរ។ 👉 ធ្វើជំនួញ ប្រៀបដូចជាអ្នកកំពុងតែពពោះ ត្រូវចាំដល់គ្រប់ខែ បើប្រញាប់ពេកងាយនឹងរលូត។ 👉 ប្រសិនបើអ្នកជោគជ័យ សូម្បីតែផោមក៏មានន័យដែរ។ ប្រសិនបើអ្នកបរាជ័យ ទោះសម្តីមានខ្លឹមសារក៏ដូចផោមដែរ។ 👉 រឿងអ្វីក៏ដោយបើមិនអាចធ្វើឲ្យអ្នកស្លាប់ទេ វានឹងធ្វើឲ្យអ្នកកាន់តែរឹងមាំ! ដូច្នេះមិនត្រូវចុះចាញ់ឧបសគ្គនៅចំពោះមុខឡើយ។ 👉 កុំចេះតែយកស្នាមរបួសខ្លួនឯងដើរបង្ហាញគេពេក ពីព្រោះក្នុងសង្គមនេះពិបាកបែងចែក មនុស្សណាដែលអាចជួយយកថ្នាំមកលាបរបួសឲ្យអ្នក ឬមនុស្សណាដែរចាំរោយអំបិលម្ទេសឲ្យអ្នកណាស់។ 👉 អាចយំបាន អាចស្អប់បាន តែដាច់ខាតត្រូវតែរឹងមាំ ពីព្រោះនៅមានមនុស្សជាច្រើនកំពុងចាំសើចចំអកឲ្យយើង។ 👉 ឆាកជីវិតមនុស្សគឺហត់ណាស់…

ឥណ្ឌា៖ មនុស្សមួយចំនួនតែងតែត្អូញត្អែនូវភាពលំបាករបស់ខ្លួន ពេលជួបប្រទះនឹងឧបសគ្គតិចតួច ទាំងដែលអ្នកមានអ្វីគ្រប់យ៉ាងច្រើនជាងមនុស្សខ្សត់ខ្សោយ និងអ្នកមានបញ្ហាដទៃទៀតលើពិភពលោក។ ជាក់ស្តែងរឿងរ៉ាវរបស់ក្មេងប្រុសជនជាតិឥណ្ឌាមួយរូបបានធ្វើឱ្យមនុស្សទូទាំងពិភពលោកសម្តែងនូវក្តីក្តុកក្តួលអាណិត និងការសោតសរសើរក្នុងពេលតែមួយ  ព្រោះតែជីវិតពិតតាំងពីកំណើតរបស់ក្មេងប្រុសម្នាក់នេះគ្មានអ្នកណាថាអាចរស់នៅបានទេ  ដោយតែក្មេងប្រុសឈ្មោះ Sparsh Shah  គ្រាន់តែកើតមកភ្លាមស្រាប់តែមានជំងឺពុកឆ្អឹង ​ពោលគឺគ្រូពេទ្យបានបញ្ជាក់ថាអាចរស់នៅមានជីវិតក្រោយពីកើតបានតែរយៈពេល ​១ ​ទៅ២ថ្ងៃប៉ុណ្ណោះ។ បើទោះបីជាដឹងថាកូនរបស់ខ្លួនមិនមានសង្ឃឹមរស់នៅតែ ម្តាយឪពុករបស់ Sparsh Shah   នៅតែមិនចុះចាញ់ដោយនៅខំប្រឹងស្វះស្វែងរកវិធីព្យាបាល  រហូតមិននឹកស្មានថា Sparsh Shah  បានតស៊ូមានជីវិតរស់នៅដល់អាយុជាង ​១០ឆ្នាំនេះ ​ទោះបីជាឆ្អឹងនៅតែបន្តបាក់  និងជំនួសដោយឆ្អឹងដែកក្នុងរាងកាយ ថែមទាំងអង្គុយលើរទេះរុញយ៉ាងណាក៏ដោយ។ មកទល់ពេលនេះ Sparsh Shah នៅតែប្រឹងជំនះជំងឺប្រចាំកាយរបស់ខ្លួន  ដោយមានសង្ឃឹមនៅក្នុងជីវិតមិនចុះចាញ់ ​ថែមទាំងធ្វើអ្វីដែលខ្លួនពេញចិត្តផងដែរ ​នោះគឺការលេងតន្ត្រី និងការច្រៀង…

កុំឲ្យប្រពន្ធរបស់អ្នកក្លាយជាមនុស្សស្រីដែលរឹងមាំខ្លាំងពេកពីព្រោះបើនាងក្លាហានឯករាជ្យហើយ នោះបានន័យថាអ្នកគឺជាប្តីដែលបរាជ័យម្នាក់។ ពីមុន ប្រពន្ធតែងតែចង់ចេញទៅដើរលេងជាមួយប្តីនាង គំរោងបានរៀបចំឡើងច្រើនលើកច្រើនសារ ប៉ុន្តែប្តីនាងចេះតែថាគ្មានពេលកំដរនាងទៅ។ ចាប់ពីពេលនោះមក ដំណើរកំសាន្តរបស់នាងក៏មិនត្រូវការប្តីរបស់នាងទៀតដែរ។ នាងទៅញាំបាយជាមួយមិត្តភ័ក្តិ យប់ហើយ ភ្លៀងក៏ខ្លាំង នាងខលហៅប្តីឲ្យមកទទួលនាងផង ប្តីនាងឆ្លើយទាំងធុញទ្រាន់ ៖”មិនឃើញភ្លៀងខ្លាំង ស្ទះចរាចរណ៍ទេហេ! មិនចេះហៅតាក់ស៊ីជិះមកវិញទេអី?” ចាប់ពីថ្ងៃនោះមក ចិត្តនាងក៏ដូចជាភ្លៀងធ្លាក់នៅយប់នោះដែរ! ក្រោយភ្លៀងផ្លូវរអឹល នាងខំតោងរកចាប់ដៃប្តី បន្តែគាត់គិតតែដើរម្នាក់ឯងដោយមិនខ្វល់ពីនាងសោះពេលនោះ ចិត្តនាងប្រែជាត្រជាក់ដូចទឹកកក។ ចាប់ពីពេលនោះមក នាងមិនត្រូវការមើលថែរបស់គាត់ទៀតឡើយ។ ទៅចូលរួមកម្មវិធីជួបជុំមិត្តភ័ក្តិ នាងចង់ឲ្យប្តីទៅចូលរួមជាមួយ តែប្តីថារវល់ធ្វើការថែមម៉ោង។ ឃើញគេទៅជាគូៗ នាងក៏ខលទៅប្តីម្តងទៀត តែបែរជាឮសំលេងផឹកស៊ីសើចសប្បាយ ចាប់ពីពេលនោះមកចិត្តនាងបានស្លាប់បាត់ហើយ។ ហើយក៏មិនត្រូវការគាត់ទៅកំដរទៀតដែរ។…

នាព្រឹកថ្ងៃទី ១៧ តុលា ២០២០នេះដែរ គណៈកម្មាធិការគ្រប់គ្រងគ្រោះមហន្តរាយខេត្តកំពត បានចេញសេចក្ដីប្រកាសជម្រាបជូនដំណឹងដល់បងប្អូនប្រជាពលរដ្ឋ ដែលមានភូមិសាស្រ្តរស់នៅអមសងខាងដងព្រែកកំពង់បាយ ឱ្យបានជ្រាបថា ដោយហេតុស្ថានភាពទឹកក្នុងអាងទំនប់វារីអគ្គិសនីកំចាយ ថ្ងៃទី១៧ ខែតុលា ឆ្នាំ២០២០ វេលាម៉ោង ៧០០ នាទីព្រឹកនេះ មានកម្ពស់ ១៤៨.៨៩ម ទឹកហូរចូលអាងមានចំនួន ៧៣៦.៥០ ម៣/វិនាទី។ ហេតុដូចនេះ ក្រុមការងារបច្ចេកទេសរបស់ក្រុមហ៊ុនវារីអគ្គិសនីកំចាយ គ្រោងនឹងបើកទ្វាររំដោះ ទឹក តាមលក្ខណៈបច្ចេកទេស ដោយសន្សឹមៗ ចេញពីទំនប់នាពេលឆាប់ៗនេះ ក្នុងករណីដែលមានភ្លៀងធ្លាក់ នៅតែបន្តធ្លាក់។ ការបើកទ្វារទឹកនេះអាចនឹងបណ្តាលឱ្យជន់លិចនៅភូមិសាស្ត្រ នៅអមសងខាងដងព្រែក។ អាស្រ័យដូចបានជម្រាបជូនខាងលើ…

យោងតាមសេចក្ដីប្រកាសរបស់ ក្រសួងធនធានទឹក និងឧតុនិយម បានជូនដំណឹងនៅក្នុងថ្ងៃទី ១៦ តុលា ២០២០នេះឱ្យដឹងថា យោងតាមការវិវត្តនៃអាកាសធាតុ មកដល់វេលានេះឃើញថា ប្រព័ន្ធសម្ពាធទាបដែលបានអូសបន្លាយនៅលើប្រទេសកម្ពុជាកាន់តែបង្កើនឥទ្ធិពលជាលំដាប់។ ចំណែកវិសម្ពាធ ដែលបានកើតឡើងនៅលើសមុទ្រចិនខាងត្បូង ដែលក្រសួងបានជូនដំណឹងថា វានឹងក្លាយជាព្យុះទី១៧ កាលពីថ្ងៃទី ១៥ ខែតុលា ២០២០​ នោះ ពេលនេះវាស្ថិតនៅក្នុងកម្រិត វិសម្ពាធដដែល ដោយមានល្បឿនខ្យល់ក្នុងអតិបរមា ១៥ម៉ែត្រក្នុង១វិនាទី ដែលទាបជាងល្បឿនរបស់ព្យុះ (Tropical Storm) តែ ២ម៉ែត្រក្នុង១វិនាទីតែប៉ុណ្ណោះ។ វិសម្ពាធនេះនឹងធ្វើដំណើរចូលមកភាគកណ្ដាលនៃប្រទេសវៀតណាម នៅថ្ងៃទី ១៧ តុលា…

កាលពីពេលថ្មីៗនេះ យោងតាម Account Facebook ឈ្មោះ : Sophann បានបង្ហោះនូវរូបភាពពីរសន្លឹកនៅក្នុងអត្ថន័យស្វែងរកម្ចាស់ផ្លាកលេខរថយន្ត ដែលបានបាត់ផ្លាកលេខរបស់ខ្លួន ដោយលោកបានសរសេររៀបរាប់ថា៖ 📢📢ដំណឹងស្វែងរកម្ចាស់ផ្លាកលេខឡាន🚘 👉បងប្អូនទំនាក់ទំនង៖010630007 077630007 ដូច្នេះហើយសូមបងប្អូនជួយស៊ែ ដើម្បីឲ្យម្ចាស់ផ្លាកលេខ 2BF-7453 បានឃើញផង អរគុណ។ ម្ចាស់រថយន្តបើបានឃើញហើយ អាចទាក់ទងទៅលេខទូរស័ព្ទខាងលើដើម្បីទំទាក់ទំនងយកផ្លាកលេខរបស់ខ្លួនបាន។

មួយរយៈនេះដោយសារតែមានការធ្លាក់ភ្លៀងខ្លាំងពេក បានធ្វើឲ្យតាមបណ្តាលខេត្តជាច្រើនដែលមានស្ថានដីទំនាបរងការលិចលង់ជាខ្លាំង រហូតដល់ការជម្លៀសប្រជាជនចេញពីផ្ទះដែលពួកគាត់កំពុងរស់នៅទៅរកតំបន់ដែលមានទីទួលសម្រាប់ការរស់នៅបណ្តោះអាសន្ន។ មិនថាតែតាមបណ្តារខេត្តនោះទេ សូម្បីតែនៅក្រុងភ្នំពេញក៏មានការលិចលង់នៅតាមតំបន់ដែលមានដីទំនាបដូចគ្នា ដូចជា៖ ចំការដូង ខណ្ឌដង្កោជាដើម…។ បើក្រលេកទៅមើលខាងក្រុងព្រះសីហនុវិញក៏មានការលិចលង់ច្រើននៅតាមតំបន់ទំនាបដូចគ្នា។ ជាមួយគ្នានេះដែរ ដោយយោងតាមប្រភពរូបភាពឯកសារពី Facebook Page: KPS BreakingNews យើងសង្កេតឃើញថាការលិចលង់មានច្រើន ហើយប៉ូលិសនៅមូលដ្ឋានក៏បានចុះទៅជួយសម្រាលនូវទុក្ខព្រួយរបស់ប្រជាពលរដ្ឋបានច្រើនផងដែរ។ សូមទស្សនារូបភាពឯកសារខាងក្រោម៖ ប្រភពរូបភាព: KPS BreakingNews

ដោយសារតែមួយរយៈនេះមានការធ្លាក់ភ្លៀងខ្លាំងបង្ករឲ្យក្លាយទៅជាទឹកជំនន់ជន់លិចស្ទើគ្រប់ទីកន្លែងនៅក្នុងប្រទេសកម្ពុជាយើង ជាហេតុធ្វើឲ្យប្រជាពលរដ្ឋកម្ពុជាទាំងមូលជួបទុក្ខលំបាកជាខ្លាំង។ ជាមួយគ្នានេះដែរ Page ផ្លូវការរបស់មន្ទីរពេទ្យកាល់ម៉ែត ក៏បានបង្ហោះនូវវិធីសង្គ្រោះបន្ទាន់់នៅពេលដែលមានអ្នកលង់ទឹក សម្រាប់ជាប្រយោជន៍ដល់ពុកម៉ែបងប្អូនយើងទាំងអស់គ្នាយល់ដឹង និងអាចជួយសង្គ្រោះបានភ្លាមៗទាន់ពេលវេលា ប្រសិនបើមានករណីមានមនុស្សលង់ទឹក។ វិធីសង្គ្រោះបន្ទាន់នៅពេលលង់ទឹក!!! ការលង់ ឬការជិតស្លាប់ដោយសារលង់ទឹក ច្រើនតែជាបញ្ហាដែលគេតែងតែហៅឲ្យអ្នកធ្វើការថែទាំវេជ្ជសាស្រ្តសង្គ្រោះបន្ទាន់ មកជួយសង្គ្រោះ មុននឹងបញ្ជូនជនរងគ្រោះទៅកាន់មន្ទីរពេទ្យ។ នៅក្នុងការលង់ទឹក ទឹកកម្រចូលសួតក្នុងបរិមាណច្រើន ពីព្រោះនៅពេលប៉ះនឹងវត្ថុរាវ ការកន្ត្រាក់បំពង់កកើតឡើង ហើយការកន្ត្រាក់ទាំងនេះនឹងបិទដង្ហើមពីមាត់ និងច្រមុះ។ ១) អាទិភាពដំបូងបំផុតនៅក្នុងការគ្រប់គ្រងជនរងគ្រោះលង់ទឹក គឺរក្សាសុវត្ថិភាពបុគ្គលិកជួយសង្គ្រោះ។ អ្នកជួយសង្គ្រោះគួរពិចារណាពីលទ្ធភាពនៃការកើតមានរបួសនៅនឹងឆ្អឹងខ្នងរបស់ជនរងគ្រោះ ប្រសិនបើទាក់ទងនឹងគ្រោះថ្នាក់នៃការលោត ឬជ្រមុជទឹក ឬមិនដឹងមូលហេតុ។ គួរតែសែងយកអ្នករងគ្រោះចេញពីទឹក ដោយប្រើក្តារបន្ទះរឹងជាជំនួយ។ ២) ដើម្បីជៀសវាងមានបញ្ហាធ្ងន់ធ្ងរពីការខ្វះអុកស៊ីសែន…

យោងតាមការផ្សព្វផ្សាយរបស់ Facebook page ព័ត៌មាន ដើមរាំង-dermrang ថាមានសត្វក្រពើមួយក្បាលបានរួចចេញពីទ្រុងដែលស្ថិតនៅសង្កាត់ព្រែកកំពឹស ខណ្ឌដង្កោ ។ ហេតុដូច្នេះហើយសូមពុកម៉ែបងប្អូនទាំងអស់គ្នា មេត្តាមានការប្រុងប្រយ័ត្នឱ្យបានច្រើនចំពោះខ្លួនឯងផ្ទាល់និងកូនក្មេងៗតូចផងដែរ។ ខាងក្រោមនេះជាអត្ថន័យទាំងស្រុងដែលខាងFacebook page ដើមរាំង-dermrang បានបង្ហោះជាផ្លូវការណ៍៖ ជួយស៊ែរដំណឹងបន្ទាន់! សត្វ«ក្រពើ១ក្បាល»បានរួចចេញពីអាង នៅសង្កាត់ព្រែកកំពឹស ខណ្ឌដង្កោ កាលពីព្រឹកទី១៥.១០.២០២០! (ភ្នំពេញ)៖ ថ្លែងប្រាប់អ្នកសារព័ត៌មាន នៅថ្ងៃទី១៥.១០.២០២០ លោក កន សុកេន ចៅសង្កាត់ព្រែកកំពឹស បានទទួលស្គាល់ថា៖ ពិតជាមានករណីសត្វក្រពើ រួចចេញពីអាងចិញ្ចឹមប្រាកដមែន!។ លោកបន្តថា៖ រួចចំនួន១ក្បាល ដែលមានទម្ងន់ប្រមាណជាង៣០គីឡូក្រាម…

យោងតាមសេចក្ដីប្រកាសរបស់ អគ្គិសនីកម្ពុជា – EDC បានធ្វើការជូនដំណឹងដល់ប្រជាពលរដ្ឋបានជ្រាបថា ៖ អគ្គិសនីកម្ពុជា នឹងដំណើរការជួសជុលផ្លាស់ប្ដូរដំឡើងបរិក្ខារ និងរុះរើគន្លងខ្សែបណ្ដាញបង្កលក្ខណៈដល់ការដ្ឋានពង្រីកផ្លូវ នៅតាមតំបន់សង្កាត់/ខណ្ឌមួយចំនួន ដោយគិតចាប់ពីថ្ងៃទី ១៥ តុលា ២០២០ ដល់ថ្ងៃទី ១៨ តុលា ២០២០នេះតទៅ។ ទោះជាមានការខិតខំថែរក្សាមិនឲ្យមានការប៉ះពាល់ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើអាចនឹងមានការរអាក់រអួលខ្លះៗជៀសមិនផុតដែលយើងខ្ញុំស្នើសុំអភ័យទោសទុកជាមុន។ អស្រ័យដូចការជម្រាបជូនដំណឹងនេះដែរ សូមបងប្អូនប្រជាពលរដ្ឋទទួលជ្រាប និងអធ្យាស្រ័យចំពោះការរអាក់រអួលក្នុងការផ្គត់ផ្គង់អគ្គិសនីក្នុងអំឡុងពេលនេះ។ សម្រាប់សេចក្ដីលម្អិត នៃតំបន់សង្កាត់ និងខណ្ឌផ្សេងៗ សូមអាននូវសេចក្ដីប្រកាសខាងក្រោមនេះ ៖