Wisdoms

បើអ្នកពិតជាស្រឡាញ់គូស្នេហ៍របស់អ្នកពិតមែន អ្នកត្រូវតែឈ្វេងយល់ឱ្យបានច្បាស់ ចំពោះពាក្យថាស្រឡាញ់ មានអត្ថន័យបែបណា? ការប្រចណ្ឌហួងហែង មិនមែនជាការស្រឡាញ់នោះទេ តែវាកើតព្រោះតែការមិនទុកចិត្ត និងឆោតល្ងង់របស់យើង ដែលបណ្ដោយឱ្យអារម្មណ៍ប្រចណ្ឌហួងហែង កើតឡើងបានចំពោះដៃគូ។ ការដែលយើងឱបក្រសោបមនុស្សដែលយើងស្រឡាញ់ ហួងហែង មើលថែ ការពារ វាគឺជារឿងធម្មតាទេ សម្រាប់មនុស្សដែលស្រឡាញ់គ្នា គឺវាតែងតែកើតមានហើយ។ ប៉ុន្តែពេលខ្លះ យើងបណ្ដោយឱ្យអារម្មណ៍ទាំងនេះកើតឡើង មកគ្របដណ្ដប់លើយើងខ្លួនឯងខ្លាំងពេក វាបង្កឱ្យក្លាយទៅជាបញ្ហា កើតមានការមិនទុកចិត្តលើគ្នាទៅវិញ។ នៅពេលដែលយើងព្យាយាមឱបក្រសោបគេខ្លាំងពេក វានឹងធ្វើឱ្យដៃគូរបស់យើងមានអារម្មណ៍មិនល្អចំពោះទំនាក់ទំនង វាធ្វើឱ្យគេមានអារម្មណ៍ថា យើងព្យាយាមឱបរឹត ចង់ភ្ជាប់គេយ៉ាងស្អិត ធ្វើឱ្យមានអារម្មណ៍ថា បាត់បង់សេរីភាពរបស់គេ។ កុំព្យាយាមឱបរឹតខ្លាំងពេក កុំតាមគេស្អិតខ្លាំងពេក មនុស្សយើងម្នាក់ៗ…

រឿងក្នុងគ្រួសារ គ្រួសាយើង យើងអាចដឹង តែអ្នកដទៃគេមិនដឹងទេ វាក៏ដូចគ្នា រឿងក្នុងគ្រួសារគេ ក៏យើងមិនអាចដឹងច្បាស់បានដូចគ្នាដែរ ដូច្នេះហើយ មិនថារឿងអ្វីក៏ដោយ បើវាជារឿងផ្ទៃក្នុងគ្រួសារគេ យើងកុំទៅចេះដឹង ឬវែកញែករឿងរបស់គេពេក ទោះយើងត្រូវជាមិត្តភក្តិជិតស្និទ្ធកម្រិតណា ឬត្រូវជាសាច់ញាតិបងប្អូនភាគីម្ខាងណាក៏ដោយ ការកាន់ជើងតែម្ខាង វាជារឿងដែលមិនត្រូវ ព្រោះរឿងគេយើងដឹងមិនច្បាស់ ដូច្នេះ កាន់តែចូលទៅវែកញែក គឺកាន់តែខុស។ តួយ៉ាងក្នុងគ្រួសារខ្លះ ប្ដីមួយចំនួន លួចលាក់មានស្រី ឬមានប្រពន្ធចុង តែអ្នកខ្លះ មិនដឹងទេថា ក្នុងគ្រួសារគេបែបណា ហេតុប្រាកដកើតព្រោះតែអ្វី តែអ្នកដទៃមួយចំនួនដឹលមិនដឹងរឿងច្បាស់ បែរជាកាន់ជើងប្រពន្ធចុង ហើយមកជេរប្រទេច ប្រពន្ធដើមទៅវិញ…

នៅក្នុងសង្គមមួយនេះ សម្បូរណាស់ ប្រភេទមនុស្ស ធ្វើល្អ និយាយល្អ ដើម្បីយកមុខមាត់ តែធាតុពិតគឺ ពុតត្បុត ពិសពុលសាហាវណាស់។ អ្នកខ្លះ ហ៊ាននិយាយ ហ៊ានធ្វើគ្រប់យ៉ាង សូម្បីតែលក់មុខមាត់ និងកិត្តិយសរបស់ខ្លួន ដើម្បីតែផលប្រយោជន៍ បុណ្យសក្តិ និងលុយកាក់។ មនុស្សខ្លះទៀត ដំបូងឡើយល្អណាស់ និយាយក៏ល្អ ធ្វើអ្វីក៏ល្អ តែនេះគ្រាន់តែជាការសម្ដែង ដើម្បីបន្ទន់ចិត្តអ្នកដទៃ ព្រោះតែចង់បានផលប្រយោជន៍អ្វីមួយទៅថ្ងៃខាងមុខតែប៉ុណ្ណោះ។ អ៊ីចឹងបានគេថា រកលុយ មិនពិបាកដូចរកមនុស្សល្អ ទៀងត្រង់ពិតប្រាកដនោះឡើយ។ អ្នកខ្លះ គេសុទ្ធតែមានបំណង មានគោលដៅ មើលឃើញប្រយោជន៍អ្វីមួយហើយ…

មនុស្សស្រីដែលស្អាតទាក់ចិត្តមនុស្សប្រុសមិនមែនសំដៅលើរូបរាងស៉ីវិល័យ ឬមុខមាត់មួយមុខនោះទេ។ មានចំណុចជាច្រើន ដែលប្រុសៗតែងតែសម្លឹង និងចាប់អារម្មណ៍លើស្រីៗលើសសម្ជស្សទៅទៀត ហើយខាងក្រោមនេះជាអ្វីដ៏សំខាន់បំផុតជាងរូបសម្រស់ដែលមនុស្សប្រុសត្រូវការ ៖ ១. ស្នាមញញឹម តើអ្នកដឹងទេ?មិនថាកាលៈទេសៈណាក៏ដោយ មិនថានារីនោះកំពុងខឹង ឬអន់ចិត្តអ្នកណាក៏ដោយ ឱ្យតែគ្រប់ពេលនាងបញ្ចេញស្នាមញញឹម មិនត្រឹមតែធ្វើឲ្យមនុស្សស្រីកាន់តែស្អាត និងគួរឲ្យស្រលាញ់នោះទេ ថែមទាំងធ្វើឲ្យមនុស្សប្រុសមានអារម្មណ៍ល្អជាមួយទៀតផង។ ២.  ពូកែចម្អិនម្ហូប ជាការពិតណាស់ អត់មានបុរសណាដែលចង់បានភរិយាដែលគ្រប់ពេលត្រូវទៅបាយនៅហាងរាល់តែថ្ងៃពេកនោះទេ។នារីដ៏ប្រពៃគឺជានារីដែលពូកែធ្វើម្ហូបជូនស្វាមី។ ៣. ចូលចិត្តប្រឡែងលេង ពេលខ្លះស្រីៗដែលចូលចិត្តលេងសើច បង្ហាញចរឹតពិតក៏អាចទាក់ចិត្តបុរសៗមិនតិចដែរ ដោយសារតែបុរសៗគិតថាគ្រប់ពេលស្រីៗគឺជានារីរួសរាយ និងគួរឱ្យស្រលាញ់។ ៤. ការយកចិត្តទុកដាក់ នារីៗប្រពៃគឺប្រៀបបានទៅនឹងមាតាដ៏ល្អម្នាក់ ដែលតែងតែនៅក្បែរអ្នក ចាំលើកទឹកចិត្ត ព្រួយបារម្ភពីសុខទុក្ខលំបាក…

ប្រហែលជាវាពិបាកយល់បន្តិច តែពេលវេលានឹងបង្ហាញនៅថ្ងៃណាមួយ រវាងរបស់ដែលត្រូវការ និងរបស់ដែលចង់បាន ត្បិតតែវាស្រដៀងគ្នាមែន តែវាខុសគ្នា ។ អារម្មណ៍ដែលចង់បានវាអស្ចារ្យ តែវាមានពេលកំណត់របស់វា មិនអាចនៅជានិរន្តន៍បានទេ វាគ្រាន់តែកើតឡើងរវាងមនុស្សម្នាក់ ឬពីរនាក់ ដែលបង្កើតឱ្យមានការចង់ចាំល្អៗ នៅជាមួយគ្នាគ្រាន់តែសប្បាយចិត្ត អារម្មណ៍នេះល្អស្រស់ស្អាតណាស់ តែវាមិនអាចស្ថិតស្ថេររហូតទេ ខុសពីអារម្មណ៍ដែលបេះដូងត្រូវការ ពោរពេញដោយភាពកក់ក្តៅ គ្រប់ពេលនៅជាមួយគ្នា ឈ្លោះគ្នាខ្លះ ស្វីតគ្នាខ្លះ ធ្វើឱ្យមនុស្សពីរនាក់កាន់តែយល់ចិត្តពីគ្នាទៅវិញទៅមក ដោយមិនចាំបាច់សាងអនុស្សាវរីយ៍ល្អៗ ឬនៅជាមួយគ្នាគ្រប់ពេល។ ចំណែកឯអារម្មណ៍ដែលត្រូវការ នឹងធ្វើឱ្យអ្នកកែប្រែខ្លួនឯង ដើម្បីសម្របតាមមនុស្សដែលអ្នកស្រលាញ់ ដោយមិនដឹងខ្លួន រហូតដល់ថ្ងៃមួយអ្នកគិតថាអ្នកមិនចង់បានគេមកធ្វើជាសង្សារ តែអ្នកនឹងត្រូវការគេចូលមកកំដរជីវិតអ្នកពេញមួយជីវិត។ថ្ងៃនោះអ្នកនឹងដឹងពីខ្លួនឯងកាន់តែច្បាស់រវាងខួរក្បាល និងបេះដូងដែលអ្នកត្រូវការ នៃការជ្រើសរើសមនុស្សម្នាក់ចូលមកធ្វើជាគូជីវិតរបស់អ្នក៕…

នៅពេលដែលយើងស្រលាញ់នរណាម្នាក់ ហើយគេស្រលាញ់យើងដែរនោះ វាជារឿងមួយដែលធ្វើឱ្យយើងរីករាយ ស្រស់បំព្រង ប៉ុន្តែបើ Crushលើគេ ហើយគេបែរជាមិនស្រលាញ់យើងវិញនោះ វាពិតជាធ្វើឱ្យយើងពិបាកចិត្តម្នាក់ឯងបំផុត ដែលគ្រប់ពេលយើងត្រូវតាមយកចិត្តគេ និងសម្របតាមគេគ្រប់រឿង ដើម្បីឱ្យគេពេញចិត្តនឹងយើង តែការធ្វើបែបនេះវាពិតជាហត់ខ្លាំងណាស់ នៅពេលដែលជីវិតទាំងមូលគ្មានសុភមង្គលពិតប្រាកដ មានតែសុភមង្គលក្លែងក្លាយបានមកពីការមិនពេញចិត្តរបស់គេ ដែលផ្តល់ឱ្យយើងដោយមិនសុទ្ធចិត្ត។ ស្នេហាបែបនេះ វាមិនយូរអង្វែងទេ ព្រោះយើងគិតពីគេតែម្នាក់ឯង Sad ម្នាក់ឯង ដូច្នេះកុំនៅក្បែរស្នេហាក្លែងក្លាយបែបនេះអី គ្មានក្តីសុខទេ យើងគិតថាយើងស្រលាញ់គេ បាននៅក្បែរគេមានក្តីសុខ ប៉ុន្តែយើងនៅក្បែរគេមែនពិត តែបេះដូង និងចិត្តគេមិននៅក្បែរយើងទេ ដូចេ្នះវាគ្មានន័យអីទេ ហើយពេលខ្លះយើងគួរតែចេះផ្តល់ឱកាស និងមើលមនុស្សដែលគេនៅក្បែរយើង យកចិត្តយើង គេស្រលាញ់យើង…

មនុស្សគ្រប់រូប សុទ្ធតែប្រាថ្នាចង់បានស្នេហា ចង់រៀបការ សាងគ្រួសារជាមួយនឹងមនុស្សដែលខ្លួនស្រឡាញ់ តែមិនមែនគ្រប់មនុស្សដែលយើងស្រឡាញ់ សុទ្ធតែជាគូ អាចរួមដំណើរជីវិតជាមួយយើងបាននោះឡើយ។ មនុស្សខ្លះ ស្រឡាញ់គ្នាណាស់ មនុស្សខ្លះ យើងស្រឡាញ់ណាស់ ខ្វះមិបាន បាត់បង់មិនបាន តែចុងក្រោយ ក៏នៅតែបែកចែកផ្លូវគ្នា ចុងក្រោយ បែរជាត្រូវទៅជ្រើសយកអ្នកផ្សេងទៅវិញ។ ច្រើននាក់ហើយ ដែលមិនសមបំណងក្នុងរឿងស្នេហា ទោះស្រឡាញ់គ្នាប៉ុនណា ទោះធ្លាប់សាងអនុស្សាជាមួយគ្នាច្រើនយ៉ាងណា ទោះលះបង់ឱ្យគ្នាច្រើនកម្រិតណា ក៏មិនប្រាកដថា អាចមានអនាគតមួយជាមួយគ្នា រហូតដល់ចាស់រៀងខ្លួនដែរ។ យើងអាចនឹងស្រឡាញ់ម្នាក់ហ្នឹង យើងអាចនឹងចង់បានម្នាក់ហ្នឹង យើងអាចនឹងលះបង់ដើម្បីម្នាក់ហ្នឹង តែចុងក្រោយ យើងក៏មិនបានជ្រើសយកម្នាក់ហ្នឹង ឬមិនមានសិទ្ធក្នុងការជ្រើសយកម្នាក់ហ្នឹង។ អ្នកខ្លះ…

និយាយដល់រឿងស្នេហា ចំពោះមនុស្សខ្លះ គួរឱ្យខ្មាសក្មេងពិតមែន ក្មេងៗសម័យនេះ ភាគច្រើន អាយុម្ភៃឆ្នាំមិនទាន់ទេ មានស្នេហា អូនបង អ្នកខ្លះ ហៅគ្នាដល់ទៅ ប្ដីប្រពន្ធពេញៗមាត់ទៀត ហើយក៏មានអ្នកខ្លះទៀត មានសង្សារ ពីរ បីក្នុងពេលតែមួយ បើមិនចឹងទេ បែកពីមួយយកមួយ និយាយទៅ​ ងាយស្រួលរកបានស្នេហា ងាយមានសង្សារ សម្បូរណាស់ តែទំនាក់ទំនងបែបនេះ ទាក់ទងគ្នា មិនដែលបានយូរអង្វែងឡើយ ដូចចម្រៀងគេថា សង្សារមួយខែពីរខែអីនោះមិនខុសទេ។ ប្រភេទអ្នកដែលមានស្នេហា ឬមានសង្សាររាប់ភ្លេចនោះ ភាគច្រើនគឺសុទ្ធសឹងតែជាមនុស្សសាវា ចិត្តមិនស្មោះ ងាយស្រឡាញ់ ងាយដោះដៃ…

ជាធម្មតាអ្នកធ្លាប់តែស្គាល់ និងភ្លក់គុយទាវធម្មតាៗនៅតាមហាងនានា ជាមួយនឹងរសជាតិសាច់ផ្សេងៗគ្នា ដូចជាគុយទាវសាច់គោ ​គុយទាវឆ្អឹងជំនីសាច់ជ្រូក ​គុយទាវគ្រឿងសមុទ្រ  គុយទាវវៀតណាម (ហ្វើ) និងគុយទាវឆ្ងាញ់ៗជាច្រើនទៀត។ ដោយឡែកនៅតាមភូមិភាគជាយៗប្រទេសកម្ពុជាយើង មានគុយទាវម្យ៉ាងដែលកំពុងតែពេញនិយមផងដែរ ​នោះគឺ ​គុយទាវឡាវ។ ត្បិតថាគ្រឿងផ្សំហាក់មិនខុសពីគុយទាវយើងធម្មតា ​តែរសជាតិទឹកស៊ុបមានរសជាតិប្លែកបន្តិច ​ជាពិសេសគឺទឹកកាពិជ្រលក់បន្លែតែម្តង។ កាពិដែលទទួលទានជាមួយគុយទាវឡាវមិនមែនជាទឹកកាពិប្រភេទនំបញ្ចុកវៀតណាមនោះទេ ​តែវាជាកាពិឆាគ្រឿងឡើងឈ្ងុយ លាយសណ្តែកដី រសជាតិល្បីឆ្ងាញ់មែនទែន ​រហូតមានអ្នកវេចខ្ចប់ទឹកកាពិនេះទុកជ្រលក់ស្វាយ និងគ្រឿងម្ជូរផងដែរ។ អ្នកអាចរកទទួលទានគុយទាវឡាវនេះនៅខេត្តស្ទឹងត្រែង  រតនគិរី និងមណ្ឌលគិរីតែម្តង  ដោយកន្លែងលក់គុយទាវឡាវនោះមានអ្នកចូលទទួលទានច្រើនមែនទែន ​រហូតមានអ្នកឈរចាំផងដែរ។ តែបើចង់សាកនៅភ្នំពេញយើងក៏មានហាងមួយចំនួនដាក់លក់គុយទាវឡាវដែរ។ ចង់ដឹងថារសជាតិយ៉ាងណា កុំភ្លេចរកសាកភ្លក់ម្តងមើល៍  ធានាថាជាប់ចិត្ត! រក្សាសិទ្ធអត្ថបទ៖…

មិនបាច់ស្រឡាញ់គ្នាក៏បានដែរ សុំត្រឹមតែអាចបាននៅក្បែរគ្នា មានពេលវេលាល្អៗជាមួយគ្នា ត្រឹមឃ្លានមានអ្នកកំដរញ៉ាំ​ អផ្សុកមានអ្នកកំដរនិយាយលេង​ កេីតទុក្ខអាចនិយាយប្រាប់គ្នាឱ្យធូរស្រាលចិត្ត​ ពេលគិតអីមិនចេញមានអ្នកពិភាក្សាឱ្យយោបល់ … ប៉ុណ្ណឹងក៏គ្រប់គ្រាន់ហើយ។ ពេលខ្លះ វាជាអារម្មណ៍ត្រូវការ គឺគ្រាន់តែត្រូវការមនុស្សម្នាក់ដែលដឹងចិត្ត យល់ចិត្ត យកចិត្តទុកដាក់ ខ្វល់ខ្វាយ មិនទុកយើងចោល មិនបាច់ជាសង្សារនឹងគ្នាក៏បាន មិនបាច់ជាដៃគូនឹងគ្នាក៏មិនអី តែសុំធ្វើជាមិត្ត ឬលើសពីមិត្តដែលយល់ចិត្ត អាចនិយាយបានថា ជាទំនាក់ទំនងមួយដែលចេះថែរក្សាគ្នា ចេះខ្លាចបាត់បង់គ្នា ប៉ុណ្ណឹងគឺ កក់ក្ដៅ និងមានក្ដីសុខណាស់ទៅហើយ។ ពេលខ្លះ អ្នកមានឈ្មោះថាជាសង្សារ ជាដៃគូស្នេហានឹងគ្នា ក៏មិនប្រាកដថា អាចកំដរគ្នា អាចមានពេលវេលាក្បែរគ្នា…

ស្នេហា ការស្រឡាញ់សុទ្ធតែជារឿងដែលមិនអាចបង្ខំ ឬទាមទារបានតាមតែអារម្មណ៍ និងចិត្តដែលយើងចង់បាននោះឡើយ ព្រោះស្នេហា ការស្រឡាញ់វាកើតចេញពីចិត្ត ចេញពីបេះដូងដ៏ពិតប្រាកដ មិនអាចហាមឃាត់ ឬបញ្ជាឱ្យឈប់បានទេ។ យ៉ាងណាមិញ ប្រៀបដូចជាមនុស្សខ្លះដែលបានអស់ចិត្តពីយើងទៅហើយ គេលែងមានអារម្មណ៍ល្អៗ គេលែងស្រឡាញ់យើងហើយនោះ​ ទោះយើងព្យាយាឱបក្រសោបគេយ៉ាងណា ឃាត់គេមិនឱ្យចេញបែបណា ចង់ឱ្យគេនៅជាមួយយើងខ្លាំងប៉ុនណា ទោះយើងខំលះបង់ទាំងជីវិតដើម្បីឃាត់ឱ្យគេនៅទៀត ក៏គេមិនអាចនៅជាមួយយើងបានដែរ ព្រោះតែគេលែងមានចិត្ត មានអារម្មណ៍ចំពោះយើងហើយ ចុងក្រោយ វាក៏ប្រហែលជាបានត្រឹមតែក្ដីអាណិត ឬចិត្តដែលកាន់តែស្អប់យើងបន្ថែមតែប៉ុណ្ណោះ។ ចំណែកឯមនុស្សខ្លះទៀត ហាក់ដូចជាគេជំពាក់កម្មយើងអ៊ីចឹង ទោះយើងប្រឹងដេញគេយ៉ាងណា ហាមាត់ថាស្អប់គេយ៉ាងណា ធ្វើបាបផ្លូវចិត្តគេកម្រិតណា ក៏គេបែរជាមិនព្រមទៅណាចោលយើង មិនព្រមទុកយើងចោល មិនព្រមបោះបង់យើងសោះ គេប្រហែលអាចជាមនុស្សដែលយើងស្អប់ខ្លាំងក៏ថាបាន…