Wisdoms

ជាធម្មតាទេ មនុស្សយើងតែមានទំនាក់ទំនងជាមួយមនុស្សជុំវិញខ្លួន ជាពិសេសគឺមនុស្សល្អៗ មានគំនិតវិជ្ជមាន រមែងមានការរាប់អានច្រើនជាមួយមនុស្សជុំវិញ ហើយមនុស្សល្អៗនេះហើយ ក៏រមែងត្រូវបានគេពឹងពាក់ជាប់ជាហូរហែ ឬអាចនិយាយឱ្យអាក្រក់ស្ដាប់បន្តិចថា ជាមនុស្សដែលត្រូវបានគេប្រើរហូត។ តែដឹងទេថា ហេតុអ្វីបានជាគេចេះតែមកពឹងពាក់ ឬប្រើប្រាស់យើងស្ទើរតែគ្រប់គ្នា គ្រប់ពេលបែបហ្នឹង? ខាងក្រោមនេះ ជាចំណុចត្រួសៗ ដែលជាដើមហេតុនាំឱ្យគេ ចូលចិត្តមកពឹង ឬប្រើយើង ៖ ១.​ ព្រោះតែយើងជាមនុស្សសំខាន់សម្រាប់គេ ធម្មតាទេ តែយើងសំខាន់សម្រាប់គេ គេក៏តែងតែប្រាប់យើងគ្រប់រឿង នឹកដល់យល់យើងមុនគេ​ ជាពិសេសគឺ ពេលដែលគេមានទុក្ខ ជួបបញ្ហា គេប្រាកដជាចង់ឱ្យយើងជាមនុស្សម្នាក់ ដែលនៅក្បែរ និងជាកម្លាំងចិត្តឱ្យគេ ចង់ឱ្យយើងជាចំណែកមួយដែលរួមសុខទុក្ខជាមួយនឹងគេ។…

ធ្លាប់គិតថា ការជ្រើសយកមនុស្សដែលស្រឡាញ់យើង ទោះយើងមិនបានស្រឡាញ់គេ តែយ៉ាងណា វាក៏ល្អជាងទៅទ្រាំចាំមនុស្សដែលខ្លួនឯងស្រឡាញ់ ដែលគេគ្មានថ្ងៃនឹងស្រឡាញ់យើងវិញសោះ។ ព្រោះបើយើងជ្រើសយកមនុស្សដែលស្រឡាញ់យើង គេនឹងផ្ដល់ក្ដីសុខ សុភមង្គល ភាពកក់ក្ដៅដល់យើងគ្រប់ពេល និងមួយជីវិត យើងមិនចាំបាច់ទៅហត់ចិត្ត នឿយគំនិតក្នុងការដែលត្រូវទៅទ្រាំផ្គាប់ចិត្តគេ។ ប៉ុន្តែអ្វីៗវាមិនដូចការគិត អ្វីៗវារឹតតែវេទនាទ្វេដង ការដែលជ្រើសបានមនុស្សដែលស្រឡាញ់យើងវាគឺជារឿងដែលល្អណាស់ ព្រោះគេតាមចិត្តយើង គេយល់ពីយើង គេព្យាយាមធ្វើគ្រប់យ៉ាងដើម្បីយើង គេមិនដែលធ្វើឱ្យយើងខកចិត្ត ខូចចិត្ត ឬហត់ចិត្តជាមួយនឹងគេម្ដងឡើយ។ ហើយមិនថាយើងត្រូវការអ្វី ចង់បានអ្វីក៏គេអាចផ្ដល់ឱ្យយើងបានដែរ អ្វីដែលគេបានលះបង់ និងផ្ដល់ឱ្យយើង វាពិតជាលើសលប់ និងពោរពេញដោយភាពកក់ក្ដៅខ្លាំងពិតមែន។ តែព្រោះតែគេមិនមែនជាមនុស្សដែលយើងស្រឡាញ់ យើងមិនដែលមានសូម្បីតែអារម្មណ៍ស្រឡាញ់គេសូម្បីតែបន្តិច យើងមិនមានមនោសញ្ចេតនាចំពោះគេសោះ ដូច្នេះហើយអ្វីទាំងអស់ដែលគេបានធ្វើ…

មនុស្សជាច្រើន តែងតែស្អប់ គុំកួន ជាមួយនឹងអ្នកចាស់ ឬសង្សារចាស់ ដែលបានបែកគ្នា ដោយហេតុតែការបែកគឺបន្សល់នូវអារម្មណ៍ឈឺចាប់ ខកចិត្តព្រោះតែទំនាក់ទំនងកន្លងត្រូវបានកើតឡើងព្រោះតែសង្សារចាស់ ឬអ្នកចាស់ក្បត់ចិត្ត និងធ្វើបាបចិត្ត។ តែយ៉ាងណា មិនមែនឱ្យតែសង្សារចាស់ ឬអ្នកចាស់សុទ្ធតែអាក្រក់ និងគួរឱ្យស្អប់នោះឡើយ ព្រោះមនុស្សយើងមានអនុស្សាការចងចាំ និងទំនាក់ទំនងមិនដូចគ្នាទេ។ អ្នកខ្លះ បែកព្រោះតែមានហេតុផលសមស្រប ដែលសុទ្ធតែអាចទទួលយកបាន ហើយទំនាក់ទំនងពួកគេក៏សុទ្ធតែល្អ ស្មោះត្រង់ មិនមានការក្បត់ទំនុកចិត្ត ឬបំផ្លាញភាពជឿជាក់គ្នានោះឡើយ។ មនុស្សខ្លះបែកគ្នាទៅហើយ តែក៏នៅតែធ្វើឱ្យយើងនឹករឭក ចងចាំ និងពិតជាចង់ជួប ឬក៏អាចនឹងចង់វិលត្រឡប់ទៅរកគេវិញខ្លាំងណាស់។ ប៉ុន្តែជាក់ស្ដែងគូខ្លះមិនអាចត្រឡប់ ព្រោះតែមានអ្នកថ្មីរៀងៗខ្លួន គូខ្លះមិនអាចត្រឡប់ ព្រោះតែមិនហ៊ាន…

អំណាចនៃសេចក្ដីស្រឡាញ់ដ៏ពិតប្រាកដ អត់មានអ្វីអាចមកបំបែក ឬពង្រាត់បាន ក្រៅតែពីសេចក្ដីស្លាប់នោះឡើយ ឱ្យតែមនុស្សពីរនាក់ ជាក់ថាស្រឡាញ់គ្នា មានចិត្តស្មោះត្រង់ចំពោះគ្នា ទោះមានអ្នកទីពីរ ទីបី ទីបួនប៉ុន្មាននាក់ចូលមកទៀត ក៏មិនអាចអូសទាញចិត្តគេទៅបានដែរ។ លើកលែងតែមនុស្សរបស់យើងប្រុងក្បត់ មានចិត្តលើអ្នកដែលចូលមកជ្រៀតជ្រែក ចិត្តទោរទន់ទៅតាមគេដែរ ទើបអាចឱ្យប្រែចិត្ត ផ្លាស់ប្ដូរ បាត់បង់ក្ដីស្រឡាញ់ និងភាពស្មោះត្រង់ចំពោះដៃគូរបស់ខ្លួនឯង។ ជឿទៅថា មនុស្សដែលស្មោះចំពោះដៃគូ មនុស្សដែលស្រឡាញ់យើងពិតប្រាកដ មិនថានៅពីមុខ ឬក្រោយខ្នងយើងទេ ទោះមានគេល្អជាងយើង ស្អាតជាងយើង មានជាងយើងប៉ុនណា ក៏គេនៅតែស្ម័គ្រស្មោះចំពោះយើងគ្រប់វេលា។ ប៉ុន្តែ ប្រសិនបើគេមិនស្មោះចំពោះយើងហើយនោះ ទោះយើងឱបក្រសោបគេប៉ុនណា ទោះយើងល្អនឹងគេប៉ុនណា ក៏គេនៅតែអាចក្បត់យើង…

ពេលណាការ? គេការអស់ហើយ ហើយខ្លួនឯងពេលណាគិតគូរ? អាចថាជាសំណួរដ៏គួរឱ្យធុញទ្រាន់ និងអាចគួរឱ្យស្អប់ខ្លាំងទៀតផង តែវាបែរជាក្លាយជាសំណួរជាប្រចាំដែលមនុស្សភាគច្រើនយកមកប្រើរាល់ពេលជួបជុំគ្នា មិនថាជាមិត្តភក្តិ ជាពិសេសគឺអ្នកជិតខាង សាច់ញាតិបងប្អូនតែម្ដង។ ពេលណាការ? គេការអស់ហើយ ហើយខ្លួនឯងពេលណាគិតគូរ? ក៏ជាសំណួរដែលខ្វះសីលធម៌ផងដែរ វាបង្ហាញពីកម្រិតនៃការយល់ដឹងរបស់អ្នកដែលតែងតែសួរសំណួរមួយនេះ ជាពិសេសគឺ សួរទៅកាន់នារីៗដែលមានវ័យច្រើន តែគាត់នៅតែមិនទាន់រៀបការ។ តើអ្នកមានដឹងទេថា សំណួរដែលអ្នកបានសួរ បើសួរទៅកាន់មនុស្សដែលមានដៃគូសង្សារ មានគម្រោងរៀបការ គឺវាមិនមានបញ្ហានោះឡើយ តែបើអ្នកសួរទៅកាន់មនុស្សដែលមិនទាន់គិតគូរ ឬគាត់មិនមានដៃគូវានឹងក្លាយជាសំណួរដែលដាក់សម្ពាធលើគាត់យ៉ាងខ្លាំង។ លើសពីនេះបើអ្នកសួរទៅកាន់មនុស្សស្រី វារឹតតែជាបញ្ហាចោទយ៉ាងខ្លាំង ព្រោះគាត់ជាមនុស្សស្រី ទោះគាត់ចង់រៀបការ តើឱ្យគាត់ទៅធ្វើបែបណា? ឱ្យគាត់ទៅដណ្ដឹងអ្នកណា? ឬឱ្យគាត់ទៅបង្ខំគេមែនទេ? វាមិនមែនជារឿងដែលល្អនោះទេ…

មិនមែនការស្រឡាញ់របស់មនុស្សគ្រប់រូប សុទ្ធតែប្រាថ្នា ឬទាមទារឱ្យមានការស្រឡាញ់ត្រឡប់មកវិញនោះឡើយ ខ្ញុំដឹង និងយល់ច្បាស់ណាស់ថា ការស្រឡាញ់មិនអាចបង្ខំ ឬចេះតែទាមទារបានតាមចិត្តនោះទេ ដូចខ្ញុំក្នុងពេលនេះ ការស្រឡាញ់មួយនេះចំពោះអ្នក មិនបានរំពឹង ឬសម្លឹងចង់បានការស្រឡាញ់មកវិញនោះឡើយ។ ការលះបង់ដែលខ្ញុំមានឱ្យអ្នក ក៏មិនចង់បានអ្វីពីអ្នកវិញនោះដែរ ខ្ញុំគ្រាន់តែសង្ឃឹមថា ការស្រឡាញ់ ការលះបង់មួយនេះ វានឹងដក់ជាប់នៅក្នុងចិត្ត និងការចងចាំរបស់អ្នករហូតទៅតែប៉ុណ្ណោះ។ សង្ឃឹមថាអ្នកនឹងចងចាំខ្ញុំទុក ហើយអ្នកនឹងនឹកឃើញថា ធ្លាប់មានមនុស្សម្នាក់ស្រឡាញ់អ្នកខ្លាំង អាចធ្វើបានគ្រប់យ៉ាងដើម្បីអ្នក ជាមនុស្សដែលស្មោះត្រង់ចំពោះអ្នកខ្លាំងបំផុត។ មិនថាថ្ងៃមុខទៅជាយ៉ាងណានោះទេ មិនថាពេលណា ទីណា កន្លែងណា សូមឱ្យអ្នកដឹងផងថា មនុស្សម្នាក់នេះ មិនធ្លាប់មានគំនិតអាក្រក់លើអ្នក មិនដែលចង់ឱ្យអ្នកកើតទុក្ខ រឹតតែមិនចង់ឃើញអ្នកលំបាកនោះឡើយ…

ជាការពិតណាស់ មនុស្សប្រុសមិនងាយនឹងបង្ហាញនូវទង្វើ ឬពាក្យសម្ដីទៅកាន់ច្បាស់លាស់ទៅកាន់មនុស្សស្រីណាងាយៗឡើយ សូម្បីតែមនុស្សស្រីខ្លះ គេស្រឡាញ់ខ្លាំងយ៉ាងណាក៏ដោយ ក៏មនុស្សប្រុសហាក់ធ្វើព្រងើយកន្តើយ មិនសូវជាយកចិត្តទុកដាក់ប៉ុន្មានទេ។ ប៉ុន្មានសម្រាប់ពាក្យ៣ឃ្លាខាងក្រោមនេះ មនុស្សប្រុសអាចនឹងនិយាយវាទៅកាន់តែមនុស្សស្រីណាដែលគេស្រឡាញ់ពិត និងដាក់ចិត្តចង់បាននាងជាគូអនាគតតែប៉ុណ្ណោះ។ តើដៃគូរបស់អ្នក ដែលនិយាយប្រយោគទាំងនេះ ទៅកាន់អ្នកដែរឬទេ? ១. មនុស្សគ្រប់គ្នាក្នុងគ្រួសារខ្ញុំពិតជាចង់ជួបអ្នកណាស់ ប្រយោគទីមួយ និងសំខាន់បំផុតដែលបុរសគ្រាន់តែប្រាប់នារីដែលពួកគេស្រឡាញ់ គឺគាត់ពិតជាចង់នាំអ្នកទៅជួបសាច់ញាតិ និងជួបជុំគ្រួសាររបស់ពួកគេណាស់។ សូម្បីតែអ្នកមិនដែលបង្ហាញខ្លួននៅផ្ទះរបស់គាត់ក៏ដោយ ក៏មនុស្សនៅក្នុងគ្រួសាររបស់គាត់ស្គាល់អ្នកច្បាស់ណាស់ ព្រោះដៃគូរបស់អ្នកតែងតែនិយាយ និងរំឭកអំពីអ្នកប្រាប់អ្នកផ្ទះ ជាពិសេសគឺ ម៉ាក់ប៉ារបស់គាត់។ ហេតុដូច្នេះហើយប្រសិនបើគាត់និយាយប្រាប់អ្នកចំពោះរឿងនេះ លើសពីប្រាំដងនៅជាសញ្ញាច្បាស់ណាស់ថាគាត់ចង់ណែនាំអ្នកឱ្យស្គាល់ក្រុមគ្រួសាររបស់គាត់យ៉ាងម៉ត់ចត់ នោះគាត់នឹងនាំអ្នកទៅជួបសាច់ញាត់គាត់យ៉ាងម៉ឺងម៉ាត់ ដើម្បីបញ្ជាក់ថា គាត់ប្រាកដប្រជាជាមួយអ្នកនៅក្នុងទំនាក់ទំនងនេះ។ ២. តើអ្នកគិតយ៉ាងណាចំពោះខ្ញុំ?…