គោលការណ៍នៃជីវិតគឺមានស្នូល ៥ យ៉ាងដែលអ្នកមិនគួរបោះបង់ បើអ្នកចង់ឈានទៅរកភាពជោគជ័យ និងវិបុលភាព។ នេះមិនត្រឹមតែជាគោលការណ៍ណែនាំសម្រាប់សកម្មភាពប៉ុណ្ណោះទេ ប៉ុន្តែក៏ជាមូលដ្ឋានសម្រាប់បង្កើតការគិតវិជ្ជមាន និងផ្នត់គំនិតផងដែរ។
១.កុំបោះបង់ការតាំងចិត្តរបស់អ្នក
ការតស៊ូគឺជាគន្លឹះនៃភាពជោគជ័យ ហើយប្រសិនបើអ្នកខ្វះការតស៊ូ អ្នកនឹងងាយបោះបង់ពេលជួបការលំបាក។ មានតែតាមរយៈការបន្តគោលដៅរបស់អ្នកយ៉ាងម៉ឺងម៉ាត់ដល់ទីបញ្ចប់ប៉ុណ្ណោះទេ ទើបអ្នកអាចយកឈ្នះលើបញ្ហាប្រឈម និងទទួលបានរង្វាន់ក្នុងជីវិត។
២.កុំបោះបង់ការសិក្សា
ការរៀនសូត្រគឺជាផ្លូវឆ្ពោះទៅរកភាពរីកចម្រើន។ នៅក្នុងពិភពលោកដែលផ្លាស់ប្តូរជានិច្ច ការរៀនសូត្របន្តជួយអ្នកឱ្យសម្របខ្លួនបានយ៉ាងឆាប់រហ័ស បង្កើនជំនាញរបស់អ្នក និងពង្រីកឱកាសរបស់អ្នក។
៣.កុំបោះបង់ការច្នៃប្រឌិត
ការច្នៃប្រឌិតគឺជាកម្លាំងនៅក្នុងជីវិត ប្រសិនបើអ្នកដើរនៅលើផ្លូវដែលគេធ្លាប់ដើររួច អ្នកនឹងនៅពីក្រោយគេអស់មួយជីវិត។ ការគិតប្រកបដោយភាពច្នៃប្រឌិតជួយអ្នកស្វែងរកដំណោះស្រាយថ្មីៗ ចាប់យកនិន្នាការ និងបង្កើតតម្លៃផ្សេងៗ ហើយវាក៏ជាជំនាញមួយដែលអាចរុញអ្នកទៅកាន់ភាពជោគជ័យបានដែរ។
៤.កុំបោះបង់សុទិដ្ឋិនិយម
សុទិដ្ឋិនិយមជួយអ្នករក្សាថាមពលវិជ្ជមានដើម្បីយកឈ្នះលើភាពមិនអនុគ្រោះ។ នៅពេលអ្នកជឿលើអ្វីដែលល្អ អ្នកឃើញដំណោះស្រាយជំនួសឱ្យបញ្ហា ការគិតវិជ្ជមានអាចជួយអោយអ្នកក្លាយជាមនុស្សល្អ ចូលចិត្តគិតពីរឿងល្អ ច្រើនជាងការសុញគំនិត។
៥.មិនចោលសីលធម៌
សីលធម៌គឺជាមូលដ្ឋានគ្រឹះសម្រាប់ភាពជោគជ័យដ៏យូរអង្វែង។ បុគ្គលដែលរស់នៅតាមគោលការណ៍ និងជំនឿតែងតែទទួលបានការគោរព សហការ និងការទុកចិត្តពីអ្នកដទៃ។ ទាំងនេះមិនមែនជាពាក្យស្លោកទទេៗនោះទេ ប៉ុន្តែជាផ្លូវអនុវត្តដែលនាំអ្នកទៅរកភាពជោគជ័យពិតប្រាកដ។
មនុស្សយើងងាយបាក់ទឹកចិត្តនៅពេលប្រឈមមុខនឹងឧបសគ្គ ខ្វះការតស៊ូក្នុងការសិក្សា មិនអាចរក្សាភាពច្នៃប្រឌិត បាត់បង់សុទិដ្ឋិនិយមនៅពេលប្រឈមមុខនឹងការបរាជ័យ ហើយជួនកាលមិនយកចិត្តទុកដាក់លើតម្លៃសីលធម៌ជាមូលដ្ឋាន។ រឿងតូចតាចទាំងនេះនឹងក្លាយជាឧបសគ្គធំដែលធ្វើឲ្យពួកគេពិបាកក្នុងការសម្រេចបានជីវិតដែលពួកគេចង់បាន។ “បើអ្នកបោះបង់ស្នូលជីវិតទាំង៥នេះ ទ្រព្យសម្បត្តិរបស់អ្នកនឹងមិនរីកចំរើនទេ”។ ប៉ុន្តែប្រសិនបើអ្នកអនុវត្តគោលការណ៍ទាំងប្រាំនេះ អ្នកនឹងមិនត្រឹមតែបើកទ្វារទៅរកភាពជោគជ័យប៉ុណ្ណោះទេ ប៉ុន្តែថែមទាំងអាចកសាងជីវិតដ៏រុងរឿង សុភមង្គល និងមានន័យទៀតផង។ ជោគជ័យមិនមែនកើតឡើងដោយសារសំណាងនោះទេ ប៉ុន្តែជាលទ្ធផលនៃការអនុវត្តឥតឈប់ឈរ — ពីការតស៊ូ ស្មារតីរៀនសូត្រ ភាពច្នៃប្រឌិត អាកប្បកិរិយាសុទិដ្ឋិនិយម រហូតដល់មូលដ្ឋានគ្រឹះសីលធម៌៕