ពិតមែនហើយ ជីវិតណាក៏មានទុក្ខ ជួបបញ្ហាការលំបាក មិនអាចចៀសផុតបានឡើយ តែទោះជាយ៉ាងណា ប្រសិនបើបញ្ហាកើតឡើង សេចក្ដីទុក្ខចូលមកហើយ យើងត្រូវតែចេះរកវិធី ឬយុទ្ធសាស្ត្រឱ្យកាន់តែខ្លាំងពូកែ ដើម្បីសម្លាប់សេចក្ដីទុក្ខលំបាកទាំងនោះ កុំបណ្ដោយឱ្យបញ្ហា និងសេចក្ដីទុក្ខមកគ្រប់គ្រង សម្លាប់យើងបានឱ្យសោះ។ ដូច្នេះ ថ្ងៃនេះ យើងនឹងលើកយកវិធីសាស្ត្រទាំង ៥ យ៉ាង ដើម្បីសម្លាប់បញ្ហាការលំបាកដែលមាននៅក្នុងជីវិតយើងនេះ។
១. ទទួលយកស្ថានភាព
ទទួលស្គាល់ស្ថានភាពដែលអ្នកកំពុងស្ថិតនៅ ហើយត្រូវក្លាហានប្រឈមមុខជាមួយនឹងវាឱ្យបាន។ ការបដិសេធ គេចវេស ឬមិនអើពើនឹងបញ្ហា វាមិនមែនជាវិធីដោះស្រាយដ៏ល្អនោះឡើយ។ ប៉ុន្តែការទទួលស្គាល់ការពិត នឹងជួយអ្នកឱ្យស្ងប់ស្ងាត់ និងស្វែងរកដំណោះស្រាយបានកាន់តែប្រសើរ។
២. ផ្តោតលើដំណោះស្រាយ
ជំនួសឱ្យការផ្តោតលើបញ្ហា ចូរផ្តោតលើការស្វែងរកដំណោះស្រាយ។ ប្រសិនបើដំណោះស្រាយមួយមិនដំណើរការទេ សូមព្យាយាមម្ដងទៀត រហូតទាល់តែអ្នករកឃើញដំណោះស្រាយមួយដែលមានប្រសិទ្ធភាព។
៣. ស្វែងរកជំនួយ
កុំខ្លាចក្នុងការស្វែងរកជំនួយ។ និយាយជាមួយអ្នកដែលអ្នកទុកចិត្ត ដូចជាមិត្តភ័ក្តិ សមាជិកគ្រួសារ ឬពេទ្យចិត្តសាស្ត្រ ពួកគេអាចផ្តល់ការគាំទ្រ និងដំបូន្មានល្អៗជាច្រើនដល់អ្នក។
៤. ថែរក្សាខ្លួនអ្នក
ដោះស្រាយភាពតានតឹងដោយធ្វើរឿងដែលអ្នកចូលចិត្តដូចជា ហាត់ប្រាណ ធ្វើសមាធិ ឬចំណាយពេលនៅក្នុងធម្មជាតិឱ្យបានច្រើន ដើម្បីឱ្យស្មារតីភ្លឺស្វាង គិតឃើញរឿងដែលល្អៗ។
៥. រៀនសូត្រពីបទពិសោធន៍
រាល់ការលំបាក គឺជាឱកាសដើម្បីរៀនសូត្រ។ សញ្ជឹងគិតអំពីអ្វីដែលបានកើតឡើង អ្វីដែលអ្នកបានរៀន និងរបៀបដែលអ្នកអាចប្រើបទពិសោធន៍នេះ ដើម្បីក្លាយជាមនុស្សរឹងមាំ និងធន់បន្ថែមទៀតនាពេលអនាគត៕
ប្រភព ៖ បរទេស / Knongsrok