អត្ថបទថ្មីៗ

ខ្ញុំជាមនុស្សបែបណា មិនមែនត្រូវសម្រេចដោយសារមាត់មនុស្សជុំវិញខ្លួនខ្ញុំទេ។  អ្វីដែលខ្ញុំដឹងនៅពេលនេះ គឺមនុស្សគួរឲ្យខ្លាចណាស់ មនុស្សចូលចិត្តវាយតម្លៃមនុស្សដោយគ្រាន់តែមើលរូបរាងខាងក្រៅ ពេលខ្លះមិនបានប្រាំវិនាទីផង ក៏ថាខ្ញុំជាមនុស្សអាក្រក់ទៅហើយ ទាំងមិនដែលស្គាល់គ្នាពីមុនមកក៏មាន។ ហេតុអីទើបមនុស្សចូលចិត្តធ្វើបែបនេះ? ការវាយតម្លៃរបស់អ្នកដល់កម្រិតកំពូលហើយ? ទើបអាចវាយតម្លៃមនុស្សម្នាក់ភ្លាមៗនោះ! តើពិភពលោកផ្លាស់ប្តូរទៅជាបែបនេះតាំងពីពេលណា? ពេលខ្លះទៀតខ្ញុំក៏លួចសួរខ្លួនឯងថា តើក្រុមមនុស្សដែលចូលចិត្តវាយតម្លៃទៅលើគេហ្នឹង តើអ្នកទាំងអស់គ្នាហ្នឹងធ្លាប់ធ្វើរឿងអាក្រក់អត់? ធ្លាប់សាងបាបអត់? ឬក៏តាំងពីកើតមកអ្នកទាំងអស់គ្នាធ្វើត្រូវរហូត??? ឈប់! ឆ្លុះកញ្ចក់មើលខ្លួនឯងសិន! មើលមុខខ្លួនឯងឲ្យច្បាស់ ថាធ្លាប់ធ្វើរឿងអាក្រក់អីខ្លះ! ថាធ្លាប់មើលងាយនរណាខ្លះ! ថាធ្លាប់សាងបាបអីខ្លះ! យកទៅដេកគិតឡើយវិញឲ្យច្បាស់ ថ្ងៃមួយអ្នកនឹងដឹងថាពាក្យដែលអ្នកវាយតម្លៃខ្ញុំនៅពេលនេះ ក៏ជាពាក្យដែលអ្នកកំពុងវាយតម្លៃខ្លួនឯងនៅពេលក្រោយដែរ។ ខ្ញុំមិនដឹងថាអ្នកទាំងអស់គ្នាធ្លាប់ត្រូវក្រុមមនុស្សបែបហ្នឹងវាយតម្លៃឬអត់ទេ ប៉ុន្តែបើថ្ងៃមួយអ្នកបានជួប អ្នកនឹងដឹងថាវាជារឿងដែលគួរឲ្យខកចិត្តបំផុត ហើយក៏ជារឿងដែលខ្ញុំគួរឲ្យស្តាយបំផុតដែរ ដែលខ្ញុំត្រូវស្គាល់មនុស្សប្រភេទហ្នឹង។ រក្សាសិទ្ធអត្ថបទដោយទំព័រ៖ និទានអារម្មណ៍

ភ្នំពេញ៖ តាចម្រៀងសំឡេងស្រទន់ទើបរះថ្មី អេលីត ទិវ័ន ជាតារាចម្រៀងថ្មីនៃ Power Melody Label ដែលមានបចម្រៀងជាច្រើនបានចេញផ្សាយ ហើយទទួលបានការចាប់អារម្មណ៍ ពីសំឡេងស្រទន់ និងបទចម្រៀងចាក់ដោតមនោសញ្ចេតនា។ បទចម្រៀងមួយទៀតរបស់លោក «ពេលខ្លះនឹកគេ» ជាស្នាដៃនិពន្ធដោយអ្នកនិពន្ធ ច័ន្ទ មល្លិកា ដែលថ្លែងពីមនុស្សម្នាក់ដែលបែកគ្នាជាមួយសង្សារចាស់ ហើយក៏មានសង្សារថ្មីរៀងខ្លួន។ ទោះបីបែកគ្នាហើយក៏ដោយ ក៏គេតែងលួចនឹកដល់សង្សារចាស់ ហើយនៅតែចង់ដឹងសុខទុក្ខសង្សារចាស់ខ្លួន ថាតើខ្លួនធ្លាប់នឹកគេដែរទេ? ខាងក្រោមនេះ ជាបទចម្រៀង «ពេលខ្លះនឹកគេ» ពី អេលីត ទិវ័ន៖ https://www.youtube.com/watch?v=Ahk2ikjlxck

ដូចដែលលោកអ្នកបានដឹងរួចមកហើយថា ​ចង់ប្លាស្ទិច  និងរបស់របរប្រើប្រាស់ធ្វើពីជ័រ ​ឬផ្លាស្ទិចពិតជាមិនល្អចំពោះសុខភាព ​ថែមទាំងមានផលប៉ះពាល់យ៉ាងខ្លាំងដល់បរិស្ថានផងដែរ  ដោយសារតែវាមានជាតិជ័រផ្ទុកសារធាតុគីមីសាយភាពរាល់ពេលដែលប្រើប្រាស់ផង ​ហើយពេលដែលអ្នកបោះវាចោលវាត្រូវប្រើវេលាដល់ទៅរាប់រយឆ្នាំដើម្បីរំលាយសារធាតុជ័រទាំងនេះផងដែរ។ ដើម្បីចូលរួមលើកស្ទួយ និងថែរក្សាបរិស្ថានថ្មីៗនេះកូនខ្មែរមួយក្រុមដែលមានគណនីហ្វេសប៊ុកផេកឈ្មោះ Cleanbodia មានគំនិតច្នៃប្រតិដ្ឋថ្មីដោយបានកែច្នៃផលិតថង់ធ្វើពីរុក្ខជាតិមិនប៉ះពាល់បរិស្ថាន  ដែលទទួលបានការគាំទ្រ ​និងកោតសរសើរជាខ្លាំងពីមហាជន។ ថង់ដែលផលិតចេញពីរុក្ខជាតិនេះ ត្រូវបានគេដឹងថាផលិតចេញពីដំឡូងមី ដែលប្រើរយៈពេល៥ឆ្នាំតែប៉ុណ្ណោះដើម្បីរលាយ ខុសពីថង់ប្លាស្ទិកដែលចំណាយពេលរលាយពី៥០០ឆ្នាំ ទៅ១០០០ឆ្នាំឯណោះ។ ជាពិសេសនោះ ការប្រើប្រាស់ថង់ផលិតពីរុក្ខជាតិ និងប្រអប់ក្រដាសនេះគឺបានជួយបរិស្ថានជាច្រើន ដោយថែមទាំងអាចជួយកាត់បន្ថយកាកសំណល់សំរាមដែលក្ររលាយ ព្រមទាំងអាចជួយបង្កើនកាងារកសិករខ្មែរដាំដំឡូងមីឱ្យមានទីផ្សារលក់ចេញទៀតផង។ គួរឱ្យដឹងផងដែរថាលោកអ្នកអាចទំនាក់ទំនងទិញផ្លាស្ទិចមួយនេះបានតាមរយៈគណនីហ្វេសបុកផេក  Cleanbodia  ឬតាមរយៈគណទំព័រ https://www.cleanbodia.com/en/order/ ៕ រក្សាសិទ្ធ៖ ក្នុងស្រុក