អត្ថបទថ្មីៗ

កាលមួយរយៈមុន  បុរសម្នាក់ដែលបើកបរខុសល្មើសច្បាប់ចរាចរណ៍បើកបរទាំងស្រវឹងបុកទ្រព្យសម្បត្តិសាធារណៈ  ថែមទាំងប្រើពាក្យសម្តីជេរប្រមាថធ្ងន់ៗ ទៅលើអភិបាលខេត្តកំពង់ធំ  ត្រូវបានគេស្កាល់ថាមានតំណែងវរសេនីយ៍ឯក  តែមានចរិតក្អេងក្អាងមិនខ្លាចច្បាប់ទម្លាប់ឡើយ ​ធ្វើឱ្យមានផ្ទុះការរិះគន់ជាខ្លាំងពីមហាជន ​និងទាមទារឱ្យដាក់ទោសតាមផ្លូវច្បាប់ទៀតផង។ មកទល់ថ្ងៃទី ២១ ​ខែឧសភា ​ឆ្នាំ  ២០២០ ​នេះ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានចេញសេចក្តីប្រកាសភ្លាមៗ ដោយបញ្ចប់មុខតំណែងលោកវរសេនីយ៍ឯកដែលបង្កបញ្ហានេះភ្លាមៗតែម្តង  ​ដោយបុគ្គលបង្កហេតុនេះត្រូវបានគេដឹងថាមានឈ្មោះវរសេនីយ៍ឯក រុំ សុវិជ្ជា អត្តលេខ០៣៨៧៤ នាយការិយាល័យចរាចរណ៍ជើងគោក នៃស្នងការដ្ឋាននគរបាលខេត្តកំពង់ធំ ។ សេចក្តីប្រកាសនេះធ្វើឱ្យមហាជនសាទរជាខ្លាំង ​ដែលជនល្មើសច្បាប់បានទទួលការពិន័យទៅតាមទោសកំហុស ​ហើយនេះក៏បញ្ជាក់បានថាប្រទេសយើងមានច្បាប់អ្នកប្រព្រឹត្តខុសទោះមានតំណែងបែបណាក៏ត្រូវតែទទួលទោសដែរ៕

សៀមរាប៖ ពិធីយោងបំណែកព្រះពុទ្ធបដិមាក្នុងរណ្តៅកំណាយមុខថែវព្រះរយព្រះពាន់នៅប្រាសាទអង្គរវត្ត ត្រូវបានរៀបចំឡើងដោយអាជ្ញាធរជាតិអប្សរា និងក្រុមការងារកំណាយ កាលពីព្រឹកថ្ងៃទី១៩ ខែឧសភា ឆ្នាំ២០២០។ យោងតាមអាជ្ញាធរជាតិអប្សរា ការយោងបំណែកព្រះពុទ្ធបដិមាទាំងអស់ចេញពីរណ្តៅកំណាយ គឺដើម្បីសិក្សាផ្គុំរូបរាង ជួសជុលអភិរក្ស និងលើកតម្លៃវត្ថុបុរាណ ព្រមទាំងទុកលទ្ធភាពឱ្យអ្នកជំនាញកំណាយស្រាវជ្រាវបុរាណវិទ្យាបញ្ចប់ការងារកំណាយ។ តាមការបញ្ជាក់របស់ឯកឧត្តមអគ្គនាយកអាជ្ញាធរជាតិអប្សរា បដិមា ១ អង្គដែលមានរូបរាងពេញលេញជាងគេ នឹងត្រូវជួសជុលសម្អាត ហើយដាក់សំណើសុំអនុសាសន៍ពីគណៈកម្មការអាយស៊ីស៊ី-អង្គរ ដើម្បីយកទៅដាក់នៅទីតាំងដើម ព្រោះគេបានស្គាល់ច្បាស់ថា បំណែកព្រះពុទ្ធបដិមាទាំងអស់ មានប្រភពនៅថែវព្រះរយព្រះពាន់ ដែលមានកាលបរិច្ឆេទប្រហែលស្ថិតក្នុងសម័យកណ្តាល។ បំណែកព្រះពុទ្ធបដិមាដែលបានរកឃើញមានចំនួន១០៥ ក្នុងនោះពុទ្ធបដិមាមានរូបមិនពេញលេញមាន៣៥អង្គ និង១អង្គមានរូបរាងពេញលេញជាងគេ សន្លឹកសីមា១ រួមនឹងបំណែកតូចៗចំនួន១៨០ផងដែរ៕ ប្រភព៖ អាជ្ញាធរជាតិអប្សរា  

អ្នកគំនូរជនជាតិរុស្ស៊ីលោក Anton Gudim គឺជាសិល្បករម្នាក់ក្នុងចំណោមសិល្បករដែលយើងចូលចិត្តជាងគេពីព្រោះស្នាដៃរបស់គាត់មានភាពស្រស់ស្អាតនិងមិនធម្មតា។ សិល្បៈរូបនេះគាត់បានបង្ហាញយើងពីភាពស្មុគស្មាញជាច្រើនដែលរូបខ្លះមិនសមហេតុផលថាមនុស្សសម័យនេះមិនសមធ្វើ ហើយត្រូវបានបង្ហាញយ៉ាងល្អឥតខ្ចោះនៅក្នុងរឿងរ៉ាវប្រៀបប្រដូចរូបរបស់គាត់ខណៈដែលអ្នកផ្សេងទៀតបង្ហាញយើងនូវទស្សនៈខុសគ្នាទាំងស្រុងដែលធ្វើឱ្យយើងសើចឬគិតជាដើម។ ថ្ងៃនេះយើងខ្ញុំពេញចិត្ត នូវភាពចម្លែកៗនៅក្នុងការងាររបស់ លោក Anton Gudimហើយនោះជាមូលហេតុដែលយើងចង់ចែករំលែកវាជាមួយមិត្តអ្នកអានទាំងអស់គ្នាដែលកំពុងចុចមើលគេហទំព័រ ក្នុងស្រុក។ តោះទាញចុះក្រោមហើយប្រាប់ក្រុមការងារ ក្នុងស្រុក វិញថារូបណាខ្លះដែរ មិត្តអ្នកអានមើលមិនយល់ថាលោក Anton Gudim ចង់បង្ហាញអំពីអ្វី៖ ១. © gudim_public / Instagram ២. © gudim_public / Instagram ៣. © gudim_public…