គេហទំព័រ Goal.com បានជ្រើសរើសកីឡាករវ័យក្មេងដ៏មានទេពកោសល្យទាំង ២៥ នាក់ដែលកើតនៅ ឬបន្ទាប់ពីថ្ងៃទី ១ ខែមករាឆ្នាំ ២០០២ ពីគ្រប់មជ្ឈដ្ឋានទាំងអស់ក្នុងតំបន់អាស៊ាន។ ក្នុងចំណោមកីឡាករទាំងអស់នោះក៏មានកីឡាករកម្ពុជាយើងម្នាក់ដែរគឺខ្សែប្រយុទ្ធ ស៊ាង ចន្ធា។
ក្នុងបញ្ជី២៥នាក់ ស៊ាង ចន្ធាស្ថិតក្នុងចំណាត់ថ្នាក់ទី១២។ Goal បានពិពណ៌នាខ្សែប្រយុទ្ធបឹងកេតរូបនេះថា៖” ទោះបីជាមានវ័យត្រឹម១៨ឆ្នាំ ស៊ាង ចន្ធាបានបង្ហាញខ្លួនក្នុងជម្រើសជាតិឈុតធំរបស់គោព្រៃកម្ពុជាជាច្រើនប្រកួតរួចទៅហើយ។ ខ្សែប្រយុទ្ធរូបនេះបានរកគ្រាប់បាល់ដំបូងក្នុងឈុតធំ នៅពេលប្រកួតជាមួយក្រុមជម្រើសជាតិប៉ាគីស្ថានកាលពីខែមិថុនាឆ្នាំ ២០១៩ ដែលបានក្លាយជាអ្នករកគ្រាប់បាល់ក្មេងជាងគេបំផុតរបស់ប្រទេសរបស់គាត់នៅអាយុ ១៦ ឆ្នាំ។
គាត់ត្រូវបានក្លិបបឹងកេតដែលត្រូវបានគេចាត់ទុកជាក្លិបធំមួយរបស់កម្ពុជា ចុះកុងត្រាយកក្រោយបញ្ចប់ការហ្វឹកហាត់នៅសាលាបាល់ទាត់ជាតិបាទី។ ក្រោយមក កីឡាករមានកំណើតមកពីខេត្តកោះកុងរូបនេះ ក៏បង្កើតប្រវត្តិសាស្រ្តបន្ថែមទៀតនៅខែធ្នូឆ្នាំ ២០១៩ នៅពេលដែលគាត់រកបានគ្រាប់បាល់លឿនជាងគេនៅស៊ីហ្គេមដោយរកបានសំណាញ់ទីទល់នឹងមីយ៉ាន់ម៉ាបន្ទាប់ពីចែកបាលបានតែ ១៨ វិនាទី។
គាត់ប្រឈមនឹងការប្រកួតប្រជែងខ្លាំងពីសំណាក់រៀមច្បងប្រាក់មុន្នីឧត្តម និងកែវ សុខផេងក្នុងឈុត១១នាក់ក្រុមជម្រើសជាតិ ប៉ុន្តែវាហាក់ដូចជាជៀសមិនរួចទេដែលថាគាត់នឹងក្លាយជាខ្សែប្រយុទ្ធលេខ ៩ របស់កម្ពុជាប្រសិនបើគាត់រក្សាការអភិវឌ្ឍដូចពេលបច្ចុប្បន្ន។
ខាងក្រោមជាកីឡាករវ័យក្មេងទាំងអស់នោះ៖
25-RONALDO KWATEH
24-ZIKRI KHALILI
23-NGUYEN CANH TIEP
22 – JAKKAPONG SANMAHUNG
21-ALEXANDRO FELIX KAMURU
20- WARAKORN THONGBAI
19- LA MIN HTWE
18-HAKEME YAZID SAID
17- MOCHAMMAD SUPRIADI
16- BAGAS KAFFA
15-MARSELINO FERDINAN
14-ILHAN FANDI
13-VO NGUYEN HOANG
12- SIENG CHANTHEA
11- NGUYEN VAN BACH
10- KHAIRIN NADIM
09- NGUYEN PHI HOANG
08- DAVID MAULANA
07-ARIF AIMAN
06-CHATMONGKOL RUEANGTHANAROT
05-ELKAN BAGGOTT
04-JUDE SOONSUP-BELL
03- LUQMAN HAKIM
02-BAGUS KAHFI
01-SUPHANAT MUENTA
