ក្រុមបិសាចក្រហម Manchester United នឹងត្រូវជួបក្រុម Villarreal ក្នុងវគ្គផ្ដាច់ព្រ័ត្រពានរង្វាន់ UEFA Europa League នៅ Stadion Energa Gdańsk (Stadion Gdańsk)ក្នុងប្រទេសប៉ូឡូញនៅយប់ថ្ងៃទី២៦ខែឧសភាឆ្នាំ២០២១ ខណៈជំនួបនេះក្រុមទាំងពីសុទ្ធតែមានបញ្ហាកីឡាកររបួសដូចគ្នាជាមួយកង្វល់មួយចំនួន។
ព័ត៌មានក្រុមបិសាចក្រហម Man Utd ៖
Anthony Martial នឹងមិនមានវត្តមានក្នុងការប្រកួតនេះច្បាស់ណាស់។ យុទ្ធនាការក្នុងរដូវកាល ២០២០/២១ របស់ខ្សេប្រយុត្ធបារាំងបានឈានដល់ទីបញ្ចប់នៅពេលដែលគាត់រងរបួសជង្គង់ ពេកចាកចេញទៅបំពេញកាតព្វកិច្ចអន្តរជាតិជាមួយជម្រើសជាតិបារាំងកាលពីខែមីនា។ ជាការពិត! កីឡាករវ័យ ២៥ ឆ្នាំរូបនេះក៏នឹងខកខានការប្រកួតយូរ៉ូ ២០២០ ខាងមុខនេះផងដែរ។
Harry Maguire នៅតែជាការសង្ស័យដ៏ធំ។ ប្រធានក្រុមបិសាចក្រហម Manchester United ដែលកំពុងពុះពារនឹងបញ្ហារបួសកជើងបានធ្វើដំណើរជាមួយមិត្តរួមក្រុមដែលនៅសល់ទៅកាន់ប្រទេសប៉ូឡូញ។ ទោះយ៉ាងណាលោក Ole Gunnar Solskjaer មិនរំពឹងថាកីឡាករអង់គ្លេសនឹងលេង ហើយ Maguire នឹងមានភារកិច្ចដឹកនាំក្រុមពីខាងក្រៅទីលាន។
ព័ត៌មានក្រុម Villarreal
Vicente Iborra នឹងខកខានការប្រកួតវគ្គផ្តាច់ព្រ័ត្រ Europa League ។ ខ្សែបម្រើជើងចាស់ដែលធ្លាប់ជាកីឡាករឆ្នើមរបស់ក្រុម Villarreal នៅរដូវកាលនេះអវត្តមានជាមួយនឹងការដាច់សរសៃពួរសាច់ដុំ។
ខ្សែបម្រើស្លាប Samuel Chukwueze និងខ្សែបម្រើការពារ Juan Foyth កំពុងប្រណាំងប្រជែងជាមួយពេលវេលាគ្នាជាថ្មីម្តងទៀត ដើម្បីជាសះស្បើយពីបញ្ហាសរសៃពួរ។ លោក Unai Emery បានបដិសេធការដកចេញកីឡាករទាំងពីរចេញពីជំនួបនេះ ហើយពួកគេអាចនឹងមានវត្តមានក្នុងការប្រកួតឬក៏យ៉ាងម៉េចនោះទេ៕