ខ្សែការពារសញ្ជាតិម៉ាឡេស៊ី Nick Swirad ដែលលេងនៅលីគកំពូលថៃបានចាកចេញពីក្លឹប Nongbua Pitchaya ទោះបីទើបតែចុះកុងត្រាក៏ដោយកាលពីប៉ុន្មានសប្ដាហ៍មុនក៏ដោយ។
យោងតាមការពន្យល់របស់ Swirad នៅលើទំព័របណ្តាញសង្គម Instagram របស់គាត់បានឱ្យដឹងថាគាត់ត្រូវតែចាកចេញពី Nongbua ពីព្រោះគាត់មិនមានវត្តមានគ្រប់គ្រាន់ជាមួយក្រុមជម្រើសជាតិម៉ាឡេស៊ីក្នុងការប្រកួតប្រជែងជម្រើសដំបូងនោះទេ។ ផ្ទុយទៅវិញអ្នកកាសែត Astro Arena លោក Zulhelmi Zainal Azam យល់ថាកីឡាករបរទេសចាំបាច់ត្រូវបង្ហាញខ្លួនជាមួយក្រុមជម្រើសជាតិយ៉ាហោចណាស់ចំនួន ៣ ដង ដើម្បីអាចឱ្យពួកគេលេងបាននៅក្នុងការប្រកួតក្នុង Thai League 1 ។
View this post on Instagram
Nick Swirad ធ្លាប់ត្រូវបានគេកោះហៅឱ្យចូលរួមជាមួយក្រុមជម្រើសជាតិម៉ាឡេស៊ីក្នុងឆ្នាំ ២០១៩ ប៉ុន្តែគាត់មិនបានបង្ហាញខ្លួនទេ ដោយសារតែរបួសនៅពេលនោះ។ចូលរួមជាមួយ Nongbua, Swirad បានជួយក្លឹបឱ្យក្លាយជាម្ចាស់ជើងឯកនៃការប្រកួត Thai League 2 និងទទួលបានកន្លែងលេងក្នុងលីគ Thai League 1 រដូវកាលក្រោយ។
Nick Swirad umumkan tinggalkan kelab Thailand Nongbua Pitchaya walaupun kontraknya telah dilanjutkan hingga musim 2022 disebabkan isu kaps antarabangsa. Difahamkan, pemain luar perlu mempunyai tiga kaps bersama skuad kebangsaan untuk bermain dalam Thai League 1.
— Zulhelmi Zainal Azam (@zulhelmizainal1) May 20, 2021
កីឡាករមានកំណើតក្នុងទីក្រុង Manchester ប្រទេសេអង់គ្លេសចូលសញ្ជាតិម៉ាឡេស៊ីរូបនេះ បានចូលរួមជាមួយក្រុម Nongbua ក្នុងទីផ្សារដោះដូរលើកទី ២ នៃរដូវកាល ២០២០/២០២១ បន្ទាប់ពីត្រូវបានដោះលែងដោយក្លិប Selangor ៕