*តម្លៃសំបុត្ររួមបញ្ចូលសេវាផ្សេងៗចាប់ពីត្រឹមតែ ១៥០ ដុល្លារអាមេរិកសម្រាប់ការធ្វើដំណើរមួយជើង
(ភ្នំពេញ ថ្ងៃទី ៦ ខែមករា ឆ្នាំ ២០២៦) – ក្រុមហ៊ុនអាកាសចរណ៍ Vietjet កំពុងដាក់ឱ្យដំណើរការឡើងវិញនូវសេវាកម្មលំដាប់ខ្ពស់របស់ខ្លួនគឺ SkyBoss ដោយនាំមកជូនអ្នកធ្វើដំណើរពីកម្ពុជានូវមធ្យោបាយធ្វើដំណើរប្រកបដោយដ៏ប្រណិតភាពជាងមុនរវាងប្រទេសកម្ពុជា និងវៀតណាម។ ជាមួយនឹងជើងហោះហើរប្រចាំថ្ងៃដែលភ្ជាប់ទីក្រុងសៀមរាប និងទីក្រុងហាណូយ សេវាកម្ម SkyBoss ផ្តល់ជូនអ្នកធ្វើដំណើរពីប្រទេសកម្ពុជានូវការធ្វើដំណើរដ៏រលូនដែលបំផុសគំនិតដោយស្មារតីនៃបទពិសោធន៍ “ការធ្វើដំណើរលំដាប់ខ្ពស់សម្រាប់ថ្នាក់ដឹកនាំ និងអ្នកដំណើរកម្រិតខ្ពស់ (Wings for Leaders)”។
តម្លៃសំបុត្រ SkyBoss ចាប់ផ្តើមពីត្រឹមតែ ១៥០ ដុល្លារអាមេរិកក្នុងមួយជើង (រួមទាំងពន្ធ និងថ្លៃសេវាផ្សេងៗ)។ អ្នកដំណើរអាចរីករាយជាមួយការដាក់ឥវ៉ាន់យួរដៃបានចំនួន ១០ គីឡូក្រាម ដាក់ឥវ៉ាន់ផ្សេងៗទៀតបានរហូតដល់ ៣០ គីឡូក្រាម បូករួមទាំងឈុតក្លឹបវាយកូនហ្គោលមួយឈុត ការចុះឈ្មោះចូលមុន ការត្រួតពិនិត្យសុវត្ថិភាព និងការឡើងយន្តហោះ (អាស្រ័យលើលក្ខខណ្ឌអាកាសយានដ្ឋាន) ការជ្រើសរើសកៅអីមុន ការចូលប្រើប្រាស់បន្ទប់សម្រាកលំដាប់ខ្ពស់ និងអាហារក្តៅៗដែលរៀបចំថ្មីៗដែលអាចបានដោយគ្មានដែនកំណត់ ដើម្បីធ្វើដំណើរប្រកបដោយភាពរីករាយ (*)។
សេវាកម្ម SkyBoss ត្រូវបានរចនាឡើងសម្រាប់អ្នកដំណើរដែលនិយមចូលចិត្តការបង្តើតបរិយាកាសនិងបទពិសោធន៍ផ្ទាល់ខ្លួនបែបប្រណិតភាព និងប្រសិទ្ធភាពតាំងពីពេលចេះដំណើររហូតដល់ពេលអំំឡុងពេលធ្វើដំណើរ។ បទពិសោធន៍ “ការធ្វើដំណើរលំដាប់ខ្ពស់សម្រាប់ថ្នាក់ដឹកនាំ និងអ្នកដំណើរកម្រិតខ្ពស់” ចាប់ផ្តើមមានចាប់ពីពេលដែលអ្នកដំណើរមកដល់អាកាសយានដ្ឋាន ដោយធានាបាននូវការធ្វើដំណើរដោយរលូន អបដោយបរិយាកាសស្ងប់ស្ងាត់ សម្រាកលំហែរ និងសេវាកម្មដ៏យកចិត្តទុកដាក់។ ភ្ញៀវទាំងអស់ត្រូវបានមើលថែរយ៉ាងយកចិត្តទុកដាក់ ដើម្បីផ្តល់នូវសេវាធ្វើដំណើរដោយរលូន ប្រកបដោយតុល្យភាពរវាងផាសុកផ្លូវកាយនិងផ្លូវចិត្តនៅគ្រប់ដំណាក់កាលទាំងអស់នៃការធ្វើដំណើរ។
ពេលនៅលើយន្តហោះ ភ្ញៀវធ្វើដំណើរអាចអាហារក្តៅៗ និងរៀបចំថ្មីៗដោយមិនមានកំណត់ រួមមានមុខម្ហូបវៀតណាមដ៏ពេញនិយមដូចជា៖ ហ្វឺ បាញ់មី កាហ្វេទឹកដោះគោវៀតណាម ម៉ាត់ឆាឡាតេ និងអាហារជាច្រើនមុខទៀត។ អាហារនីមួយៗ ផ្តល់សារធាតុចញ្ចឹមលើសពីអាហារូបត្ថម្ភ ដែលនាំមកនូវអារម្មណ៍ស្រស់ស្រាយ និងធ្វើឱ្យអ្នកដំណើរមានសុខភាពល្អសម្រាប់ពេញមួយការធ្វើដំណើរ។
ក្រុមនាវិកលើយន្តហោះរបស់ Vietjet មានបទពិសោធន៍ផ្តល់សេវាពេញលេញប្រកបដោយភាពកក់ក្តៅ រីករាយ និងយកចិត្តទុកដាក់បំផុតជូនភ្ញៀវធ្វើដំណើរ។ បុគ្គលិកផ្តល់សេវានៅលើយន្តហោះទាំងនោះមិនត្រឹមតែមានវិជ្ជាជីវៈច្បាស់លាស់ក្នុងការផ្តល់សេវាប៉ុណ្ណោះទេ ប៉ុន្តែថែមទាំងមើលការខុសត្រូវ យកចិត្តទុកដាក់ចំពោះភ្ញៀវគ្រប់ៗរូបបានយ៉ាងម៉ត់ចត់បំផុត ដែលនេះឆ្លុះបញ្ចាំងពីស្មារតីក្នុងការយកចិត្តទុកដាក់ផ្តល់សេវាកម្មដ៏ពិសេសរបស់ Vietjet។
ស្របតាមការផ្តល់ជូននូវឧត្តមភាពសេវាកម្មរបស់ខ្លួន ក្រុមហ៊ុន Vietjet បន្តកសាងភាពខ្លាំងរបស់ខ្លួនក្នុងការដំណើរការបណ្តាញហោះហើរក្នុងស្រុក និងអន្តរជាតិដែលមានប្រេកង់ខ្ពស់នៅទូទាំងផ្លូវហោះហើរសេដ្ឋកិច្ច និងទេសចរណ៍សំខាន់ៗ ដែលផ្តល់ឱ្យអ្នកដំណើរនូវភាពងាយស្រួលក្នុងការគ្រប់គ្រងពេលវេលាធ្វើដំណើរបានកាន់តែប្រសើរឡើង និងអនុញ្ញាតឱ្យមានការរៀបចំផែនការកាន់តែមានប្រសិទ្ធភាពសម្រាប់ការធ្វើដំណើរអាជីវកម្ម និងកម្សាន្ត។
SkyBoss ផ្តល់ជូនមិនត្រឹមតែតម្លៃសំបុត្រសមរម្យប៉ុណ្ណោះទេ តែក៏ផ្តល់ជូននូវបទពិសោធន៍ធ្វើដំណើរដែលផ្តោតលើផាសុកភាព ប្រសិទ្ធភាព និងសេវាកម្មដ៏យកចិត្តទុកដាក់នៅគ្រប់ដំណាក់កាលនៃការធ្វើដំណើរផងដែរ។
(*) លក្ខខណ្ឌនានាត្រូវបានអនុវត្ត
###
អំពី ក្រុមហ៊ុន Vietjet
ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។ ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។
ព័ត៌មានបន្ថែមនៅ www.vietjetair.com
ទំនាក់ទំនងប្រព័ន្ធផ្សព្វផ្សាយ៖
QED Agency
លោក មី សុវណ្ណ (Sovann)
អ៊ីមែល៖ [email protected]
លេខទំនាក់ទំនង៖ +855 88 6000 321
Vietjet Air
កញ្ញា កែវ ដួង (Amy)
អ៊ីមែល៖ [email protected]
លេខទំនាក់ទំនង៖ +84 932 775 066
