(ភ្នំពេញ ថ្ងៃទី ៩ ខែកញ្ញា ឆ្នាំ ២០២៥) – ក្រុមហ៊ុន Vietjet ត្រូវបានផ្តល់កិត្តិយសជាអ្នកឈ្នះរង្វាន់ជាសកលនៃពានរង្វាន់ចីរភាពឆ្នាំ ២០២៥ ដោយក្រុមហ៊ុន AirlineRatings.com ដែលជាគេហទំព័រវាយតម្លៃសុវត្ថិភាពអាកាសចរណ៍ និងចំណាត់ថ្នាក់ផលិតផលឈានមុខគេរបស់ពិភពលោក។ ការទទួលស្គាល់នេះពង្រឹងជំហររបស់ក្រុមហ៊ុន Vietjet ក្នុងនាមជាក្រុមហ៊ុនអាកាសចរណ៍ត្រួសត្រាយផ្លូវដំបូងគេនៅអាស៊ី និងជាដៃគូធ្វើដំណើរដ៏គួរឱ្យទុកចិត្តសម្រាប់អ្នកដំណើរកម្ពុជា ដោយផ្តល់ជូននូវមធ្យោបាយហោះហើរប្រកបដោយសុវត្ថិភាព ទំនើប តម្លៃសមរម្យ និងប្រកបដោយនិរន្តរភាព មិនថាអ្នកដំណើរធ្វើដំណើរសម្រាប់ការកម្សាន្ត អាជីវកម្ម ឬការតភ្ជាប់ទៅកាន់ពិភពលោកនោះទេ។
ពានរង្វាន់ចីរភាពឆ្នាំ ២០២៥ ត្រូវបានចាប់ផ្តើមនៅឆ្នាំនេះដោយក្រុមហ៊ុន AirlineRatings ដើម្បីបង្ហាញការទទួលស្គាល់ក្រុមហ៊ុនអាកាសចរណ៍ដែលកំពុងធ្វើឱ្យមានការរីកចម្រើនប្រកបដោយអត្ថន័យក្នុងការកាត់បន្ថយផលប៉ះពាល់ដល់បរិស្ថាន។ ក្នុងចំណោមអ្នកឈ្នះរង្វាន់ពិភពលោកចំនួនប្រាំពីរក្រុមហ៊ុន Vietjet មានមោទនភាពដែលស្ថិតក្នុងចំណោមក្រុមហ៊ុនដឹកជញ្ជូនតម្លៃសមរម្យចំនួនបីដែលត្រូវបានទទួលស្គាល់សម្រាប់គំនិតផ្តួចផ្តើមឈានមុខគេក្នុងឧស្សាហកម្មក្នុងចីរភាព និងកាត់បន្ថយផលប៉ះពាល់ដល់បរិស្ថាន។
ក្រុមហ៊ុន Vietjet ត្រូវបានគេទទួលស្គាល់ថាសម្រាប់ប្រតិបត្តិការកងនាវាអាកាសចរជំនាន់ក្រោយ និងទំនើបបំផុតនៅក្នុងតំបន់អាស៊ីប៉ាស៊ីហ្វិក ភាគច្រើនជាយន្តហោះ Airbus A321neo ដែលជួយសន្សំសំចៃប្រេងច្រើនក៏ដូចជាការកាត់បន្ថយការបំភាយឧស្ម័ន CO₂ និងសំលេងរំខានបើប្រៀបធៀបទៅនឹងយន្តហោះជំនាន់មុនៗ។ ក្រុមហ៊ុនអាកាសចរណ៍នេះ ក៏ជាអ្នកអនុម័តប្រើប្រាស់ប្រេងឥន្ធនៈអាកាសចរណ៍ប្រកបដោយចីរភាព (SAF) នៅក្នុងប្រទេសវៀតណាម ហើយបានអនុវត្ត យុទ្ធសាស្រ្តប្រកបដោយភាពច្នៃប្រឌិត ដើម្បីបង្កើនប្រសិទ្ធភាពប្រេងឥន្ធនៈនៅទូទាំងប្រតិបត្តិការរបស់ខ្លួន។
Vietjet គឺជាក្រុមហ៊ុនអាកាសចរណ៍ដំបូងគេក្នុងប្រទេសវៀតណាមដែលបានចុះផ្សាយរបាយការណ៍ចីរភាពបរិស្ថាន សង្គម និងអភិបាលកិច្ច (ESG)។ ថ្មីៗនេះ ក្រុមហ៊ុនអាកាសចរណ៍បានបង្កើតភាពជាដៃគូជាមួយក្រុមហ៊ុនអាកាសចរណ៍ Petrolimex ដើម្បីប្រើប្រាស់ប្រេងឥន្ធនៈ SAF ប្រើប្រាស់នៅប្រទេសវៀតណាមជាលើកដំបូងក្រោមស្តង់ដារ ISCC EU ដោយបំពេញតាមតម្រូវការចីររភាពដ៏តឹងរឹង។ នៅឆ្នាំ ២០២៥ ក្រុមហ៊ុន Vietjet បានបណ្តាក់ទុនរាប់ពាន់លានដុល្លារក្នុងការធ្វើទំនើបកម្មកងនាវាអាកាសចរ រួមទាំងការបញ្ជាទិញយន្តហោះ Airbus A330neo ជំនាន់ថ្មីចំនួន ៤០ គ្រឿង ដែលកាត់បន្ថយការប្រើប្រាស់ប្រេងឥន្ធនៈ និងការបំភាយឧស្ម័ន CO₂ ២៥ ភាគរយ បើប្រៀបធៀបទៅនឹងយន្តហោះជំនាន់មុន និងការបញ្ជាទិញយន្តហោះ Airbus A321neo ចំនួន ១០០ បន្ថែមទៀត។ ការវិនិយោគទាំងនេះ បញ្ជាក់ពីការប្តេជ្ញាចិត្តរបស់ Vietjet ក្នុងការជំរុញអាកាសចរណ៍ប្រកបដោយនិរន្តរភាព និងគាំទ្រដល់គោលដៅសកលនៃការបំភាយឧស្ម័នសូន្យត្រឹមឆ្នាំ ២០៥០។
AirlineRatings វាយតម្លៃសុវត្ថិភាព ផលិតផលនិងសេវាកម្មក្នុងយន្តហោះ និងកត្តាផ្សេងទៀត ហើយការវាយតម្លៃរបស់ស្ថាប័ននេះ ត្រូវបានជឿទុកចិត្តដោយអ្នកដំណើររាប់លាននាក់មកពី ១៩៥ ប្រទេស។ Vietjet ជាប់ចំណាត់ថ្នាក់ជាក្រុមហ៊ុនអាកាសចរណ៍ដែលមានសុវត្ថិភាពបំផុតក្នុងពិភពលោក ដោយក្រុមហ៊ុនអាកាសចរណ៍រក្សាបានចំណាត់ថ្នាក់សុវត្ថិភាពផ្កាយ 7/7 ខ្ពស់បំផុតចាប់តាំងពីឆ្នាំ ២០១៨ ដោយ AirlineRatings។
សម្រាប់អ្នកធ្វើដំណើរកម្ពុជា Vietjet ផ្តល់ភាពងាយស្រួលជាងមុនជាមួយនឹងសេវាកម្មធ្វើដំណើរទៅមកប្រចាំថ្ងៃរវាងខេត្តសៀមរាប និងទីក្រុងហាណូយ។ ពីទីក្រុងហាណូយ អ្នកដំណើរអាចតភ្ជាប់យ៉ាងរលូនទៅកាន់បណ្តាញគោលដៅដ៏ទូលំទូលាយរបស់ Vietjet នៅទូទាំងអាស៊ីប៉ាស៊ីហ្វិក និងប្រទេសជាច្រើនទៀត។ ជាមួយនឹងកងនាវាអាកាសចរទំនើប និងកំណត់ត្រាសុវត្ថិភាព និងប្រតិបត្តិការដ៏ល្អឥតខ្ចោះ Vietjet ធានាថាអ្នកដំណើរពីប្រទេសកម្ពុជាអាចធ្វើដំណើរប្រកបដោយទំនុកចិត្ត ផាសុកភាព និងភាពរីករាយ។
###
អំពី ក្រុមហ៊ុន Vietjet
ក្រុមហ៊ុនអាកាសចរណ៍ជំនាន់ថ្មី Vietjet មិនត្រឹមតែបានធ្វើបដិវត្តន៍ឧស្សាហកម្មអាកាសចរណ៍នៅក្នុងប្រទេសវៀតណាមប៉ុណ្ណោះទេ ប៉ុន្តែថែមទាំងជាក្រុមហ៊ុនអាកាសចរណ៍ត្រួសត្រាយផ្លូវទូទាំងតំបន់ និងជុំវិញពិភពលោកផងដែរ។ ដោយផ្តោតលើការគ្រប់គ្រងតម្លៃ ប្រតិបត្តិការប្រកបដោយប្រសិទ្ធភាពនិងការអនុវត្ត ការប្រើប្រាស់បច្ចេកវិទ្យាចុងក្រោយបំផុតចំពោះសកម្មភាពទាំងអស់ និងឈានមុខគេ ក្រុមហ៊ុន Vietjet ផ្តល់នូវឱកាសហោះហើរជាមួយនឹងការសន្សំសំចៃ និងតម្លៃសមរម្យ ព្រមទាំងសេវាកម្មចម្រុះដើម្បីបំពេញតម្រូវការរបស់អតិថិជន។ ក្រុមហ៊ុន Vietjet គឺជាសមាជិកពេញលេញនៃសមាគមដឹកជញ្ជូនផ្លូវអាកាសអន្តរជាតិ (IATA) ជាមួយនឹងវិញ្ញាបនបត្រត្រួតពិនិត្យសុវត្ថិភាពប្រតិបត្តិការរបស់ IATA (IOSA)។ ក្នុងនាមជាក្រុមហ៊ុនអាកាសចរណ៍ឯកជនធំជាងគេរបស់វៀតណាម ក្រុមហ៊ុនអាកាសចរណ៍នេះទទួលបានចំណាត់ថ្នាក់ខ្ពស់បំផុតសម្រាប់សុវត្ថិភាពជាមួយនឹងផ្កាយ ៧ ដោយគេហទំព័រសុវត្ថិភាព និងចំណាត់ថ្នាក់ផលិតផលតែមួយគត់របស់ពិភពលោក airlineratings.com និងបានចុះបញ្ជីជាក្រុមហ៊ុនអាកាសចរណ៍មួយក្នុងចំណោមក្រុមហ៊ុនអាកាសចរណ៍ល្អបំផុតទាំង ៥០ របស់ពិភពលោកសម្រាប់ហិរញ្ញវត្ថុ និងប្រតិបត្តិការប្រកបដោយសុខភាពល្អដោយទស្សនាវដ្តី Airfinance Journal ជាច្រើនឆ្នាំជាប់ៗគ្នា។ ក្រុមហ៊ុនអាកាសចរណ៍នេះ ក៏ត្រូវបានគេដាក់ឈ្មោះថាជាក្រុមហ៊ុនដឹកជញ្ជូនតម្លៃទាបល្អបំផុតដោយស្ថាប័នល្បីៗដូចជា Skytrax, CAPA, Airline Ratings និងជាច្រើនទៀត។
ព័ត៌មានបន្ថែមនៅ www.vietjetair.com
ទំនាក់ទំនងប្រព័ន្ធផ្សព្វផ្សាយ៖
QED Agency
លោក មី សុវណ្ណ (Sovann)
អ៊ីមែល៖ [email protected]
លេខទំនាក់ទំនង៖ +855 88 6000 321
Vietjet Air
កញ្ញា កែវ ដួង (Amy)
អ៊ីមែល៖ [email protected]
លេខទំនាក់ទំនង៖ +84 932 775 066
