តាមពិតទៅអ្នកមិនខ្ជិល ឬ ខ្វះការប្រឹងប្រែងទេ ប៉ុន្តែហេតុអ្វីគណនីរបស់អ្នកនៅតែទទេនៅចុងខែ? ប្រហែលជាអ្នកជាប់គាំងក្នុងផ្នត់គំនិតដែលធ្វើអោយអ្នកជាប់គាំងក្នុងភាពក្រីក្រ។ អ្នកគួរតែយល់ពីការធ្វេសប្រហែសទាំង៥នេះឱ្យបានឆាប់ អ្នកនឹងអាចផ្លាស់ប្តូរជីវិតរបស់អ្នកបាន៖
១.ការងារមិនលំបាក មិនមែនជារឿងល្អទេ៖ នៅពេលអ្នកធ្វើការរកតែកន្លែងស្រួល មិនចង់ពិបាក ចង់ធ្វើការនៅតែកន្លែងដដែលរហូត អ្នកនឹងជាប់គាំងនៅកន្លែងដែលមិនអាចអភិវឌ្ឍន៍ខ្លួនឯងបាន។ យោងទៅតាមសេដ្ឋវិទូលោក Nguyen Xuan Thanh មូលហេតុមួយក្នុងចំណោមហេតុផលដែលមនុស្សជាច្រើនមិនអាចកែលម្អហិរញ្ញវត្ថុរបស់ពួកគេគឺ “ការគិតដែលបិទផ្លូវខ្លួនឯង” ដែលហាក់ដូចជាគំនិតគ្មានគ្រោះថ្នាក់ ប៉ុន្តែវាប៉ះពាល់ដល់វិធីរកប្រាក់ និងចំណូលរបស់អ្នក។
២.គិតថាលុយគឺជាឫសគល់នៃអំពើអាក្រក់ទាំងអស់៖ តើអ្នកធ្លាប់លឺពាក្យថា “អ្នកមានគឺអាក្រក់” ទេ? ការលើកឡើងបែបនេះ ធ្វើឲ្យមនុស្សជាច្រើន បង្កើតស្មារតី ចៀសវាងលុយ ដោយមិនដឹងខ្លួន ដោយគិតថា លុយមិនល្អ ជាអ្វីមួយដែលអាចផ្លាស់ប្តូរមនុស្សបានយ៉ាងងាយ ពីមនុស្សល្អអាចក្លាយទៅជាមនុស្សអាក្រក់ភ្លាមទៅតាមទឹកលុយ។ ការគិតនេះធ្វើឱ្យអ្នកពិតជាមិនប្រាថ្នាចង់ក្លាយជាអ្នកមាន មិនហ៊ានវិនិយោគលើខ្លួនឯង ឬ រៀនជំនាញហិរញ្ញវត្ថុ។ តាមពិតលុយគឺជាឧបករណ៍មួយ ល្អឬអាក្រក់អាស្រ័យលើរបៀបដែលយើងប្រើប្រាស់វាប៉ុណ្ណោះ។
៣.ផ្តល់អាទិភាពដល់ការសន្សំ លើការបង្កើនប្រាក់ចំណូល៖ អ្នកជំនាញផ្នែកហិរញ្ញវត្ថុធ្លាប់បានចែករំលែកថា “ការសន្សំគឺជាទម្លាប់ល្អ ប៉ុន្តែប្រសិនបើអ្នកមិនរៀនពីរបៀបបង្កើនប្រាក់ចំណូលរបស់អ្នកទេ អ្នកនឹងស្ថិតក្នុងស្ថានភាពការពារជានិច្ច ហើយមិនដែលមានការបង្កើនហិរញ្ញវត្ថុនោះទេ”។ វាអាចជួយអោយយើងមានអារម្មណ៍ “សុវត្ថិភាព” ប៉ុន្តែវាមិនអាចជួយអោយយើងមានបាននោះទេ។ ការជ្រើសរើសសុវត្ថិភាពលើកំណើនធ្វើឱ្យយើងបាត់បង់ឱកាស។ អ្នកមានមិនខ្លាចនឹងការបរាជ័យទេ ព្រោះពួកគេយល់ថាហានិភ័យគឺជាផ្នែកមួយនៃកំណើន។
៤.ខ្លាចបរាជ័យ ជាងខ្លាចភាពក្រីក្រ៖ មនុស្សយើងភាគច្រើនខ្លាចគេសើច ខ្លាចធ្វើខុស ខ្លាចបាត់បង់… ដែលយើងមិនហ៊ានចាប់ផ្តើមអ្វីថ្មី។ ពួកគេជ្រើសរើសការងារធម្មតា ជីវិតចិញ្ចឹមជីវិត មិនមែនដោយសារតែវាជាអ្វីដែលពួកគេចង់បាននោះទេ ប៉ុន្តែដោយសារតែពួកគេខ្លាចបរាជ័យច្រើនជាងពួកគេខ្លាចក្រជារៀងរហូត។
៥.យល់ថាខ្លួន “មិនសមនឹង” មានលុយច្រើន៖ នេះជាជំនឿអវិជ្ជមានដែលមនុស្សតិចណាស់ហ៊ានសារភាព។ អ្នកខ្លះជឿថាដោយសារតែពួកគេរៀនមិនពូកែ មកពីសាវតាធម្មតា ទើបការក្លាយជាអ្នកមានមិនមែនសម្រាប់ពួកគេទេ។ ដូច្នេះហើយ ពួកគេបដិសេធដោយមិនដឹងខ្លួននូវឱកាសល្អៗ ដោយដាក់កម្រិតខ្លួនពួកគេក្នុងប្រអប់តូចមួយដែលហៅថា “ប៉ុណ្ណឹងគឺគ្រប់គ្រាន់ហើយ”។
ត្រូវចាំថា គ្មាននរណាម្នាក់កើតមកចេះគ្រប់គ្រងលុយ ឬ វិនិយោគដោយឆ្លាតវៃនោះទេ។ វាជាអ្វីដែលអាចរៀនបាន។ ហើយទ្រព្យសម្បត្តិមិនមែនសម្រាប់តែ “មនុស្សពិសេស” ប៉ុណ្ណោះទេ ប៉ុន្តែសម្រាប់អ្នកដែលហ៊ានផ្លាស់ប្តូរ៕