មនុស្សគ្រប់រូបចូលចិត្តនៅក្បែរមនុស្សដែលរួសរាយ និងស្មោះត្រង់ចំពោះខ្លួនឯង។ ពួកគេមិនព្យាយាមធ្វើជាអ្នកផ្សេងក្រៅពីខ្លួនពួកគេឡើយ ឃើញអ្វីក៏និយាយហ្នឹង មិនចូលចិត្តលាក់ពុតឡើយ។ នេះជាចំណុចតូចមួយក្នុងចំណុចទាក់ទាញទាំង៥ ដែលមនុស្សស្រីមានមន្តស្នេហ៍តែងតែមាន៖
១.នាងតែងតែមានទំនុកចិត្ត៖ មានភាពខុសប្លែកគ្នាយ៉ាងខ្លាំងរវាងទំនុកចិត្ត និងភាពក្រអឺតក្រទម។ ស្ត្រីដែលទាក់ទាញបំផុតយល់ពីរឿងនេះ។ ពួកគេដឹងថា ទំនុកចិត្តកើតចេញពីខាងក្នុង ដោយដឹងពីតម្លៃរបស់ខ្លួន ដោយមិនចាំបាច់បញ្ជាក់ប្រាប់នរណាម្នាក់មោហទេ។ ជារឿយៗមនុស្សស្រីដែលទាក់ទាញច្រើនតែមានទំនុកចិត្ត ស្ងប់ស្ងាត់ តែរួសរាយសាមញ្ញ។ ពួកគេតែងតែគោរពចំពោះសមត្ថភាព និងតែងមានយោបល់ផ្ទាល់ខ្លួនជានិច្ច។
២.នាងគឺស្មោះត្រង់៖ មនុស្សជាច្រើនព្រោះតែចង់អោយគេចាប់អារម្មណ៍តែងតែព្យាយាមលាក់បាំងនូវអ្វីដែលពួកគេគិតថាអ្នកដទៃអាចនឹងមិនចូលចិត្ត។ តែតាមពិតការលាក់អត្តចរិតបែបនេះ មិនមែនជារឿងល្អឡើយ ព្រោះមនុស្សគ្រប់រូបចូលចិត្តនៅក្បែរមនុស្សដែលស្មោះត្រង់ចំពោះខ្លួនឯង។ ពួកគេមិនព្យាយាមធ្វើជាអ្នកផ្សេងក្រៅពីខ្លួនពួកគេឡើយ ទោះបីអ្នកដទៃចូលចិត្ត ឬ មិនចូលចិត្តក៏ដោយ។
៣.នាងដឹងពីរបៀបស្តាប់៖ មនុស្សស្រីខ្លះចូលចិត្តនិយាយពីខ្លួនឯងប្រាប់អ្នកដទៃណាស់ ហើយមិនចេះស្តាប់យោបល់ ឬ ទុកពេលអោយអ្នកដទៃនិយាយឡើយ ដែលវាជាទង្វើមិនល្អទេ នេះគេហៅថាយល់តែចិត្តខ្លួនឯង។ ចំណែកឯមនុស្សស្រីដែលយល់ការណ៍គឺតែងតែទុកចន្លោះអោយអ្នកដទៃនិយាយពាក្យក្នុងចិត្ត និងមិនប្រញាប់និយាយកាត់អ្នកដទៃឡើយ។
៤.នាងបង្ហាញពីការដឹងគុណ៖ មិនថាជាការថ្លែងអំណរគុណដ៏ស្មោះស្ម័គ្រចំពោះអ្នកដទៃ ការដឹងគុណចំពោះរឿងតូចតាចក្នុងជីវិត ឬ ប្រាប់មិត្តភ័ក្តិថានាងដឹងគុណពួកគេប៉ុណ្ណា ស្ត្រីទាំងនេះតែងតែបញ្ចេញថាមពលវិជ្ជមានទៅកាន់មនុស្សជុំវិញខ្លួន។
៥.នាងចូលចិត្តលេងសើច៖ ការលេងសើចដើរតួយ៉ាងសំខាន់ក្នុងការទាក់ទាញ ព្រោះវាបង្ហាញពីភាពវៃឆ្លាត ការយល់ដឹងពីសង្គម និងភាពធន់នឹងអារម្មណ៍។ ប៉ុន្តែវាមិនមែនជាការព្យាយាមលេងសើច ឬ លេងលើសពេកដើម្បីធ្វើឱ្យមើលទៅកំប្លែងនោះទេ ព្រោះមនុស្សគេនឹងចេះបែងចែករវាងមនុស្សរួសរាយ និងមនុស្សព្យាយាមធ្វើជារួសរាយ៕