ឆាកជីវិតមនុស្សប្រៀបដូចជាខ្សែលួសអ៊ីចឹង ត្រូវការគិតគូរដល់តុល្យភាពរបស់វា ឱ្យតែបាត់បង់ពីតុល្យភាពហើយ គឺអាចនឹងធ្លាក់ចុះមកក្រោមបាន។ ពេលដែលខ្សែលួសធូរពេកនឹងរយាលធ្លាក់ចុះមកក្រោម តែបើតឹងពេកងាយនឹងដាច់។
ដូច្នេះនៅក្នុងឆាកជីវិតមនុស្ស យើងចាំបាច់ត្រូវរក្សាពីតុល្យភាព ធ្វើរឿងអ្វីក៏ដោយមិនអាចហួសហេតុពេកទេ ឱ្យតែហួសហេតុពេកនឹងអាចធ្លាក់ក្នុងស្ថានភាពលំបាកជាមិនខាន។
ខ្ញុំជឿជាក់ថាមនុស្សគ្រប់រូបគឺមានការយល់ឃើញចំពោះឆាកជីវិតមិនដូចគ្នាឡើយ ក៏ដឹងច្បាស់ដែរថា ឆាកជីវិតគឺមិនមែននិយាយប៉ុន្មានម៉ាត់អាចបកស្រាយក្បោះក្បាយបាននោះទេ ពីព្រោះមនុស្សគ្រប់រូប គឺមានការសង្កត់ធ្ងន់ចំពោះឆាកជីវិតផ្សេងៗគ្នា។
ដំណើរផ្លូវជីវិតរបស់មនុស្សគ្រប់រូបគឺមិនដូចគ្នាទេ នៅក្នុងដំណើរជីវិតរបស់យើងដើមឡើយ គឺមិនរាបស្មើដូចផ្លូវថ្នល់ឡើយ មានពេលខ្លះផ្លូវថ្នល់ក៏អាចមានកន្លែងរឃិបរឃុប ឬមានអន្លង់នៅចំពោះមុខផងដែរ។ នៅក្នុងឆាកជីវិតរបស់យើង យើងស្ថិតនៅទីណាមិនសំខាន់នោះទេ អ្វីដែលសំខាន់នោះគឺអនាគតយើងឆ្ពោះទៅរកទីកន្លែងណា។
ទោះបីជាពេលនេះយើងជួបនឹងស្ថានភាពស្របចិត្ត និងបញ្ច្រាសចិត្តមែន តែយើងមិនអាចស្ថិតនៅទីតាំងដែលយើងឈរនេះបាននោះឡើយ ពីព្រោះផ្លូវអនាគតនៅវែងឆ្ងាយណាស់ យើងត្រូវពិចារណាអំពីអនាគតរបស់ខ្លួន។
ពេលជួបនឹងស្ថានភាពស្របចិត្ត ត្រូវចេះស្តាយស្រណោះ ពេលជួបនឹងស្ថានភាពបញ្ច្រាសចិត្ត មិនចាំបាច់យល់ថាជីវិតមួយនេះអស់សង្ឃឹមឡើយ អ្វីតែមួយគត់គឺជ្រើសរើសទៅប្រឈមមុខ ឆ្លងឱ្យផុតពីឧបសគ្គ ប្រហែលជាទិសដៅដែលអ្នកឆ្ពោះទៅនាថ្ងៃអនាគត អាចនឹងនាំសំណាងដល់អ្នកក៏ថាបាន។
“ឆាកជីវិតមនុស្សមានភាពចៃដន្យជាច្រើន មានរឿងខ្លះកន្លងផុតទៅហើយ មិនអាចត្រលប់មកវិញបានទេ។ រឿងរ៉ាវល្អត្រូវចេះស្តាយស្រណោះ ប្រៀបដូចជាការបង្ហោះខ្លែង ទោះជាបានកាន់តឹងយ៉ាងណាក៏នៅតែមានពេលដាច់ដដែល។
មិនចាំបាច់ព្រោះតែការបាត់បង់ធ្វើឱ្យមានអារម្មណ៍ស្តាយក្រោយនោះទេ យ៉ាងណាអ្នកធ្លាប់បានមានវាដែរ។”
ចូរអ្នកក្លាហានទៅឆ្លងឱ្យផុតពីឧបសគ្គនោះចុះ កន្លែងដែលអ្នកចង់ឆ្ពោះទៅនាថ្ងៃអនាគត ទើបជាផ្នែកសំខាន់បំផុតនៅក្នុងឆាកជីវិតរបស់អ្នក។
អ្នករៀបរៀង: Yanyi / https://joicstan.com/