និស្សិតវេជ្ជសាស្រ្ត ប្រទេសកម្ពុជា ចំនួន ៣ក្រុម មកពីសកលវិទ្យាល័យពុទ្ធិសាស្រ្ដ សាកលវិទ្យាល័យវិទ្យាសាស្រ្ដសុខាភិបាល និងសកលវិទ្យាល័យអន្តរជាតិ បានចូលរួមការប្រលង IMSPQ លើកទី២០ ដែលដឹកនាំដោយសមាគមអ្នកវិទ្យាស្រ្ដវេជ្ជសាស្រ្ដកម្ពុជា មានលោកសាស្រ្ដាចារ្យ ដួង តារារិទ្ធ ប្រធានក្រុមប្រឹក្សាភិបាលសមាគម និងលោកវេជ្ជបណ្ឌិត ស៊ុន គីមសែន អនុប្រធានសមគម នឹងប្រព្រឹត្តិទៅនៅ Cebu Doctors’ University ក្នុងទីក្រុងសេប៊ូ ប្រទេសហ្វីលីពីន កាលថ្ងៃទី ២៦-២៧ ខែកក្កដា ឆ្នាំ២០២៤ កន្លងទៅនេះ។
កម្មវិធីប្រលងប្រជែងផ្នែកសរីរៈវិទ្យាលំដាប់អន្តរជាតិលើកទី២០ (IMSPQ លើកទី២០) បានបញ្ចប់ទៅយ៉ាងរលូន និងរីករាយបំផុត បើទោះបីជាមានបញ្ហាអាកាសធាតុបន្តិចក្ដី។
ការប្រលង IMSPQ លើកទី២០ ឆ្នាំ២០២៤ នេះមាន១២ប្រទេសចូលរួមដូចជា Philippines 🇵🇭 Indonesia 🇮🇩 Malaysia 🇲🇾 Japan 🇯🇵 Laos 🇱🇦 Myanmar 🇲🇲 Australia 🇦🇺 Vietnam 🇻🇳 Thailand 🇹🇭 Singapore 🇸🇬 Cambodia 🇰🇭 Taiwan 🇹🇼
គណៈកម្មាធិការការប្រលង IMSPQ លើកទី២០ បានចែកការប្រលងនេះចេញជា២វគ្គធំៗ គឺវគ្គ Writing Quiz និង Oral Quiz ក្នុងនោះគណៈកម្មាធិការនឹងជ្រើសរើសចំនួន 40ក្រុម សម្រាប់វគ្គ Oral Quiz ដែលចំនួន 36ក្រុម ពីវគ្គ Writing Quiz និង4ក្រុមទៀតមកពី៤ប្រទេស មានប្រទេសភីលីពីន, ប្រទេសម៉ាឡេសុី, ប្រទេសកម្ពុជា និងប្រទេសអូស្រ្ដាលី ដែលបានរៀបចំការប្រលងក្នុងស្រុករួចរាល់។
សមាគមអ្នកវិទ្យាសាស្រ្ដវេជ្ជសាស្រ្ដកម្ពុជា មានសេចក្ដីសោមន្សរីរាយយ៉ាងខ្លាំងដែល ជាឆ្នាំដំបូង កម្ពុជាបានឈានជើងចូលដល់វគ្គពាក់កណ្ដាលផ្ដាច់ព្រាត់ (Oral Quiz) ដែលមកពីសាកលវិទ្យាល័យពុទ្ធិសាស្រ្ត (ជ្រើសរើសដោយគណៈគម្មធិការ) និងសាកលវិទ្យាល័យវិទ្យាសាស្រ្តសុខាភិបាល (ដែលប្រឡងជាប់វិញ្ញាសាសរសេរ)។
សមាគមអ្នកវិទ្យាសាស្រ្ដវេជ្ជសាស្រ្ដកម្ពុជា ជូនពរដល់ប្រតិភូដឹកនាំ និងបេក្ខជនទាំងអស់សុខសុវត្ថិភាពក្នុងការធ្វើដំណើរត្រលប់មកមាតុប្រទេសវិញ។
Photos Credit:
@CMSA Media
@Philippines Society of Physiologists-IMSPQ 2024
