តាមរយៈសន្លឹកបៀរដែលកំពុងបំភ្លឺឡើងទាំង ៣ ផ្សេងពីគ្នា ក៏សម្គាល់បញ្ហាបុគ្គលនីមួយៗផងដែរ។ Knongsrok តម្រូវឲ្យបងប្អូនធ្វើការជ្រើសយកមួយ ដើម្បីផ្ទៀងផ្ទាត់ចម្លើយខាងក្រោម តើត្រូវធ្វើអ្វី ដើរផ្លូវណា មុនថ្ងៃចូលឆ្នាំចិនចូលមកដល់ ហើយអ្នកអាចមានស្នាមញញឹម សម្រាកលំហែកាយដោយគ្មានទុក្ខសោកនៅចន្លោះថ្ងៃឈប់សម្រាកខាងមុខ?
សន្លឹកបៀរទី ១
អ្នកប្រហែលកំពុងមានការសោកសៅនឹងអ្វីដែលខ្លួនមាន គិតថាមានប៉ុណ្ណេះមិនគ្រប់ សឹងតែពេលខ្លះជិតដល់ចំណុច ១០ ហើយក៏មិនទាន់ស្កប់នោះដែរ។ ក្តីសុខពិតប្រាកដរបស់មនុស្សក្នុងលោកយើងនេះ មិនមែនស្ថិតនៅត្រង់ទ្រព្យ ស្ថិតនៅត្រង់របស់ដែលអ្នកកំពុងមាននោះទេ តែគឺត្រង់ចិត្ត ត្រង់ការគិត ត្រង់ការឲ្យតម្លៃនិងចេះរីករាយទៅតាមរបៀបដែលខ្លួនមាន។
ដូច្នេះពេលខ្លះក៏គួរសម្លឹងមើលទៅក្រោម ហើយប្រាប់ខ្លួនឯង លើកទឹកចិត្តខ្លួនឯង ថាការដែលបានឆ្លងការមកដល់ចំណុចនេះ គឺខ្លួនឯងពូកែហើយ។
សន្លឹកបៀរទី ២
អ្នកហាក់ខ្វះភាពក្លាហាន ហើយដំណាក់កាលជីវិតពេលនេះ គឺត្រង់អ្នកមានទេពកោសល្យ តែអ្នកខ្វះភាពក្លាហាន មិនហ៊ានស្នើ មិនហ៊ាននិយាយ មិនហ៊ានធ្វើ ជាហេតុនាំឲ្យគ្រប់យ៉ាង ក៏មិនខុសពីចំណុច ០ ព្រោះគ្មានការចាប់ផ្តើមកើតឡើងផងនោះ។
ទោះអ្នកពូកែប៉ុណ្ណា ចេះប៉ុណ្ណា បើខ្វះប្រាស្រ័យទាក់ទងសុទ្ធសាធក៏ពិបាកដែរ ដូច្នេះចូរបន្ថែមភាពក្លាហានក្នុងការហ៊ានសួរ ហ៊ានស្នើទៅលើរឿងអ្វីមួយ ដើម្បីយកឱកាសនោះ បង្ហាញពីភាពខ្លាំងរបស់ខ្លួនឯងពិតប្រាកដ។
សន្លឹកបៀរទី ៣
អ្នកកំពុងមើលរំលងមនុស្សល្អ ខ្មៅប្រែជាស ល្អប្រែជាអាក្រក់ ទៅលើជនមួយចំនួន។ សាកល្បងគិតឡើងវិញ រំឭកគ្រប់ទង្វើ គ្រប់ពាក្យសម្តី ដែលនិយាយទៅកាន់មនុស្សក្បែរខ្លួនមួយរយៈក្រោយនេះ ដើម្បីជៀសវាងវិប្បដិសារីទៅថ្ងៃមុខ។
ហើយក៏ត្រូវចាំថា មនុស្សសម្តីផ្អែម មនុស្សពូកែយកចិត្តអ្នក ហើយចេះតែគាំទ្រសម្តីអ្នកដោយគ្មានហេតុផលច្បាស់លាស់ ក៏មិនប្រាកដថាល្អទាំងអស់ដែរ ចូរប្រុងប្រយ័ត្នផង៕
ប្រភព៖ បរទេស | ប្រែសម្រួល៖ ក្នុងស្រុក