នេះកំឡុងពេលវេលាពាក់កណ្តាលខែធ្នូ ក៏កៀកនឹងរំកិលជិតចូលមកដល់ដែរ ហើយតាមក្បួនហោរាសាស្រ្តចិន បង្ហាញមកថា នៅថ្ងៃទី ១៥ តទៅមុខ ម្ចាស់ឆ្នាំ ៤ អាចមានរាសីឡើងខ្ពស់ ហើយដូចត្រូវបានគេទម្លាក់មាសមួយដុំ មកឲ្យដល់មុខផ្ទះ៖
អ្នកកើតឆ្នាំឆ្លូវ – គោ
ជាពេលវេលាផ្លាស់ប្តូរជោគវាសនារបស់អ្នក ដោយក្នុងកំឡុងពាក់កណ្តាលខែធ្នូខាងមុខ អ្នកនឹងលែងសូវខ្វល់ពីរឿងប្រាក់កាក់ហើយ ពោលគឺអ្នកនឹងឃើញឱកាសថ្មីក្នុងការទទួលបានផលចំណេញ ឬជាប្រភពចំណូលថ្មីសម្រាប់អ្នកលើសពីការរកបាននៅពេលបច្ចុប្បន្ន។
អ្នកកើតឆ្នាំឆ្លូវ ជាមនុស្សដែលមានទំនុកចិត្តខ្ពស់ ហើយរមែងទទួលបានការស្រលាញ់រាប់អាន និងជឿទុកចិត្តពីដៃគូសហការ ក៏ដូចជាមនុស្សនៅជុំវិញខ្លួន ដែលមួយជីវិតនេះរមែងជួយឲ្យពួកគេមានលាភឡើងច្រើនជាងចុះ។
អ្នកកើតឆ្នាំថោះ – ទន្សាយ
ពាក់កណ្តាលខែធ្នូនេះ គឺជាពេលអំណោយផលសម្រាប់អាជីវកម្មនិងការងាររបស់អ្នកកើតឆ្នាំថោះ។ អ្នកអាចនឹងត្រូវបានដំឡើងឋានៈមុខងារ ក៏ដោយសារតែការខិតខំរបស់អ្នកកន្លងមក។ ថ្នាក់លើរបស់អ្នកក៏បានមើលឃើញពីទេពកោសល្យនិងសមត្ថភាពពិតរបស់អ្នក។
តែយ៉ាងណានៅកំឡុងពេលប៉ុន្មានថ្ងៃបន្ទាប់ នៅទំនាក់ទំនងស្នេហាអ្នកអាចមានការទាស់ពាក្យ ទាស់សម្តីនឹងដៃគូបន្តិច តែត្រូវចាំអ្នកត្រូវមានការអត់ធ្មត់ អត់ធន់ឲ្យបានខ្ពស់ ព្រោះដៃគូរបស់អ្នកបច្ចុប្បន្ន ជាមនុស្សដែលពិបាកនឹងរកបាន។
អ្នកកើតឆ្នាំច – ឆ្កែ
ជាពេលវេលាជោគជ័យសម្រាប់អ្នកកើតឆ្នាំច ហើយភាគច្រើនពួកគេជាមនុស្សស្ងាត់ស្ងៀម តែជ័យជម្នះក្នុងជីវិតបានរំលេចមកក្នុងពេលនេះហើយ។
តាមក្បួនហោរាសាស្រ្តក៏បានទស្សន៍ទាយមកថា អ្នកកើតឆ្នាំចពេលចុងក្រោយនៃពាក់កណ្តាលខែធ្នូ ហាក់ដូចជាមានវិញ្ញាណល្អ តាមចាំជួយគ្រប់ពេលគ្រប់វេលា ជាហេតុនាំឲ្យគេបញ្ចៀសរឿងអាក្រក់ ហើយជួបតែរឿងល្អច្រើន។ ជោគជតារាសីសម្រាប់ថ្ងៃថ្មីនៃអ្នកកើតឆ្នាំច អាចធានាបាននឹងប្រមូលលុយបានច្រើន ហើយការវិយោគនានាកន្លងមកក៏ដល់ពេលកើបផលចំណេញហើយដែរ។
អ្នកកើតឆ្នាំរកា – មាន់
បុគ្គលនេះ រមែងមានដំណោះស្រាយនៅបញ្ហាដែលជួបប្រទះ តែជួនខ្លះ ដោយសារគ្រោះវាចូលមកផ្ទួនៗពេក ទើបនាំឲ្យពួកគេហាក់មានភាពស្មុគស្មាញខ្លាំងក្នុងជីវិត។ ទោះជាយ៉ាងណា ភាពចម្រុងចម្រើននឹងត្រលប់ចូលមកដល់នៅពេលដ៏ខ្លីខាងមុខ ពោលយ៉ាងយូរ នៅចន្លោះពាក់កណ្តាលខែខាងមុខ។
បើកើតទុក្ខ កើតការលំបាក ត្រូវទន្ទេញពាក្យថា “វានឹងកើតឡើងរយៈពេលខ្លី” ឬ “វាកើតឡើងបណ្តោះអាសន្នប៉ុណ្ណោះ” ព្រោះតាមជើងលេខ ជីវិតរបស់អ្នក នឹងងាកមកឡើងកូដខ្លាំង ឡើងរាសីខ្ពស់កប់ពពក គ្រប់យ៉ាងគឺផ្អែមមុត ផុតអស់គ្រោះទាំងឡាយ៕
ប្រភព៖ បរទេស | ប្រែសម្រួល៖ ក្នុងស្រុក