ពន្លឺហុងស៊ុយនៃមាស នៃពេជ្រ ប្រៀបបាននឹងកំពុងភ្លឺចាំង ចំណាំងដល់ជោគវាសនាមហាឆ្នាំទាំង ៥ ងាយជួបលាភ រៀបឲ្យជួបតែសុខ ពីថ្ងៃនេះ រហូតដល់ថ្ងៃបុណ្យណូអែល ទី ២៥ ធ្នូកៀកដំណាច់ឆ្នាំ ២០២២៖
អ្នកកើតឆ្នាំជូត – កណ្តុរ
ង៉ូវហេងល្អកម្រកើតណាស់ ដូចមានឬទ្ធិអំណាចសាចឲ្យផុតគ្រោះកាចចង្រៃ ខ្ចាត់អស់ក្តីអន្តរាយ សាយមកវិញតែសុខសប្បាយ ទាំងសម្រាប់ខ្លួនឯងនិងក្រុមគ្រួសារ។ ទេវតាប្រោសឲ្យអ្នកកើតឆ្នាំជូត លូតដើមទ្រព្យកាន់តែខ្ពស់ឡើង រីឯការប៉ងប្រាថ្នាអ្វីក៏ងាយនឹងកើតដូចបំណង នារយៈកាលថ្ងៃនេះ ដល់ថ្ងៃណូអែល ទី ២៥ ធ្នូ។
អ្នកកើតឆ្នាំឆ្លូវ – គោ
ស្តេចគោសក្តិសិទ្ធ បញ្ចេញឬទ្ធិអំណាច បាចលាភជ័យចូលមកក្នុងវិថីជីវិតអ្នកកើតឆ្នាំដូចបង្ហាញខាងលើ ឲ្យជៀសផុតការរវើរវាយ ជៀសផុតការចាញ់បោកបញ្ឆោត រួចហុចមកវិញតែលាភគាប់ប្រសើរ ក្នុងរង្វង់ថ្ងៃបុណ្យណូអែលជាពិសេស។
ប្រាក់ហូរចាក់ចូលដូចទឹកទន្លេ លុយ KK រាប់ពាន់រាប់មុឺនមានឥតខ្វះចាយ ប្រៀបដូចទទួលបានរង្វាន់ធំ កើតចេញពីការចរចាត្រូវរ៉ូវនូវកិច្ចព្រមព្រៀងបណ្តាក់ទុនណាមួយ សម្រាប់អ្នករកស៊ី។ រីឯអ្នកបម្រើការងារ ពេលវេលាខាងមុខ នឹងទទួលបានប្រាក់បន្ថែមនាដំណាច់ឆ្នាំ ចាំសង្កេតមើលខែ ១២ នេះ គឺជាខែសប្បាយបំផុតហើយ។
អ្នកកើតឆ្នាំម្សាញ់ – ពស់
កន្លងទៅធ្វើអ្វីក៏ចាញ់ច្រាប សាបអស់ពាក្យសម្តី និយាយអ្វីក៏គេមិនស្តាប់ តែនៅរយៈកាលថ្ងៃថ្មី ដល់ថ្ងៃទី ២៥ ធ្នូ ចំថ្ងៃបុណ្យណូអែល គ្រប់យ៉ាងនឹងប្រែ ១៨០ ដឺក្រេ មកជាល្អគ្រប់រឿងគ្រប់ហេតុទាំងអស់។
មិនថាតែពាក្យជាមួយអ្នកតូចអ្នកធំ ជាងនេះទាំងសម្ព័ន្ធភាពស្នេហាកម្លោះក្រមុំ ក៏កើតតែភាពផ្អែមល្ហែម ថែមទាំងបន្សល់អនុស្សារគួរឲ្យចងចាំជាច្រើនផងដែរ នៅរយៈកាល ៣ សប្តាហ៍ទៅមុខ។
អ្នកកើតឆ្នាំមមែ – ពពែ
ដួងតារារាសីឡើងខ្ពស់ត្រដែត រីឯលេខនាំសំណាង គឺ ៦៣៣ លេខនេះបូកបញ្ចូលគ្នា គឺចំលេខ ១២ ជាលេខល្អសម្រាប់អ្នកកើតឆ្នាំមមែ។ មិនថាកិច្ចការងារ ការរកស៊ីងាយនឹងកើតផលសមប្រកប ដូចយកចបទៅជីកបានមាសបានពេជ្រ រំលេចតែពន្លឺហុងស៊ុយល្អ នៅវេលាថ្ងៃនេះ ដល់ថ្ងៃបុណ្យណូអែល។
ឆ្នាំកុរ – ជ្រូក
ដូចទទួលបានលាភសំណាង សាងធ្លាក់ពីលើមេឃ ដេកក៏ញញឹម ដើរក៏ញញឹម ព្រោះគ្មានរឿងត្រូវខ្វាយខ្វល់ ក្នុងចិត្តមានតែសុខ មានតែសុភមង្គលនៅរយៈកាលនៃសប្តាហ៍ថ្មីនេះ ដល់ថ្ងៃទី ២៥ ធ្នូ។
តាមពិតទៅឆ្នាំកុរ ស៊ូខ្លាំងណាស់ហើយ ខិតខំឆ្លងអស់ពាក្យសម្តីមាក់ងាយពីបុគ្គលមួយចំនួន ទម្រាំតែមានថ្ងៃនេះ ម្ល៉េះក៏រីករាយទទួលយក គិតថាតបស្នងនឹងការខិតខំរបស់អ្នកទៅចុះ៕
ប្រភព៖បរទេស | ប្រែសម្រួល៖ ក្នុងស្រុក