ផ្អែកតាមក្បួនហោរាសាស្ត្រទស្សន៍ទាយឃើញថា រាសីចក្រមហាឆ្នាំទាំង ៥ ដូចបង្ហាញក្នុងអត្ថបទនេះ នៅរយៈពេល ៥ ឆ្នាំទៅមុខ រាប់ចាប់ពីឆ្នាំថ្មី ២០២៣ ដល់ ២០២៨ នោះនឹងបត់ទៅទិសដៅវិជ្ជមាន នាំលាភកើតសំណាង ហូរចូលដល់ផ្ទះ៖
អ្នកកើតឆ្នាំកុរ – ជ្រូក
ខ្សែរាសីម្ចាស់ឆ្នាំកុរ នឹងមានការកើនឡើងខ្លាំងក្នុងរយៈពេល ៥ ឆ្នាំបន្ទាប់ ដោយលំហូរលុយកាក់នឹងហូរចូលយ៉ាងសកម្ម ដូចទឹកបាក់ទំនប់ រីឯសុភមង្គលក្តីសុខក្នុងក្រុមគ្រួសារក៏នឹងរំលេចឡើងយ៉ាងពេញលេញផងដែរ។
រាល់ការវិនិយោគ ឬចាប់ផ្តើមរបររកស៊ីធំតូចនៅពេលវេលាខាងមុខ នឹងមិនមានអ្វីត្រូវព្រួយបារម្ភច្រើនឡើយ ព្រោះខ្សែសំណាងបានដើរអមជីវិតម្ចាស់ឆ្នាំកុរជាបន្តបន្ទាប់ រាប់ចាប់ពីឆ្នាំ ២០២៣ តទៅ តែយ៉ាងណាក៏ទាមទារឲ្យមានការខិតខំចេញពីខ្លួនឯងលាយឡំមួយផ្នែកផង។
អ្នកកើតឆ្នាំច – ឆ្កែ
ឆ្នាំ ២០២២ មិនរាប់ជាឆ្នាំល្អប៉ុន្មាននោះទេ តែក្រោយផ្លាស់ចូលឆ្នាំថ្មី ២០២៣ ជោគជតារាសីម្ចាស់ឆ្នាំច នឹងប្រែទៅជាល្អម្តងបន្តិចៗ ត ៥ ឆ្នាំទៅមុខ ដល់ ២០២៨ ជាពេលវេលាដែលនឹងកើតមានសំណាងធំបំផុត។
ពេលវេលាក្នុងការប្រមូលទ្រព្យ ប្រមូលមាសប្រាក់សម្រាប់ជីវិត ម្ចាស់ឆ្នាំ នឹងបានឃើញកើតឡើងជាបណ្តើរៗ ចាប់ពីថ្ងៃទី ១ ដើមឆ្នាំ ២០២៣។
អ្នកកើតឆ្នាំមមី – សេះ
ខ្សែបន្ទាត់ជោគវាសនារបស់ម្ចាស់ឆ្នាំមមី នឹងឆ្ពោះទៅសញ្ញាពណ៌បៃតង ឬជាការកើនឡើងយ៉ាងគួរឲ្យកត់សម្គាល់។ ការប្រឈមនឹងសត្រូវ ឬគូប្រជែងធំតូច គឺឆ្នាំសេះ នឹងអាចយកឈ្នះ បោលទៅមុខយ៉ាងលឿន នាំឲ្យជួបឱកាសល្អៗក្នុងជីវិត កើនប្រាក់ចំណូល ដល់រកបានទិញផ្ទះទិញឡានឡើងសេរ៊ីថ្មីទៀតផង។
អ្នកកើតឆ្នាំវក – ស្វា
ចំពោះរាសីម្ចាស់ឆ្នាំវក ក៏នឹងមានការប្រែប្រួលច្រើនដូចគ្នា នៅចន្លោះឆ្នាំ ២០២៣ ដល់ ២០២៨។ បើទោះបីកើតមានបញ្ហាប្រឈមក្នុងជីវិត តែក៏មានសំណាងលាយឡំដល់លុបជិតបាត់អស់គ្រោះលំបាកទាំងនោះ ហើយជំនួសចូលមកវិញ តែមាសតែប្រាក់ ពន្លឺភ្លឺចិញ្ចាចនាំឲ្យដំណើរឆ្ពោះទៅមុខកាន់តែរឹងមាំ។
ដំណឹងល្អបំផុតសម្រាប់ម្ចាស់ឆ្នាំវក នៅចន្លោះ ៥ ឆ្នាំបន្ទាប់ ក៏ទំនងនឹងរកបានគូស្រករ ជាគូគាប់ភ្ជាប់និស្ស័យ មិនថាតែជាបុរស ឬស្រ្តី នឹងទទួលបានដៃគូដ៏ល្អ គឺជានិស្ស័យពីអតីតជាតិនោះឯង។
អ្នកកើតឆ្នាំឆ្លូវ – គោ
រុងរឿង មានបាន រីកទ្រព្យទិញបានឡានថ្មី សល់ដីសល់ផ្ទះជាហែហូរ សម្រាប់អ្នកកើតឆ្នាំគោ នៅចន្លោះឆ្នាំ ២០២៣ ដល់ ២០២៨។ វាគឺជាផល កើតចេញពីការតបស្នង នៃការខិតខំប្រឹងប្រែងរបស់អ្នកកាលពីប៉ុន្មានឆ្នាំមុន ហើយបូកផ្សំនឹងពេលវេលាសំណាងត្រូវកើតឡើងផល ម្ល៉េះអ្នកលាដៃទទួលយកវាទៅ កុំមានការស្ទាក់ស្ទើរអី៕
ប្រភព៖ បរទេស | ប្រែសម្រួល៖ ក្នុងស្រុក