តាមហោរាសាស្ត្របានទស្សន៍ទាយថា នៅរយៈកាលចន្លោះចុងឆ្នាំ ២០២២ ដល់ ២០២៤ ព្រះមហាសំណាងដូចត្រៀមប្រោសដល់ឆ្នាំទាំង ៤ ឲ្យនឹងមានរាសីឡើងខ្ពស់ត្រដែត ដូចជាន់ប៉ះកំណប់ទ្រព្យ ជាប់លាភសំណាងជាច្រើនរាប់មិនអស់៖
អ្នកកើតឆ្នាំថោះ – ទន្សាយ
ជាមនុស្សដែលមានចរិតស្លូតបូត ឧស្សាហ៍ព្យាយាម ហើយរមែងជាមនុស្សដែលមានចក្ខុវិស័យរយៈពេលយូរ សម្លឹងឃើញរឿងវែងឆ្ងាយទៅមុខ មិនគិតខ្លី ឬសម្រេចចិត្តលឿនៗពេកនោះទេ ទោះក្នុងស្ថានភាពបែបណាក៏ដោយ។
កាលពីដើមឆ្នាំ អ្នកកើតឆ្នាំថោះ ដូចបានប៉ះផ្កាយព្រះគ្រោះ ជួបរឿងមិនល្អច្រើន តែយ៉ាងណាចូលមកដល់ចុងឆ្នាំ ២០២២ តទៅមុខ យីអ៊ុនរបស់ពួកគេ គឺអណ្តែតឡើងវិញហើយ នេះក៏អរគុណការខិតខំប្រឹងប្រែង ដែលមិនបោះបង់ គួបផ្សំនឹងសំណាងខ្លះផង។
ចំណុចរបត់ដ៏ធំមួយក្នុងជីវិត នឹងកើតមានក្នុងពេលខាងមុខ ជួយឲ្យរាសីម្ចាស់ឆ្នាំថោះឡើងខ្ពស់ មានគេស្រលាញ់ គោរពរាប់អានជុំទិស។ បើប្រកបរបររកស៊ី មុខជំនួញតូចធំ ក៏នឹងរីកចម្រើន កើតជាផ្លែផ្កា សល់ដីសល់ផ្ទះជាទ្រព្យធំផងដែរ។ ជារួមពេលវេលានេះតទៅមុខ អ្នកចង់ចាប់ផ្តើមធ្វើរឿងអ្វីមួយ គឺគួរតែធ្វើ វាជាពេលល្អបំផុតហើយ។
អ្នកកើតឆ្នាំជូត – កណ្តុរ
ជាមនុស្សស្មោះត្រង់ តែងតែចាប់អារម្មណ៍ការជួយយកអាសារអ្នកដទៃ ដោយមិនចង់បានផលតបស្នងត្រលប់មកវិញ។ មនុស្សនេះជឿលើជំនឿខ្លាំងណាស់ ហើយធ្វើអ្វី គឺប្រកាន់សេចក្តីថ្លៃថ្នូរជាប់ខ្លួនជានិច្ច។
នៅកន្លែងធ្វើការ មនុស្សកើតឆ្នាំជូត រមែងឧស្សាហ៍ជាងឆ្នាំដទៃទៀត តែសោកស្តាយប៉ុន្មានខែចុងក្រោយនេះ ពួកគេជួបការខាតបង់ប្រាក់មួយចំនួន ជារួមចំណូលទទួលបានមិនកើតមានដូចការរំពឹងទុកទេ។ យ៉ាងណាព្រះមហាសំណាង ក៏បានមកជួយបុគ្គលកើតឆ្នាំជូត នៅចុងឆ្នាំ ២០២២ តដល់ ២០២៤ ពោលនឹងបង្កើតឱកាសល្អៗច្រើនសម្រាប់ពួកគេ បើក្នុងការងារ មានការកើនឡើងប្រាក់ខែ បើក្នុងការរកស៊ី មានការកើនឡើងចំណូលខុសពីពេលមុន។
អ្នកកើតឆ្នាំមមី – សេះ
ជាមនុស្សដែលឈ្លាសវៃ មាន IQ ខ្ពស់ ហើយចំណោមមនុស្សកើតឆ្នាំសេះ ក៏រមែងមានឆន្ទៈធំធេងណាស់ដែរ ដោយពួកគេតែងរីករាយនឹងជីវិតបច្ចុប្បន្នភាព ជាងការសៅហ្មងខ្លាំងពីអនាគតកាល។
យ៉ាងណាមិនមែនថាមនុស្សនេះមិនខំនោះទេ គឺពួកគេខំណាស់ ហើយថាបើដួលមនុស្សនេះ ក៏ពូកែខាងលើកទឹកចិត្តខ្លួនឯងដូចគ្នា។ ជោគជតារាសីអ្នកកើតឆ្នាំមមី រយៈពេលពីរឆ្នាំទៅមុខ ក៏នឹងទទួលបានស្ថិរភាពផ្នែកហិរញ្ញវត្ថុ មិនធ្លាក់ទេ គឺមានតែឡើង រួចនិយាយពីផលចំណេញ គឺអាចទទួលបានហួសការរំពឹងទុកក៏មាននៅខែខ្លះ។
អ្នកកើតឆ្នាំមមែ – ពពែ
ចុង ២០២២ អ្នកកើតឆ្នាំមមែមួយចំនួនធំ ក៏រៀបនឹងបង់ផ្តាច់យកបានផ្ទះមួយរស់នៅស្រួល តែអ្នកខ្លះទៀតក៏ទើបចាប់ផ្តើម រកកន្លែងជ្រកកោនចេញពីញើមឈាមខ្លួនឯង យ៉ាងណាវាសុទ្ធជាជំហានល្អ។ លុះចូលដល់ឆ្នាំ ២០២៣ បញ្ហាមកពីទីជិតឆ្ងាយ ក៏នឹងអាចជម្នះ គ្រាន់គ្រោះខ្លះទាមទារពេលវេលាលំបាកបន្តិច ទើបឆ្លងផុត តែដល់ ២០២៤ នឹងរីកមកល្អខ្លាំង ហើយសល់ឡាន សល់ដី តកូនតចៅទៀតផងដែរ ចាំតែមើលចុះ៕
ប្រភព៖ បរទេស | ប្រែសម្រួល៖ ក្នុងស្រុក